رجيم من 1_11_2012 وحتــى السنه الجديده

[تووته البسكوته]

صباح الخييير ياحلوات

امس كان الغدا فاصوليا بزيت من دايت سنتر بس ماحبيت شكلها فكليت بدالها قطعه صغيره سمج مشوي وسلطه وعصير رمان ...وشربت جاي اخضر وكليت السناك كيكه الساعه 7 وماتعشيت لان كنت تعبانه
تريقت بيضه مسلوقه وتوسته وحلييب وشوي ككاو

 

[miss^unique]

صباح الخير

اشلونكم ياحلويين

سلفانا عادي مرة وحده مايضر لا يضيق خلقج
صاجة البرد ايوع والدوام يشجع عالبلعه


توتة
ذكرتني كنت مشتركة عندهم والله اكلهم حلو نزلت ٥ كيلو بشهر
اي اشتراك ماخذه ١٥٠ والا ٢٠٠؟؟


انا ريوقي اليوم ٧نقاط كرواسون جبن فيتا وكوب حليب
غداي سلطة واشوف شي معاه

 

[ღسلڨاناღ]

شخباركم مسمس وتوته
يومياتي :

صايمه [ شفت نفسي مجنونه في الاكل] وشكلي بظل صايمه

لانه تجربتي مع الصيام نزلتني 3كيلو بالرغم اني كنت احلي واكل كل شي لكن نزلت

الشهر الثاني :eh_s(15):[ اليوم الخامس 6-12-2012]

صيام

الفطور : صالونة خضار وخبز بر+ عصير تانج

بعد 3 ساعات ونص شربت شاهي و2 كب كيك


السحور : كان قطعه فطيره من زعتر

الشهر الثاني ::eh_s(15):[ اليوم السادس 7-12-2012]

الفطور: معركونه بصلصه حمراء + عصير تانج

السحور : شاهي وكم قطعة امينامز

 

[ღسلڨاناღ]

الشهر الثاني :eh_s(15): :[ اليوم السابع 8 -12-2012]

الفطور: رز + دجاج
السحور : شاهي + سنكرز


الشهر الثاني : :eh_s(15):[ اليوم الثامن 9-12-2012]

الفطور : ربيان سزلنج + رز + ميرندا
السحور : شاهي


​

 

[تووته البسكوته]

هاي بنوتات شلونكم
انا امس تغديت بره وتعشيت بره ههه ادري بدعت بس صدقوني كنت اكل لقمه من كل شي مابي امتن

مس انا ماخذه اشتراك ب85 بس ريوق وغدا وسناكين ..عشان ما امل

 

[تووته البسكوته]

سلفانا حبي حاولي تبعدين عن التانج واااايد ضار وكله شكر
اخذي عصير فرش احسن وافيد

 

[ღسلڨاناღ]

أهلين توته ..
لا بس اول يومين اللي اشتهيه ما احرم نفسي منه اشرب واكل منه عشان لا انفجع في الاكل لا أكثر

الشهر الثاني :eh_s(15): :[ اليوم التاسع10 -12-2012]

الفطور: رز + ربيان
السحور : شوربة خضار


الشهر الثاني :eh_s(15): :[ اليوم العاشر 11 -12-2012]

الفطور: رز + لحم
السحور : شوربة شوفان

الشهر الثاني :eh_s(15): :[ اليوم الحادي عشر 12 -12-2012]

الفطور: رز +سمك + سفن اب
السحور : سمبوسه مشويه في الفرن​

 

[miss^unique]

السلام عليكم

انا نزلت علي واخيرا ام العبد

وانتفخت مع ان قبل لاتنزل وصل وزني 71 رد صعد
بس اكلي ماتغير

تصدقون خذيت حبوب التوت اللي تضعف حسيتها تييبلي لوعه شوي
واتعب على ماتروح اللوعه القهوة الخضرا ماكانت تسويلي جذي
بس وقت حبوب القهوة جم يوم صكني صدااااااااع مو طبيعي


مادري شسوي بس قلت حرام قاطه 50 وفادوني باكمل ويحلها ربكم لاخلصت الحبوب :\

ريوقي 3 بيضات مقليين بدون زيت بمقلى تيفال وكوب حليب

السناك جاي حليب و3 بسكوتات

بنات مفكرين تفتحون تجمع ثاني عقب راس السنه؟
باقي اسبوعين ويخلص التجمع

 

[ღسلڨاناღ]

مسس انتي مثلي حدي تعبانه , والله انا ما ابي استعجل على تجمع ثاني خلنا نخللللص هذا بالاول وبعدين نشووف
بالنسبه للحبوب مادري عنها بس جربت حبوب زين الاتات كله صداع وارهااااق ما انام وتركتها وقلت خلا ص بعتمد على الأكل والرياضه ..
وعلى كل شي طبيعي ما ابي العب بروحي وبعدين تجيني مضاعفات او يجني مرض :bbbiu:

الشهر الثاني :[ اليوم الثاني عشر 13-12-2012]
الفطور : لا يوجد
الغداء : لا يوجد
العشاء : كاس حليب شاهي

الشهر الثاني :[ اليوم الثالث عشر 14-12-2012]
الفطور : لا يوجد
الغداء : لا يوجد
العشاء : كبه​

 

[تووته البسكوته]

هاي بناات شلونكم شخباركم

 

[تووته البسكوته]

بنوتات وين مختفين
انا ماشيه ع التخفيف وشوي عفست الدنيا بالويك اند طلعت فلازم اجرب كل شي ..بس من كل شي كليت شويه \
وزني ثاااابت راح امووووت لاعت جبي من رقم 89 ابي ينزل شووووي

 

[ايمان الغساني]

كيفكم بنات ..
انا بلشت معكم بالدايت
وزني بدايه الدايت 80
وخلال 6 اسابيع صار وزني 71 شعور حلو لايوصف طبعن ملخبطه لو مالخبطت كنت نزلت اكثر
ان شاءالله قبل عن تدخل السنه الجديده يصير وزني 65

 

[تووته البسكوته]

اهلين ايمان
مبرووك حبيبتي وان شالله توصلين للوزن اللي تبينه بصحه وعافيه

انا اليوم اخر يوم بدايت سنتر ومفكره اشترك بدايت كيير
وطبعا تجمعنا مابقا شي ويخلص فبدش بالتجمع مال قطووه

بنات وينكم ليش مختفيييييين

 

[ღسلڨاناღ]

توته هــــــــــــلا انا مو مختفيه صار لي كم يوم أدخل @_@ وبرنامج الفايروس عندي يقول تحذير في شي غلط بالمنتدى ويطلعني منه كللللش ويسوي بلوك وكل مره ادخل ونفس شي يقولي لا تكملين دخووول ..
كانه أحد مخترق ..
افتح باقي المنتديات عادي منتدى كويتيات لا قلت لا يكون حجبوه عندنا وخفت وماعدت ادخل واليوم أشوف اعلان انه في أحد المخربين داخلللللل..
لا وفي رسالة واصلتني على الخاااص من عند عضوه تقول فشلللللللوني في موضوعج !!
هو الهكر هي نفسها العضوه مادري مع اني ما كتبت موضوع

يومياتي بعدين بنزلها


​

 

[تووته البسكوته]

ويييي انا شفت ان في هكر وكاتبين لازم نبدل الباس وورد بس مابدلته لوووول
لا ان شالله ماكو الا العافيه
انا مبلشه تخفيف وقريب الدوره وحدي متفوووخه امس احس حتى الهوا يتفخني ..الله كريم

 

[تووته البسكوته]

هاي بنات
شلوونكم
وين اختفيتو فجاه عسا ماشر

 

[ايمان الغساني]

وزني صار72 مش 71 غلطانه ....

صارله ثابت اسبوعين ان شاءالله هالاسبوع يتحرك واصير 68موطماعه واجد احسن انزل خطوه خطوه ....

وان شاءالله كلنا ندش تجمع قطوه

 

[تووته البسكوته]

عاشت ايمان كملي حبيبتي
اي كلنا نجش تجمع قطووه .....واشووف شلون محد يحط يومياته ههههه

 

[ღسلڨاناღ]

آسفه طووووووووووووولت الغيبه بس انشغلت برجعت أخوي من أمريكا ^_^

يومياتي

الشهر الثاني [ اليوم الرابع عشر 15 -12-2012]
الفطور: 3 قطع كباب وشوربة ذره
السحور : كاس شاهي وقطعتين كيك
الشهر الثاني [ اليوم الخامس عشر 16-12-2012]
الفطور: 3 قطع كفتة دجاج بالبطاطس + شوربة خضار
السحور: نسكافيه + قطعة كيك
الشهر الثاني [ اليوم السادس عشر 17-12-2012]
الفطور : رز وسمك + 3 قطع سمبوسه
السحور : شاهي + قطعة سنكرز
الشهر الثاني [ اليوم السابع عشر 18-12- 2012]
الفطور : رز + صصة بالخضار واللحم ]
السحور : كاسين شاي + قطعة كيك
الشهر الثاني [ اليوم الثامن عشر 19_12 _2012]
الفطور : شوربة الحارقه + 3 قطع كباب لحم
السحور : فواكه
الشهر الثاني [ اليوم التاسع عشر 20-12-2012]
الفطور : رز بخاري + دجاج
السحور : نسكافيه​

 

[تووته البسكوته]

حبيبتي سلفنا حمد الله ع سلامه اخووج

انا ماشيه تخفيف وتعبانه لان علي تكرمون الدوره