{ رجيـم و رجـيـم والله كـريـم .. رجيمي لطالب الشمري ;) [[ يوميـاتـي ]] }

[J.e.N.a.A.a.N]

هلا بنات
من شوي تعشيت شابورة وجاي حليب
حبيبتي ضعيفة وعصلة :*
وانتي بعد كلج الخير والبركة

 

[J.e.N.a.A.a.N]

برنامجي حق باجر
الريوق قبل لا اروح الشغل نسكافيه
والضحى جاي حليب
الغدا شوربة خضار (مشروم وجزر وكوسا وطماط ) من تأليفي وتبولة
العشا يمكن شابورة او سلطة مع جبن ابيض
نشوفكم على خير

 

[ضعيفه وعصله]

هههههههههههههه شيووخه عفيه على الشاطرة
ريمااس ياقلبي ان شاءالله نازلة
جنى دووم هالاراده


انا ما تعشيت اليوم ..
وبرد انام اللحين

رجيم رجيم والله كريم

 

[miss_lymoona]

انا خربت رجيمي مالي خلق رجيم كلش

 

[ضعيفه وعصله]

ليمووونه تعالي تعالي
ليش جذي هاااااااا
يوم بخلص شهر 12
تدرين والله من اشوفج تحطين كل يوم جم نزلتي
قلت هذي فتحت عيون الناس عليها موقصدي حسد
لا قصدي بس ان يلاحظونج ويسئلونج وايد لين تملين

تعلي عندي و امشي على نظامي و خربطي يومين بالاسبوع ..

واااااي باقي 4 كيلو وانا باقيلي 5 كيلو
خلينا نستمر بعديييييين وقفي

 

[J.e.N.a.A.a.N]

صباح الخير والنوير
شو اخباركن
ضعيفة انتي غايبة اليوم ؟ عسى ما شر
انا شربت نسكافيه والضحى بشرب كابتشينو ما مداني اسوي جاي حليب قبل لا اطلع وباكل الظهر صمونة الفيصل

 

[أم بدير]

السلام عليكم
انا بدعي عليكم ماتضعفون لين اضعف مثلكم
المشكله اني مادري جم ضعفت ليلحين خايفة من الميزان
بس وناسة كان عندي قميص شاريته من بره وماقدرت البسه لأن انصدمت فيه صغير
امس جربته والا قدي
خايف من الميزان تدرون ليش؟
خايفه اكون ليلحين فوق السبعين
71 او 72 أو اكثر
جذي راح انتحر
امس قاعده اطلع الهدوم الشتوية والا اشوف بدلتي بعرس اخوي من ثلاث سنين بالكبت
كان قياسها 38

 

[J.e.N.a.A.a.N]

ان شاء الله تضعفين ام بدير
ليش ما تقيسين باجر الصبح اول ماتقعدين وتخلصين من الحمام وانتي بكرامة وان شاء الله نازلة

 

[ضعيفه وعصله]

هلا جنى لا موغايبة .. بس قبل لا اروح المدرسة دخلت اشف شلونكم ..

ام بدير .. وييي لا تكفين عندنا مناسبات بـ 2010 لا تدعين علينا

المهم
اليوم رديييت من المدرسة وعندي شغل الدنيييييييييييييااااا و لا بعد معطينا امتحانات تخيلو باربع ايام حق اكثر من 6 مواد مو حرام ؟؟ وين نخلص
عاد اليوم كل التقارير والمشاريع بسويهم .. بسلمون الدرجات الله يعييين ..

فـ رديت و الغدا سمج مالي خلق اشتغل و اسويلي اكل ..
طلبت توني من تكـا .. صحن شيش طاووق و حق اختي شورما .. و في عندهم ساندوج شيش طاووق اشتهيت اذوقها فـ راح اذوق منها واعطي اختي طبعا الساندوج
وطلبت بيبسي بس نسيت اقول دايت ..

بس الحمدلله للحين اكلي دايت ..
من رجيمي الشيش طاووق و البيبسي ..

و انا طبعا ماكو عشا فـ رجيم رجيم والله كريم

و ونااسة اليوم بالمدرسة وحده تقولي ليش كـل هالضعف
قلت صج يعني ضعفانه جان تقول فررررررق يبيلج كيلوين وبس
قلتلها انا بخليهم خمسة ان شاءالله
ورجيم رجيم والله كريم

 

[مــلاك روحـي]

بنات انا كملت اول اسبوع بس نزلت بوينت 7 -_-
كنت 75.5
صرت 74.8
احس شويييييه


قولولي انتو نزلتو باسبوع وايد ولا شوي مثلي ؟

مع انى اكل زين ما اخربط !


بعد بسألكم تسوون رياضه ؟

 

[ضعيفه وعصله]

ملاااك واااااااااااايد زين حبيبتي
لا تتحبطييييين
ادري في بنات ينزلون اكثر بس هذول يردون وزنهم بسررررررعه

انا باسبوعين نزلت 700 قرام بس يعني نفسج و بعدها باسبوعين نزلت كيلوين .. و مرات انزل بس نص كيلو هذا باسبوعين
اما انتي باسبوع وااااااايد وااااااااايد زين
ما شاءالله كملي و واصلي ..

انا توني اكلت من تكا امبيه اكلهم احس كله دهن مو شي :s

 

[أم بدير]

ملاك انا اسوي رجيم قاسي فنزلت وايد طبعا ماشفت وزني بس بين من لبسي واضح لدرجة ان الكل لاحظ من اول سبوعين
بس اختي وبنتي معاي يسوون رجيم وياكلون نفس أكلي
وموقاعدين ينزلون شي الا بالجرامات
يعني اختي من بلشت رجيم لي اليوم نزلت خمسه كيلو تقريبا واحنا مبلشين من اكثر من شهرين
وبنتي ماكملت ثلاث كيلوات نازلة

 

[ضعيفه وعصله]

أم بدير وايد حلو
انا كاني من شهر عشره للحين مو نازلة الا تقريبا 5 بس
حلووو نزوولها ليش متحطمة ؟

 

[أم بدير]

نزول بنتي حلو؟
ضعيفة باكثر من شهرين نزلت 3 كيلو بس
والحين ردت كيلو منهم بعد
يعني بس كيلوين الي ليلحين
مادري شسوي معاها زود
اخاف يستمر وزنها بالزياده وبعدين تكبر وتصير متينه وايد ومانقدر نسوي شي

 

[مــلاك روحـي]

بغيت اسال ضعيفونه ؟

انتى تسوين رياضه ؟ او مشي ؟

 

[ريماس21]

هلااا بنااااااات شلووونكم


انا يااني احبااط بس نااقصه نص كيلووو وطبعا غيرلي الرجيم اشوه من قبل قالي عاد لوو اكل صااج __ وانا غرامي هالصاج زين تحقق امنيتي <<< ياحرام مو مصدقه ههههههههههه سالته مرتين من كثر ماني ميته عليه

بس جد ودي باكثر بس يمكن خيره

واما اختي ضعف كيلوو

وان شااء الله موعدنا بعد اسبوعين وان شااء الله اكون ضعفانه اكثر

 

[ريماس21]

بنات لازم الريااضه ولا راح يكووون جسمكم مترهل فاحسن لو على الاقل تسوين رياضه نص ساعه كل يوم

 

[ضعيفه وعصله]

ام بدير عادي حبيبتي شوفي يمكن فيها غده او شي ..
ملاك روحي انا كنت اسوي .. بس حاليا لا ماكو وقت اخر سنه ثنوية و كله امتحانات وضغط
ريمااس مبروووووووك النص كيلو وعقبال العشره ياااااارب .. ولا تتحبطين و مبروووك الصاج

 

[Blonde B]

هلآ ضعيفوونه

يايه اشجعج قلبوووو

لآ توقفييييييييييييييييين

=)

والله يوفقج يا رب

 

[ضعيفه وعصله]

تسلمييييين يا قلبي
اشتقتلج :* احم احم لج وحشه والله

لا تحرمينه من طلتج
ترا انا هالاسبوع ضغوطات فـ صايرة على طريف
لو احد يقولي هاا يلا نخربط اروح اركض قبله ديروا بالكم علي

نورتي حبيبتي