روايتي الاولى : (دليسا )

[Lolwa]

39la o f9la

انشاء الله من عيوني
بس لا تهدون التعليقات وقولولي آرائكم بالقصه وشخصياتها

 

[Lolwa]

سمراء اليل

فديتج والله
اخذي راحتج حبي
انشاء الله بحاول أكثر من الأكشن

وهي القصه أساسا أكشن وانا قايله من بداية الرواية

أدري مليتوا من الرومانسيه وتبون تغيير

وبحاول أنوع لكم بروايتي




فديتكم كلكم والله كلكم وشعوركم طويله ماشاء الله

ترى حتا أنا p;

انتظروني

 

[Lolwa]

حلوة تاج الانوثة خسبقني

ثانكيوو قلب

هههه فكرت بعنوان

وطلعت وايد

ومالقيت احلا من هالعنوان


ثانكس حبي عالرد

وماننحرم انشاء الله

 

[39la o f9la]

Lolo .. Afa 3laich n3l8 awl b awl
Thnx .....sorry wayed t3bnaach

 

[39la o f9la]

Lolo .. Afa 3laich n3l8 awl b awl
Thnx .....sorry wayed t3bnaach

 

[Lolwa]

شدعوه

تعبكم راحه حبي

 

[Lolwa]

الفصل الثالث والثلاثون​

دليسا بعدها بكشتها خاشتها بالسكارف لكنها قدرت تشيل المشط مع القلم ... واتفقت مع بدر اييها من الباب الخلفي لأن بفريجهم اللي ورى هدوء مافيها ناس يتحشرون ويتقصون ويطلطلون وجوهم من الدرايش !!! ...نفس الشارع الثاني... اللي فيه الباب الرئيسي .... ​

ايجي بدر وتطلعله وبسرعه تدش سيارته ويمشي فيها​

وبطريجهم لبيت الخال...​

دليسا : واي شلون ياو الشرطه؟ حده فاجئوني ؟
بدر : شرايج فيني ؟ أنا اللي دبرت هالخطه !!!علشان أفكج من أمجدوه الخبل ...
دليسا تطالعه : يمه منك ؟ منت هين ؟ انزين ماخفت علي وأنا داخل ؟؟
بدر : والله أخاف عليج من أمجد مو من الشرطه ..والشرطه في خدمة الشعب دائما ...وهذا شعارهم وأنا حافظه عن ظهر قلب ..
دليسا : ياكرهك طيرت قلبي وانا داخل !! ماقدرت أمشط ولا ألبس من الخوف و الظلمه يميع !!
بدر : اي أشوفج مبهدله وشعرج كشه!!​

دليسا تنتبه للقذله الكشه اللي طالعه من السكارف المتفوخ ...وتدخلها وتنحرج : بدر لا تأذيني ..كافي بسبتك طيحت قلبي وأنا داخل !
بدر يطالعها ويضحك ويقرص خدها : قمر حتى وإنتي كشه ..​

دليسا توخر ويهها وتطالع الدريشه: بسك ...ترى والله أزعل .. ​

توصل بيت خالها​

يقطها بدر ويتأكد انها دشت بعد ماطقت الجرس وتفتح لها ميري ...
الشرطه دقوا على مرت خالها وعطوها خبر إنها لازم تروح للمخفر للتحقيق بدل أمها قعيدة الفراش ...لأنها تنوب عن أمها وأملاكها...​

وفعلا تروح عند المخفر و تستعين بأخوها ​

وتقدم بلاغ سرقه

ويعطيها الضابط المفتاح اللي استحدمه أمجد بدخوله البيت
الضابط : أعتقد انه شكة المفاتيح هاذي تخصكم دام انكم من ملاك البيت ؟
هنادي : إي نعم تخصنا.كان ضايع من بنت أخو زوجي المرحوم..يعطيك العافيه حضرة الضابط​

أمجد ينقط بالنظاره ​

يبلغون بو أمجد ....ويجي المغفر عند النظاره يزوره​

بو أمجد: ليش تتصرف جذي من غير حكمه ياغبي ؟
أمجد ورى الزنزانه اللي ماسكها بيدينه : يعني شتبيني أسوي ؟ كاني قاعد أدورها حسب طلبك!!
بو أمجد : بس مو بهالطريقه المتهوره ! عسى ما استعيلت وقلت لهم عن فريده ؟
أمجد : لأ...قلت اسألك قبل ...وقلت لهم ماني متكلم الا بوجود المحامي مالي..
بو أمجد : زين سويت ...بس تدري ان العقوبه تخف عليك اذا قلنالهم عن هروب فريده ؟
أمجد : بس أخاف هم مالي عذر يبا ...داش ممتلكات عارضيه .....
بو أمجد : أنا أكلم المحامي وأستشيره ...خلك إنت ساكت ..سامع ؟​

ببيت المرحوم أحمد​

فريده قاعده بغرفة عارضيه وتحضنها
مشتاقتلها حيل​

وعارضيه مبين على ويهها السعاده بعد​

عارضيه تتكلم بصعوبه : ليش منحاشه من بيت عمج ؟؟.كان ياي معصب ويدورج؟
فريده :مو منحاشه ايديده بس قلت بقعد وياج هني ..
عارضيه : والله يابنتي ؟؟؟
تحضنها فريده : إي ..والله ...​

جميله بنت خالها بعدها بره تدرس وحسنه المتزوجه عند زوجها ...موقاعد وياهم الا زهور اللي حدها مستانسه من شوفتها لفريده​

وعرفت دليسا شلون تستغلها وتستفيد منها وطلبت منها تمشط شعرها الملخبط

زهورمتعذه وهي تمشط فريده وتحاول ماتعورها : وااااي !!!الله يعينج فريده على هالشعر ؟​

فريده تبتسم ..وحاسه براحه وطمأنينه وهي عند يدتها ..كانت فاقده هالشعور من فتره ..من راحت عند عمها ..
فريده مومنتبهه حق كلامها وداخت من تسرح شعرها : ها ؟ صح صح ...كلشي تقولينه صح ...​

بشقة فتون​

فتون : حبيبي رائد ....شرايك باللي لابسته ؟
رائد يقرى الجريده ومو مليقها ويه
فتون : أمس بعرسنا فز قلبي يوم شفتك يايلي وإنت هيبه بين الرياييل اللي حوالينك..
رائد يقوم ويروح الحمام فتون تطالعه ومالكه نفسها لا تنفجر
فتون : على وين حبي ؟
رائد من غير نفس: باخذلي دوش..
رائد يسكر بالحمام ياخذ دوش طويل يتمنى انه مايخلص منه ...​

ويظل ساعتين​

وأخيرا يطلع...​

فتون تشوفه :كل هذا دوش ؟؟؟ أطول دوش بالعالم!!!
رائد :....
فتون : يعني مصر ماتكلمني ؟​

وتقعد يمه تحاول تاخذه بالسياسه : حبيبي ليش مانروح شهر عسل يعدل من نفسيتك ؟؟؟شكلك تعبان ؟؟؟
بدر : مانبي نسافر ...
فتون : ليش حياتي ..إحنا متزوجين تونا وحلو إن ناخــــ....​

رائد بحده: قلت لج ما ني مسافر ...ما أحب السفر..

فتون تنفجر هني : لا سفر ...ولا حتا فندق ....ومو راضي بحفلة يوم ثالث حقي ...شفيك علي؟ يبا إذا ماتبيني ليش متزوجني ؟​

رائد : ردينا عالطريلي وسوالفج مالت الخطبه ؟؟؟ ​

فريده :إي ردينه عالطريلي
رائد يصارخ بويهها : تدرين ليش تزوجتج ؟​

ويروح عند درجه اللي فيه أغراضه وياخذ منه جيس ويبطله ويطلع منه اندروير فتون ​

وييرفعها بويهها​

رائد :هذا هو البرهان إنج ميته علي وتبيني , تذكرينها ؟ هذا اللي حصلته منج ومن حركتج الوصخه بالدوانيه جان تذكرين ؟...حسبالج خبل ما أفهمها ؟؟؟​

فريده متثوله وتتبلعم : .......​

رائد يمسكها من ذراعها : أدري فيج تحبيني وتموتين علي ...بس حركتج ماعجبتني وانتي تقطين نفسج علي وتذلين عمرج .. وكاني سويت اللي تبينه وتزوجتج وكاني مجابلج الحين ....شتين أكثر من جذي ؟
وأنا تزوجتج بعد علشان أسكت أمي وأقهر اللي ببالي..​

وياخذ سويجه ويطلع من الشقه ​

فتون تنهار​

وتقطع روحها من البجي
فتون : تقهر منو ؟ منو هذا اللي بتقهره ؟ أكيد وحده ؟ مافي ريال ينقهر من ريال بيتزوج...وهالوحده ماكو غيرها شينت الحلايا فريدوه الله ياخذها ويغربل عيشتها نفس ماخربت عيشتي ​

وتظل مده تبجي وهي بالسرير قامته ويهها بالمخده ..​

و فجأة تسكت وتتكلم بهدوء والعيون حمره : لكن وين بتروحين مني ؟ هين يازفت ...الا أخرب عيشتج وأخليج تندمين إنج عرفتي رائد ...​

لكن شلون ؟؟؟​

وتبجي وتطق بالمخده وهي قاعده على سريرها وتطق وتطق وتطق : شلون ؟؟؟ شلون ؟؟؟ قولولي شلوووووون؟؟؟ ​

ويشب الليت اللي فوق راسها​

فتون : أييج عن طريق عواطفج ..نفس ماسويتي فيني ... ووحده بوحده​

وتبتسم ابتسامتها الخبيثه​

سمعت انج تحبين واحد من أمي ذاك اليوم ... رفيجتها أم أمجد سولفتلها عنج... وشلون حبيبج ياه وخطبج من عمج بس إرفظج وتكافخ حبيبج مع ولد عمج لأنه يبيج ...وهالشخص يصير رفيج ولد عمج ...بس شلون أوصل للي تحبينه هذا ؟ شلون شلون ؟​

وقعدت تفكر وتدبر بحيله علشان تطبقها باسرع وقت..​

 

[miss 3yara]

ويع فتوون ويع :s
يعطيج العافيه ناطرينج

 

[39la o f9la]

Ambaih ftoon bt5rb 3laihom !!! Plz la2
Ambaih shtabi !! fareeda shno thnbha y3ni??
Thnx lolo ;*

 

[Zhoor el7lwa]

يسلموووو نبي بعد لوووووول

 

[sweet.sanfoora]

فتوون حدها ويـع

وبثث

ثانكيوو يا قلب سنفوورة !

 

[Lolwa]

الفصل الرابع والعشرون ​

بصباح اليوم التالي​

يحضر المحامي عند أمجد وأبوه في غرفة الزوار للمخفر..​

المحامي : طبعا مو من مصلحتك تقول عن فريده وهروبها وخاصة إنها لها نزعه انتحاريه بسببك ومخطور انها تعترف لأنك كنت بتغصبها تتزوج ولدك و بالاكراه ...وهذي بحد ذاتها تسقطك الوصايه لأن من ضمن شروطها توفير الأمان للقاصر وأيضا السكن , وأنت تعتبر مو موفر لها هالاثنين.. لأنها قدرت تهرب من عندك.. ولا تنسى ان فيه بديل عنك وهي أمها فتروح الوصايه دايركت عندها .......
فهل إنت متأكد من سالفة تقديم بلاغ هروبها؟؟​

بوأمجد محتار : إنزين شلون نقدر نسقط التهم عليه ؟
المحامي : والله ما أقدر أفيدك اذا انت ما تبي تييب طاري بنت أخوك ..الا اذا عارضيه أو اللي ينوب عنها يتنازلون عن القضيه ...هني نقدر تطلع منها وبسهاله ...ما كو إلا نستسلم وتخليها قضية إقتحام بيت ياخذ عليها ست أشهر...​

أمجد يخترع : هييييي!!! شنو نستسلم ؟ يبا من وين يايبلي هالمحامي ؟ ترانه يايبينك علشان تطلعني من هالتهمه ...موتقول نستسلم !
بو أمجد يسكته وهو يعتذر للمحامي : بس يا أمجد هدي هدي ...
أمجد :دبرني يبا ...ست أشهر وايد وأنا عندي كليه وعلى ويه تخرج الكورس الياي ...
بو أمجد : إنت ألحين بعطله على حظك وأجل قيدك الكورس الياي ..​

المحامي : إحنا الحين على شهر يونيو (6)...ومن حظك العفو الاميري بيحوشك لأنه كل سنه بدورة هالشهر يحوش المحكومين بكل التهم ما عدا القتل والمخدرات ( وهالقانون بس بالكويت ) وبما ان تهمتك إقتحام المنزل ...فقول يحوشك ثلاث أشهر بس من أصل ست... لأنهم يعفون عن نص المده..​

بو أمجد : شفت ياولدي ...مالنا خيارات ..غير ان ننطر الثلاثة أشهر ...يعني العطله بكاملها ...ولا تخاف بييك أزورك وايد وأنت بالسجن ..​

أمجد :شنو ؟ يبا مايصير جذي تسوي فيني ؟؟؟​

بو أمجد يساسره
أمجد : أبي أكثر ...راح أصير خريج سجون وسمعتي بتطيح بالقاع ..
بو أمجد : لا تخاف ماني قايل حق أحد ...حتى أمك ماني يايبلها سيرة ..بقول انك سافرت ...​

أمجد كأنه يقتنع ويرضى بمصيره

أمجد يفكر : عشرة آلاف حلوه ...بس من وين بييبهم أبوي ؟​

بيت عارضيه ​

صباحا

تقعد من الصباح الباكر وتدق على نقل عفش يشيلون أغراض عارضيه لأنها قررت انها ترد تسكن هناك بعد ماضمنت انه ولد عمها محبوس وعمها ماراح يتجرأ يوطوط بأملاك عارضيه ولاهي مع ولده فتره...إلين تيي أمها مابقالها شي تخلص إمتحاناتها وتفكها من عمها ...​

المهم تشيل الأغراض من بيت خالها ويحطون يدتها بالسرير العادي اللي بالغرفه الثانيه تقزر فيه لين تيي تاخذها بعد شوي ...​

هنادي الحين بالدوام ماتدري عن شي ... وزهور نايمه ....

تدق على بدر يساعده ويوديها هناك ..​

وتفتج الباب الرئيسي للبيت بمفتاحها اللي عطتها اياه هنادي ...​

فريده وهي تبطل الباب: وأخيرا افتكينا من الدريشه الضيجه .. قمنا ندش البيت مثل باجي الناس ...​

ويدخلون العمال وينقلون العفش لي داخل ​

وفريده وبدر ينطرونهم يخلصون

بشقة فتون ​

فتون : لقيتها ​

شسمها هاذي إخت أمجد ؟
اللي يات بعرسي أول أمس وصورت يمي مع رفيجة أمي وقالتلي إسمها بس نسيته ؟؟؟؟؟ ​

إي نورا...​

وتدق على أمها ​

أم ناصر : هلا ببنتي هلا بطوايفي يمه ...ها بشري كلشي تمام ??
فتون تجذب : اي الحمد لله ..​

أم ناصر تيبيب ​

فتون : بس يما لا تفشليني ..
ام ناصر : يالله تجهزي حق باجر يومج الثالث وقولي حق ريلج بعد خل يجهز بعدنا ماتهنينا بفرحج ...مادري ليش رضيتي يوم قالوا يسون العرس بالبيت يمه ؟
فتون : عادي عادي ...مو إلا عرس فخم.. مايهمني ..​

( جذابه من عمرها وهي تحلم بعرس فخم بفندق لكنها استسلمت لرغبات حبيبها ... لأن شرطه مايسوي عرس بصاله وإلا بلاها زواجه )​

فتون : انزين يمه بقولج
أم ناصر : خير أمي ؟؟
فتون : يحليلها نورا بنت رفيجتج طيوبه وحليوه حيل ...ناديها بحفلة باجربعد ولزمي عليها تيي ..
ام ناصر : إي اسم الله عليها مملوحه مو ؟..حتى كنت ودي آخذها حق اخوج سالم شرايج ..
فتون : اي طيوبه وخوش آدميه ..ماعندج رقمها ..ودي أتصادق وياها وأقرب منها أكثر ....
أم ناصر : اي يما زين تسوين ...تقربي منها ..يمكن تصير مرت أخوج مستقبلا ...ماندري ؟؟
فتون : شنو انتي قلتي حق سالم عنها ؟
أم ناصر : لا ليلحين ماقلتله أمي ...بس بقوله وندبر موعد علشان يشوفها ونخطبله إياها اذا عجبته ..يالله أمي بروح الحين أبوج يناديني
فتون : انزين ....يمه يمه ؟
أم ناصر : هلا ؟
فتون : لا تنسين أبي رقمها دقي على أمها وسأليها ...وعطيني رقم نوره برساله ..
ام ناصر :إنشاء الله .... يالله أمي بحفظ الله ..
فتون : باي.​

بيت عارضيه​

بعد ماراحوا العمال
طلبت فريده إنها تقعد شوي تعدل وترتب ​

بدر : حبي عيل أخليج الحين عندي شغله بسويها وييج على طول..علما تعدلين وترتبين بالبيت على كيفج ..
فريده : مشكور حياتي ماتقصر تعبناك ويانه ..​

بدر يطالعها بحنان : تعبج راحه حبيبتي ..أنا وانتي واحد يا عمري...

فريده تبتسم وكلها رضى ​

فريده تعدل بالأثاث والسرير وبحمااااس كبير لأنها تبي لمن يدتها تيي تشوف كلشي على حطته من تركت هالمكان ...لأن بيتها عزيز على قلبها وقاعده فيه من عمر وتحب تشوف أغراضها بنفس مكانها ..وهي ودها تراضيها وتفرحها بقدومها اللي ناطرته من فتره ...فحبت كلشي يصير مثالي ليدتها ...
بعد ما خلصت ترتيب
تتفرغ الحين حق عمرها ​

وتروح تتسبح
ترفع الشعر بكلبس (عود ) وتغسل بس جسمها
علشان تتجنب مايصير فيها نفس الكابوس اللي أمس مع شعرها اللي معذبها​

خلصت من الشاور
وراحت تلبس...وتشيل الكلبس من شعرها وتشوف طوله عند المنظره الطويله
شوي ويوصل لركبها !!​

دليسا : صج انك طويل ومؤذي ..
انا مطولته علشان يدتي ...وشكلها يدتي الحين ماتثبت عدل طوله لي وين ؟​

بعدين تتردد : لأ انا قلت أبي كلشي مثالي ليدتي ومن ضمن الأشياء اللي تحب تشوفها شعري الطويل ...​

بعدين تقعد فتره تمشط ويتعلبك شوي المشط بالشعر
فريده تتنرفز: يعني وبعديييييييين وياك ياشعر يازفت​

وتطلع من غرفتها وهي تبي الشاره من هالشعر: أنا أوااااارييييك​

وتدور عالمقص​

وين حاطتك أنا وين حاطتك ؟
أخيرا لقته بالدرج التحتاني للغرفه اللي يمها ...مقص مال أوراق !!أي شي بس خل تتخلص من اللي فاقدها أعصابها ومطلعها من طورها ..​

دليسا تاخذ المقص ​

وتبتسم إبتسامه مكاااااره​

مع الضحكه الإجراميه​

نياهاهاهاهاهاها​

يه يومك ياشعر​

إستعد للإعداااااااام.....​

 

[Lolwa]

مشكورين حبايبي عالتواصل

لا يوقف لا يوقف
خخخخ


البارت الياي ممكن أحطه اليوم بالليل اذا شفت تفاعل وايد

واذا ماشفت بزعل وبحطه بعد يومين

 

[sweet.sanfoora]

وييه تاج الانوثة بينكسر

ثانكيووو قلبيي

شتبين بالردود انا مو كافية

 

[39la o f9la]

La la t89a wayed a7la 6weel
Tslmen lolo
Up up up up

 

[سمراء اليل]

ويع من فتون ومن امجدو الزفت وعمها ما توقعته جذي بس الله يهديه وابي البارت الجاي بليز

 

[سمراء اليل]

لو انياتجرا مثل دلوسا لجان قصيت شعري وبوي بعد لحظه لولوه انتي تكلمتي عن خلطه الزيوت مالت يده فروده بعرف اهيا صجيه ولا لا واذا صجيه عطينيها لاني تعبت مع هالشعر جاف ومو جاف

 

[Lolwa]

سمراء الليل لا تستعجلين بالحكم على عمها
وبالنسبة لخلطة الزيوت ......عارضيه اللي تعرفها ههههه
قصدي كونها من أهل قبل تعترف بالأعشاب والخلطات و تسويها بيدينها ومتوارثتها عن أمها
ولا تنسين الاستمرار اهو اللي يجيب النتيجه
وعارضيه مستمره وياها دون انقطاع من صغرها وتحرص على انها تحطلها

39la o f9la
حياج حبيبتي وتابعيني


sweet.sanfoora

هههه ضحكتيني كعادتج ....تعليقاتج حلوه ولا تخلين ...وأنا قصدي بالبنات اللي يقرون ويطلعون وانتوا على عيني وراسي من فوق والله



والبارت الجاي عقب باجر

سي يو

 

[Aloolah]

لوووول ضحكتني دليسا

قتونو و ويعه شتبين لازقه افففف مااالت عليج

امجدوه تستاهل اكثر

مشكوووووورة حياااتي

 

[sweet.sanfoora]

ناطرينج يا بعد قلبي :$