رجيم النقاط .... لعيون رشيقات المستقبل

[نسألكم الدعاء]

يعطيج العافيه اختي

ادعيلي التزم فيه وانزل الزايد من وزني تعبت والله

عندي جم استفسار اذا ممكن

1- جوب الشاي بالحليب بدون سكر جم نقطه؟
2- المعكرونه يقصدون اذا مسلوقه بس والا عادي اذا حمره؟؟ يعني بالخضروات و اللحم المفروم؟ وجم نقطه تصير
3- 250 جرام يعني جم كوب تقريبا
4- البيتزا جم نقطه
5- الاناناس 250 جرام 19 نقطه .... اذا كان عصير الأناناس 100 مل جم نقطه يكون؟
يعطيج العافيه مره ثانيه و السموحه على كثرة الاسأله

ربي ييسر امورج

 

[عنيّد]

1- جوب الشاي بالحليب بدون سكر جم نقطه؟

الشاي صفر ، بس الحليب مكتوب ان النص لتر فيه 12 نقطه عاد انتي شوفي اشكثر تحطين حليب وحسبي على أساسه

2- المعكرونه يقصدون اذا مسلوقه بس والا عادي اذا حمره؟؟ يعني بالخضروات و اللحم المفروم؟ وجم نقطه تصير

أنا صراحه ابتعدت عن الخبز والعيش والمعكرونه بهالفتره لأنه صايره مانعطى ويه :eh_s(6):
بس شوفي اهو مكتوب سباجيتي مادري شالمقصود بالضبط لأني ماحب المعكرونه أصلاً فماجربت ، ولكن اذا بتحطين فيها صلصه فالصلصه طماط ؟ وهم كاتبين ان عصير الطماط صفر ، واللحم صفر ، والخضروات مادري اشلون بتحسبينها بالضبط صعب لأنه مادري شنو بتحطين ولكن لو تلاحظين كمية الخضروات ونقاطها اهي قليله لأنه اغلبهم حاطين الكميه ربع كيلو فانتي اكيد كميتج بتكون قليله ماتوصل للربع كيلو !
عموماً عاد انتي لا تحبكينها :dddds: أنا بهالحالات شسوي ، إذا اشتهيت شي جذي مثل العيش ومرق ، شوي حسابه صعب مايي بالضبطططط ، فأخليه بوجبة وحده مثلاً أتغدا فيه ، وباقي اليوم آكل أشياء نقاطها صفر أو جم نقطه بحيث ماعدي الأربعين نقطه ، يعني يوم واحد اذا ماضبطت الحسبه معاج بالضبط مومشكله !!
بس ديري بالج عاد المعكرونه والله فيها نقاط وايد :eh_s(1):

3- 250 جرام يعني جم كوب تقريبا

ماجربت والله ، لأنه عندي ميزان وأقيس فيه :ada:

4- البيتزا جم نقطه

البيتزا كلها عييييييين ، وتفرق مثلاً بيتزا دومينوز أخف من بيتزا هت ، فهل كيف بتحسبينها !
أنا أقول بعدي عن الشر وغنيلو :dddds:

5- الاناناس 250 جرام 19 نقطه .... اذا كان عصير الأناناس 100 مل جم نقطه يكون؟

مادري لأنه مومكتوب !!
بس لاحظي شغله ، عندج البرتقاله الوحده فيها 17 نقطه ولكن عصير البرتقال الكاس الواحد فيه 26 نقطه ، لأنه دايماً العصير اتصير فيه أكثر من حبة فاكهه ، وحتى هالملاحظه قالها لي د.محمد ربيع
جربي باسبوع وشوفي حظج :klhfl:




لاحظت أسئلتج كلها بالعميق :dddds: يعني انتي بتبلشين رجيم ، بلشي ع الخفيف والمسموح ، بعدين تعمقي :ggdw: جربي هالرجيم اسبوع واحد بس ، وشوفي النتيجه اشلون وعلى اساسها استمري

 

[89_f9la]

يعطيج العافية حبيبتي..

 

[oum 5ald]

الله يعطيج العافيه حبووبه

صج صج مشكوره ومايحتاج الواحد ياخذ يوم فري تصدقين ...

مره ثانيه صج مشكوره ^_^

 

[نسألكم الدعاء]

لوووول اي والله عاد تصدقين توني لاحظت انها بالعميق

مشكووره حبيبتي على سرعة ردج

و انا اليوم بلشت و ربي ييسر

 

[عنيّد]

لجين ،، يعافيج ربي

ام خالد ،، عساه يضبط معاج ، أو بمعنى أصح عساج تضبطين معاه خخخخخخخ

نسألكم الدعاء ،، حاضرررررين للطيبين ولوووووو ! موفقه وانشاءالله تنزلين الي تبينه بصحه وعافيه ، وأي سؤال أنا حاضره

 

[al7anona]

يعطيج العافيه حلوووو والله يبيله نجربه حلو التنويع بالرجيم كل مره نجرب شي

شكرااا

 

[hot caramel]

تسلمين حياتي عالطرح الغاوي >>على قوله ربايعينا الاماراتيين

والله انا ودي اسويه بس احسه فاشل معاي

انا مااستغني عن الحلو ... هذي مشكلتي

وحلها الوحيد هو حقران الشهيه و قوه العزم على الامتناع من اكل الحلو

و لااقعد على حيلي ان كليت اقطيعه هالتنف من حلو لازم رياضه مكثفه

اتمنى انه الي تقدر تساعدني منكم يا خواتي بسستم رجيم يضعف مدمنين الحلو مثلي وشرواي ماتبخل علي بالمساعده

وبكون شاكره لها جزيل الشكر.. والشكرالاجزل لج انتي اختي على هالرجيم

والله يتمم عليج وتوصلين للوزن التوب والقوام الممشوق ان شاالله​

 

[عنيّد]

الحنونه ،، طبعاً التنويع بالرجيم نفس التنويع بالمطاعم :ggdw: يعافيج ربي ^_^


hot caramel ،، والله انا بعد ماستغنى عن الككاو لأنه يصحصحني ويعطيني طاقه :eh_s(6): عشان جذي أحب هالرجيم ، أنا باليوم آكل 3 آرووو الكبير الي مكتوب عليه 46 جرام ، وتبقى عندي 9 نقط ألعب فيها بكيفي _03BA:

 

[mi corazon]

وااااااااااااااو

لا يدري عني عبدالله المطوع لوووووول رجيمي خواره بس اشوه نازله

 

[أميرة حتووم]

انا شفت هذا الموضوع بمنتدى مدري ليه احسه اسهل ومفهوم

دليني اختي هل هوه صحيح

السلام عليكم ورحمة الله وبركاتهـ


اخواتي الغاليات


كان نفسي انزل لكم هالرحيم من اول يوم استخدمه


لكن قدر الله وماشاء فعل

كنت دايم مشغوله بالجامعه


وتلبيه لرغباات كثير من البنوتات طلبوووه مني قرررت انزله


طبعا هو اللي خلاني الرابحه الكبرى بالمساابقه " لأول مره بحياتي اربح مسابقه هههههههههه "



كنت ناويه انزل تجربتي الكامله من " 102 الى 67 "

وتجربة اختي من " 93 الى 66 "


بس مو هالأيام بعطلة العيد ان شاء الله

لأن علي اختبارات كثيره هالأيام .. والموضوع تجااارب سنه كامله " رياضه - اعشاب - رجيمااااات "


وكل رجيم بحط مقدااار الوزن اللي نزلته بأسبوووع



لكن الحين بحط بين يدينكم " كنـــــــــــــز "


أتمنى انه يحذف كل الرجيمات بمفضلتكم ... وتستمروووون عليه " طوووووول العمر "


وماتدخلون منتديات السمنه يااااااااااااااااااااااااااارب




" كنزي "

نزلت عليه بالمساابقه .. اول اسبوع من 75 الى 71 ... 4 كيلو مع المشي


ثاني اسبوع مع بعض التخبيصاات وبدون ريااضه " لأني كنت تعباانه " نزلت 2 كيلووو


ثالث اسبوووع وقفته ابي اشووف كاني بزيييد مثل اول ولا لا

ولازدت ولا ربع كيلووووووووو


رابع اسبوووع نقصت كيلويييييييين بدون رياااضه


بعدها زدت " شيء "معين الحين بقوله لكم


وصاار وزتي ثاااااااااابت .. مرااات ينزل 500 جرام بس ارجع ازيده " لاني عريضه والضعف علي مو حلووووو ابد "

انا عاجبتني النحافه بس خطيبي الله يهديه بلشه مايبي عصااقل هههههههههه



المهم


الرجيم مثل ما بنات مجموعتي عارفين خذته من " عمــــــي " بعد قلبي عمي حبيته كثير سبحان الله << ليه الأول تكرهيته ؟؟ هههههههههه


النظام مو هو اللي مخترعه

بس حااط لي جدووول غذائي على اساس هالنظام

وهو اخصائي تغذيه قديييييييييييم له 10 سنوات متقاعد



بنته نحفت على هالنظاام 34 كيلوو في 3 شهور تقريبا



الله يساامحها ماعلمتني عنه الا بعد سنه من المعاناه ... تقول ابيييك تعرفين قيمته خخخخخخ

وانا طول الوقت احسب انها ضعفت كذا من غير شيء


واختي عصبت بعد لأن وزنها كااان حلووو لما علمتني بنت عمي عنه

وانا رحت طواالي لعمي وحبيت رااسه خخخ وخذيت منه جدول غذائي مثل ماقلت لكم




مالكم بالطويله << اكثر من هالمقدمه ؟؟؟


هالرجيييييييييم ابي اهديه لمجموعه وقفت معي بأيام الرجيم الله لايردهااا


حبيبة قلبي : شهوووووده

والغاليات : بونيتا - فيفي - سوير - ام عبدالرحمن

وفانتسي اللي تأخرت عليها يااقلبي .... اعذريني مع هالجامعه الزفت



وكثير ما اتذكر الاسماء الحين اعذروني << سهرانه




المهم الرجييييييييييييييم معرووووووووووووووووف قددييييييم اتوقع


اسمه " رجيـــــــــم النقااااط "



تختارون عدد النقاط اما " 18 او 20 او 22 "


انا اتبعت 20 .. وبنت عمي 18 "


المهم هذا جدول النقاط فيه اهم الأكلااات .. انا خذته من النت وقارنته مع الجدول اللي عطاني اياه عمي مع بعض التعديلات طلع نفسه

وطبعا كل وحده تسوي لها جدول غذاائي على مزاجها المهم مااتتعدى النقااط اللي فوووق


============================== ========

كأس عصير الفواكه طبيعي......... 1نقطة
5/1 رغيف أو 2 توست ............. 2نقطة
كأس حليب منزوع الدسم جزئيا......1 نقطة
كأس حليب + ملعقتين قهوة من الكاكاو......1.5 نقطة
1 زبادي طبيعي 0% دسم .............2 نقطة
1 بيضة مسلوقة.............2 نقطة
1 موز.......... 1 نقطة
6 ملاعق أكل من الكورن فلكس......2 نقطة
1 كرواسون.......4 نقاط


صحن خس+خيار+فطر+طماطم+فلفل أحمر+ علبة 100غ تونة بدون زيت....يعني 4 نقاط
صدر دجاج مشوي بدون جلد 100غ ......... 2 نقطة
4/1 دجاجة مشوية بدون الجلد....5 نقاط
4 ملاعق كبيرة من المعكرونة، الأرز، القمح أو اللوبياء البيضاء......2 نقطة
ملعقة قهوة من الجبن المبشور......1 نقطة
عجة بيض ببيضتان+ 1 ملعقة قهوة زيت........5 نقاط
بطاطا حسب الرغبة بدون إضافات.......2 نقطة
شريحة خبز أسمر+خس+طماطم+ علبة تونه طبيعي 80غ 3.5........ نقطة
100غ من التونة بالزيت........4 نقاط
شريحة بفتيك .........2.5 نقطة
120غ من السمك أو جمبري ......2 نقطة
شريحة لحم ديك رومي.......2 نقطة
10غ من الشكولاطة.......1 نقطة
15 حبة كرز أو نصف مانجو.....1 نقطة
15 حبة عنب أو برقوق 100غ..........1 نقطة
3 حبات تمر.................1 نقطة
برتقالة او إجاصة.........0 نقطة
ملعقة قهوة من الزبدة............1 نقطة
ملعقة قهوة من القشطة.......1 نقطة
ملعقة قهوة من العسل......0.5 نقطة



المشروبات: عصير الخضار والطماطم عدد نقاطه صفر
عصير الفاكهة : التفاح والبرتقال نقطة واحدة
عصير الليمون والكوكتيل 1,5 نقطة .


النشويات: بطاطس مسلوق أو مشوي متوسطة الحجم نقطتان
عدد 5 ملاعق رز أو عدس أو ذرة أو مكرونة نقطتان
عدد 7 ملاعق كبيرة بطاطس مقلية 4 نقاط
قطعتين شابورة أو 4 قطع بسكويت نقطة واحدة.



الأجبان: جبنة قليلة الدسم او فيتا نقطة واحدة
جبنة بيضاء 20 % دسم نقطتان.


الفاكهة : الشمام والبطيخ الأحمر اللي هو الحبحب و البطيخ الأصفر اللي هو الخربز


الحلويات:
قطعة كيك صغيرة 6 نقاط


الحليب : كوب حليب خالي الدسم أو كوب لبن خالي الدسم أي منزوع فنقطة واحدة
كوب حليب قليل الدسم أو لبن كامل الدسم نقطتان .


الخضار: الكوسا والخس والجزر والخيار وجميع أنواع الخضار صفر .


اللحوم: مقدار 100 غرام سمك نقطتان
مقدار 100 غرام لحم أو دجاج 5 نقاط .


الطعام الجاهز: قطعة بيتزا 6 نقاط
لحم بالعجين 4 نقاط
كروسان باللحم المفروم 8 نقاط
ساندوتش شاورما 9 نقاط
فطيرة لبنه بالزعتر 3 نقاط
عدد 4 قطع ورق عنب 5 نقاط
عدد 2 حبة فلافل ( طعمية ) كبيرة 5 نقاط
بروست الدجاج ربع دجاجة 8 نقاط
صحن تبولة متوسط الحجم قليل الزيت 3 نقاط .

============================== ====



وقبل ماتبدين ... نقيدي بـ 3 شرووووط :

- شرب موويه دافيه مايله للحراره على الريق """ واذا تبين تنزلين اكثر اشربي بعد كل وجبه مويه دافيه وربي رووووووووعه """

- المشي 45 دقيقه باليوم ضرووووووووووري ... ماعدا ايام الخميس والجمعه راااحه """ اشتري كتااب جوروج كروز 8 دقائق لبطن رشيييق رووووووووووعه ينحت بطنك .. طلعت اعظام بطني بعد 5 اسابيع .. وانا اللي كرشتي نااطه شبر خخخخ """

- توزنين كل ســــبت فققققققققققققققققققققققققققققق قققققققققققققققققققققط << 100 خط على فقط



ونصيحتي تبتعدوون عن الشوكليت والدهووون والنشوياات البيضااا بهالفتره ... اذا وصلتي للمثالي اكليهاا وزيدي عدد النقاااااااااااط مثلي علشاان تحافظين على الوزن مو تنقصين !


واذا تبين هالأشياا اكلي براحتك !.. انتي نازله نازله ... لكن بدووونها اسررررررررررررع << عن تجربه


عندي نصااايح واشياء كثيره بس الحين السواق بيجي برووح محاااضرتي ...

بأذن الله بالموضوع اللي بنزله بالعيد راح اكتب لكم كل شيء



بالتوفيييييييق لكم


وتأكدوا وعلى ضمااانتي ... " أنكــــــــــــم بتنزلوووون ... يعني بتنـــــــــــــــزلوووووووون "


ما أبي منكم الا دعوووه ان الله يسعدني وينولني كل اللي في بالي



جوووجوووو ​

 

[عنيّد]

أميرة حتووم ،، لا حبوبه مو نفس الرجيم ، هذا مختلف واعتقد اني بالبدايه كتبت بان هالرجيم موموجود بالنت والموجود مختلف
يعني مثلاً رجيمي مولازم رياضه ، من غير رياضه نزلنا كيلوين بالاسبوع
ومانبتعد عن الككاو بالعكس أنا يومياً آكل 2-3 ككاو كاااامل :ggdw:

 

[عنيّد]

من باب العلم والمتابعة


قلت لكم اني لما كنت أسوي الرجيم أنزل 2كجم بالاسبوع

وهالمره سويته اسبوع كامل من غير تخربط + رياضه 5 أيام بالاسبوع ونزلت 2.400 كجم ^_^


الحمدلله :ggdw: عساكم تتشجعون وتجربونه _03BA:

 

[كتكوته551]

عنيد ياقلبي مشكورة على هالرجيم الروووعه ولو اني مافهمته عدل
بس احسن شي انه مافيه حرمان

وعشان يكون اسهل علي ياريت تحطين لي برنامج يومين او ثلاث عشان اتعود واكمل بروحي
مثلا بوب كورن التشيكن مع السوس ...شنو الاكل اللي تاكلينه معاه في نفس اليوم؟

 

[عنيّد]

عنيد ياقلبي مشكورة على هالرجيم الروووعه ولو اني مافهمته عدل
بس احسن شي انه مافيه حرمان

وعشان يكون اسهل علي ياريت تحطين لي برنامج يومين او ثلاث عشان اتعود واكمل بروحي
مثلا بوب كورن التشيكن مع السوس ...شنو الاكل اللي تاكلينه معاه في نفس اليوم؟

شوفي حبوبه ، اهو كل شي يعتمد عليج انتي شنو تحبين
يعني أنا غراااااامي الككااااااااااااااااااو ، اكتشفت مؤخراً اني ماقدر أستغني عنه :dddds:

فاشلون أقسم أيامي ؟؟؟؟ على شكلين

باليوم الي باكل فيه مشاوي (دياي/لحم/سمج) ، هاليوم أحط لي فيه 3 ككاو آرو الحجم الكبير المكتوب عليه 46 جرام ، بمعنى أوضح وبشكل عام فأنا أخصص 30 نقطه للككاو
تبقى عندي 10 نقط أخليهم احتياطات أمنيه :eh_s(6): يعني مثلاً اذا يعت بليل أخذتي ثلاث اربع حبات يوز يسسسسسسدون اليوع أو قطعة جبن ، ولأني دايماً الصبح أتريق بيوزتين + جبنه أو لبنه ، فهذيل ماحسبهم لأ ، مخليتهم بهالعشر نقاط لأنه أدري ماراح يعدونها


أما اليوم الي باكل فيه اسكلوب أو جكن بوب كورن ، فهذا أخصص فيه 20 نقطه للككاو ، لأنه الشي الي فيه بقسمات له 11 نقطه ، بجذي هم تزيد عندي 9 نقط أخليهم لوقت العازه ، والعشا أخليه مشاوي همبرجر او دياي عادي ...


أنا خلصت ولله الحمد 3 أسابيع بهالطريقه ، ومرتاااااااحه حيل لأني ماحرمت نفسي من شي أو بمعنى أصح ماحرمت نفسي من أهم شي وهو الككاو :eh_s(6): وحتى الآيسكريم اذا اشتهيته آكله بيوم عادي ، والعيش بعد أحطلي 5-6 قفاش واكله مع مشاوي وبهالحالتين تقل كمية الككاو عندي تصير 1 او 1.5 باليوم




في ناس موحيل مع الككاو ، مثل خالي (الحين انضم لنا وقاعد يسويه معانا ) اهو من ربع الفاكهه ، فشنو يسوي ، مخصص يومياً 35 نقطه (برتقالة + تفاحه) وباقي أكله كله مشاوي وأجبان ، وبعد مرتااااح

 

[kh_alhajre]

مشكووووووووووووره وبالتوفقق​

 

[كتكوته551]

مشكوووووووووووووره ياعنيد حبيبتي
بس عندي سؤال اخير اذا ابي اشرب نسكافيه 3 في 1 شكثر ياخذ نقاط تتوقعين ؟

 

[عنيّد]

مشكوووووووووووووره ياعنيد حبيبتي
بس عندي سؤال اخير اذا ابي اشرب نسكافيه 3 في 1 شكثر ياخذ نقاط تتوقعين ؟

اهو مكتوب ان القهوه والجاي بصفر << بشرط من غير سكر ، أو سكر رجيم

ولكن الحليب + السكر فيهم نقاط ، بس شوفي الكميه أصلاً قليلة جداً فيعني لا تحبكونها وانا اقولج انتي جربي بأول اسبوع وشربيه وشوفي بيأثر ولا لأ ، لأنه ماتوقع أبد انه يأثر شربيلج واحد باليوم وخليه بصفر


kh_alhajre ،، العفووو حياج الله

 

[(لمعة الالماس)]

الله يــ ع ــــــطيج العافية ...

أحس هذا لــ تثبيت الوزن حلووو ... بحيث أننا ما نزيد ...
ماااااااااااااااا قصرتي يالغاليــــــــــة

 

[Eng.shosha]

خووووووووش ريجيم وشكله يشبع ..

بس بسألج مو حاطين حق اليريش جم نقطه ؟ لووول
وإذا كنت ما أدري جم كيلو جرام اللي بآكله .. شسوي ؟ لازم أقيس؟ويعطييييج ألف ألف عااافيه