رسالة الى زوجي

[أحمرجوري]

ربي يهيدي سرج ويفرج همج

 

[غارقة بأحزانها]

مشكورة حبيبتي احمر جوري

 

[حلمي وامالي]

ابعدي عن الطلاق والله بتندمين خاصة انه عندك اطفال
وزوجك كلمي وحدة استشارية تنصحك كيف تتعاملين مع زوجك
احمدي ربك صديقتي زوجها يكفخها قدام بنته
الله يعينك ويقويك ويزقك حب زوجك يا قلبي قولي آمين

 

[غارقة بأحزانها]

امين حلمي وامالي مشكورة ما قصرتي

 

[ديانا سبنسر]

الله يهديه ويسخره لج

 

[الوردة المكنونة]

حبيبتي انا بقولج رايي بصراحه واتمنى ما تزعلين

انا لاحظت من كلامج ان ريلج ملابسه مو جاهزه واكله مو جاهز وحمامه مو نظيف
والريال لو كان ملاك هالثلاث اشياء مهمه عنده وااايد انا بعطيج حل لحالتج وادري انج تعبانه وحاسه فيج ويمكن انا اكثر وحده بالبنات حاسه فيج لان ريلي ما يدري عن البيت والعيال وانا اللي شايله كل شي

اولا الطبخ اقرب طريق لقلب الرجل معدته انتي موظفه وما يمديج تطبخين مافيها شي لو طبختي بالليل وحطيتي الاكل بالثلاجه

ثانيا اللبس كل يوم لازم الخدامه تغسل الملابس من الصبح وتكويهم وكبت ريلج دايما نظيف ومبخر

ثالثا الاطفال كل الرياييل ما يتحملون ازعاج اليهال انا اول ما يدش زوجي البيت ادخل اليهال غرفتهم واشغلهم التلفزيون واقولهم اللي تصير عاجل وصوتها ما يعلا لها هديه

صدقيني هالشغلات بتخفف عنج وايد وبالنسبه للكبت اللي محتاجته انتي قلتيها كلها ١٠٠ دينار تعالي على نفسج وانتي اشتريه عشان انتي ترتاحين وانتي عارفته بخيل ومايندي يعني كثر ما تحنين ماكو فايده ضغطي مصروفاتج شهر واشتري الكبت

انا اللي اكلمج ريلي كان اردى من ريلج وحالتي مثل حالتج واردى انا بعد مو موظفه وحسره علي الفلس عشت معاه ٩ سنين ٣ يهال وحامل وخدامه ماكو وماياكل الا طباخي حتى طباخ امه ماياكله وكنت انطر منه الحل بس ماكو فايده

رحت بعت كل ذهبي ويبتلي خدامه وقلتله انت المسؤول عن معاشها وعدلت شقتي شريت كل الاثاث اللي ناقص انصدم من ردت فعلي بالبدايه قالي انتي حره بس مع الوقت صار كل فتره يدش البيت بيده هديه مره خاتم الماس مره سلسه مره سوار بيني وبينج انصدمت ما توقعت منه شي ومع الوقت صار مثل الياهل لاصق واهله قالاو مسويتله سحر ولما سألته عن سبب التغيير قالي كسرتيني لما بعتي كل ذهبج اللي انتي بامس الحاجه له عشان ما تهدمين هالبيت عرفت اشكثر تحبيني وتحبين بيتج والحمدالله الله هداه بس طبعا هالكلام بعد تعب ٩ سنين وصبر

ادري طولت عليج بس انا حبيت تستفيدين من تجربتي وماله داعي تنطرين سنين ابدي انتي ولا تنطرين منه شي

 

[غارقة بأحزانها]

حبيبتي الوردة المكنونة اتوقع ان انا وضحت كل شي باموضوع
الحمدلله بيتي نظيف بس ماكو شي بيتم نظيف اذا في يهال
وانا قتلج اول باول قاعدين ننظف ايشتكي اذا طلع زهيوي او ذبان يعني بذمتج اكو حمام ما يطلع فيه زهيوي
اتوقع ان هذي شغله خارجة عت ارادتي ولا انا طفارتي الزهيوية
ثانيا هدومه اللي مو زاهبة اهو اللي ينساها بالدوام وبالسيارة وما ينزلها
ثالثا انا مو ملزومة اشتري اثاث للبيت اهو معاشه فوق الالف ونص
ومن قالج اني بعت ذهب عشان اصرف على نفسي وعيالي
اصلا للاسف تحسفت ووسوري بس تصرف جدا غبي
اذا الحظ حالفج وبين بعين زوجج وتغير
فانا ما اهتزت منه شعرة
اهو من الدناءة اللي فيه اذا طلبت مطعم ياخذ الفلوس مني ويحاسب الريال
وعيالي كل اللي سويتيه انا مسويته بس ماكو فايدة ويمكن انتي عشان كله بنات يكونون اهدا

 

[غارقة بأحزانها]

والطباخ اكره شي بدنيتي ما احب اطبخ اساسا
بس قاعدة اطبخ عشانه وانا ماقلت ان ما يمدي بس ان مجهود اضافي انا ما احبه

 

[غارقة بأحزانها]

واهو لمن قال مو قاعد اكل نفس الناس مو قصده ان ماكو اكل
قصده ان عياله يتناجرون حزة الاكل واهو يتنرفز

واذا بتقولين غدي عيالج اول وخليه اهو بعدين هم ماكو فايدة
يبون ياكلون معاه مرة ثانية واهو بكل برود اي يبيلهم صحن

اهو يشتكي من تربيه عياله واهو اللي مخربهم علي انا اقول شي واهو يكسر كلمتي

 

[غارقة بأحزانها]

وعلى فكرة اهو مو بخيل بس فيه نحاسه
اهو لو بخيل
مايقط 200 دينار يشتري طيور
والايفون شراه بعزه لما كانب 300 وشي
ويشتري حق الطيور تكييف عشان الصيف تخيلي
وانا بالصيف عشان اليهال لا يمرضون يسكر علي التكييف وانا طبيعة جسمي حاااار
ما اشتري ملابس شتويه ابدا

 

[متغليه لعيونه]

الله يكون بعونك ويساعدك

 

[** باربي **]

:eh_s(2):

بعد عمري انتي

والله ياتني البجية على حالنا احنا الحريم

الله يذله تحت ريلج وعسى حوبتج ما اتعداه

وتكسرة الدنيا ويردلج يعرف قيمتج والكل يتخلى عنه

مايقعد الا عند ريلج آمييين يااارب
ادعي عليه والله
مو بالموت ولا المرض
ادعي الله يذله لج وينتقملج له ويذوقق نفس الكاس الي ذوقاج ياه
ان لم تخاف من الله افعل ما شأت
عززي فيه الوازع الديني اذا ماكو فايدة دعي عليه جدامه خوفية من الظلم
يمكن يستحي عالاقل من ربه اذا مو منج ولا اهلج ولا اعيالج ولا نفسه ولا الناس
وتذكري صبر زوجة فرعون وشوفي عاقبته ..وعاقبتها بيت بالجنه
الله يمهل ولا يهمل حبيبتي
بس سالفة الخيانة لا تسكتين
بعد صابرة على كل خياسة وتربية اهله الزفت والناتج المشرف
بعد يدنسج بوصاخته .. ويبيلج امراض وانتي طاهرة وشريفة !!

حسبي الله ونعم الوكيل على الرياييل الي ما يخافون من ربهم ولا من عقاب ولا قبر ولا حساب
على خواتهم وامهاتهم واهلهم ما يرضون ..
وعباله ماخذ بنت الناس اضدهاد وفرض شخصية بيطلع شخصيتة المكسورة والمهززوزة او ماكو شخصية اصلن عند اهله ..على زوجته ويهينها ويجرحها ويخونها عباله بيكمل النقص الي فيه المسكين اشباه الرجال ..
قوليله الرجولة والفحولة انك تجابل زوجتك وحاجات زوجتك
الريال الي مثلك الناس تقول عنه مسكين يتحاشى زوجته اكيد في عيب
تعاليلهم من ناحية الرجولة مثل ثيران يهيجون
انا حاسة بقهرج حياتي انتي
حاسة بالزوجة لمن تنقهر وتكبت وتكبت
مو خوف ولا قصر حيل
بس تفكرين بالنتايج وبعدين شراح يصير
بس الله سبحانة قال :اعرض عنهم ولا تك في ضيق مما يمكرون .
والله يمكر بهم والله خير الماكرين .
بعدي عنه شوي حقرية عطية واجباته وحقوقة الشرعيه عشان لا يلقاله عذر.. بس بيني انج متغيرة ولا تعطينه ويه وايد
حتى كلامج بحدود
ترى الريال ما جذب من قال مثل علج دوسية بجوتيج مكرمين يلصق..
وبعدين علمية يصرف شنو حتى صابون الملابس تشترينه ..واهو جنه ماله شغل..
شراية بعد تداومين عنه
عباله الرجولة والقوامة نظفي طبخي ربي سنعي طيعي !!
لا يالطيب لا يالحبيب اذا انت ما تسوي افعال وامور الرجال انا الي اقولك نظف واطبخ وطيع!!

حبيبتي اكبر غلط وحده تعود زوجها يتكل عليها بكل شي ..
لانه الريال بفطرته يحب يصرف على مرة يحسها محتاجة حقة حتى لو بالحنه والرنة
ولي ما لقى هالشي بيدور غيرج يشبع هالشعور..
حبيبتي توكم 5 سنين يمديج توقفينه عند حده بتعيشون عمر ضمني عمرج
دام يبتي اعيال منه لا خلاص تحطين النقط عالحروف ولا هددية اقط اعيالك هدية عليك
واروح اعيش حياتي وحياتك اتزوج واحد يعرف شنو قيمتي يرد زهرة شبابي وانوثتي وجمالي
بس جذية هزية ... مو صج
الريال لا تحسسينه انج مهما سوى قاعدة ومتمسكه فيه..
لانه بيلعب عليج لعب حتى خيانات اشكرة يدري قاعدة قاعدة .. مالج غيره

بس صدقيني الله اذا عباله منتي قادرة عليه ويستغل نقاط ضعفج
التجئي لربج اقوى عليه يخفسه لج.. عليج بسورة البقرة والاستغفار اثرهم مثل السحر جربي والله

ودعي عليه ربي يبرد قلبج فيه لا موت ولا مرض بس كسرةبحياته تحوشة
تعرفة قيمة نفسه وقيمتج..ويعرف الله حق
ولا تحرين نفسج على ريال عيشي وطنيشيه ترى الحرةوالكبت تسوي الامراض اسملة عليج
والله ولا ينفعج ولا يسأل عنج ..
يهتم يوم يومين ويمل وبيهدج ..ويمكن يعايرج حتى بالمرض
حطي ابالج محد يستاهل .. والريال مهما سويتلع ما يبين بعينه وينسى كل شي وينسى العشره
راس مالج صحتج وشهادتج ..
قطي ورى ضهرج وانا وخيتج ..محد مرتاح حطي ابالج هالشي..كل من بقلبة غصة
بس ربج ما ينسى حقوق العباد يهمل ولا يهمل
وادعي ربج يعجل بحوبتج عليه وعلى ما يشجعه ويعلمة ويفرحله
ودعوة المظلوم احد من السيف بالج من مرة مقهورة لاحول ولا قوة
اذا ما يهتم لدموعج ..ماتدرين شكذر دمعتج غاليه على ربج وخاطرج وشانج

والله طنشي عشان تعيشين وحطي ابالج انه الدنيا فانية وهذا زوج دنيا ..
واهو وقفي معاه وقفه جاده لحقوقج والامور الي ما تنسكت عنها
علمية انج ماراح تخضعين وغبية عشان لا يستسهلج ويتمادى
القهر يذبح والله ..وخاصة موضوع خيانه وقذاره الله حرم الزاني على الشريفة
ربج مو راضي عليج تدنسين .. امر من الله ترى !!

حسبي الله على ذكور اخر زمن .......

 

[غارقة بأحزانها]

حبيبتي باربي
مشكورة على هالحجي اللي يبرد الجبد
الله كريم

 

[غارقة بأحزانها]

لا حول ولا قوة الا بالله

اللهم يامالك الملك ويابديع السماوات والارض
ارحمني برحمتك رحمة تغنيني عن رحمة من سواك
لا اله الا انت سبحانك اني كنت من الظالمين
ياجبار اجبر بخاطري
انت القوي ونحن الضعفاء اليك
انت القادر على كل شيء
حول حالي من حال الى حال
فرج همي وابعد عني الحزن والالم
اللهم انه ظلمني فانتقم لي منه انك على كل شيء قدير
اللهم امين

 

[شموخي اتعبهم]

الله يعينج مادري وش اقول ربي يسخركم حق بعض

 

[غارقة بأحزانها]

بنات الموضوع كل ماله ويتعقد الحين انا صارلي اسبوع زعلانة
واهو نفسه حييييل خايسة ومانتكلم الا بشي ضروري

واليوم خاله توفى الله يرحمه
طبعا اهو دزلي بالواتساب لاني كنت بالمطبخ واهو طلع
فكنت اسئله ان اهو ووين واذا يبي يتغدا واولا
قالي ان خاله توفى واني ما اكلم امه اليوم
دزيتله عظم الله اجرك مارد علي

المهم انا ادري بتقولولي عذريه وفات خاله وجذي
مو مهم
اصلا انا ادري ان اهو مو متاثر كلش
بس عشان امه
لان خواله بمصر
واهو مايشوفهم ولا يكلمهم يعرف اخبارهم من خالتي

المهم اهو الحين اكيد بيروح مصر عشان العزا

وانا محتارة الوقت كلش مو مناسب حق مشكلتنا
وانا مابي الموضوع يمر مرور الكرام
وهم بنفس الوقت ماابيه يسافر واحنا زعلانين

شسوي بنات ساعدوني

 

[الوردة المكنونة]

حبيبتي الوردة المكنونة اتوقع ان انا وضحت كل شي باموضوع
الحمدلله بيتي نظيف بس ماكو شي بيتم نظيف اذا في يهال
وانا قتلج اول باول قاعدين ننظف ايشتكي اذا طلع زهيوي او ذبان يعني بذمتج اكو حمام ما يطلع فيه زهيوي
اتوقع ان هذي شغله خارجة عت ارادتي ولا انا طفارتي الزهيوية
ثانيا هدومه اللي مو زاهبة اهو اللي ينساها بالدوام وبالسيارة وما ينزلها
ثالثا انا مو ملزومة اشتري اثاث للبيت اهو معاشه فوق الالف ونص
ومن قالج اني بعت ذهب عشان اصرف على نفسي وعيالي
اصلا للاسف تحسفت ووسوري بس تصرف جدا غبي
اذا الحظ حالفج وبين بعين زوجج وتغير
فانا ما اهتزت منه شعرة
اهو من الدناءة اللي فيه اذا طلبت مطعم ياخذ الفلوس مني ويحاسب الريال
وعيالي كل اللي سويتيه انا مسويته بس ماكو فايدة ويمكن انتي عشان كله بنات يكونون اهدا

حبيبتي اذا كل هذا سويتيه ومابين بعينه ما اقول الا الله يعينج عليه هذا من النوع اللي مايبين بعينه

 

[غارقة بأحزانها]

الله كريم حبوبة والله يهنيج يارب
ويسخرلج زووجج ويخليكم حق بعض
سامحيني اذا طلعت مني كلمة ضايقتج
بس انا يومها كنت منهارة وذكرتيني بشي ماكنت ذاكرته
( اني بعت ذهبي عشان اصرف على نفسي وعيالي)

 

[غارقة بأحزانها]

اللهم ارحمني برحمتك يارحمن يارحيم يا ارحم الراحمين

 

[Shop Girl]

الله يعينك
ويسخره لك