رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

[رفيف الورد]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

تسلمين حبيبتي عالبارت يا الغاليه

 

[miss limoona]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

ثانكس عالبارت

 

[N_6667]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

مشكـــــــــــوره حبيبتي عالبارتات و يعطيج الف عافيه
ناطرين البارت اليديد :d

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

ولكممممم وبنات بس كنت بقولكم إن أنا اليوم ما راح أقدر أنزل بارت باجر إمتحان =(
البارت عقب باجررر أوكي ؟! ومشكووورين كلكم على مروركم ;*~

 

[عاشقة المسك]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

لااااااااااااع عفيه لو بارت واحد عالاقل

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

لووول عشانج والله بس ألحين بكتب بارت وبنزله وبأجل دراستي لي بعد شوي

 

[ReeMoh]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

thnx elpart 7adda niiice oo yallah nabii part ba3ad la ywaqef plz oooo mashkoura

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

..البارت الخامس عشر..

بعد إسبوع
الكل لاهي مع الدوامات والمدارس واللي تدرس ومادري شنو وروان كانت حاطه ببالها إنها تدرس عدددل هالسنه خاصة إنها بحادي عشر وعلمي بعد بس ما كانت قادرة كل تفكيرها كان مع فروس وليش ما يرد عليها إذا كلمها يكلمها باليومين أو ثلاث أيام مرة وحتى ما يطول معاها وإسلوبه تغيييير واااايد وكل هذا خلاها تتغير عن قبل بوااااايد ما قامت تضحك نفسيتها تغيرت وأمها ما تدري بنتها شفيها كل ما حاولت تونسها تضحك بوقتها وترد يضيق خلقها
في بيت بو عبدالله يوم اليمعه بليل روان قاعده بغرفتها كانت بتنام قالت خل أدق على فروس يمكن يشيله وهذي حالتها مل يوم بالليل دقت 3 مرات جان تمل وقعدت تسمع أغاني بالإستيريو وحاطه الأخوة ( روان تموووووت على الأخوة تحب صوت علي بحر والجيتار تحس أغانيهم من صججج لهم معنى وفيهم إحسااااااس مو طبيعي عندها وعلى الجرح تحس محد يفهمها الا الأخوة واللي مخليها تحبهم أكثر إن فروس يحبهم وأهو اللي عودها عليهم )
كانت قاعده تسمع إغنيه إشقد أحبج
روان بقلبها: شفييييه أنا أدري إن يحبني بس شنو اللي غيره علي والله ولا مرة تغير علي جذي ودمعت عينها وطولت على الإغنيه تموت على هالإغنيه لأن لها ذكريااااات واااايد وفروس كان معطيها الإغنيه إهذاء أول الأيام اللي كان يكلمها فيهم
شكثر عذبني الوله إنتي تدرين
شكثر قلبي يذكرج يا نور العين
إنتي طيييييفج يسليني لو تبعدين
إنتي طييييييييفح يسليني لو تبعدين
وكل شوووقي ملك إيدينج سافر في بحر عينج
بجت وإهي تسمع هالمقطع وإهي تقول بقلبها الله بخليييييك لا ترووووح والله أنا أحتاااجك معااااي ما راح أقدر أعيش من غيييييرك
وكانت بتنام ولا تقول أدق عليه آخر مرة يمكن يشيله ودقت رقمه ولا شاله حطت راسها على المخده وإهي تبجي كانت خايفه اللي ببالها يطلع صج ونامت !! ="(
---------------------------------------------------------------------------
فروس بالديوانيه بليل يشوف روان تدق وقلبه يتقطع من داخل وده يسمع صوتها والله أبيها والله ومو قادر أكلمها
( فروس أبوه قام يخليه كل يوم يروح معاه الديوانيه غصصصب بس عشان ما يقعد يتكلم بالفون بليل )
أبو فروس قاعد يم فروس وشاف تليفون فروس يرن وشاف فروس ما شاله درى إن البنيه اللي يكلمها
أبوه يكلمها: فروس حطه سايلنت
فروس وأهو متضايق: إنشالله يبا وحطه سايلنت
---------------------------------------------------------------------------
يوم السبت الصبح
ريان تغيرت بعد عن قبل صارت حياتها كلها إحمدو أهم شي عندها تكلمه وقامت تقضي يومها كلها وإهي تكلمه يعني ببساطه بدت تعشقه !
ريان: أحمد
إحمدو: هلا حياتي
ريان: أنا تعلقت فيك وااااايد
إحمدو: أنا بعد عمري
---------------------------------------------------------------------------
روان قامت الصبح وكان راسها مصدع لأنها ما كانت قادرة طول الليل ومالها خلق ولا شي بس شي واحد ببالها ( فروووووس ! )
نزلت تحت شافت أمها قاعده بالصاله وأخوانها الصغار يمها وأبوها كان طالع وأفروح كانت نايمه ليلحين
قعدت وإهي ساكته ما تكلمت
هيا ببالها أنا لازم أكلمها
هيا: روون
روان: هلا يما ؟
هيا: تعالي فوق أبيج بشي
روان حدددها خافت وقلبها قام يطق
روان: أوكي
وأمها صعدت وروان صعدت وراها
دشت أمها غرفتها وسكرت الباب وقالتلها قعدي وقعدت على القنفه وأمها قعدت على القنفه اللي جدامها
هيا: روون أنا أمج وأبي أسإلج سؤال ومن غير لف ودوران أبيج تقولينلي الصج
روون وإهي متوترة: أوكي
جان هيا تقولها: إنتي تحبين !؟
روان تنححححت وإنصدمت
روان: شنووو ؟!
هيا: قوليلي الصج أنا أمج وأعرفج إنتي ما كنتي جذي قبل أنا مادري شفيج هالأيام كله ضايق خلقج وكلنا مرينا بهالفترة وأنا أعرف سوالف البنات
روان قعدت تبجي وساكته ما ترد
هيا: يلا قولي
روان ساكته وتبجي حيييييل
هيا: والله يما طريج الشباب ما منه فايده ويضيع البنات يعني شنو بفيدج هالشي قوليلي وأنا راح أساعدج وما راح أقول حق أبوج شي راح أخليج توخرين عنه
روان قعدت تبجي أكثر وتقول بقلبها لا يما مابيج توخريني عنه والله ما أقدر أعيش من غيره
هيا تبي تبين لها إنها مو معصبه وبس تبي تساعد بنتها وعشان تحسسها إنها ما راح تعصب: يلا قولي منو هذا اللي يبدي إسمه بحرف الـf
( روان كل مكان تكتب هالحرف وأمها عرفت إن أهو )
روان ضحكت ضحكه خفيفه غصبن عليها
هيا: يلا سألتج سؤال أنا جاوبيني تحبين ولا لأ
روان وإهي تبجي ومتردده: إي أحب !
هيا ضاق خلقها معنها كانت تدري بس مهما يكون هذي بنتها وماكو أم تبي بنتها تمشي بهالطريج
هيا: شسمه ؟
روان: فروس
وأمها سألتها أشياء عنه
هيا: شنو يعرف عنج ؟
روان توترت لأن فروس يعرف كل شي عنها بس ما كانت تبي تقول حق أمها جذي: بس إسمي
هيا: ويعرف وين بيتنا ؟
روان: لا
هيا: من وين تكلمينه ؟
روان ما كانت تبي تقول من تليفونها لأنها خافت ياخذونه منها وما تقدر تكلم فروس عقبها: من تليفون البيت لما تكونون طالعين
هيا سكتت وقالتلها: وشنو تبين تسوين ألحين ؟
روان وإهي تبحي: مادري
هيا دمعت عينها على بنتها: أنا قلتلج ما راح أقول حق أبوج ولا راح أقوله بس أنا أبيج توخرين عن هالطريج يعني ما تكلمينه بعد
روان ببالها ما أقدر والله ما أقدر وتبجيييي: أوكي
( قالت حق أمها جذي بس ما كانت تبي تهده بالصج بس ما تقدر تقول حق أمها غير هالشي )
هيا نزلت دمعتها: والله إنتي بنتي وأحبج أنا وأبوج مو مقصرين معاج بشي وكل شي تبينا نعطيج إياه وتدرين أبوج يعطيج كل شي تبينه ولا يقدر يقولج لأ لأن عادج بنته الكبيرة ليش تمشين بهالطريج
روان عوووورها قلبها على أمها زادت بجي ونزلت راسها مالها ويه تحط عينها بعين أمها
هيا قامت لمت بنتها: سمعتي اللي قلتلج عليه ماما تسوينه ما تكلمينه وأنا ما راح أقول حق أبوج ولا شي
روان: أوكي أسويه
هيا مشت دموعها: خلاص روحي
روان طلعت من غرفتها راحت فرفتها قطت جسمها على فراشها حيييييييييل وإهي تبجي ما عمرها حست إنها تبي فروس كثر ألحين
خذت تليفونها ودقت رقمه وبقلبها الله يخلييييك رددد وما رد علييييها
بجت حييييييييل وقالت حرااااام علييييييك والله وإهي تشاااهق وصوتها راااح بالبجي وخذت التليفون وحذفته على الأرض وتبطل الكفر وطاحت البطاريه
وقاعده تقول بقلبها ( أبييييييييك ةالله محتاجه أسمع صوووتك حرااااام عليك أنا حبيبتك أنا روااااانك شلون يهون عليك جذي أبيك أبيك لا ترووووووح )
وحطت راسها على المخده مرة وقعدت تبجي لما نامت وكلمه وحده قالتها قبل لا تنام ( أحبك ! )​

 

[N_6667]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

البارت عجييييييييب يعطيج العافيه
و الله يوفقج انشالله

 

[عاشقة المسك]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

لووول عشانج والله بس ألحين بكتب بارت وبنزله وبأجل دراستي لي بعد شوي

حياتي انتي والله فديييييييييييييييتج والبارت رووووووووووووووعه:eh_s(6):

 

[b6ooo6a*_*]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

يااااااااي البارت خطيييييير ناطرينج

 

[warood]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

Fdaitich walla ;* Rawoona ..
Na6ryn il part il ydeed 3ala naaaarr!! mu tensaina .. Kitbylena part basra3 wakt ;* .. Na6ryn .. Bs mu tahmelyn derastich ;* 7e6ai balich ;* Thnx 7ubii ;* Betawfyg all ;* Allah ywafig kl q8ya tabi tinja7 o allah y3een kl bnt ib madrisa 5a9a!! walla 9ij 9ij allah y3eenha ;* Fdait bnaat il Q8 kilhum walla

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

لووول تسلمون كلكم إي من البارت هذا راح تبدي الأحداث ومسكووورين على مروركم وبنات البارت باجر إنشالله أوكي ؟! =)

 

[Mo7aSbChia]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

waaay greet kel il bartat mooo 9eeej ;'*****

kamlaai plz adre ena exams bas tryyy pllzzzz ;;***

 

[عاشقة المسك]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

عفيه نبي بارت الحين

 

[warood]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

Rawoona 7beebti ;* Nshalla tetfawe8ain!! ;** Na6reech 3ala il partat 7yati .. ;* Mu 6awlyn 3alaina .. ;p
Bnaaaaaaattt!!! xp
Mabruuuk fouz il Q8 3ala indonisia!!
xD 5adamatna matat 7arrraaaa!!! xD:dddds:

 

[Sara.M]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

القصه عجيييييييييييييبه .. بلييييييييييييز كملي

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

..البارت السادس عشر..
في بيت لطيفه
فهود قاعد يعدل شعره ويرفعه بالاستشوار ولابس قميص أبيض وشورت بيج وجفس جمومه ورش عطر وشكله كان حددده زقرررت جان يرن تليفونه ومكتوب على الشاشه صلوح ( أعز رفيج عند فهود وأكبر منه بسنه ويسوق )
فهود: ألوو
صلوح: ها خلصت ؟
فهود: إي إي كاني ألحين أنزل
ونزل فهود وركب سيارة رفيجه الكايين ومشوا
وأهما بالطريج
صلوح: ها وين تبي تروح ؟!
فهود: مبين عليه متضايق كيفك المهم أطلع صاااكه فيني الدنيا
صلوح: فهود إنسى إنت قلتلي إن بنت خالتك تحب خلاااص إنت كمل حياتك بتلقى اللي بنيه اللي تحبك وتحبها والمشكله منك إنت بعد لأنك ما قلتلها ولا مرة ولا إعترفتلها بحبك
فهود: صلوح مو بكيفي والله شسوي يعني
صلوح: صير نفس رفييييجك يقطها بالويه لوووول
فهود: لوووول أقول جب أنا
صلوح: لوول ومنو هذا اللي تحبه
( فهود ما حب يقوله إن بنت خالته تكلم واحد غريب ) جان يقوله: مادري شيصيرلها من صوب أبوها
صلوح: إممممم إنزين تبي تروح البدع ولا مرينا كرسنت ؟!
فهود: لا البدع وااايد زحمه روح مرينا كرسنت
صلوح: أوكي
وأهما بالطريج مرت سيارة بنات يمهم وصلوح قعد يتطنز عليهم ويتحرش فيهم ويسوي حركات بويها وفهود بس قاعد يضحك على رفيجه لأن ما كان نوعه يتحرش ورفيجه عكسه حددده بايعها وعقب وصلوا مرينا كرسنت وراحوا فرايديز وكلوا جان يتمشون على البحر
صلوح وأهما قاعدين يتمشون شاف بنيه جدامه معطيته ظهرها وما كان مبين وييها ولابسه أحمر مر يمها ولا يقولها: فدييييييت الفراوله لوووول
البنيه سمعته جان تلتفت عليه
صلوح تنح وإنصدددددم: وييييييييييع شنوووو هذي ؟!!! أي فراااااااوله ؟!...الا فرااااوله خاااايسه كاااااااااك
فهود: مااااات من الضحك عليه وعليهااا والبنيه مسكيييييينه حدددها افتشلللللت
البنيه: ويع إنت قليل أدب !
فهود وصلوح من كثر الضحك ما قدروا يردون عليها لوووول
جان تمر بنيه يم فهود تنح عليييها تشبه رووون فيها من ملامحها ! بس هذي مو متحجبه بس مهما يكون روون أحلى بواااايد وعيونها ماااكو مثلها وحتى شعرها إيننننن وتذكر لما ( مرة دش الديوانيه ونسى يطق الباب لقى روان قاعده تقرا مجله ومنزله راسها ما لاحظته وما كانت لابسه حجابها وتنح عليهااا شعرها كاان طويييل وإهي شعرها بني مشوقر يعني فاتح من الله لونه عجيب ما قدر يشيل عينه من عليها ولما لاحظ نفسه رجع ورا وتنحنح روون رفعت راسها شافته وإختررررعت واستحت ماعرفت شنو تسوي جان تاخذ المجله وتغطي فيها ويها وركضت خذت شيلتها ودشت الحمام ) جان يضحك وقاعد يقول بقلبه ( لوووول فديتها لما تستحي دااايما تغطي وييها لووول )
صلوح: فهوووود ياااا حمااار أنا أكلم أبوي صح ؟!
فهود: هاااا شتبي إنت بعد ؟!
صلوح: وين ذلفت إنت لوووول
فهود: لووول جب جب وامش ورا هذي ولحق البنيه اللي تشبه روان
صلوح وأهما ورا البنيه: أووووه فهود قمت تتحرش شصاااااير بالدنيا لووول !...إييييي إنسىىىىى !
فهود حاول بالبنيه شكثثثثر عشان تاخذ رقمه بس ما كانت راضيه وقععععد على قلبهاااا لما رضت وخذته وبقلبه ( أووووف يعني أنا بنسى أقوم أضبط وحده تشبهها معنى البنيه مو ذاك الزود ولا تسوى شي من روون بس كافي إنها تشبهها =( )
-----------------------------------------------------------------------
في بيت بو عبدالرحمن
هيا: مريييييم يلااااا ماااا صارت إنتي وولدج خلصووونا تأخرنا على الحريم
لطيفه: إي والله زرعتووونا يلا
مريم: إي نطروا كااا خلصت بنزل
ونزلت مريم الصاله
ريون وروون قاعدين بالصاله مع الحريم
ريون: يماااا أبي أيي أبي أشوف سحيله اللي ماخذه قلب أخوووي لووووول
روون فصلت ضحك عليهااا
شويه ولا ينزل حمني من الدري كاااشخ شكله حددده زقرت بالدشداااشه والنسفه مضبطها والعطر يكفخ بالخشم
ريون تروح عند أخوها وتلمه: واااااي فدييييته أخووووي سموا علييييه طالع زوووغه
الحريم كلهم: لوووووول
هيا: يحليلك يا حمنو والله كبرت وبتخطب بعد لوووول
مريم: بس سكتوا لا أبجي
لطيفه: لوووول صار شي أهوا عشان تبجييين
ريون: يماااا واللي يعافيج لا تقلبينها مناحه لووووول
طلعوا من الباب وحمني وراهم ولا ريون تطق حمني كوع خفيف وتساسره: سلملي على سحيله لووووول وغمزت له
حمني فصل عليها وروون كانت يمها فسمعتها وضحكت عليها
وقعدوا ريون وروون بالبيت فصلوا بروحهم لما ردوا الحريم
-----------------------------------------------------------
في الطبيب
حمد وهدى قاعدين ينطرون دورهم
الممرضة: هدى الـ......
وقاموا دشوا عند الدكتور
الدكتور: شلونكم مع العلاج ؟!
حمد: الحمدالله بس هذى تعبانه هالأيام مادري أخاف من العلاج
الدكتور: شفيج هدى ؟!
وقالت حق الدكتور شفيها وقالها تروح تسوي تحليل
وتنطر شويه على ما تطلع النتيجه
راحت هدى سوت التحليل وقعدت تنطر النتيجه شويه ولا ينادون اسمها
دشوا عند الدكتور ووقفوا من الخرعه
الدكتور: قعدوا
حمد خاف على مرته: قول دكتور شفيها
الدكتور: مبروك مرتك حامل !
حمد ما صدق اللي سمعه صارلهم أكثر من 5 سنين يعالجون وأخييييرا هدى حملت قعد يحمد ربه بقلبه !
هدى سمعت الخبر وقعدت تبجي من الوناسه
الدكتور قعد يكلمها ويعطيها نصايح عشان تديربالها على الجنين وعلى نفسها
طلعوا من عند الدكتور حمد مو مصدق دق على أمه يقولها
أم ناصر: كلولولولولولوش مبروك مبروك هذي فرحتين بدال فرحه فرحتنا بخطبة حمنو وحمل مرتك...قولها خل تدير بالها ولا تشيل أشياء ثقيله وحط بالك عليها خلاص مرتك حملت لا تعبها بطلباتك
حمد: إنشالله يما إنشالله
---------------------------------------------------------------
ردوا الحريم بيت بو عبدالرحمن
ريون: هاااا شلون سحيله إنشالله حلوة لووووول ؟!
مريم: لا مشالله ناعمه مملوووحه
لطيفه: إي حلوة ومبين عليهم خوش ناس
هيا: إي والله ذربيييين
ريون وروون: إحنا أحلى لوووووول
هيا ومريم يضحكون: لوووول أكيد أحلى بناتنا
لطيفه: لوووووول الشاذي بعين أمه غزااااال
كلهم: لووووول
ريون وروون: خاااااالتي حراااام عليج
لطيفه: لوووول لا أتغشمر إنشالله نشوفكم عروساتنا
ريون وروون استحوا وكل وحده فيهم تفكر باللي تحبه
روون تفكر بفروس وريون تفكر بإحمدو
لطيفه: بس ما عجبتني مرت أخوها اللي قاعده يمها نفسيه ما تضحك
الحريم: لووووول إي صحححح لاحظنا وقعدوا يحشون بالمرة
مريم: إييييي بس أهوا شعليه منها المهم البنت وأمها وأبوها ومشالله الأم تهبل وحليوووووة صح حمنو ؟!
حمنو سرحااان ويقول بقلبه أخييييرا بتزوووج
ريون: ألوووو حمنو نحن هنا وين رحت
حمني: هلا هلا ؟!
ريون: إي إي توه شايف سحيله وين يعطينه وييييه لووووول
وقعدوا كلهم يسولفون ولما صار الوقت متأخر كل وحده راحت بيتها
--------------------------------------------------------------
روان وأمها ردوا البيت
روان طول الطريج ساكته خايفه أمها تبطل معاها الموضوع مرة ثانيه
هيا كانت قاعده تفكر بالموضوع بس كانت قاعده تقول بقلبها ( أنا كلمتها مرة وحده وإهي عطتني كلمه وأنا أدري بنتي كبيرة وعاقله وتعرف مصلحتها ماله داعي أفتح هالموضوع مرة ثانيه )
جان تشغل روان مرينا أف أم وقعدت تسمع إغنية أنا من حقي أغير حق راشد
أنا من حقي أغير حولك العالم كثير
كلهم يبغون قربك لكن أدري قدري في قلبك كبير
وقعدت تفكر بفروس لما وصلت البيت
---------------------------------------------------------------
صعدت فوف لقت فروح قاعده تتكلم
روون بصوت خفيف عشان اللي قاعده تكلمه ما يسمع: هااا منو جراحو ولا علي ؟!
فروح قالت حق اللي قاعده تكلمه : لحظه دقيقه وحطته على الويتنق
فروح: لووول يا حمارة هذا علي فديته وينه وين جراحو قطييييعه
روون: لووول أنا مادري ليش تكلمه دام ما تواطنه
فروح: لوووول عبيط يضحكني مرات
روون: الحمدالله والشكر
فروح: لووول بس جبي خل أكلم حبيبي فديته
وروان طلعت من غرفة ريون راحت غرفتها بدلت وقعدت على فراشها وحطت راسها على المخده وقعدت تفكر في فروس تعودت ما تكلمه الا بالجم يوم مرة نفسيتها شويه أحسن ما قامت تبجي نفس قبل بس ليلحين تتضايق مرات وكل ما تسأل فروس ليش متغير يقولها إنتي تدقين وقت أكون قاعد فيه مع أهلي ولا نايم
( خلاص أنا ما راح أدق عليه وايد يمكن أهوا يبي جذي ) ونزلت دمعتها وقعدت تتذكر سوالفهم قبل لما نامت
---------------------------------------------------------------------------
ريون قاعده تكلم إحمدو بليل قبل لا تنام
ريون: إنتي لييييش ما تسأل إنشالله ولا لازم كله انا
إحمدو يبي يطفرها: لوووول مالي خلق
ريون طنقرت: إحمدوووووو !
إحمدو فصل عليها: كيفي كيفي مالي خلق أشيل التليفون وأسأل عنج
ريون حز بخاطرها كلامه: أوكي خلاص حتى أنا مالي خلق أكلمك باي وسدته بويها
إحمدو تنح من حركتها: والله قووويه لووول أنا أعلمها ما راح أدق
ريون إنسدحت وكانت حددددها منقهرة منه: كيفه بالطقااااااق ونامت​

 

[Mo7aSbChia]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

wooow 3jeeeeb ilpaart y36eech il3afia ou na6reench

bas plz 7awlai etkhalena a6wal

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

مشكووورة حبيتي ;*~ وقصدج أخلي البارت أطول ولا القصه كامله ؟!
لأن إذا البارت والله هذا اللي أقدر عليه هالأيام عندي إمتحانات بس أول ما أخلص راح أخليه أطول
وإذا عن القصه إهي طويله ووايد أحداث ليلحين ما صارت لووول أصلا خايفه ما أقدر أخلصها على الجزء ثلاثين