روايتي الاولى : (دليسا )

[sweet.sanfoora]

حياتي كملي !

وبث

 

[سمراء اليل]

كملي بليييييز وامجد كلشش ما توقعته جذي اعوذ بالله عشان جذي افهم امي ليش ما ترضي انام عند عماني يمااااي ما يخاف علي بنت عمه

 

[sweet.sanfoora]

اب اب

 

[Lolwa]

انشاء الله


مزكمه وفيني سخونه


ادعولي اخف .... مالي خلق أكتب وأنا مريضه

 

[sweet.sanfoora]

سلامتج يا بعد عيني << يدتي

وبثث

 

[Aloolah]

حبيبتي ما تشووووفين شر و اهم شي راااحتج لاحقين على القصة

 

[Lolwa]

سويت سنفوره


الله يسلمج حياتي



ألولا

الشر ماييج يابعد عمري

 

[Lolwa]

الفصل الثاني والعشرون ( التصرف بغير حكمه ...لها نتائج وخيمه ....)

يطلع بدر من بيت بو أمجد حده مغتاظ .. ويدق على فريده وهو قاعد يسوق السياره ( من غير هتفون )
فريده : ألو
بدر : ممكن تطلعين من بيت عمج وتسكنين ببيت خالج ؟
فريده : شفيك ؟ شصاير ؟ وشهاللهجه ؟
بدرمعصب ويصارخ :لا تقولينلي لهجه ما لهجه ....... أبيج تطلعين من بيت عمج الوصخ هذا وتروحين مكان آمن ... أحسن من هالمكان ...
فريده : هوب هوب هوب .... إسمع.... تراني مو من البنات اللي تمشيني على كيفك ... داق على من غير مقدمات وكافخها بويهي وتقولي يالله طلعي ..شوف ... ترى عندي امتحانات وموفاضيه حق هالسوالف...
بدر خق : بس فريده أنا خايف عليج من أمجدوه ... توه يقول انه شالج لمن طحتي غشيانه وبغى يبوسج ...وبعدين ماتحملت وطقيته راشدي ...ترى هذا انسان مو سوي ومو رزين وراعي سوابق مع البنات ... أنا أعرفه رفيجي لصيقي ..
فريده : رفيجك لصيقك ؟ ليش انت كنت راعي سوابق وتلعب عالبنات نفسه ؟؟؟.
بدر توهق : آه آه ... طبعا لأ . فريده شالحجي ؟ أنا أحبج وأبيلج الخير . هذا يزاتي ؟؟؟تزفيني ومعصبه علي ... الله يهديج بس .
فريده : عالعموم لا تحاتي أنا أعرف أشلون أتعامل مع هالأشكال ... ممكن الحين تخليني أدرس ؟
بدر : لأ
فريده : شنو؟
بدر : لمن تقولينلي أحبك ....
فريده : أحبك ...بس لا تاخذني بمشراع وميداف مره ثانيه ..
بدر : أفاااااااااا ؟ صار الحين مشراع وميداف؟.....انزين انشاء الله ... أخليج تدرسين الحين على راحتتج وماراح أأذيج مره ثانيه طال عمرج ....
فريده : يكون أحسن ...
بدر : جذي يعني ؟
فريده : اي
بدر : ماشي........... ويسكر الخط
فريده تقط التلفون من ايدها لي السرير: مع الويه...

تحط ابهامها تحت ضروسها وتظل تطالع بالتلفون فتره .......
فريده :شلون جذي يحاجيني ؟ اصغر عياله انا ؟لا ويسكر الخط بويهي بعد !!!!. هين يا بدييييير .


تاخذ كتابها بتدرس ... ماتقدر .... ذابحها التفكير
فريده: الحين هذا اللي مايستحي شلون يتحجى عني عند واحد غريب ( بالنسبه له ) صج انك انسان مو سوي يا أمجدوه ! أنا أعلمك ..

بدر وهو يسوق السياره ويكلم فريده وقفته دوريه لأن توه طالع قانون ان ممنوع تتكلم بالموبايل اثناء القياده ويصكه مخالفه معتبره ...

بدر : كملنا !!!....متزاعلين ..ومخالفه !!؟؟؟!!!....(...............)
يظلون على هالحال ثلاثة أيام وهم متزاعلين وكل واحد فيهم ينطر الثاني يدق عليه .... لكنهم معاندين وماحد منهم يتنازل عن الطرف الثاني ... وكل شوي يطلون بالاي فون وبالواتساب .....لكن ماكو شي ويتحبطون ..
خلصت فريده امتحاناتها وباقي امتحانين وسهلين اهني فظت حق التفكير بحبيب القلب الزعلان ومتردده انها تدق عليه
لكنها خذت التلفون وتدق على ......



ميسا : هلا دلوووووووسا

دليسا طلبت منها تيي عندها بيت عمها علشان تدرس وياها وتقولها عن الشي اللي مضايقها... وعطتها العنوان وقالت لها عن القصه وهي قاعده وياها بغرفتها .....

ميسا تكم عليها : مالت عليج
دليسا : هاه؟؟
ميسا : انتي الغلطانه....وماتدقين ؟
دليسا : يولي ليش يحاجيني جذي ويتأمر علي ...
ميسا : يالخبله ؟ صج أول مره تحبين ؟ الريال اهو جذي طبيعته يحب يتأمر ويحس ان المره اللي يحبها تطاوعه .. انتي جان تعذرتيله خذيتي معاه بكلام حلو يهديه كان معصب وتوه طاق الريال ؟ وما عصب الا لأنه يغار عليج ... والغيره يايه عن حب ..
دليسا :........

ميسا : البنيه لازم يصير بطريقة كلامها شوية أنوثه ...مو تتأمرين عليه وتصيرين دفشه بالكلام... كلميه بهدوء وحنيه ...خلي بدريحس انه قاعد مع بنوته نعومه مومع ريال ثاني ....احنا الحريم مثل الاسفنجة مهنتنا نشفط بعصبيتهم و غضبهم شنسوي ؟ الله خلقنا جذي !!! حكمته ... ميخالف .... هاذي ضريبة الحب .... دقي عليه لا يطير من ايدج ويشوفله مره غيرج تسانعه ....هذيلي بسرعه يعرون ويغيرون البضاعه ... معشر رجال ما يتأمن عليهم ...​

دليسا : بهالسرعه يشوفله مره غيري ... يعني مايصير زعل بين المحبين ؟ انتي الحين دخلتيها براسي ... بالعكس لو يحبني صج جان اهو اللي يدق علي يخاف انا لا أطير من ايديه .... يخسي ادق عليه ...ماراح اشيل التلفون علشانه لوشنو يصير ...
ميسا : وي ؟؟؟ انتي مو صج ؟؟!!
..... طاعي أنا ؟بكحلها عميتها ؟
دليسا : خلينا من بدر الحين وخن ندرس ونفتك من هالمادتين وخلص وأودع الثانويه ويع ويع .....​

تاخذ دليسا الكتاب وتوريها شغله بتسألها لكنهم
يسمعون حركه ورى الباب ​

تمشي دليسا على أطراف أصابعها وتحط صبعها على حلجها وتقول حق ميسا : شششششششش​

وتبطل الباب بسرعه​

وتطيح نورا داخل غرفه فريده بالأرض ..!!!!
فريده : نوروووووه ؟ شمقعدج ورى بابي ؟​

نورا تقوم مفتشله ... لكنها تقوم وبسرعه تغير ويها وترفع حاجبها لي فوق وتطالعها : منو هذا بدر ؟
فريده : هاذي فوق شينها قواة عينها !!! يعني هم تتلصصين وتسأليني عن شي انتي مالج شغل فيه ؟
نورا : هذا حبيبج مو ؟
فريده : طلعي بره ..
نورا : راح أطلع بره وأروح أقول حق أمجد رفيج بدر اللي تحبينه.
فريده : طاع هاذي ؟ تخرعيني بأمجدوه مالج ... وخير يعني؟ قلتيله والا ماقلتيله ... وأنا شيهمني ؟
نورا تطالع تحت لثانيه متوهقه وتفكر شوي : عيل أقول حق أبوي ..​

وتمر يم فريده بتطلع وهي تتوعدها عند أبوها تبيه يشوف شغله معاها ... لكنها وهي ماره يمها تشوف روحها ترجع قري وراسها مايل لي ورى( وجنها بتطيح على ظهرها )​

فريده ماسكتها من شعرها وحطت ايدها الثانيه برقبة نورا
فريده وهي ترعص ايدها برقبتها : يالله أشوفج تروحين تقولينله ... علشان ماتنامين اليوم الا وانتي مكسره ..​

نورا تصارخ وتحاول تطقها بايدنها الثنتين ....​

تهدها فريده ​

نورا تطالعها متعوره وويها يبين فيه الحيره والخوف
نورا : انا رايحه حق أمي ...
الا أقولها

وتنحاش من فريده وتنزل الدري وتركض وراها فريده تبي تصيدها لكنها ماتلحق عليها ...
نورا بالمطبخ تروح ورى أمها وشكلها مبين مطقوقه اهي وياكشتها ورقبتها الحمره ( علامة الزنطه )
سلوى : شفيج نورا ؟
نورا : هاذي الهمجيه الكاوليه تطق!!!! المو متربيه!
سلوى تطالع فريده : صج ؟
نورا : اي ... والله .. وسأليها ليش طقتني ؟و شنو السبب ؟
سلوى : ليش انشاء الله ؟ احنا بعدنا يهال ونتطاقق ؟
فريده : توقف ورى بابي وتتصوخ ...بطلت الباب فجأه لقيتها طايحه عند غرفتي ..
سلوى معصبه وتطالع بنتها: نورااااا ؟
نورا : أوكي أتصوخ .... بس عرفت من تصوخي شي خطير يا يمه .....وتطالع فريده وتكمل ..... يما هاذي اللي مو متربيه تعرف واحد وتحبه وتدرين منو ؟بدر ... رفيج أمجد ....!
سلوى تطق ايدها بصدرها : شنهووووو ؟
فريده تطالعهم مشمإزه وتهدهم وترد غرفتها ..
سلوى تلحقها : انت هي .... وين رايحه .... تنحاشين مني ... بعدني مابديت كلامي وياج ؟
فريده تطالعها : مالج كلام عندي ...
وتسكر الباب بويها
سلوى متفاجأه : وتسكرين الباب بويهي ياللي ماتستحين ؟ هين أنا أعلمج .....
ميسا : دليسا شفيج .... ماتعرفين تاخذين الناس بسياسه كلش ؟؟؟ جذي بعدين السالفه تصير ضدج !!!!
دليسا ببرود: خل يولـــــــــــــــون .... ماعليج منهم ... خن نكمل دراسه...​

 

[سمراء اليل]

متاااابعه وهذي دلوسه القويه ما لها سغل فيهم ما يبون الا فلوسها ويفضحونها بس عمها لا مو مثل زوجته وعياله

 

[♥ بقآيآ آنسآنه ♥]

عآآآآآآآآآآآآآشت دلوسه وفروده المهم اسمهآ
كممملي :$

 

[sweet.sanfoora]

عاشت دلوووس

وناطرة الباجي

 

[sweet.sanfoora]

اب اب اب

 

[άGώâ ми àώàŁ]

Fareeda ebdaaaa3;p
waiting you

 

[sweet.sanfoora]

اب اب اب اب

 

[Lolwa]

الفصل الثالث والعشرون​

سلوى تترقب وصول بو أمجد على أحر من جمر علشان تقوله عاللي سوته فريده
ويوصل بوأمجد عالساعه12 بالليل ويلقى مرته ناطرته وقالتله عن فريده والغراميات اللي صارت والطق اللي طقته لنورا......الخ ....
ويصير الصبح وفريده من فير الله قبل لا أحد يقعد , خذت كتابها وشغلت سيارتها ووقفتها عند المسافط مالت المدرسه وبدت تراجع دروسها لين ايي وقت الامتحان وتنزل وتمتحن وتخلص وترد البيت...
وعلى ييتها بباب البيت الرئيسي للصاله​

تلقى عمها ناطرها​

فريده : شلونك عمي
بو أمجد : هلا !!.....شلون الامتحان ؟
فريده : الحمد لله ... زين..
بو أمجد : الحمد لله . انزين تعالي وياي بغيتج بكلمة راس...
فريده : انشاء الله...
ويروحون المكتب ويسكر الباب وراه...
طبعا سلوى ونورا ورى الباب يتصوخون ....
تمر نور مستغربه....
نور : شقاعدين تسوون ؟
سلوى : شششششششش. لاتفضحينا .. الحين الغبره تسمعج
نور :؟؟؟؟؟​

داخل غرفة المكتب​

بو أمجد : فريده ...بغيت أعرف منج سبب الطق اللي طقيتيه بنت عمج أمس ؟
فريده: تتصوخ وتسمعني أسولف مع رفيجتي بشي مايخصها .. انت تشوف انه هالشي صح ؟
بوأمجد : طبعا مو صح... بس مو لي درجة انتج تزنطينها وتعلمين على رقبتها ....
فريده :......
بو أمجد : تخافين لا تقولي انج تكلمين واحد ...صح؟؟؟؟
فريده بعدها ساكته ....
بو أمجد : ما تتكلمين ؟
فريده :.......
بو أمجد : انتي تعرفين رفيج أمجد وتتواعدين وياه!
فريده : أنا ما...​

بو أمجد يعصب ويمسك فريده من قمة راسها : ماعندنا بهالبيت بنات تواعد ريايل يا عديمة التربيه ..
فريده : هذا بدر اهو اللي ساعدنا وودى يدتي المستشفى لمن طاحت علينا وما قصر ويانه...
بو أمجد: وبعد تخلون ريال غريب يدش بيتكم اللي مافيه الا حريم يا واطيه ..​

فريده تبجي : كنا ببحاله يرثى لها ومحتاجين مساعده......كانت يدتي بتروح علينا من طيحتها وصدمتها بموت ولدها ... شنو كنت تبيني أسوي .....بدر سمع صراخنا وطلب المساعده ... ووافقنا من غير تردد ..من خوفنا عليها...​

بو أمجد يهد راس فريده ​

بو أمجد : وليش ليلحين تتواعدين وياه وتكلمينه ؟
فريده : متى تواعدت وياه ؟
بو أمجد : لا تستخفين فيني وبقدراتي .. أنا أقدر أحبسج بالبيت من غير ماتطلعين بالمره ... بس أخليج الحين علشان امتحاناتج ومستقبلج .... لكن ابشري باللي ناطرج بعدين ..
فريده : وشنو اللي ناطرني ؟
بو أمجد : راح أخليج تنسين هذا اللي تواعدينه .... وعد مني ..
فريده تطالعه وهي تبجي : عمي ... المفروض ماتصدق اللي ينقال عني ... وتثق فيني .. أنا مو بنت هابطه مثل ماتقول ...انا محترمه نفسي وماشيه سيده وما يقص علي أي ريال ويسلبني شرفي ...أنا ما أواعد أحد..
بومجد : فكرة انج تكلمين ريال ... هذا بعينه واعلمه يبرهنلي انج هابطه وتواعدين ... أنا ماعندي بنات تكلم رياييل وحب وخرابيط......
أوكي تكلمين ريال لمن يجي يخطبج مني ونضمنه انه ماشي وياج بالسليم ..​

انتي الحين ماخليتيلي اي خيار ثاني​

ويتنهد ويحط ايده على يبهته يحكه يحاول يخفف العوار ...
سمعيني زين ​

راح تتزوجين ولد عمج ​

فريده : شنو عمي ؟​

بو أمجد : سمعتيني زين فريدوه ......​

تتزوجين أمجد ​

سلوى ورى الباب تبتسم وبقلبها تقول : ونضمن ناخد الثروه لنا وماتطلع بره ....
فريده : مستحيل ياعمي جذي تسوي ؟
بو أمجد : وليش مستحيل ؟
فريده : أنا ما أحب أمجد وما أبي أتزوجه .
بو أمجد : مو بكيفج ...تحبينه ...ما تحبينه ... قلتلج إحنا ماعندنا بنات تحب .... عطيني تلفونج
ويمد ايده صوبها ناطر انها تحط التلفون بكفه ....
فريده تطالعه و تطلع التلفون وتعطيه ....
فريده تعصب : عمي ماراح ينكتب عقد الزواج الا بتوقيعي وموافقتي ... وماراح أوقع على زواج أنا ما أبيه ...
بو أمجد : إي بس لا تنسين اني الوصي عليج ... يعني توقيعي عنج اهو بروحه كافي ويوفي ...
فريده انصدمت : ما يجوز جذي تسوي عمي ... أنا بنت أخوك ... حرام عليك .....
وتبجي : والله حرام اللي تسويه!!​

بو أمجد يطالع بنت أخوه وهي تبجي ويرخى وجهه من عصبيته لي ويه متأثر ببجي بنت اخوه ...
لكنه يقاوم نفسه ويتذكر كلام مرته ...​

( سلوى : لا تنسى انها بعد سنتين راح تكون بالسن القانوني وتطيح الوصايه اللي عليها ... لازم نمسك مسكتنا الحين قبل لا يفوت الفوت ...خلك قوي ولا تضعف على آخر شي ... وكل هذا لمصلحتها .... بنحافظ على قلوسها ونستثمرها ونميها ...وعلي أنا بعاملها مثل بنتي لي صارت مرت ولدي...
وحتى أمجد يحبها ....أهو اللي قالي انه راح يعاملها كأميره لي تزوجها....
حبيبي موتضعف ... خل كلمتك اهي الماشيه .. وتوكل على الله ...)​

ويروح صوب الباب يبي يبطله....متجاهل نداء فريده له..
فريده : عمي ... عمي اسمعني
يبي يصد عنها ومايبيها تغير رايه ...ومايخليلها مجال انها تقول اي كلمه ثانيه تخليه يرخي ويضعف أمامها.
ويبطل الباب والبنات بسرعه يوخرون عن الباب وينحاشون ....ويروح بو أمجد ويتركها بروحها بغرفة المكتب...
فريده : مستحيل هالكلام ؟ شلون يزوجني أمجد ؟ راعي بنات ....وانسان مو سوي ... شلون أعيش مع واحد ما أحبه ؟؟؟يزوجني قصب ليش ؟ شنو مسويتله اللي يعاقبني جذيه؟​

يصير الصبح​

ويودي بو امجد فريده المدرسه وحاقرها لمن تتكلم وتتحلطم عالزواجه اللي بالغصب صايره
فريده : عمي الله يخليك لا تزوجني ولدك بالاكراه ... مايصير تسوي جذي ببنت اخوك
بو أمجد :كله علشان مصلحتج يا فريده
فريده : مصلحتي تزوجني واحد ما أبيه ..
بو أمجد : هذا ولد عمج وسترج ومن أهلج ...المفروض تستانسين مو تعارضين ... يالله وصلنا نزلي وبمرج تسع ونص بالظبط تطلعينلي
وتنزل فريده وتسكر باب السياره وتروح عند الباب المدرسه ويتأكد عمها انها دخلت لي المدرسه ويحرك سيارته ويروح ...​

وتشوف دليسا مي وشروق ناطرينها كالعاده في كل بداية دوام جديد...
اهني دليسا استغلت الوضع ...عندها الحين ربع ساعه قبل لا تدش قاعة الاختبار ..
دليسا : شروق يايبه تلفونج ؟
شروق : لأ مايبته خفت الأبله تاخذه مني لأنهم يهددون باللي تييب التلفونات وياها...
مي : بس اليوم آخر يوم ياحظي مايقولون شي ...واحنا بالخش والدس محد يلاحظ ..
دليسا تطالع مي وكلها أمل : يعني انتي يايبته ؟
مي تتلوفت متوهقه : ششششش لا تفظحينه ...
دليسا : ميومه خلصينا .....
مي وهي تتساسر : اي ...
دليسا : وينه ؟
مي : بدلاقي حاطته سايلنت ...
دليسا : بسرعه أبيه الحين ... امشي الحمام وعطيني اياه ماعندي وقت....​

مي مستغربه: انشاء انشاء الله

ويروحون الحمام تكرمون وتاخذ التلفون بسرعه وتدق على بدر:​

طــــوط ....طـــــوط......طــــوط....​

دليسا : عفيه شيله....​

طــــوط .....طــــوط......طــــوط​

دليسا : عليك الله شيله​

....: المشترك لايرد , يرجى الاتصال في وقت لاحق ..
دليسا تحاول مره ثانيه ....نفس الشي مايشيله
والمره الثالثه والرابعه​

نفس الحاله ... الظاهر نايم أو حاطه سايلنت​

دليسا تدق على ميسا​

طــــوط ....طـــــــــوط​

ميسا توها قاعده من النوم وصوتها مبحوح : ألو
دليسا : ميسا بسرعه بكلمج وماعندي وقت لأنه التلفون هذا موتلفوني تلفون رفيجتي بالمدرسه .....بقولج بسرعه انه عمي بيزوجني غصب من ولده بعد جم يوم وماخذ تلفوني وحابسني بالبيت مايخليني أطلع ... أبيج تدقين على بدر تقولينله ضروري ضروري. لأن ماعندي فرصه أقولج الا الحين بالمدرسه وهذا اخر يوم لي ....انا مضطره أروح الحين بدى الامتحان ...معتمده عليج .....باي​

ميسا: شنو ؟؟؟؟​

تدش دليسا قاعة الاختبار
وتقعد بطاولتها وتوزع الأبله الأوراق عالبنات وتستلم دليسا ورقتها
وتاخذهاوتقرى الاسأله بأعصاب مشدوده وهي تحاتي شنو ناطرها​

صج عمها بيزوجها ولده ؟؟؟...وليش ؟؟....وشنو اللي طرى على باله فجأه جذي ؟ ....معقوله ياي القرار هذا من نفسه ؟ والا أحد وازه ؟
ترد تنتبه للامتحان وتفكيرها كل شوي يتشتت ومايخليها تركز عدل
الابله : يالله يابنات باقي ربع ساعه . اللي بتراجع تراجع الحين آخر فرصه لها .​

وبسرعه تحاول تركز أكثر بالامتحان وتجاوب عالسريع وتطرد الأفكار اللي كل شوي تييها ..لأنه الحين وقت الجد والوقت مو مسعفها
خلصت كل الأسأله وسلمت الأبله ورقتها أخيرا ..بعد ماكانت آخر بنت تسلم ورقتها باللجنه ...
الحين الساعة تسع ونص بالضبط وعمها ناطرها .. ودعت زميلاتها لأنها الحين اهي آخر يوم لها بالمدرسه​

وتركب سيارة عمها ​

بو أمجد :شاللي أخرج ؟ تأخرتي عشر دقايق !
فريده : قعدت أودع زميلاتي ماراح أشوفهم بعد الحين لأن خلصنا الدراسه وراح نتشتت ...اللي بتروح الكليه واللي بتروح المعهد .....
بو أمجد : شسويتي بالامتحان؟
فريده : الحمد لله ....
بوأمجد : متى النتايج ؟
فريده :عقب باجر..
بو أمجد : خلاص أقول حق أمجد يوديج عقب باجرعلشان تشوفين النتايج..
فريده تكشر بويهها ..وتمسح آثار دموعها اللي ذرفتها من بعد ماودعت زميلاتها ...لكنها تشوف دموع يديده تنزل وموقادره تتحكم بالدموع اللي تنزل من جديد !​

 

[sweet.sanfoora]

حقيييييير عمهاا !


وبثث


ثانكيوو حياتي

 

[سمراء اليل]

الله يهدي عمها ليش يسمع كلام مرته مرته ما تبي الا فلوس البنت يا ليتها تتزوج بدر

 

[άGώâ ми àώàŁ]

3amhaa ma9laaa7chiii bas yabe elflous malat 3leh;@!
Waiting;*

 

[• JoJo •]

مشكووووورة القهر لما يجي الضيم من القريب شحقه يسوي عمها معها جذي

 

[Lolwa]

العم غرته الفلوس

والفلوس تضيع النفوس

ويامه عوايل تفككت بسبة هالفلوس

ماعليه حبيباتي
اندمجتوا وايد بالقصه

خخخخخخخخ

ماتنلامون العم يقهر ومرته بعد


وللقصه بقيه

انتظروني