رسالة الى زوجي

[غارقة بأحزانها]

اه ياحرقة قلبي
حتى الدمعة مو راضية تنزل
كسرني الله يكسره
اااه بس لو اعرف شلون جذي قلبه قاسي
جان زين عندي برود اعصابه
نظراته لي كلها كره
اه لو اقدر اهده واعيش حياتي وانساه
انا متاكدة انه مايحبني
ليش انا حمارة ليش انا غبية
ليش انا اللي هاينة كرامتي بيدي
شلون اعيش مع واحد مايحبني
ليش مستمرة معاه وانا ادري اني بعيش طول عمري بعذاب وقهر

 

[غارقة بأحزانها]

عفية بنات لاتنسوني بدعائكم
ترى حيل محتاجته

 

[BubbLe87]

لا حول و لا قوة الا بالله طمنينا عليج حبيبتي و مشكورة عالدعاء يا قلبي

 

[غارقة بأحزانها]

خلاص انا من ربع ساعة دزيتله اني ابي الطلاق
اهو الحين نايم باجر من الفير راح اروح لاهلي
والله كريم
ادعولي بنات

 

[ديانا سبنسر]

لاحول ولاقوة الابالله يابنت الحلال اصبري علشان عيالج يعني اهلج بيتحملونهم خلي احقريه وعيشي حياتج راح يلف ويلف ويردج لاتاخذج العاطفة العيال مالهم الابيتهم وبين امهم وابوهم مادام في يهال يعني في تنازل تكفين فكري ترا القرار موسهل

 

[غارقة بأحزانها]

ادري ياديانا القرار مو سهل
والحين وبعد اكثر من اربع سنين تفكير بهالقرار
يالله اتخذته
اناتعبت وخلااااص مافيني اتحمل اكثر واليهال مردهم بيكبرون ويفهمون
محد راح ينفعني ياديانا صدقيني

 

[شادن33]

انشالله يكون قرارج صح وما تندمين
بس تمنينا ان تتمهلين اشوي في قرار الطلاق خصوصا ان عند عيال
موفقه حبيبتي

 

[ملكه بكبريآئي]

الله يفرجها عليش ان شلءالله ودام اخذتي هالقرار ان شاءالله خيره
وكلام اعجبني وصلني واتس اب


‏​يقول عائض القرني :

خذها نصيحة مني ، انسى الأسامي اللي مضت و اللي تكدر ذكرياتك ..
و اكتب على قلبك اسامي ناس تستاهل غلاك ..

انسى البشر ..

اللي قسوا ..

اللي جفوا ..

ومن جديد ابدأ حياتك ..

و خلك مع ناس يقولون لك " العمر مايسوى بدونك "

لا احد يستحق ان ترهق تفكيرك به ،
فمن يريدك لذاتك ، لن يخذلك ابدا ..

و من يحترمك ، لن يجعل ما بينكما مسرحيه لمن اراد الدخول

لا تحزن على من جعلك اضحوكه بتهمة الوفاء

لا تحزن على من اشعرك بأن طيبتك غباء امام خبثه

لا تحزن على من كان يعني لك الجميع، واكتشفت انك لا شيء

لا تحزن على من استأمنته بكل شيء، وكان اول ما فرط به هو " انت "

لا تحزن على من عرف نقاط ضعفك وتفنن في اسقاطك

لا تحزن ، لم تخسره ، فقد كسبت نفسك امامه

إبتسم فانت لم تخسر شيء ..
?


وطمنينا

 

[غارقة بأحزانها]

طلعت مو د القرار ورديت البيت والحمدلله على كل حال
ادعولي الله يسخره

 

[الحوراء_بنت نجد]

أنتِ معيشه نفسك بداومة كبيرة
على الاقل كان مارجعتي الا بشروط
وهل هو أصر انك ترجعين او رجعتي من نفسك إذا هو أصر معناته إلى الآن يبيك وشاريك
اما إذا رجعتي من نفسك زدتي الطين بله ولا كانك سويتي شيء
والله يفرجهاا عليك يارب ويسخره لك

 

[غارقة بأحزانها]

حوراء انا زوجي ما عنده اسلوب باختصار

بس اللي فهمته ان اهو يبيني ارد
وفعلا بس رديت حسيت ان استانس
وفتح باب الحوار معاي
وتكلمنا اهو عنيد ومايعترف بغلطه
بس يحاول ان يرضيني باشياء ثانية
مثلا
بعد ماتراضينا بيومين
قالي ان الاسبوع الياي بيوديني ٣ ايام دبي
الله يهديه ويسخره يارب

 

[الحوراء_بنت نجد]

احمدي ربك هذا دليل انو يبيك ويحبك وحاس بتقصيره تجاهك لكن ما يبي يعترف بالغلط
والرجال قليل اللي تلقينه يعترف بغلطه يحس بينقص من رجولته
كثري الدعاء والاستغفار
وإن شاء الله سفرة دبي تقربكم من بعض *

 

[Le chat]

الله يهديه ويسخره لج ومايشوف غيرج يارب هالسفره تكون باب خير عليج وعليه لاتيبين طاري المشاكل بالسفره خلج بيبي تدلعي وطلبي ابي هذا وابي ذاك بالمعقول طبعا واذا ياب طاري اليهال والبيت قوليله مو الحين خلني مستانسه معاك لاحقين على هالحجي خلج ايجابيه واذا مابين بعينه ولو شنو تسوين ماراح يرضا خلاص سوي الي يريحج اهتمي ببيتج ولا تهملين نفسج حتى لو ماتعجبه طلعتج بالحالتين اهو مو راضي طلعي واستانسي وعدلي نفسيتج دامج ماتصبرين على فراقه واكبر غلط انج تزعلين وتطلعين من البيت تالي تردين جذي بيعرف انج مو جاده وماراح ياثر فيه طلعتي وله قعدتي وعيالج الله يخليهم لج صغار وهالعمر متعب مردهم بيكبرون وبترتاحين الله يوفقج ويريح بالج ويهدي ريلج وعيالج ياقادر ياكريم

 

[طيــــــــــــف]

الله يهديه
جربي القرب من الله صدقيني بترتاحين وهو ادعيله بالهدايه

 

[ابدا يالغالي مانساك]

حبيبتي ربي يسخره لج ان شالله
تحملي عشان عيالج ولاتحطي ببالج سالفة الطلاق حل

بالعكس تعقدين المشكله اكثر

انتي تقولي انو زوجج ينقد عليج بالنضافه والبيت
ليش تخلين له ممسك
ان مكاان عندج شغاله طلبي مووقته وخل تساعدج
ان كان هو لساانه زفر ويسب
صيري احسن منه وكسري عينه
بسلوووبج
كسبيه بالكلام الحلو حاولي انج تفتحي معه صفحه جديده
حاولي اي شي بقلبح فتحيه له صارحيه
لتراكمي عليج من لهمووم وان ماكان يسمع
عوديه
ربي يسخره لج ان شالله
وسافري وغيري روتين انتي شوووويه

​

 

[صديقت قوقل]

الله يسخره لج

ومالج غير ربي هو الوحيد سبحان قادر ع تغيير كل شي

 

[شادن33]

غارقه باحزانها انا قلتلج حبيبتي ان ريلج يبيج ويحبج من قبل
بس انتي ما عرفتيله وكله تزعلين
المهم انتهزي فرصه الصلح هذي وخليها لصالحج
والله يسخر ه لج
وفرحت لج حبيبتي

 

[لاريساا]

الله يفرجها عليج ي رب
الحل واحد واقسم بالله اقسم بالله عن تجربه
قراءة سورة البقرة بنية صلاح اموركم
والله ثم والله لتشوفين عجب العجاب
من تفريج الهم والكرب بتبتعد الشياطين عن بيتج وربي بهدي عيالج وزوجج وبتنصلح احوالكم
ماتاخذ وقت
شفتي المرا اللي قالت قصتها تقريبا نفسج والتزمت بقراءة سورة البقرة تقريبا اسبوع وجاتها بعدها رؤيا من الله
شيطاانه كبيره هي وعيالها وشايله قشها كله وتقول حسبي الله عليج حرقتيني بسورة البقرة
سبحان الله سورة البقرة طارده للشيطان وابتعدي عن الموسيقي بالبيت
الشيطااان اللي يفوز عند ابليس هو اللي يفرق الزوج عن زوجته ادعي بالسجووود ان الله يفرجها والله لتعدل احوالج
وقبل يطلع استودعيه الله وصدقيني لو بسوي حرام مايقدر ربي يمنعه
وعسى ربي يفتحها عليج وعلينا ي رحمن