رواية حالنا افضل ، بقلمي

[سنفوره8]

فديتج قموور لا تتاخرين علينا ناطرينج تنزلين البارت باقرب فرصه عندج

 

[قمر جنها]

فديتج قموور لا تتاخرين علينا ناطرينج تنزلين البارت باقرب فرصه عندج

من عيوني يا حلوه ....

 

[قمر جنها]

هلا حبيباتي اسفه عالتأخير كاهو البارت جاهز ....

 

[قمر جنها]

الجزء التاسع عشر​

(ابتسم عبدالله , الا ان الضيق يتملك وجهه): يعطيك العافيه...​

جاسم: يعافيك ,, مو مقصه انا يكدشونك مالك خلق تكدشني....​

(عاد عبدالله و دخل المنزل): يما ,, انا بروح داري حدي دايخ (في واقع الامر ,, كان يريد الهدوء و اعتزال الجميع)...​

حياة: ميخالف يمه ,, بس وين التوست ....​

(لم يسمع والدته ,, فقد كان شارد الذهن يتذكر فاطمه حين قالت): انا مطلقه عبدالله....​

(كانت حياة تنظر له): عبدالله ...​

(نظر لوالدته حين شعر بانها كانت تحدثه): هلا يما , قلتي شي .....​

حياة: والله حاله ,, ايي اسألك , وين التوست ....​

عبدالله: كا وصيت جسوم يما , الحين اييبه .....​

حياة: زين يمه قواك الله تصبح على خير ....​

عبدالله: و انتي من اهله .....​

(حياة تقول لنفسها): الله يستر ,, شكلك مو دايخ ,, شكلك معتفس / صوتك مو عدل ,, استغفر الله يا ربي ,, ماكو فايده !! لازم اوسوس يعني!!​

(بنان تهمس باذن نور): اووه عاد الحين هذا مالي خلقه ,, لووتيي ....​

نور: ليش ؟؟ حرام بنون مو لهدرجه ....​

(طرق جاسم الباب و استأذن ليدخل): يالله ,, درب درب ....​

حياة: تعال جسوم دش ....​

(دخل جاسم و القى التحيه): السلام عليكم ,, كيف الاحوال ...​

حياة و نور: و عليكم السلام ....​

(نظر لبنان): شنو هالمزاج المتفرغ ؟ الساعه 11 توست!!​

(نظرت لجاسم غاضبه):منو اللي طلب منك ,, انا طلبت من عبدالله ....​

(تفاجأ و أجاب مباشرة): ايي ادري ,, بس كدشني انا (كان لا يزال ينظر اليها) اسف على اي حال , بس كنت اضحك مو صج ترى ,, (وضع التوست على الطاوله) مرت العم بدور قاعد ؟؟​

حياة: ايي يمه ايي , فوق هو بداره مع حور(وضعت يدها على خدها)ويي نسيت اقول حق حوره تتحجب ....​

جاسم: صج!! تحجبت !! ​

حياة: ايي ما تدري !! (صارت تنادي حور) حور ,, حور ...​

حور: هلا يما ....​

حياة: حور امي جسوم هني بيصعد حق اخوج سوي له درب....​

حور: هلا شلونك جاسم ...​

جاسم: هلا حور بخير الحمدلله درب يرحم لي والديج ....​

حور: يالله اصعد (دخلت لغرفتها , صعد جاسم لبدر)....​

(صارت بنان تتمتم بصوت منخفض): وااي ,, ما يستحي ,, بالله الولد يبي ينام....​

نور: امبي شفيج عليه!! ​

بنان: مليق و شكله لوتي ...​

نور: اي لوتي ,, لا تشوفينه جذي ,, عبالج صغير و لووتي...​

بنان: عشتو , ليش جم عمره ان شالله ....​

نور: انتي عبالج صغير , عمر عبدالله ترى ....​

(تفاجأت بنان): حلفييي ....​

نور: بنون قومي الله يعافيج , قومي عشان تاكلين توست و جبن ,, حتى ما قلتي له مشكور مسكين ....​

(لا تزال بنان متفاجئه): صدمتيني ....​

نور: بلا ,, يما جسوم جم عمره ؟؟​

حياة: يعني بين عبدالله و بدر ,, يمكن 28 او 29 ....​

بنان: امبي تواخذت ....​

(في منزل حوريه ,, كانت بشاير تقرأ القرآن و مناير تشاهد التلفاز)....​

(عندما انتهت من قراءة القرآن قالت لمناير): منور ,, مره قلتي لي انج متهاوشه مع اسامه و طلع بالصدفه اخو دكتورج بالكليه ....​

(ضحكت مناير قائله): ويي ش مذكرج فجأة ....​

بشاير: لا قصدي ما اعتذرتي له؟؟​

مناير: بلا , بحينها اعتذرت له ....​

بشاير: يصير حق جمانه و ليول اهوه صح؟؟​

 

[قمر جنها]

مناير: بلا من صوب اهل ابوهم ....


بشاير: امبي منور ليكون مسؤولج ؟؟


مناير: لا رفيج مسؤولي (ضحكت)....


بشاير: امبي منور , انتي يديده , لا يقلب مسؤولج عليج ...


مناير: لا شكله محترم ,, ما اعتقد عقله مولي ....


////////////////////////

(في منزل حياة ,, في غرفة عبدالله , كان مستلقيا يتذكر فاطمه عندما قالت): كل مره رسوماتك فيها جمال يخطف القلب , و تفاؤل و نجاح ....

عبدالله: والله محد يخطف القلب غيرج ,, افكر فيج دايما ,, طول الوقت اشوف ملامحج جدامي ,, صورتج بعيوني ما تفارقها كلش ....


///////////////


(بعد اسبوع ,, كان حسن خلاله يتعامل مع نور بسطحيه ,, فهو محبط من ردة فعل بلسم ,, لكن نور و سالي اعتقدتا بانه غاضبا مما فعلت نور).....


حسن: السلام عليكم ...


سالي: اهلا و سهلا , كيفك حسن ....


حسن: تمام والله ,, (التفت لنور) شلونج نور ...


نور: الحمدلله تمام (مبتسمه) انت شلونك ؟؟


(اصبح حسن في كل مره ,, لا ينظر اليها و يجيب): لا باس , الحمدلله على كل حال ....

///////////////////////////////

(في يوم الخميس , كان بدر يترقب واجهة المنزل من شباك غرفته املا بان تأتي بشاير ,, فذهب لاول مره لغرفة حور و طرق الباب)...........


(بدر يطرق الباب): حور ,,(طرق الباب ثانية) حور ....


(اتت من خلفه و ضربت ظهره): هلا حبي ,, يا بختي ياي داري اليوم ....


(خاف بدر بان يسمعهم احد , فمسك يدها و دخل لغرفتها)....


حور: شفيك ؟؟


بدر: ما فيني شي , انا بس , كنت ابي اسألج ....


حور: شفيك اسأل ....


بدر: اليوم شنو ؟؟


(ضحكت حور قائله): احلف والله ما تدري اليوم شنو ؟؟ الحين انت تداوم تسألني انا اللي قاعده بالبيت...


بدر: بلا ,, بس اليوم الخميس صح ؟؟


حور: ايي ,, ليش شفيك(مبتسمة)....


بدر: محد ييه غريبه ....


(ضحكت قائله): من متى تسأل اذا ييه احد او محد ييه!! اذا تسأل عن بشور // يمكن ما ايون ....


بدر: ليش ؟؟ زعلانه معناته لي الحين .....


(واصلت الضحك): بدران شفيك , لا تحاتي مو فضيحه بشور ,, عاجل اسم الله عليها ,, يعني توقع انه خالتي و امي ما يدرون عن شي ,, ما اعتقد زعلانه لا ....


بدر: ايي حتي لو شرهانه ,, ابيها تيي و اعتذر منها ....


حور: عادي بدران ,,, ماله علاقه ,, اليوم ما راح ايون لان عرس بنت عمهم ,, حتى امي بتروح العرس اسألها .....


بدر: بس العرس بالليل مو الحين ....


حور: ايي , يروحون الصالون مبجر ....


بدر: ايي , ليش , لازم الصالون , شيسوون؟؟ يعني هي حلوه مو محتاجه مكياج ....


(صارت حور تضحك): بدر !! حلوه ها !!


(احمر اذني بدر و صار يضحك): بلل , شفيج ؟؟


حور: ما صار اعتذار هذا ,, ليش تروح صالون!! , و هي حلوه ما تحتاج مكياج !! ,, ما تحتاج ها ,, انا اللي شفيني انت اللي شفيك !!


بدر: انتي شككتيني ذيك المره قلتي لي اخاف ما تيي .....


/////////////////////////


(اما عبدالله , غير المكان الذي يقف به ليرسم في هذا الاسبوع , لكنه صار يقول لنفسه): لاا ,, انا لازم ارجع هناك ,, ولهان عليها ,, ولهان عليها لدرجة اني مو قادر ارسم .....


/////////////////////////


(جاسم عند منزل حياة يتحدث بالهاتف , و نور و بنان ينظرون من الشباك) .....

جاسم: هلا يماا .....


ام جاسم: وينك ؟؟


جاسم: انا عند بيت عمي عادل .....


ام جاسم: جسووووم !!! ,, قاطعينسرك هناك ,, فشله عندهم بنات .....


جاسم: ويني وين البنات يما ,, انا اروح اقعد مع بدور بداره....


ام جاسم: يمه ما يصير حتى ابوك مو راضي جذي ,, زايده روحاتك هالايام , و بعدين بدير ما يعرف يطلع من البيت!!!


(في المنزل بنان تقول لنور): شفتي لوتي , قلت لج لوتي ....


نور: مادري , العاده اللوتي يخز , جسوم ما يخز ....


بنان: بس يتميلح , يتبوسم .....


نور: والله حاله جسوم حليو , اهوه جذي ويهه ما يكشر , من الناس اللي حتى لو يعصب , يقعد يقول نكت .....

يتبع....​

 

[قمر جنها]

راح احاول اجهز لكم بعد بارت اليوم ,, راح تكون فيه احداث ,, هذا تقيسون منه نفسيتهم شنو
ناطره منكم توقعات بليييييز​

 

[Ms.romanceya]

روووووووووعة البارت

التوقعات

بدر رح يشوف بشاير و رح يحبها و يمكن يخطبها

و عبدالله همن رح يتزوج فاطمة

بنان رح تحب جاسم و يمكن يتزوجون

و يسلمووووووووووووو :**

 

[قمر جنها]

روووووووووعة البارت

التوقعات

بدر رح يشوف بشاير و رح يحبها و يمكن يخطبها

و عبدالله همن رح يتزوج فاطمة

بنان رح تحب جاسم و يمكن يتزوجون

و يسلمووووووووووووو :**

ثانكس حبوبه ،،، اخجلتم تواضعنا ،، و اشكرج حبي على التوقعات

 

[سنفوره8]

قموور كملي

 

[قمر جنها]

قموور كملي

من عيوني ،، يا احلى متابعين

 

[جوري ستايل]

كميل بليز. اب اب اب

 

[معي احلى]

الاجزاء زادت روعه

 

[قمر جنها]

الاجزاء زادت روعه

اشكرج حبووووبه ،، على راسي تسلمين

 

[قمر جنها]

كميل بليز. اب اب اب

ان شالله حبي

 

[قمر جنها]

اسفه بنوتات ,,, ادري اني تأخرت عليكم بالبارت ,, و سامحوني همن البارت قصير نوعا ما سامحوني عالقصور​

و هذا البارت جاهز:yaaaaaarb:ان شالله يدش خاطركم​

الجزء العشرون​

(وقف جاسم عند باب المنزل و استأذن ليدخل): يا الله ....​

نور: ادخل جاسم ....​

جاسم: السلام عليكم ....​

نور: و عليكم السلام ....​

(جاسم ينظر لبنان و يقول): السلام لله ....​

بنان: هلا ,, و انت 24 ساعه هني !!​

(غضب و اجابها مبتسما): ايي بعضا مما عندكم ,, بس حياج ببيت العم ,, بيتج همن ....​

(نظرت بنان لجاسم باستصغار ,, فتابع مبتسما): ش مشكلتج !! ليش هالنفسيه طول الوقت ,, انا فاهم و مقدر وضعج و ظروفج ,, ولا عمري راح اضايقج ,, بس نصيحه // مع الناس لا تتصرفين جذي ,, لان مهما كانت مكانتج بقلبهم كبيره // ما تدرين شنو ردود افعالهم (بنان صامته) ف الله يرضى لي عليج ,, غيري طريقتج معاي ....​

(نظرت نور لجاسم متوتره و قالت): جاسم ميخالف ,, عليك الله لا تزعل ,, على قولتك هي مضغوطه ....​

(جرحت بنان لاحساسها بان نور و جاسم يشفقان عليها و قالت مختنقة بدموعها): مو مضغوطه ,, شنو !! عبالكم انا مينونه ....(اخذت تبكي)​

(قالت نور لجاسم): شفيك جاسم ,, ليش مضغوط ؟؟!!​

(لم يجبها فمشاعره دقيقه اتجاه بنان ,, شعر ببكاءها في حين نور لم تلاحظ ,, كان يرمق بنان بنظرات جميله و حنونه جدا فالتفتت حينها نور): شفيج بنون !!​

(طلب جاسم لنور برجاء): ميخالف نور ,, يبي لها ماي بارد....​

نور: ان شالله ,, ذكري الله بنون (ذهبت نور لتجلب الماء)....​

جاسم: بنان ,, عبالج بقول لج لا لا ,, لا تبجين ,, لا بالعكس ابجي ,, حلو البجي عليج ,, خدودج حمر ,, عطاج البجي رونق....​

(تفاجأت بنان بما قال فضحكت ,, فضحك جاسم فقالت): جاسم والله مالي خلق اضحك ....​

جاسم: ايي بس ضحكتي (عادت تبكي فتابع) ايي ايي شحلاتج ,, جنج متمكيجه (ضحكت ثانية) ضحكي بنان ماكو شي او احد ,, يسوى انج تزعلين نفسج عشانه .....​

(بنان منزله رأسها): جاسم ,,, اذا انت قاعد تلمح على شي , تقول لي حلوه , ومادري شنو ,, ترى كلش مالي خلق ....​

جاسم: لا المح ,, جبان انا انتي على ذمة ريال , ما المح وله شي ,, لوما اني جبان شويه جان من زمان مرقم امي , بس اخاف من ابوي ....​

(صارت بنان تضحك اثناء بكاءها و قالت بدلع): بس عفيه ,, جاسم!! (و تتذكر نور حين قالت[والله حاله!! جسوم حليو , اهوه جذي ويهه ما يكشر , من الناس اللي حتى لو يعصب , يقعد يقول نكت] ..... ​

(كانت نور قد جلبت الماء)....​

مداخله من نور: ايي حوبتي ,, ذيك المره قاعده تضحكين علي لان ابجي و اضحك ....​

جاسم: ااه اوكي , يعني انتو الاثنين نفس النسخه ,, خلاص اغازل نور احسن ,, لا ,, تذكرت اني جبان .....​

(اعطت نور الماء لبنان فشربت , و قالت لجاسم): انزين ليش تقول عن نفسك جبان !!​

جاسم: هوايه , هواية نقد النفس .....​

///////////////​

(في احدى الكافيهات الهادئه كانت بنان تجلس وحدها و تقول لنفسها): امبي , والله فشله فشله ,, انا ليش قلت له ....​

..........................
(صارت تتذكر)..​

جاسم: شاللي مخليج متضايقه لي هالدرجه بنان؟؟​

بنان: اليوم عيد زواجي (دمعت عينها) داز لي تهنئه , قاعد يحاول يراضيني عشان ارجع له ....​

جاسم: زين بنان ,, خللي الامر بسيط ,, انتي شنو اللي تبينه سويه , من غير ما تخلين احد يدخل بقرارج (ينظر بعينيها) صح كلامي وله لا ....​

بنان: اكيد صح ,, بس امي و ابوي معصبين ,, ما يبوني اتطلق ....​

(شعر جاسم بالراحه نوعا ما): انتي تبين تتطلقين يعني ؟؟​

بنان: ايي ....​

جاسم: لي هالدرجه مسوي شي لا يغتفر !!​

بنان: عمر الانسان ما يقدر يغفر الخيانه ,, صبرت اول مره و ما كنت بالعته , بس الحين ما اقدر .....​

جاسم: افففف العن خيره , مرتين بعد !!!!​

.......................​

(اتت نور لبنان): بنون ما لقيت الكيكه اللي تبينها , يبت لج اللي انا احبها ....​

بنان: ايي عادي .....​

نور: ارتحتي شويه الحين .....​

بنان: الحمدلله , حاسه بتأنيب الضمير , الصراحه ما توقعته جذي ....​

نور: وله انا ,, قط قطه ,, معناها احبج بصريح العباره ,, او حتى انتي عاجبتني ,, تذكرين بنون لما قالج [لان مهما كانت مكانتج بقلبهم كبيره // ما تدرين شنو ردود افعالهم ف الله يرضى لي عليج ,, غيري طريقتج معاي] اشكره انتي مكانتج كبيره بقلبي بس تكفين غيري طريقتج معاي....​

بنان: ايي لاحظت ,, لانج قلتي لي انه اذا تضايق ينكت ,,, تتوقعين متضايق عشاني ؟؟​

/////////////////////////////​

(عاد عبدالله يرسم في المكان الذي التقى به فاطمه ,, و صار يترقب قدومها ,, الا انها تقف عند شباك غرفتها , تراقبه و تبكي , فدخلت امرأه مسنه و قالت): فطومه يمه , بسج لا تطلين من الدريشه ,, شوفي شسوى فيج اخوج , ويهج و جسمج مطققين ,, يا ماما انا ادري انج مكبوته و كله بالبيت لانج مطلقه ,, بس اي مطلقه وضعها راح يكون نفس وضعج.....​

(فاطمه تبكي): بس انا بالبيت , و انطق لاني اطل من الدريشه , هذا ظلم يما ....​

ام فاطمه: يا يمه اهوه بعد ين ينونه لما شاف الرسمه ....​

فاطمه: ايي ادري ,, بس الله يسامحه , الرسمه ما فيها شي مشين ....​

ام فاطمه: انزين هالولد ما يحبج ,, ليش ما يتقدم لج ؟؟!!​

فاطمه: يما هو مو متزوج من قبل (و صارت تحكي لوالدتها قصة عبدالله بادق التفاصيل) اهوه حارم روحه انه يفرح ,, لين كلمته , شكله والله اعلم اقتنع ,, بس يمه ,, اترجاج ما تقولين حق احد , اهوه محلفنني ما اييب سيرته عند احد ....​

ام فاطمه: لا تحاتين حبيبتي .....​

/////////////////////////////​

(في منزل حياة ,, وصلت بشاير بكامل اناقتها مستعده للذهاب لزفاف ابنة عمها ,, وقفت في الاسفل بجانب السلم و صارت تنادي حور): حور ,, حور (لم تجبها حور) فصعدت للاعلى متوجهة لغرفة حور , (فتحت الباب لكنها لم تجدها بالداخل , كان بدر يسمع صوتها ,, فخرجت تتمتم) وينها هذي ؟؟!! قالت مرينا انا و امي (صارت تنادي) خالتي حياة ,, خالتي (فتح بدر باب غرفته بهدوء ,, فتراجعت خطوة الى الوراء خائفه)....​

(وقف بدر عند باب غرفته و قال): هلا ,,(نظر اليها مفتونا بجمالها ,, و انزل رأسه على الفور) انتي منو ,, منو من بنات خالتي حوريه ....​

بشاير: هلا فيك ,, انا بشاير ,, شلونك بدر ؟؟​

(بدر منزلا رأسه مبتسما و محرجا ,, محرج لاعجابه بها و لموقفه منها في المره السابقه): بخير الله يسلمج ,, حور و امي راحو العرس من 10 دقايق جذي ....​

بشاير: صج ! خلاص ,, اوكي بدر , مشكور (و همت بالرحيل)....​

بدر: بشاير (التفتت اليه بعد ان اعطته ظهرها مستعده للرحيل , فرأته يقترب منها) ان شالله ما تكونين ماخذه على خاطرج مني , انا بصراحه ,, بصراحه (سرح بوجهها مرتبكا , ثم عاد و انزل رأسه) كنت ناطر تيين عشان اعتذر لج على اللي سويته , ما كنت قاصدج , بس شفت ملابسج , و كنت شايف جمانه من الدريشه لابسه نفنوفج ,, ف لما دشيتي داري ثرت , فكرتج اهيه , وله استوعبت انج وحده ثانيه الا عقب ما دزيتج و طردتج (كادت بشاير ان تبكي , مسك بدر يدها بيديه الاثنتين) انا ادري انه اللي بسويه الحين غلط (قبل رأسها فنظرت اليه مذهولة) حقج علي , اسف حيل اسف , الله يشهد على كلامي اني ما كنت قاصدج .....​

(بشاير توشك على البكاء): امبي بدر ,, احرجتني ....​

بدر: اسف على جرئتي , اني حبيت راسج , لكني حاس اني لازم اعتذر لج , فماكو شي يكفيني الا (جاء نداء لبشاير و قاطع بدر , ارتبك و توجه ليدخل غرفته يقول لها سرا) انا اقول حق حور تتصل عليج و اكلمج ,, اوكي ....​

(اجابت بشاير): ها منور , ماكو احد , كا الحين انزل , (صارت تهمس له) بس اقعد منور يمي ....​

(خاف بدر لكنه قال مصرا): ميخالف , بس مابي تصير بلبله....​

بشاير: لا تحاتي ,, بس منور .....​

يتبع....​

 

[قمر جنها]

و ناطره مشاركاتكم و اراءكم الغاليه ,,, قبلاتي ....​

 

[معي احلى]

الجزء الجاي نار ناااااااااااااار لو سمحتي لاتتاخر فيه



باقي على فكره حور جالسه تعد النجوم مافي احد حبها او حبته ومناير شكله في معاها واحد بس ماظهر للنور ..




متحمسه اكثر واكثر واكثر للاجزاء الجايه ..

 

[قمر جنها]

الجزء الجاي نار ناااااااااااااار لو سمحتي لاتتاخر فيه



باقي على فكره حور جالسه تعد النجوم مافي احد حبها او حبته ومناير شكله في معاها واحد بس ماظهر للنور ..




متحمسه اكثر واكثر واكثر للاجزاء الجايه ..

من عيوني حبي ،، ثانكس يا الغاليه ،، ان شالله اضبط لكم قصة حق حور و مناير ....

 

[Ms.romanceya]

بدددر صدمني هذا الساكت الكذاب xd

بس كان عجيب البارت يشوق و فطوم ليش جذي شنو قصتها عورت قلبي

بشاير حبيتها

اب اب ا ب​

 

[قمر جنها]

بدددر صدمني هذا الساكت الكذاب xd

بس كان عجيب البارت يشوق و فطوم ليش جذي شنو قصتها عورت قلبي

بشاير حبيتها

اب اب ا ب​

هههههههههههه ?
يعني شنو xd