رجيم التمر واللبن سبوع من تاريخه .... ابي تشجيعكم بس

[بنت مملكة البحرين]

بالتوفيق حبيتيي

والله يعين

يسلمــــو

 

[Ashoka]

انا صارلي اسبوع على هالرجيم بس اخر يومين خربطت لوول كوز عطله

وان شاء الله معاكم هالاسبووع وشجعووووووووني بليز :×

 

[ماكوشغل]

وااااااااااااااووو خووش رجيم

ممكن اشااااارك معاكم وابتدي من باجر باذن الله؟؟

وممكن مع اللبن والتمر اقدر اشرب نسكافيه << مدمنه
واشلون على الشاي الاخضر ؟؟ اقدر اشربه << هم مدمنه جاي

<< شكلي بتقضبوني الباب من اولها اسئله هههههههههه

 

[مووته]

هلا فييج ماكو شغل
ردييت لقافه بدل صاحبه الموضوع
كل اللي قلتييه يصيير
نسكافييه بكوفي مييت داييت وشكر داييت
وشاي عادي واخضر الكمييه اللي تحبيين
وصحن سلطه واحد متوسط باليوم
وبالتوفييق

 

[روعة خيال]

انا سويته و خربطت بعد و باليوم انزل كيلووو

 

[Amoon like moon]

عـفيـه عليكم ..
يلا شدوا حيلكم أسبـووع و يطير و يطير معاهـ جم كيلو ..

اليوم أكلت على الفطور 5 تمرات و قهورة عربية ..
و قضيتها ماي لـ الساعه 12 الظهر ..
و بعدين 7 تمرات و كاس لبن اكتيفيا ..
شوي العصر بصراحه يعت أكلت لي تفااااحة خضراء مادري ماحسيت بتأنيب ضمير احس عادي ..
و الليل نسكافية و 4 تمرات << بصراحه ما التزم بالعدد االمطلوب للتمر لأنه حده حالي و حامي و احسه يغث ..
حتى ارادتـي احسها قوية يعني اليوم شفتهم يتعشون و العشا كان احبه بس عادي ما أُر فيني الحمدلله ..
يمكن من غثتة التمر ..!!

و ان شاء الله كل يوم يمر جذي و احسن لين ما أوصل لـ رقم ـخمسين

اسمعوا بقولكم سالفه

هذا الله يسلمكم اليوم شفت يد رفيجتي .. هذا الريال آنا اعرفه من قبل زي ماشاء الله عليه متيييييين و كرشه طايح لـقدام ..
اليوم يوم شفته ياربي حييييييييل ضعيف و بطنه لاصق بظهره ... يالله جنه مريض و فيه شي ..
عاد انا سألت رفيجتي قلت لها شفيه يدج جذي ..؟ مريض ؟
قالت هذا من 6 شهور يدتي ماتت << يعني مرت هذا الريال
و من يومها و هو كله حزين و متضايق و قاعد في بيته قالوا له اولاده تعال بيتنا مارضى قال لا انا بعيش في بيتي
يجيبون له اكل مايرضى و يعصب عليهم اذا جابو اكل ..
قلت لها عيل شلون ياكل قالت ماعنده مسكين غير التمر و اللبن و الخبز ولا يـبـي ياكل شي غيرهم و من 6 شهور و شوفي شلون ضعف حيييييييل ..

<< عاد انا من قالت تمر و للبن يالله فرحت لأني صج شفت نتيجة بعيني و ضعفان قووي بس طبعا ضعفه مو حليوو ..

يالله الله يصبرهـ ان شاء الله و يرحمها ..

المهم هالنتيجة اللي شفتها عطتني حماس و داااااااااافع قووي و كل ما افكر اخرربط اذكرهـ ..

بالتوفييييييق يا بناااااااااااااااااات ولا تتكاسلون او تضعفون جدام اي شي تراا مافيه شي صعب و الوزن اللي تبونه تأكدوا من داخلكم و كونوا واثقين انكم بتوصلون له و بتصيرون ملكات جمال و رشيقات و تلبسون كل اللي نفسكم فيه ..

 

[حنوشه الحلوه]

يلا عاد شدي حيلج بنت البحرين

من شفت كاتبه اسمي تشققت من الفرحه واو صرت مشهوره لووووول

ترا الرجيم سهل
واذا حسيتي بيوع سلي نفسج بشئ غير التفكير بالاكل ههههههههه
يعني مثلا انا كنت اذا يعت حيل يوم سويت هل رجيم
1 احط حناء حق شعري
2 اسوي تنضيف بشره منزلي
3 اسوي خلطت زيوت و احطها على شعري >< شعرها حقل تجارب لوووول
4 تقشير الجسم بالسكر و زيت الزيتون عجيب يخلي جسمج نااااااااعم < منتدي العنايه بالبشره
5الشي اللي يسد شهيتي عن الاكل
الطبخ قومي هزي طولج و سوي اي شئ بالمطبخ
كيكه او اي شئ حلو بسكوت فطاير المهم تطبخين
واذا تبين انا اعطيج المكونات < طباخه
المهم تسلين نفسج
واكيد لا تنسين المشي كل يوم ساعه
وبذن الله بدش كل يوم اشجعج

وان شاء الله تضعفين

 

[spanish-girl]

3 كيلو هانت شويه مو متينه انتي

 

[kuwaitya-frawla]

جم ينزل هل رجيم و جم مدته اللي بتستمرون عليها؟

 

[أم رسيل]

بنت مملكة البحرين

انا برز ويهي معاكم

من اليوم الاحد الي يوم الاربعا بسويه هرجيم

وزني 78 ابي 75

قنوعه حدي

ويلا شدي الهمه احنا معاج

 

[alhwas]

موفقين انشالله
انا بديت فيه من لي يومين وانشالله يفيد
هو مدته 10 ايام وينزل 7 كيلو
وانشالله يفيدنا

دمتم بحفظ الرحمن

 

[فرح888]

كم ينزل وزن رجيم التمر وممكن انزيد التمر لانه بطنب كبيره اجوع بسرعه هع هع هع هع

 

[فرح888]

اقصد بطني كبير ( الكرش)

 

[oum 5ald]

لووووووووووول

صباح الخير

فرووح جربيه ماتيوعين واذا يعتي شربي قهوه عربيه تسد النفس عدل ومااي كثري منه
جاي الاخضر وخري عنه لووووووووووول

سوالي دوخه يوم شربته وانا يوعانه

حنتووشه واااي انتي قدوتي بس ديري بالج لاتحملين ولاتمتنين لوووووووووووووول امي امس تسألني ماتخافين تحملين قلتلها اخاف واخاف واخاف بعد ابي اضعف ماعمري جربت شعور ان بطني لازق بظهري لووووووووول

ادعولي اجربه ولكم مثله لووووووول

 

[أم رسيل]

شربت مااي

و ماي دافي مع ليمون

الغدا تمر و حليب خالي الدسم

ان شالله

 

[ماكوشغل]

هلا فييج ماكو شغل
ردييت لقافه بدل صاحبه الموضوع
كل اللي قلتييه يصيير
نسكافييه بكوفي مييت داييت وشكر داييت
وشاي عادي واخضر الكمييه اللي تحبيين
وصحن سلطه واحد متوسط باليوم
وبالتوفييق

فدييييت رووحج موووته طمنتيني الله ايطمن قلبج

انا بديت اليوم معاكم << للتاريخ يعني هههههههههههههه
وان شاءلله تنزل اوزانا 7 كيلووو مثل ماقالوا البنات .......... يبه ماابي اصير طماعه لو انزل 5 كيلووو بسوي حفله
مشكلتي ان وزني ثاااااااااااااااااابت من شهر وانا صج صج حاارمه رووحي ومااااكل
حتى ريلي عازمني اليوم على مطعم وتحججت اني مشغوله بتدريس اليهال << عداال ياتدريس الابتدائي

ان شاءالله نضعففففففففففففففففففف

 

[الملكة2008]

انا الحمداللة امس كان تمام ماتريق غدي 7تمرات وروب عشاي 7 تمرات وروب
اليوم ريوقي وغداي 7تمرات وحليب واناشاالللو استمر واسوي الرياضة يارب
قوووولوا امين

 

[مووته]

بنات شدو حيلكم
بس ما وصييكم لا زم مشيي
اليوم اللي ما امشي ما انزل
عن تجربه
يعني اليوم اللي ماتمشيين رجييم على الفاضي ولا نص كيلو ينزل وزنج:cxxxp:

 

[Dark_Rain]

أنا بعد معاكم.. اليوم بديت فيه بس غيرت في شوي.. الصبح شربت حليب قليل الدسم.. توه شربت بعد حليب قليل الدسم وكليت قطعة صغيره رقيه + 11 تمره
و قاعده اشرب ماي كثر ما اقدر.. و انشاءالله استمر في و العشا بخلي بس حليب قليل الدسم

 

[حلم بحرينيه]

موفقه يالغاليه ,,

ولو اني أجوف جسمج ماشالله روعه ومايحتاي بس بني أدم .......

يالله بالتوفيق