رسالة الى زوجي

[غارقة بأحزانها]

صح لسانج يا بابلز
كلامج 1000٪

خصوصا بيت الشعر هذاعالجرح
تقولين وين اهلي
امي محترة علي وحالها مثل حالي والعن
وابوي كلمته ماتدخل الا اذا ياج سكران او طقج او ياب مرة بفراشج
طبعا اهو قعد معانا اكثر من مرة بس ماااااااكو فايدة شتبينه يقوله حب بنتي
قولها كلام حلو قدر جهودها لا تصرخ عليها
ابوي اصلا من كلامه يحسسني اني سخيفة وان ماكو مشكلع اصلا والحل اني ارضى بنصيبي واذا بتطلق الامر راجعلي
وريلي قليل ادب وما يستحي مايهمه لا ابوي ولا احد

 

[BubbLe87]

غارقة حبيبتي انتي لازم تفجين عن بيتج حاليا
والله اتكلم جد
قعدي قعدة جدية مع نفسج و فكري زين و صلي و ادعي ربج و ابجي و انتي تدعين ان شاء الله ربج بيريحج و استخيري على سالفة الانفصال
لان بالقران الله يقول بما معناه امساك بمعروف او تسريح باحسان
انتي خلي سالفة الحب و الكلام الحلو معنه صدقة و لازم ينقال بين الزوجين
بس شغلات اقوى من هالاشياء
اهو لاغي وجودج كانسان بني ادم و لج حقوق
الحب من الله انا اتفق معاج
بس اذا انا ماحب انسان اتودد له خصوصا اذا كان شريك حياتي
اعامله بما يرضي الله مو شرط احبه عدل و لا لا
اهو لاغي هالشي من تفكيره
انا انصحج لوجه الله تتواصلين مع ناعمة الهاشمي حلت مشاكل وايد ناس
طبعا الجئيلها عقب ما تلجئين حق ربج
و حاولي كثر ما تقدرين تغيرين من معاملج له حسسيه انه مو مهم وجوده وايد
و فهميه انه وظيفتج و معاشج لج انتي و بس و طيب منج و المنة عليه و على ويهه انج قاعدة تشتغلين و تقومين بدور مو دورج
منتي ملزومة تشتغلين و تحرقين اعصابج بوظيفة و تزيدين همج هم على جم فلس

 

[غارقة بأحزانها]

حبيبتي بابلز انتي لو تقرين بمواضيعي اللي ببروفايلي راح تشوفين اني شكثر حاولت معاه
وانا فعلا غيرت معاملتي معاه واهو هذا اللي باط جبده وحاره زيادة طبعا اهو ما يصرح بهالشي بس مبين لما يقولي انتي بس تهتمين للطلعة والتلفون وفعلا اذا زعلت مما ارضى ابدا ولا اكلمه لو شنو الا اذا اهو يه يبي يطيح الحطب
وبالنسبه حق الوظيفة انا اللي ابيها
واهو منى عينه اقعد بالبيت واجابل اليهال ويتحكم فيني اكثر واكثر
واهو شارط علي دام اني موظفة واخذ من وقت بيته وعياله لازم اساهم بشي بالبيت اهو عليه الاجار والماجله والخدامة
وانا علي نفسي واليهال
ولا قعدي بالبيت
وانتي تدرين ان الوظيفة مهمة ومو معقوله اتركها خصوصا ان اهو ماله امان

وانا اللي باط جبدي سالفة المعامله الخايسة والبرود والجمود اللي احنا عايشين فيه
واهو عند نفسه مو مسوي شي وان اهو زين ولازم احمد ربي

 

[BubbLe87]

ما عليج دام اهو يحسسج انه الغلط منج فاهو حاس بغلطته اكو ناس جذي
عشان يرتاحون يركبونج الغلط عشان يتخلصون من تانيب الضمير
سؤال ريلج مواليد اي شهر
لول لان يذكرني بناس معينين مواليد شهر ١٠
بس هالشي ماله علاقة والله اللي بيتسنع يتسنع حق ربه ماله علاقة اهو متى مولود
الله يعينج يا قلبي والله مالج الا الدعاء و الاستغفار الزميهم و بتشوفين العجب العجاب
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

 

[غارقة بأحزانها]

صح كلامج والنعم بالله
وفعلا اهو من مواليد شهر 10
وانا بعد بس اهو اول الشهر وانا باخره تقريبا

 

[لمى الهاجري]

الحياة مشاركة ولازم تحطون فلوسكم على بعض عشان تمشي الحياة هاي مسؤولية اليهال شوفي عقب كل صلاة استغفري 200 مرة جيبي مساح فيه مئة حبة وشغلي سورة البقرة بالبيت

 

[لمى الهاجري]

واذا تقدرين اقري على ريلج المعوذات واقري اية الكرسي قصدي كذكر وحاولي هالايام تبعدين العيال شوي حاولي

 

[BubbLe87]

حبيبتي عسى الله يعينج و ينولج مرادج ان شاء الله
الله يرزقج من واسع فضله و عظيم سلطانه يا رب

 

[غارقة بأحزانها]

فديتج والله بابلز مشكورة وماقصرتي
الله يسخرلج زوجج ويجملج بعينه يارب

 

[لمى الهاجري]

كح كح اذا تبيني اهاوش ريلج ماعندي مانع

 

[مطيرية والعزليه]

ربي يعينج !!!

المنتج اللي عندج كويتي 100%

ربي يسخره لج ويريح بالج وربي حاسه فيج
وكل كلمة كتبتيها عورت قلبي ..

 

[نونه المنكوشه]

بصراحه الله يعينج بس تذكرى انه لبدنك عليك حق وريلج حده مونس عمره ومريح مخه وانتى حارقه نفسج حرق تكفين شلون اتحبينه ع هالمعامله اصلا لوكنتى اتحبينه بتكرهينه يعنى الوحده تصبر ع زوجها اذا كان مثلا خاين بس مريحها من ناحية الفلوس اوغيور وخانفها لكن بالمقابل يعاملها عدل ويحبها اما لاهذا ولاذاك صعبه بخيل ونفس شينه وفوق هذا موعاجب لازم انتى اتغيرين وتحبين نفسج ربى عيالج وداريهم وسوى الحق اللى عليج من ناحيته لكن اكثر لااااا بس انتى اللى لاززززم اتغيرين وقتها صج بيفقدج وبيحس بقيمتج الله يارب يفرج همج ويحنن قلبه عليج

 

[غارقة بأحزانها]

صباح الخير

بنات انا وايد محترة ومقهورة
تخيلوا امس رد البيت اربع الفير
ولا ادري وين كان ولا شنو قاعد يسوي
عايش بكيفه وعلى راحته ولا قاعد يحطلي اي قيمة او اي اعتبار
من قعدت الصبح وانا افكر بطريقة اطلب فيها الطلاق مع ان ماودي
بس احس ان مافي حل غير هالحل مو قادرة اتحمله وادري حتى لو تراضينا
راح نرد نتهاوش على نفس الاسباب
واللي ذابحني اكثر اني شاكة فيه لان تصرفاته تشكك

 

[غارقة بأحزانها]

هلا بنات
انا حيل متضايقة
امي توه قعدت تقولي بس مو زين جذي
تطولين السالفة اهو عوي وماراح يتغير وانتي اللي راح تنقهرين
كلميه وحلي الموضوع
وانا مو قادرة اكلمه حاسة بالاهانة
وكاسرة خاطر نفسي
مادري شلون اوصف الاحساس اللي بداخلي

 

[انثى عاشقة]

يقول الشيخ المغامسي :
( الله ) هو الذي كتب قصة حياتك فتأدب عندما ترويها ..
وتأدب في حكمك على ما يحصل فيها ..
اشتكي حالك له .. لكن لاتشتكيه على عباده ,
تأكد أن كل الأحزان التي تمر بك أما لأنه يحبك فيختبرك ..
او انه يحبك فيطهرك من ذنوبك ..
يوما ما ستكتشف ان حزنك حماك من النار وصبرك ادخلك الجنة ..


حبيبتي نسخت لك الكلام الي بتوقيعي
يمكن يريحك مثل ما ريح قلبي وقلوب ناس ثانية
قريت رسالتك سطر سطر وانا اتأمل كل حرف فيها
حياتي محد فينا مرتاح
انتي بس تحتاجي ترتبين حياتك مع زوجك
دام الحب موجود حاربي عشان تعدلين زوجك
اقري سورة البقرة ماتقدرين ع الاقل شغليها كل يوووووم
استغفري ورددي بهالصيغة
استغفر الله العظيم الذي لا اله الا هو الحي القيوم واتوب اليه
عدد خلقه ورضا نفسه وزنة عرشه ومداد كلماته
شوفي شلون حياتك راح تتبدل بإذن الله
قلب زوجك بيد الله اطلبي منه زمام هالقلب
يارب صب محبتي في قلب زوجي صب
واجعلني اجمل من الحور العين في عينيه
اللهم احفظ زوجي وبيتي من الزنا والرذائل
استودعتك يارب زوجي سمعه وبصره قلبه وفرجه
واستودعتك اولادي
احفظهم واصلحهم لي
​

 

[انثى عاشقة]

حياتي تذكري شغلة مهمة حيل
الشيطان همه الاول والاخير يصير الطلاق بينكم
وهو الي يحن عليك ليل نهار تطلبين الطلاق
جربي كل الحلول الجأي لربك وحاربي عشان بيتك
لا تطلبين الطلاق ع الاقل في الوقت الحالي
​

 

[أعشقه]

لاحول الله
انتي الحين كم عندك عيال ..
فكري بنفسك ولو تطلقتي تتوقعين راح ترتاحين ..
واذا تعرفين ان هذا هو وهذا اسلوبه ليه تتعبين نفسك وترقين عمرك ع شي ماراح يتصلح الا باراده ربك
ادعي ربك وخلي ثقتك فيه كبيره ..
ترى عمرك يمشي ومابيرجع .. عيشي لنفسك مب لازم لزوجك
طلعي وتمشي وغيري جو مثله
وطلعي عيالك معك ولا تطقين له خبر
لازم تهملينه مثل ماهو هاملك يمكن يحس ع دمه اذا شاف المعامله تفرق ..
بعضهم اذا شاف الحرمه تركض وراه يعطيها ظهره بس من يشوف انها تغيرت ومحد حوله تشوفينه يسوي حركات يبي يلفت نظرهاا يعني يبيها ترجع تراكض وراه ..
ترى مافي شي يبقى ع حاله .. والدنيا دواره يوم له وعشره عليه ..
ريحي مخك وراسك واشتغلي وطلعي وتونسي وعزمي خوياتك ع بيتك كانك عايشه لحالك ..
لين ربي يصلح حالك ..
الا اذا تبين تتطلقين وتخلين عيالك ع شبدك وابوهم مب حالهم وبكرى تقولين ياليت وياليت
الله يهدي سركم ويغير حالك وييسر امورك

 

[انثى عاشقة]

ابي منك طلب صح غريب ؟؟!!
غيري صورتك الشخصية :eh_s(2):
حطي صورة حلوة
اطلبي من بنت الكويت تغير نكك
خليه شي يفرح وتتفائلين فيه
ترى انت بنكك وصورتك ترسلين لعقلك الباطن
يحزن ويغرق في الهموم
ديننا دين التفاؤل
انا اختار لك نك من عندي
خليه مثلا .. الدلوعة ..
الرسول صلى الله عليه وسلم حرص ان الانسان
يتسمى بالاسماء الحلوة الي معانيها جميلة
لانها بالفعل تأثر ع حياة الانسان
وانتي نكك اكيييييييييييييييييييييد يزيد همومك
بالعكس يمكن يخلقها حتى لو مو موجودة :eh_s(4):

انتي ع الاقل زوجك فيه صفات حلوة وهذا الي يخليك تحبينه
في حريم اعوذ بالله زوجها يزني ويسكر
وفي الي زوجها يجر عليها رجال في بيتها يبيهم يعاشرون زوجته
وفي الي مايصرف فلس ع البيت
وفي الي زوجها طيب وحلو معاها
بس مريض مقعد ع كرسي وهي تقوم فيه نفس الطفل الصغير
وفي الي تموت في زوجها ويموت فيها بس فرقهم الموت
منهم بنت خالي زوجها مضرب المثل عند الناس
ينحط ع الجرح يبرى
بعد زواج 5 سنين طاح بالحمام تكرمين وتوفى بلحظة :eh_s(2):
الله يرحمه ويجعل مثواه الجنة ..

تحبين زوجك ويحبك لاتخلين الشيطان يدمر بيتكم

ما اقول انتي ماعندك مشاكل ولا هموم
لا بسس وقفي لحظة مع نفسك
كتبي رسالة ثانية
بس لنفسك مو لزوجك
كتبي شكثر تحبين نفسك
وشنو تسوين عشان تدلعين عمرك
خففي شوية من شغل البيت
اذا هاوش زوجك هذا مو نظيف وذاك وصخ
تبسمي في وجهه لاتردين عليه
عيشي حالة من اللامبالاة مع نفسسسسك
عيالك يتخانقون يتشيطنون
فرضي عليهم عقوبات فعلية بدون صراخ ولا هواش
قولي لهم حارمتكم هالاسبوع من الخروج برة
او الالعاب او او
راح يتأثرون اكثر من الصراخ
خو اليهال يموتون في وناستهم
تلقينهم يهدون غصب عليهم وترتاحين انتي من الصراخ والضرب
غيري في شكلك ولوكك
مووووووووووووو لزوجك :eh_s(4):
لا لا غيري لنفسسسسسسسسسسسك
كلي الي نفسك فيه
روحي المكان الي تحبينه

باختصار عيشي لنفسكك هالفترة
زوجك هو الي راح يركض وراك
ولاتنسين قوي صلتك بربك
هو بيده مفتاح قلب زوجك وبيده كل شي
لاتيأسي من رحمة الله :eh_s(7):
​

 

[انثى عاشقة]

انتي الحين في قمة الاحباط
وهذا معناه يمكن الفرج قريب
الله يضحك من عبده لان يدعي ويلجأ له
واذا تأخر الفرج يأس العبد وترك الدعاء
فالله اذا شاف اليأس من العبد حرمه الاجابة:eh_s(2)::eh_s(2):
كانو الصحابة يقولون لن نعدم خيرا من رب يضحك !!!
الله فوقك الحين شايفك وعارف وضعك
افرشي سجادتك وفضفضي له اليوم جمعة والدعاء مستجاب

الله يفرج همك وهمي وهم كل المسلمين ..


​

 

[غارقة بأحزانها]

الله كريم