روايتي الاولى : (دليسا )

[39la o f9la]

Ma yst7i badoor ;p
Bs bshoof mw8f deleesa lma shafta
Thnx 3l part o na6reeeeeenich ;*

 

[sweet.sanfoora]

اب اب لعيون لويلوو

 

[Lolwa]

فديتكم بنات عالتعليقات الكيوت وللرفع بعد


تؤبروووووووووووووووووووووني انتوا حبيباتي

 

[miss 3yara]

Bader bada3 3ajeb alpart na6renich 7yati ;**

 

[Lolwa]

الفصل الحاديوالثلاثون​

تمر ثانيتين عالوضع هذا !!​

ودليسا تستوعب
وتطقه على كتفه تبعد شفته عنها ​

وتطالعه باستغراب!!!​

بدر يرفع كفينه ويبينلها بطن الكفين ( علامه الاستسلام )​

دليسا تخزه : ................​

بدر : شفيج حبي ؟​

وتبحلق فيه وهي ورافعه حاجبها لي فوق​

بدر ناطر منها تعبير !!!
أينكان ( سب ...طق ...صراخ ) لأنه يدري انه غلطان ...بس شيسوي ماقدر يقاوم ...هذا الحب وعمايلوه ...​

ليلحين تطالعه بنظرة عتاب وهي واقفه مكانها ماتحركت​

بدر : فردوده؟​

دليسا أخيرا نطقت وبحده : إسمي دليسا ....
بدر يحاجي روحه : إسمها دليسا !!!!!آهاااا ...عدينا خير عيل !!!!​

بدر : حبي مادري شعاجبج بهالإسم ؟
دليسا تبحلق بعيونها عليه تبين عصبيتها....​

بدر : اهو حلو ...حلو ... بس فريده وايد أحلى حبي ...​

دليسا تهده وبتروح الدري من غير ماتبين أي تعبير ثاني..
بدر يناديها : حبي ! حبي وين رايحه ؟؟​

وتستمر تركب الدري وبهدوء وكاشته ببدر...
بدر : فريــــ....دليسا ...دليسا حياتي ..وين بتروحين وهادتني ؟​

وصلت دليسا غرفتها وهو وراها​

لفت صوبه ​

وخذت الباب
وتطالعه من تحت وهي رافعه راسها لي فوق وتصك الباب بويها​

بدر : أوف؟​

بعدها بفتره ​

يطق الباب شوي شوي ​

بدر : حبيبتي ! ممكن أعرف أنا شنو سويت ؟​

فريده وبالجانب الآخر من الباب تبتسم وتحط ابهامها بين ضروسها وتضحك عالخفيف وتهز كتفها وتتذكر البوسه العجيبه < --- هم عياره!!!
بس هم ماترد عليه !!!!​

والريال متعذب فقير!!!​

بدر : أوكي أوكي غلطت ....المفروض ما أخدعج وأدش داخل البيت وفاجإج ...
فريده :......
بدر يمل : وبعدين فريده ؟؟ شلون يعني ؟ شنو تبيني أسوي علشان أكفر عن غلطتي ؟​

دليسا تبطل الباب!!!​

نشوفهم ألحين عند دريشة ميري ​

بدر يطلع بره وفريده تطالعه
بدر : هاااا أ هاااا... بعد شتبين ؟
دليسا : إي خلك جذي مطيع , وماشوفك مره ثانيه تدش البيت ......
يالله ...الحين بشوفك بدريشة حبنا جهز تلفونك ويايتك هناك على طول حبي وهي تمسك ضحكتها...​

بدر : تضحكين بعد ؟ أمرنا لله ...بعد هذا حكم القوي عالضعيف ومايسوي...​

وتسكر الدريشه وتروحله ركض عند الدريشه الأم وهي فرحانه​

ويتلاقون بالدريشه فتره ويحطون ايدهم على ايد بعض وراء الحاجز ...ويسولفون بالتلفون ....
دليسا حست انه مات من الحر وقالتله يروح ويجيها بوقت مافيه شمس علشان صحته ​

وفعلا يروح بيته ويدش ويلقا خالته بويهه
عايشه : شفيك مسمر جذي ؟ شنو رايح الشاليه ؟
بدر : اي
عايشه : هذا عيب الشاليه ...يعطيك تان بس النوع الموحلو !!!
بدر : صدقتي خالتي ...عن اذنج ...
عايشه : اذنك معاك!!!!!!! وعليا ! الا وايد صاير أسود ؟؟؟!!!!!؟؟؟؟​

 

[Zhoor el7lwa]

يسلموووو بس وااايد قصييير بس هم يسلموو

 

[39la o f9la]

Tslmeeeeen lolo 7yatii
Bs hm nbi part elyoum ;p<< 6ma3a 9a7 ?

&&thnx

 

[sweet.sanfoora]

اهم شي تان شاليه ها

 

[Lolwa]

صح البارت عنونو ؟؟؟؟؟؟


أوكي أحاول أكتب تكملته الحين

 

[sweet.sanfoora]

انتي كريمة يا بعد جبدي واحنا نستاهل

 

[Lolwa]

خال بدر (صالح ) يكبر بدر بس بسنتين يشوف بدر بيروح غرفته فوق ويناديه​

صالح :شلونك بدر​

بدرحاول ينحاش بس مالحق : هلا هلا بوصلوح...​

صالح : إلا أقولك ماعندك سلف ؟​

بدر : توني معطيك الشهر اللي طاف ؟​

صالح : ميخالف ياولد إختي ....عندك بيتك مأجره وقاعد عندنا ببلاش ...وفلوسك زايده ماشاء الله ...ولا عندك مراه ولا عيال ...ويضحك ..إحنا أولا فيهم ههههه​

بدر تنرفز من خاله ويصارخ : وبعدين على سالفة الشقه هاذي​

ذاليني فيها !! ؟؟؟​

صالح مستغرب من بدر ؟؟؟ شفيه يتكلم بهالسلوب؟ ​

تجي خالته مصروعه ​

عايشه : شصاير ؟ شالصراخ ؟ لا تقعدون أمي توها نايمه ؟​

صالح : طلع لسانك يعني يا بدير ؟​

بدر : إي ..مني ورايح راح يطلع اللسان اللي صارله فتره محترم عمره و مخشوش ..كل يوم والثاني تذكروني إني غريب بهالبيت ...وتذلوني بشقتكم المكحينه فوق ...يبا ما أبيها أخذوها حقكم زيييين....​

ويهدهم ويكمل الدري لي شقته ويسمعون الباب يتسكر اللي على أثره سوا زلزال بالبيت !!​

صالح وعايشه :؟؟؟؟!!!؟؟؟؟​

صالح يطالع اخته : شفيه هذا اليوم ؟​

عايشه تحك راسها : مادري ؟ الظاهر من الشاليه ...تعرض وايد للشمس وأثر على مخه ..ماتشوفه صاير أسود ؟​

صالح : اي صح صح ...موزين الواحد يتعرض للشمس جذيه! ..لازم عالأقل يلبس كبوس أو يرطب راسه بالماي !!​

عايشه تطقه على جتفه : وانت بعد مايصير كلما تشوفه تييب طاري الشقه ..مايجوز جذي..لو أطرم جان نطق منك !!!​

الولد مايقصر ويانا يحط حق البيت ويصرف على أمك وييب لها السسترات والعنايه الطبيه من والى ...تراه اهو الوحيد اللي يجابلها أكثر منكم كلكم حتى أكثر مني أنا... وجوده هني من مصلحتنا كلنا .. واحنا اللي أجبرناه انه يقعد وياها ...​

صالح : أوكي أوكي ..ندري ماله داعي تذكرينا ...بس الحاله شحيحه يا عايشه ..و أنا الصراحه ودي بنصيبي بهالبيت لأن الشقه اللي انا قاعد فيها مع مرتي وايد غاليه وكلها غرفه وصاله ...باجر بيكثرون عيالي وبغير المكان لمكان أوسع ...​

ويأشر بييده يحك ابهامه بصبعه... ​

وكل هذا يبيله فلوس زياده ....وأنا مومن معاشي الزايد ...ولا من تجاراتي وعماراتي الزايده ...قاعد على باب الله طرق المعاش ...لا ومرتي ماتشتغل بعد ...شوفي يا عيوش ...تروحين تكلمينه ...يا انه يطلع من البيت ويروح بيته اللي مأجره ويخلي الشقه تكون لي ...أو يعطينا حق أجاره ويوزع علينا كلنا شهريا... والا ترى أطالب بحقي عند المحكمه ....وتعرفين شيصير ليطالبت بحقي ...​

عايشه : تضيع أمك المسكينه ...لأن بهالحاله راح ينباع البيت ومايصير عند أمك مكان تروحله .. ؟​

صالح يعطيها ظهره ويرفع إيده موعاجبه : أوووو أووووو ...خل ياخذها عنده بالبيت دام إنه مايقدر على فراقها ...انا انسان الصراحه بعيش ...والا تبيني أبوق ؟؟؟​

عايشه :لا طبعا يا صالح مانبيك تبوق؟؟؟؟وبعدين شهالكلام ؟ هاذي أمك..حرام عليك تقول جذيه...​

صالح : فكينا زين ... ويطلع ..!!!..​

عايشه : قطيعه نزغه ؟ مادري على منو طالع ؟​

عايشه تروح فوق لبدر وتطق الباب​

بدر يدخلها ​

عايشه : شفيك اليوم معصب يا بدر ؟​

بدر : مافيني شي ...بس مصخها هذا بالطراره والذل ​

عايشه : لا لا تقول جذي ...هذا خالك ويحبك ​

بدر يطالعها : أنا ليلحين ياهل عندج...من متى حبني ...من صغره وهو كارهني ويغار مني على كل شي ...​

عايشه : الله يهديه ...​

وتطالعه مو عارفه تفتح وياه الموضوع ​

عايشه : بدر ؟​

بدر يطالعها وهو ماله خلق : شنو بعد ؟​

عايشه : صالح يهدد اذا ماطلعت بيطالب بحقوقه ..واذا طالب يعني بنضطر نبيع البيت وكل واحد بياخذ سهمه ..وأنا مابي أمي تتمرمط وما أقدر أييبها البيت عندي ريلي مايرضى ...وأنت عارف شنو الوضع ...​

بدر يطالعها : يعني اهو شيبي الحين ؟ يبي شقتي ؟​

عايشه تحرك راسها بعلامة (إي )​

بدر :خلاص من باجر راح أعطي المؤجرين خبر ..,اخليهم يتجهزون علشان يفظون البيت وأطلع أنا وأفككم مني.. ​

عايشه : لا تقول جذيه ..إحنا نحبك ونبيك ...ومن صالحنا أصلا انك تقعد ...بس صالح اللي طالع من بينا نزغه...اهو اللي بتصرفه يجبرنا على تقبل شروطه ...​

ماعليه ( وتمسح على ايده ) ..لاتزعل ..والحق حق ..وانت الله منعم عليك ..عندك بيتك ماشاء الله ....تقدر تقعد بالطابق الأرضي وتأجر الأول ..شرايك ؟​

بدر : حزتها يصير خير ...أدري خالتي انه جابرج تنقلينلي هالحجي ...نقليله ألحين الحجي مني ...قوليله بدر يقولك مبروك عليك الشقه تقدر تاخذها خلال شهر بالكثير لين يطلعون المؤجرين .. وانت بس هالمره اللي فزت فيها ترى فلا تستانس وايد ..لأنك دايم مهزوم..​

عايشه : إنشاء الله أقوله ..بس آخر جمله ماني قايلتها ..​

بدر : تكفين خالتي ...ترى أهم جمله عندي...وتبرد جبدي ..​

عايشه تطالعه وتقرصه على اذنه : توك قايل أنا مو ياهل ..​

بدر : أوكي أوكي ...خلاص ...عيل اخذي هالوحده ... أخف من اللي قبلها ...قوليله يالنذل إخذ الشقه وإنشاء الله تحترق وأنت فيها بعد ..​

عايشه تطقه على جتفه : بسك عاد...وتبوسه على راسه ....ماتقصر يا ولد إختي ..والله إنك ريال عين وفعل ..عرف أبوك شلون يربيك ...​

بدريبوس راسها اهو بعد : الله يرحمه ..​

عايشه : الله يرحمه ويرحم أمك وجميع موتانا انشاء الله...( وتقوم ) يالله خن أدق عليه أقوله على جملتك الأخيره..ههه ... وتروح ..​

بدر : لحضه خالتي أي جمله فيهم ؟؟​

عايشه تطالعه وتضحك مع غمزه وهي تاكل علج وتروح ...​

 

[سمراء اليل]

متابعه والبارتين ولا اروع

 

[39la o f9la]

Thnx lolo ;*
Ambaih shfe 9ale7 y3ni mako ela hal 6aree8a 3shan ya5eth floos .. Way mlee8 << endmjt
Ee sh9ar 3ala deleesa o ahlha ??

&&thnx

 

[Lolwa]

الفصل الثاني والثلاثون ( تاج الأنوثه خسبقني !!)​

وقت المغرب ​

ببيت عارضيه​

فريده توها ماكله وجبتها ومتخلصه من أدلتها
ومجهزه أغراضها ملوت السباحه ...تبي تاخذلها دوش
وكالعاده ظايق خلقه ومنصكه فيها الدنيا ....بسبة شعرها الطويل اللي يأذيها وقت الشاور وبعده!!​

تاخذلها الشاور وتخلص منه​

وتقعد عند التسريحه مالتها بعد ما لبست قطعتين بس لأنها صعب تلبس وشعرها مفلول فلازم تمشطه أول شي علشان تربطه علشان بعدين تلبس !!!!!​

وتاخذ المشط أبو سنون وسيعه ...وتمشط هالشهر الطويل...

مشكلتها بشعرها ان كلا يتخلبص بعد السباحه وتتعذب وهي تمشطه..​

الحين ذات الشعر الطويل سرحانه بالتمشط.... إلا تسمع صوت باب السكه يتسكر​

تطل من الدريشة تشوف منو ؟​

تشوف​

أمجد وياي معاه واحد​

وتبلع ريجها من الخوف ​

ومن المدوده يتلخبص المشط بالشعر!!!​

الحين​

تبي تطلع المشط موراضي يطلع معلق!!!​

انزين الحين راجوه سايق بدر بعده يراقب الوضع ويلاحظ دخول أمجد البيت
ويدق على بدر اللي خطط حق هالسالفه بطريقته المكاره!!!​

قوم يا راجوه دق الجرس على كل المؤجرين اللي فوق عساه يحصل واحد منهم بس...
وفعلا ينزلون إثنين من الرياييل بعد ماقالهم راجوه عن الريال اللي دخل داخل البيت المهجور ويبي يبوق البيت ​

إسألوه عن نفسه ( انت ياراجوه ) من تكون ؟ قالهم سايق ماما عارضيه وهو ياي هني بناء على طلبها تبي غرض من داخل ( راجوه بالأول ماكان راضي بهالعمليه المخطوره لكن بدر مرتشيه بمبلغ سنع يخليه يشتري بيت بالهند !!!) ويقب وينحاش مجرد مايسمع صوت الدوريه من بعيد ....​

أمجد الحين ياي مع خبير المفاتيح لأنه مايبي يعور كتفه من جديد ..وشاك بسالفه الغرفه المقفوله ..
وايجيب الخبير ويعوبل بقفل غرفة باب فريده !!!​

ويطل منه ويحاول يغير الحديده ويفك البراغي ومادري شيسوي ...
وفريده داخل ميته من الخوف ومتصروعه ..أصلا مامداها تلبس كلا من شعرها اللي طولت وهي تمشطه وخاصة ظلمه وماتبي تطلع ليت علشان لا يشكون فيها​

ومايصير تتحرك تطلع صوت ..فثابته بمكانها ماتتحرك كأنها صنم..حتى حركة ايدها وهي تمشط ماتغيرت !!!

دليسا بقلبها وهي مسكره عيونها :يالله سترك يارب...​

تسمع حركة لويه وصريخ ​

وقف عندك​

حراااااامي​

لا تتحكرك ترانا طلبنا الشرطه ..​

فتره وإلا تسمع صوت الدوريه طوووووووووط وااااائوووو وائوووووووووو​

وليتها يضوي من والاضائه طالعه من دريشتها ..

وتسمع صوت رساله من تلفونها
بدر : دقي علي ماكنت بدق أخاف يطلع صوت ...بسرعه..​

وتدق عليه ...​

بدر : تكلمي بصوت واطي ...حبي وينج إنتي الحين ؟

دليساوهي ترتجف : بغرفتي ....هذا أمجدوه ياي وبغا يبطل علي الباب ويو الرياييل .....
بدر : أوكي..سمعيني زين ...ألحين حسب ماياني من معلومات ( من راجوه ) ان المؤجرين الاثنين إمسكو أمجد... و اللي معاه إستسلم بسرعه طلع خبير مفاتيح ... والحين الشرطه بتاخذهم ...انتي لا تطلعين أي حركه لين يروحون سامعتني ...
دليسا تتساسر : عاد انا ليلحيني مالبست توني طالعه من الحمام بعد السباحه
بدربصوت حاد :شلووووون ؟؟ إنزين لبسي بسرعه ...مو متأكد من سواة الشرطه ...يمكن يقولهم أمجد عنج ويفتشون البيت بيدورونج ...ما أبيهم يشوفونج مولابسه شي ...بسرعه يمديج الحين ...توهم الشرطه يايين ..ومثل ماقلتلج لا تطلعين صوت ...يالله حبي راح اييج لين يروحون , أوكيه ؟...باي​

وتسكر التلفون وبسرعه تاخذلها جنز بتلبسه ...​

ويعلق الشعر من إعيلتها وترد تفصخ البنطلون علشان تطلع (سي سيد )الشعر لي بره اللي هو أصلا متعلبك مع المشط!!! المهم تاخذ شعرها بالمشط اللي فيه وتلفه فوق راسها وتدور الكلبس مهي لاقيه من الظلمه وتبطل الدروج يالله بالقصب كلا علشان الصوت مايطلع ..وتتحسس ويالله بالغصب تلقالها كلبس ..وتحطه وتلبس البطلرون لكن شعرها يطيح مره ثانيه ويتعلبك من يديد بالبطلون !!! طلع الكلبس الفقير صغير مايقدر على طول وكثافة شعرها!!
تعصب دليسا ...وتلقالها قلم وتلوت وشعرها حيييييييل وتوديه لي فوق راسها وتدعس القلم ليييييييي داخله ...!!! ​

وتنطر شوي​

تتأكد انه الشعر تثبت​

أوكيه​

كولو تمام​

الشعر ليلحين ماطاح
والقلم قاعد يأدي شغله مضبوط!!!!
دليسا بقلبها : اثاريه له إستخدامات غير الكتابه ....أوكي أوكي ...ركزي شوي دلوس ....فوكااااس فوووكاااااس ....​

وتظل تفكر شنو بتسوي الحين
لأنها نست من الخرعه وسماعها لطقطقة الجواتي يايه وصوت الشرطه ويتهيأ لها انهم ياينها !!
تنصرع وتاخذ الفانيله تلبسها من جم واحد بس لأنها تذكرت ماكملت لبسها للبنطرون المعلق بفخذها​

دليسا هني ماقدرت تتمالك نفسها و تستسلم للبجي
وتطالع روحها بالمنظرا الطويله​

شكلها صج يبيلها صوره خاصة الشعر الكشه الملفوف غلط لي فوق مع المشط والقلم
دليسا تشوف روحها بالهاله وكاسره خاطرها روحها ... وتنقهر زياده وتبجي​

دليسا : هئء هئء هئء ....كلا منك يالشعر الزفت !!!!​

بالطابق الأرضي​

ايون الشرطه ويقبضون على أمجد وخبير المفاتيح ووياهم المؤجرين يشرحونلهم الموقف
ويظلون فتره معاهم ويروحون وياهم علشان التحقيق والشكوى​

دليسا المبهدله تسمع الباب مال الصكه يتسكر وتراقب الوضع بحذر لا ينتبهون لها وهي تطل من الستاره..
تأكدت بعدين إنهم راحوا كلهم​

وتدق على بدر ​

وييها بظرف ثواني لأنه كان ناطر بالفريج الثاني
بس مع اللويه خاف انه يدش ...بسبب الناس اللي بره
وقالها بجيها بوقت ثاني لين تخف الأوضاع ...وذكرها بيدتها ...لأن هذا البيت بيتها فبيروحون لها ...فلازم تدق عليهم وتقولهم الخبر قبل الشرطه​

وفعلا تدق على هنادي ​

هنادي تخترع : فريده ؟ وينج نحاتيج من يومين ؟ وين كنتي
فريده : كنت ببيت ايديده منحاشه من عمي لأنه بيزوجني غصب ..​

و ماتعطي مرت خالها مجال انها تتكلم... ​

سمعيني ...اللي بقولج اياه مهم حده وأبيج تسمعيني للآخر ​

وتقولها ​

أوكي​

كل هذا ودليسا بعدها بوضعها الملخبط..​

وتتعدل​

وتلبس البنطرون والفانيله وتطلع بره ...​

وتدق على بدر ​

دليسا : بدور ..ارجع ..ودني عند ايديده...
بدر : متأكده من هالشي
دليسا : اي لازم أروح علشان الشرطه هناك
بدر : أوكي أنا يايج حبي ..​

 

[sweet.sanfoora]

حلوة تاج الانوثة خسبقني

ثانكيوو قلب

 

[Aloolah]

وااي نفس حالتي شعري يلعوزني

امجد" خير نعم راز فيسك اشتبي مالت عليك لخبصت البنيه مال اسحبك من فنيلتك >>> لوول سامحوني انفعلت


ثانكس حبيبتي على البارت الحلو الي اكييييد على صاحبته

 

[39la o f9la]

ambaih amjad waai3 !! n3m y3ni shtabi !!
enzain lolo plz plz plz nbi part b3d el youm momken wla mo momken ?? :eh_s(22):
etha msh'3ola 3adi golay

thnx

 

[سمراء اليل]

سامحيني لولو رديت اخر الناس لان اي فوني طفي علي ولازم انطر عمي يجي يشغله وتوني شغلته بس البارت هذا اكثر شي عجبني الشرطه لانها اكشن مغامرات وبليز ابي البارت الجاي وخليه اكشن احسن ولا تنسين تحطين حركه ومغامرات

 

[سمراء اليل]

وانا اعاني بالشعر الطويل واكره اخذ شاور تشوفيني وتقولين مدينه الملاهي ما تجيب جذي حالتي حاله دليسا

 

[Lolwa]

Aloolah

العفو حبيبتي انتي الحلوه وتعليقج أحلى