رجيم(تمر+ لبن+ رياضة) لقوام رشيق مع نونه:)

[نونة المزيونة83]

السلام عليكم

شلونكم بنات

اليوم ببدي رجيم تمر واللبن مع رياضه

منو بتبدي معاي؟؟؟

الرجيم

7تمرات + لبن اكتيفيا ع الفطور

7تمرات + لبن اكتيفيا ع سحور

الاكثار من شرب الماء

شاي الاعشاب(شاي اخضر+ليمون+كمون+ زنجبيل +نعناع؟) توضع الاعشاب في مطارة الشاي ويصب عليها ماء مغلي وتترك مدة10 دقائق ثم تبدئين الشرب

الرياضه عباره عن المشي مدة لاتقل عن30دقيقة او القفز على الحبل مدة15دقيقة

ويارب كلنا نضعف بصحة وعافيه​

 

[نونة المزيونة83]

ع فكره

انا جربته قبل اسبوعين

جربته مدة اسبوع بدون رياضه وبدون شاي الاعشاب وكنت اخربط شوي ونزلت 3كيلو ولله الحمد

يارب نضعف بصحة وعافية​

 

[كيكه توفي]

بالتوفيق

 

[گـحِـلْ |~]

أنا معاااااج

من باجر رآح أبدآ وإن شاء الله للعيد بيكون هذا نظامي

 

[حلمي امريكا]

موفقه ...

 

[نونة المزيونة83]

الله يسلمج كيكه توفي

اجمعين يارب

 

[نونة المزيونة83]

حياج الله معاي اختي كحل

ان شاءالله مني للعيد اجسامنا واااااااااو

بس موتخربطين

 

[نونة المزيونة83]

الله يسلمج حلمي امريكا

 

[نونة المزيونة83]

الحمدلله امس طبقت الرجيم صح والرياضة كانت مدة ساعه

وعسى الله لايضيع لي تعب واحصل ع الجسم الي احلم فيه

 

[Miss Al-Attar]

مبلشة فيه ثاني يوم رمضان ونازلة 5 كيلو
بس بدون الشاي والمشي ساعة كاملة مقسمة لفترتين كل فترة نص ساعة
ومستمرة ان شاء الله

 

[اسومتك]

انا اجربته امس بغيت امووت من الجوع وعلى السحور خربتها ....
ياربي ابي انحف وزني 72 وطولي 156
نفسي اكمل عليها بس ماتحمل الجوع

 

[اسومتك]

انا ان شاء الله بكرا ابغى ابدا فيه بس خلونا نتساعد ونشجع بعض ...

 

[زهره الجلنار]

عاد توني قاعده اقول لامي بسوي رجيم التمر واللبن من باجر ان شاء الله استمر عليه لين اوصل للوزن اللي ابيه

 

[نونة المزيونة83]

الله ونااااااسه مس الترا

5كيلو حلووووووين

الله يفرحج بنزول الوزن بعد وبعد

الفأل لنا يارب

يالله شجعوا بعض

 

[نونة المزيونة83]

اسومتك

ياحياتي حاولي تتحملين شوي

وحاولي تصبرين نفسج بالماي وبشاي الاعشاب

واكلي علج ماي عشان يصبرج ويساعد ع هضم وحرق السعرارت الحراريه

بالتوفيق ياقلبي

 

[نونة المزيونة83]

حياج الله معانا زهره

شفتي حطيت الموضوع بالوقت المناسب

بالتوفيق ياقلباتي

 

[نونة المزيونة83]

الحمدلله اليوم مشيت صح ع الرجيم

والحين قاعد اطالع بنات الثانويه واشرب شاي الاعشاب

وقبل الفطور مشيت بالحوش بالحر مدة ربع ساعه

وبعد شوي ببلش رياضة لمدة ساعه

يارب اضعف بصحة وعافية قبل العيد

احبكم

 

[Miss Al-Attar]

الفال لج يالغالية
اول يومين ماشتهيته وكله حاطة عيني على السفرة << الاكل يوزني يقولي تعالي اكليني
بس انا حاطة ببالي شغلة عندي قطعتين خايفة البسهم يايبتلياهم صديقة عزيزة علي
وصج حابة البسهم وخاطري فيهم بس قلت بعد الرجيم وناوية اخليهم للعيد .. والله كريم ..

يعني اصراري حيل قوي واي وحده ماعندها اي عزيمة لازم تلقى شي يغلب حبها للأكل
وكنت خايفة اقيس وزني واتحبط بس ماتصورت اني نزلت جذي .. وان شاء الله كل جمعة اقيس

 

[نونة المزيونة83]

يسلمووو ياحياتي

حتى انا خواتي كله يحروني ويقنعوني اكلي اكلي

وامي ياحياتي فديت قلبها تقولي اكلي لاتموتين اخاف يصير فيج شي

بس انا ودي اضعف حيييل واقهر عذالي

يارب نضعف بصحة وعافيه

الحمدلله مستمره صح مع رياضه ورجيم وشاي الاعشاب وعسى الله يحقق حلمي

 

[مدرسة طفشانة]

يا رب تتحقق احلامكم واحلامي بعد
الصراحة شجعتوني اسوي الرجيم من فترة وانا افكر اسويه وانسب وقت الحين برمضان
ان شاء الله ببدي من باجر واعطيكم النتايج الطيبة باذن الله