رسالة الى زوجي

[غارقة بأحزانها]

كلامج عين العقل اختي كلي دلع
لكن هالجبار مامنه فايدة تخيلي
يقولي لازم تشيلين شي معاي بالمصرف ولا قعدي بالبيت
لا تشتغلين انتي قاعدة تاخذين من وقت بيتي وعيالي
وانا صراحة بعد التخرج قعدت سنة ونص بالبيت
ولا تشوفين انواع العذاب النفسي حبس وممنوع تسوقين وممنوع تطلعين
100 دينار بالشهر واذا طلبت اكثر يعطي عقب منه وحنه
الحين ليش ان معاشي بيدي صرت اطلع واصرف وارفه عن نفسي ما يحاتي ان اطلب منه
وانا اقولج ساعات اطلب لان المعاش شبيكفي ولا شيكفي وانا بيني بينج اصرف
واذا طلبت يعطيني بس بالقطارة مع جم كلمة بايخة

 

[لمى الهاجري]

ذكرتيني بكلمه ابله فوزيه الدريع واااايد احب كلامها
قالت:اااااخ يامن يصنع لي حبت الصبر
عشان اعطيها لكل الازواج والزوجات
حبيبتي انتي مشكلتج عاديه وفي مثلج واااايد
بس احنا مادري ليش كله عبالنا ان بس احنا بالدنيا نعاني
اولا بالنسبه لعيالج انتي تقولين عيالي شياطين المصيبه انتي ابله روضه يعني متاكده ودارسه ان من ضرورات هالعمر فرط الحركه عند الاطفال خاصه مثل ما ذكرتي مع الحكره والملل الحين ابيج تتخيلين الله لا يقول لو واحد فيهم مريض شنو تكون دنيتج شنو يكون عالمج ؟؟ انا مثلج مدرسه وعيالي همن صغار وزوجي يتشكي من صوتهم وازعاجهم لكن والله اني يوميا احمد الله واشكره انهم سليمين لا امراض ولا اعاقه الولد الصغير عندي كان معاه اطياف توحد وكنت اداوم واخليه وارد واهوه نفس المكان ماتحرك لاشطانه ولا حركه ولا شي سارح بعالم ثاني واقول بقلبي ياليته شيطان ياليته شاق الارض وطالع والحمدلله علي كل حال
يا امي يا حبيبتي تري الريل مو اهم مافي الكون وانتي واضح انج مضغوطه لان بيبي يديد ودوام ونومج مخربط والعيال والبيت يبون الله يعينج بس ديري بالج تتسرعين وتفكرين بالطلاق اصلا الكلمه شيليها من قاموسج
حبيبتي انتي في نعيم يحسدج عليه الكثييييير
اولا عندج زوج لاتقولين لي الله والزوج تري في غيرج تدور ريحت الريال ومستعده تاخذه بعيوبه
عندج بنات وعيال حمدلله صحه وسليمين
عندج وظيفه في زمن الناس بالليل تفكر باجر اموين تييب لقمتها
ياقلبي بالحمد تزيد النعم
ما اوصيج الا تقرين البقره امانه عليج يوميا حتي لو بضع ايات والله يا اختي فيها من تفريج الهم شي لاتصدقينه وقاعده اقولج عن تجربه
المشكله من شايف بلاوي الناس هانت عليه بلواه انا لو اقولج عن زوجي والله لتحسين ان زوجج ملاك ومع هذا عازته ورازته وهدايا وكلام طيب مو عشانه عشان رب العالمين
الله يوفقج ياقلبي ولا تنسين سوره البقره والاستغفار

اي والله في بنات يبون يتزوجون ويبون عيال ومو حاصل لهم

 

[ماني من الناس]

بعلق ع شي لفتني

نكج كئيب وصورتج الرمزيه كئيبه

ابتدي التغيير منج انتي ولا تنتظرينه من احد لين صرتي مبتسمه وفرحانه ومتفائله هالشي بينعكس عالكل

وطالما تتذكرين الاحزان والدموع ماراح تبدين تتقدمين خطوه لجدام

برمجي نفسج من جديد ترا كل شي ياثر وعقلج ذكي لي شاف انج مسميه نفسج غارقه بالاحزان ماراح تقدرين تعيشين الفرح


لي كل يوم فتحي المنتدا وشفتي صورتج وحده تبجي ماراح تعرفين تضحكين

هذا علم وبالدين نفس الشي يدعونا للبسمه والتفاؤل

 

[αησмα]

الله يعينج

 

[أعشقه]

مسكينه والله كسرتي خاطري
في قلبك هم ..
تحمليه دامك تحبينه ومع الايام بينصلح حالك
انتي دلعيه وسوي الي تقدرين عليه وتعدلي وتزيني لنفسك قبل ماتتعدلين له
والعيال دايم كذا يكبرون وتنسين ها الهم الي عشتيه
بكرى لا تطلقتي بيصير عندك احتياج اكبر وبتقضين عمرك كذا فكري لبعد 10سنوات وش بيكون وضعك
يكفي انك تحبيه جلسي ووكلي امرك لربك وادعي له بالهدايه والصلاح
ربي ييسر امرك ويهدي امورك

 

[دلوعة صلوح]

بعد عمرى الله يعينج ويصبر قلبج يارب العالمين.

 

[حصووونه]

الله يمسح على قلبج
ذكرتيني بوحده غاليه على قلبي نفس الوظع مااقول غير الله يخلي لج صحتج ورجولج الي تشيلج بس لاعيال ولارجال ينفع بهالزمن

 

[غارقة بأحزانها]

الله يعطيكم الف عافية بنات ماقصرتو

ماني من الناس عيزت ادز رسايل حق الادارة اني بغير
النيك نيم بس مايردون علي
ولا يغيرونه والحين بالنسبه للصورة دايما اشبك من ايفون
ومايصير عيزت احاول

 

[غارقة بأحزانها]

واي بنات حدي منقهرة منه


لمى ! جنج قلبتي علي الله يسلمج ههههههه 

 

[غارقة بأحزانها]

Up up up

 

[غارقة بأحزانها]

ااااااه يابنات شابه ضو من القهر ميتة من عوار معدتي
واهو ولا عنده ذرة احساس
والله ودييي اذبحه اففففف

 

[miss swan]

لااااا حالتج صعبه جدا
ليش تسوين بروحج جذي شلي حادج ولا تطلقين لا
يبا قطي اطباخ على الخدامه وريحي الظهر وكل ويك اند طلعي مع صديقاتج من غير يهال من صجج
حرام عليج تعذبين نفسج انتي ؟؟؟
وعلى فكره طقج لليهال وزفج منه مومنج ماكو احن من الام
والمصرف خليه يصرف غصبن عنه هذي مسؤوليته كيفه يدبر حاله من الشهر الياي ماعندج
وعلى الصراخ والزف الريال من يشوف المره ساكته وماترادد يزيد من غير وجهه حق
اذا مو مقصره ليش ينتقدج مو من تقصيرج من الحرام عاميه عن النعمه اللي اهو فيها
والله اول مااكتشفت خيانته هديت الطباخ وجابلت نفسي لانه موكفو
اي والله مااحب اطبخ وقاعد اطبخ عشانك واخرتها اغسل واتنظف واتمكيج قبل لاتوصل وانجب الغدا
وانت حاضرتك تفتر بالفريج ساعه عشان تغازل بالتلفون طبعا هذا يومي كان يصير
​

 

[الهام 2009]

الله يعينك

 

[غارقة بأحزانها]

الله يعطيكم العافية

حبيبتي مس سوان كل هاللي قلتيه ممنوع علي
رفيجات ممنوع
اكل طابخته الخدامة ويييييع يعرف ويهزئني


والاخونايت بير
لا انا احبه اهو
مو كرجل ولا خايفة ان احمل لقب مطلقة
انا مااتحمل اني ابعد عنه ولا ان بعد طلاقي ان اشوفة
مع وحدة ثانية
وانا حتى لو تطلقت منه ما افكر اخذ غيره
انا فتحت عيوني عليه
واحبه من كل قلبي لكنه قهرني وكل يوم يصدمني عن اليوم اللي قبله
اكره اطباعه وتصرفاته بس اهو احبه وودي ان يتغير
واكيد بحثت عن حلول لكن للاسف كلها باءت بالفشل

 

[ام العامر]

اب اب

 

[غارقة بأحزانها]

رفع الله قدرك يا ام عامر

 

[غارقة بأحزانها]

شكرا night bear
اولا نعم انا عايشة بشقة بروحي
ثانيا انا حتى لو كنت عايشة ببيت حموله ماراح اخلي عيالي يروحون عند
عمامهم وعماتهم لان بطبيعة الحال هذي الفترة اللي اهي العصر فترة نوم وراحة
وعيب علي عشان انا ارتاح اخلي الصيحة والحنه عند غيري شنو ذنبهم
انا مو مقصرة معاهم اوديهم يزورون بين عمامهم وخوالهم وبيت يدتي انا لكن عيالي واللي الاحظه فعلا يحبون يلعبون مع الناس لكن فيهم عدوانية وازعاج واللي حاصل ان الكبار قاموا يتضايقون خصوصا من الولد دفش باللعب ويطق

وانا ادري ان اهم يهال ومو مضايقني الموضوع هذا كثر مو مضايقني رد فعل ابوهم واتهامه لي بالتقصير
لا ويبي يهال بعد !!!!

وبعدين عن سالفة الحضانة انا ادري فيها بس انا لو حصل الطلاق اصلا مابي اليهال يعيشون عندي
خليهم عنده يبتلش فيهم انا اصلا راح تكون نفسيتي ضيم وماراح اتحمل شي
+
مو انا مو عاجبته ومو عاجبته تربيتي شلون بيامن عياله عندي

مو هامني هالموضوع ابدا
يمكن الكل راح يستغرب من وجهه نظري
بس اهو دمر حياتي وعقب الطلاق راح يتحرر ولا كان في شي حصل يروح يتزوج وينساني وينسى طوايفي
ليش انا ادفن حياتي بتربيه يهال مردهم لابوهم واهو يتهنى ويعيش حياته
ادري صعب
بس هذا اللي افكر فيه

 

[لمى الهاجري]

امممممممم شوفي اليهال مثل ما قلت لج دوا اكتفيد زين ومامنه مضره وينومهم والولد لازم عدوانيته يفرغها بهواية كرة قدم كرة طائرة المهم يلعب كورة اممممم

 

[غارقة بأحزانها]

هههههه لا لمى ما اييد الادوية حراااام

المهم ابوه كان مشركه تكواندو هههههه زيادة عنف
بس هم بعد المغرب وصراحة ينن ابوه راح يمكن 4 مرات وبطلو يروحون
وهم صار مدارس وانا عالسبع سبع ونص اعشيه وانومه

 

[BubbLe87]

شقول و شخلي
الصراحة لا تزعلين غلطتج ثم غلطتج ثم غلطتج
انتي سويتي مثل ما امي سوت
و مثل ما اغلب امهاتنا سووا
دفنوا اعمارهم و كبروا سبعين سنة عن عمرهم الصجي بحجة شنو
بحجة سخيفة اسمها بنت الاصول تصبر
عساني اسفة عالكلمة اطلع بنت شوارع و قليلة اصل بس ما اسووي بنفسي جذي
ترى نفسج لها عليج حق و ربي راح يحاسبج عليها
ان الله لا يكلف نفسا الا وسعها
منتي مجبورة سمعتيني
منتي مجبورة على هالعيشة القشرة و اذا في احد سوا جذي فهو انتي
ريلج مو من النوع اللي يدلع و تعطينه الشمس بايد و القمر بايد
تصرفاتج معاه من البداية غلط
و خير ان شا الله يخوني و اسكت
طامع بمعاشي و اسكت
يذلني يهيني اسكت علبو عيال و زفت
لا يبا انتي انسانة و لج حقوق و كرامة
وين اهلج اذا وصلت معاج جذي ليش ما ادخلينهم بالموضوع
ريال مثل هذا الحقران و النفسية و تمشين كلامج هذا اللي ينفع معاه
في بيت شعر يقول ان انت اكرمت الكريم ملكته و اذا اكرمت اللئيم تمردا
في ناس ما يفيد معاهم الكرم
كل ما صرتي زينة كل ما صاروا العن
في ناس ما يبين بعينها الطيب
حبيبتي الحين انا مو ياية اقولج تطلقي انتي ابخص بعمرج
لكن مشكلتج جذرية و حلها لازم يكون جذري
اهو ضامن وجودج بحياته فما عادت تفرق معاه
الله يعينج و الله يصبرج و اسفة اذا حريتج بكلامي و قثيتج لكني محترة مثلج و العن منج لاني عشت فبيئة جذي فاكره هالنماين
الله يعينج
لا حول و لا قوة الا بالله