{ رجيـم و رجـيـم والله كـريـم .. رجيمي لطالب الشمري ;) [[ يوميـاتـي ]] }

[كتوته توب]

تبين نصيحتي اتركي البيبسي وبتنحفين وبتشوفي

 

[ضعيفه وعصله]

كتوته .. هلا يا قلبي
انا اذا صار وزني 55 اصير عضااام كلش
اختي اقصر مني ونفس طريقة جسمي صار وزنها نفس طولها و صارت حيل حيل عصله
فـ انا بخلي ان شاءالله وزني نفس طولي


و البيبسي هديته فتره و نفس النزول ما تغير
فـ رديت له صارلي 4 ايام .. لان يشبعني وانا ما اتعشى

حياج ياقلبي
وان شاءالله يصير وزني 62 و تحت ابي حدي لين 59 :*

ادعيلـي

 

[ضعيفه وعصله]

بنات يا حلوات يا فدعات ..
توني شربت نسكفيه مع قطعة كاكاو صغيره

و رجيم رجيم والله كريم

 

[J.e.N.a.A.a.N]

هلا بنات
الله يعافيج ضعيفة :*
انا اليوم تغديت تبولة بدون برغل وحطيت فيها خضار كوسا وطماط وباذنجان وبرتقالة
والمغرب شربت جاي حليب
وما قررت شنو اتعشى
انتو شخباركم

 

[J.e.N.a.A.a.N]

بنات ودي اكل جبن مع العشا بس هالمرة مو مسموح لي اني اكله شرايكم

 

[ضعيفه وعصله]

هلا جنى احنا بخير
بس مس ليمونه ما ادري وينها غاااطه

انا اليوم ما راح اتعشى .. وقاعد اشرب اعشاااب

و عوااافي جنووي الغدا و العشا مقدما

 

[J.e.N.a.A.a.N]

قررت اتعشى صحن خضار الي تنحط بالميكرويف فيها بروكلي وجزر وفاصوليا مع برتقالتين وباجر علىالغدا بعد باكل خضار مع برقر وبرتقالة وحتى على العشا ان شاء الله

 

[بطاطا]

بالعافية يا بنات

شدوووا الحيل

و الله اللي يتمشى بهاليوميات يحس بالنشاط و يحس ان الدنيا كلها صحة


يااااا رب نضعف و نوووصل للي نبيييييييييييييييييه ياااااااااااااااااااااا رب



و حلوووووو التوقيع اليديد يا ضعيفووونة

 

[ضعيفه وعصله]

جنى .. عـوااافي يـارب حلو عشـاج ما شاءالله

بطوووطه انا اقووول الموضوع منور

والله صاجه على هالاكل لما تقعدين من النوم تحسين انج نظييييييييفة من الداخل جسمج تحسين مافيه سموم

ما ادري شلون تحسين في شي غير

الله يتمم علينا يارب

والتوقيع توني مسويته مستانسه عليه
مشكوره ياقلبي عيونج الحلوه .. وحلت دنيااااج وحلا وزنج يارب

 

[teenaa]

صبااااااااح الفل يا فل

شلونكم
انا امس خرته شوي
كليت حبتين قبوط
وحبه خبز عروق
وتوست وجبن وطماط عشا بدال البرتقاله


كثرت امس بس انشالله اليوم ارد التزم

 

[ضعيفه وعصله]

تييينااا انا بسوي روحي ما قريت اللي خربطتيه الا اذا بتحسبينها وجبة فري اسامحج


انا اليوم يتلي الحلوه .. واخيراااا قبل لا اروح حق الدكتور اففف صارلها اسبوع تعوورني وبطني ينتفخ ولا شفتها
توها تيينيي كنت بروح طبيب الاسنان بس يتني وما افدر ..


ما كليت ولا شربت شي للحين مالي خلق
وغداي بكون همبرقر و خس وسلطة
بدون بيبسي دايت عشان الحلوه لا تلعب فيني

.
~

 

[ضعيفه وعصله]

حاشتني كآآآبه من الدوره قطيعه

بقوم اسويلي جاي وزعتر

 

[ضعيفه وعصله]

اللحين بروح الطبيب " ان شاءالله اخلص اليوم وارتاح "

و لما ارد اقول شنو كليت

 

[teenaa]

انا كليت توست ومرتديلا

ودايت ونغثيت

وبس :>


سوري ضعيفه بدعت ادري

 

[ضعيفه وعصله]

تينـا حبيبتـي .. بس احسن مني اذا بدعت .. اطلب مو مثلج :* اكل بيت

خلاص ساامحتج

بس مو تعيدينها
واذا عدتيها اعزمينـا شدعوه

.
.

انـا توني راده من طبيب الأسنان والحمدلله اسناني مافيها شي
وعطوني تحويل عشان احط تقويم واخييييييييييرا

وان شاءالله مو الاثنين هذا اللي وراه موعدي

 

[ضعيفه وعصله]

بـاآك ..
تونـي شربـت نسكفيـه
واي صـح نسيت اقـول اني امس رقصت مدة سـاعه

.
.

وحـاليـا ما اقدر ارقص او اسوي ريـاضة فـ بتحـرك و أعـدل الداآر شـوي

 

[ضعيفه وعصله]

عدلت الدار ..



واللحين شربت جاي و زنجبيل و جاي اخضر والحمدلله وماكو عشا

 

[ام فجور 2008]

السلام
شلونكم
بنات باجر موعدي عند الدكتور

 

[ام فجور 2008]

اليوم ما تريقت بس تغديت كباب مشوي وسلطة
والحين نسكافيه
والعشا مادري

 

[ضعيفه وعصله]

ام فجور لا تتعشين .. و حتى باجر روحي وانتي مو ماكله عشان تشوفين وزنج الصجي