روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟! }..

[Riooma]

cant wait abi part

 

[gala q8]

حبيت بس اقول لكم لنقطه

** ليش نوره خذت الفلوس .. مو لانها تسكت او شيء ..

سعد ( ابو شيلاء ) لمن اعطى فلوس لنوره << منه اهوا من غير لا تطلب منه نوره .. عطاها عشان تصرف على شيلاء ..

و نوره ما كانت تبي تتكلم بهالموضوع وايد عند سعد .. لانها حبت شيلاء من قلبها .. و ما تبي البنت اللي ربتها و كبرت بعيونها ياخذونها منها .. و لان جانيت ( ام شيلاء الاصليه ) خلت شيلاء عند نوره .. لان نوره عارفه ان محد يقدر يحمي شيلاء بهالدنيا إلا نوره ..

فعشان جذيه نوره ما تكلمت بهالموضوع لاحد .. ولا حبت انها تكلم سعد بهالموضوع .. و خافت على مشاعر شيلاء لمن تدري ان ابوها حي .. ( و نوره خافت ان سعد لو اخذ شيلاء بذاك الوقت .. ممكن شيلاء تضيع .. فخلتها عندها ) سوري طولت عليكم


...

البارت السابع

...



عبدالعزيز و شيلاء .. وصلوا المستشفى ,,


و صعد معاها فوق ..


ووصلوا غرفه ريم ..


مريم : اهلا ..
نوره تطالع الساعه : ماما .. وين كنتي ؟؟
شيلاء : سوري ماما .. بس سويت حادث توني و اتصلت على عبدالعزيز على ما وصل ..
نوره قامت مسكت نوره : ليش ؟؟ و شلون ؟؟ و متى صار هالشيء ؟؟
شيلاء : ماما .. كاني شوفيني جدامج ما فيني شيء ..
عبدالعزيز مسك نوره يبي يقعدها مكانها و تهدي شوي : قعدي شفيج ؟ ما فيها شيء .. هذي شيوله ( يطالعها و يبتسم .. شيلاء نزلت راسها ) .. قطوو عتوي ام سبعه ارواح ما يصير فيها شيء


شيلاء تطالع عزوز و منصدمه : انت هيييي .. احترم نفسك .. شنو قطوو عتوي .. مالت ..

مريم تطالع عبدالعزيز : شصار على ولدي ؟
عبدالعزيز يطالع مريم : هدي بس .. ماكو إلا كل الخير .. على حسب كلام الضابط ان خالد 70% ممكن يطلع بريئ .. و راح يكون الدفاع عن النفس .. توني اتصلت على زميل معاي بالجامعه .. و اخوه محامي .. و كلمته بالموضوع .. و قال تطمن .. القضيه بإذن الله كاسبينها .. وذاك الساع تقدرين ترفعين قضيه على جابر .. قضيه تهجم ..
مريم : لا تكفا عبدالعزيز انا قمت اخاف من جابر .. ما نبي منه شيء .. بس ابي ولدي يطلع ..
نوره : انتي لي متى بتسكتين عن حقج ؟؟ باجر يتمادى اكثر من جذيه .. لازم تحطين له حد ..
ريم : و نقدر نزور خالد ؟؟


...


عند جابر .. وامه و اخته ..

جابر نايم .. و هدى و امها قاعدين ياكلون حب .. و يسولفون ..

هدى : يمه .. بكلمج بموضوع ..
امها تقشر الحب بدفاشه .. : قولي شتبين ؟؟
هدى : امااااهـ .. تعرفين اللي قلت لج عنه .. اللي عاجبني معاي بالشغل ..
امها : أي .., اللي سويتي له عمل .. ( عمل = سحر )
هدى : أي .. اقول لج امس كلمني بيخطبني ..
امها : زين .. و كلمتبه عن اعيالج ؟؟
هدى : أي كلمته .. قلت له اني متزوجه مرتين .. والاول طلع ما إييب عيال و الثاني لانه خاين و عندي من الثاني ولد .. و هالولد راح يعيش عندنا ..
امها : زين .. و انتي ما تعرفين شعنده وما عنده ؟؟
هدى : امبله .. اهوا متزوج .. بس زوجته ما تييب له اعيال .. و زوجته عمرها بـ 30 تقريبا ,.. و بتوصل بـ 40 .. المهم .. و اهوا عنده خير من ابوه .. وعنده جم عماره بالسالميه ,, و عنده شركتين بالخارج و وحده بالكويت .. و ابوه ( .... ) من عايله الـ(...) عرفتيهم يمه ؟؟
امها : أي أي عرفتهم .. وي .. هذول لهم سمعه بالكويت .. أي هذا الزين .. مو االلي تزوجتيهم قبل .. بس هاا ... تطلقي منه بعدها بسنه .. يعني خلي شغلج ماشي بسرعه .. مو تطولين نفس اللي قبله تقعدين فوق السنتين .. مالنا خلق .. نبي فلوس .. نبي جيباتنا تنترس ..
هدى : افا عليج يمه .. والله لا اخليج تطيرين بالفلوس .. إلا اقول يمه .. دام افتكينا من مريموه .. ليش ما نزوج جابر ؟
امها : اممم .. بس وين نلقى البنت السنعه ؟؟
هدى : هالسوالف خليها علي انا اللي بدورها له ..
امها : زين عيل ..


...


بمطار الكويت ..



حنان : اوووف .. قاعده اتصل على نوره بس ما ترد علي ..
ندى : اووف .. يمه حنا ملينا قعدنا اكثر من 7 ساعات هنا .. خل اتصل على شلاء .. إن شاء الله ترد .. ( اتصلت )


...

عند شيلاء ..


شيلاء : وااي هذي ندوي .. برقمها الكويتي .. معقوله يت الكويت ؟؟
ندى : الووو ..
شيلاء : اهلا ندوي ..
ندى : جب اقول قولي لامج احنا بالمطار اكثر من 7 سنين .. اووف .. اقصد اكثر من 7 ساعات ..
شيلاء : هههههه .. زين يا للمينونه ..
( صكته )

شيلاء : يمه .. اهما يوو الكويت اكثر من 7 ساعات ..
نوره : وي يا حستري على حنون .. والله اني مشتاقه لها ..
مريم : أي والله .. الله يذكرها بالخير ..
عبدالعيز : زين .. عيل انا بروح لهم المطار ..
شيلاء : وانا بعد .. اخذني بروح لهم معاك .. ( عن اذنكم ) ..

...

ندى بالمطار ..

ندى : اوووف .. خلاص وصلت حدي يمه .. اتصلي على خالتي نوره .. بلغيها ان صار لنا ساعات هنا
احمد : وانتي ليه حنانه كذا ؟؟ خلاص اسكتي ..
ندى تتلفت : زين .. انا راح افككم من حنتي .. بروح اشتري لي ايس كريم و شكلاطه ..
حنان : زين روحي .. فكينا
احمد : هيي .. وش اللي روحي ؟ بروحك ما تروحين ..
نوره : انا بروح معها ..
احمد : اممم .. زين بسرعه ..


...


بالسياره .. شيلاء قاعده يم عبدالعزيز ..


عبدالعزيز : شفيج ساكته ؟
شيلاء ابتسمت : ما فيني شيء ..
عبدالعزيز ابتسم : اها .. زين .. قولي لي .. شراح تسوين لي تخرجتي من الجامعه ..
شيلاء : ههههههه .. وين .. خل ادخل السنه الرابعه و بعدين يصير خير
عبدالعزيز : لا .. انا ابيج دايما تفكرين لي جدام ..
شيلاء ابتسمت ..


...



عند ندى و نوره وصلوا عند الايس كريم ..


وصل مسج عند ندى (( الحمدالله على السلامه يا الغاليه )) .. << الرقم نفس الشخص اللي اتصل عليها امس ..

ما ردت .. و قامت تتلفت

المسج الثاني (( شدعوه .. ما تعطينا ويه .. وبعدين لا تتلفتين .. اصلا ما راح تقدرين تشوفيني ))

ندى خافت شوي .. صكرت الجهاز .. و شرت الايس كريم و مشت ..



...





عبدالعزيز وشيلاء وصلوا المطار .. و اتصلت شيلاء على ندى لقت الجهاز مغلق


شيلاء : اوووف .. دنوي مصكره جهازها ..
عبدالعزيز : يمكن ما فيه شحن .. اتصلي على امها ..
شيلاء اتصلت : الوو ..

حنان : الووو هلا يمه شيلاء
شيلاء : خالتي احنا الحين تونا داخلين المطار انتوا وينكم ؟؟
حنان : احنا صوب المحل ( .... ) .. تعالوا شيده راح تلقونا قاعدين بهالمكان ..
شيلاء مشت شوي .. : أي أي .. كاني شفتكم ..


راحت و سلمت و عبدالعزيز سلم على احمد ..


...



بالسجن .. عند خالد ..


خالد يطالع حوالينه .. ويطالع الهنود اللي معاه بالسجن : انا اخر عمري اقعد بهالمكان ؟ كله منك يا يبا .. اكرهك .. اكرهـــــــــــك .. والله لا انتقم منك ..


الشرطي : المتهم خالد جابر الـ( ... )

خالد قام : نعم ؟
الشرطي : تعال .. الضابط يبيك


خالد طلع ووصل عند غرفه الضابط ..

الضابط : فكوا قيده ..
فتحوا الكلبسات اللي عليه ..
الضابط : اقعد ..
خالد قعد
الضابط : ممكن نعرف شلي صار لك بالضبط ؟؟ و اتمنى انك تقول لنا الحقيقه .. عشان يكون عندك دليل و تقدر توصل للمخرج اللي انت فيه ..
خالد : اللي صار .. اني انا و خالي كنا نتسبح على البحر .. و شيلاء بنت خالتي و اختي ريم قاعدين عالبلكونه .. و امي و خالتي داخل الغرفه .. شوي .. وله تيي لنا ريم تبجي و مو قادره تتكلم .. خالي عبدالعزيز دخل داخل .. وانا قعدت عند ريم .. شوي .. وله ريم تقول لي ..




تذكر لمن ريم قاعده و تبجي لمن هدت شوي قالت :

ريم تبجي : خالد .. ابوي يا .. ابوي موجود ..
خالد قام و ساعد ريم تمشي لي داخل ..

وقعدها يم الباب .. واهوا راح عند باب الصاله .. والكل كان جدامه

سمع ابوه يقول لـ عبدالعزيز

جابر : هه .. يا رامبوو .. اقول انت هيي .. روح ناد لي ريم بنتي .. انا ياي اخذها معاي , يا ,, يا ولد الفرنسيه ..

خالد على طول فكر .. انت اهوا الوالي على امه و اخته .. و لمن شاف منظر امه و هي طايحه .. ركض المطبخ و ياب السجينه و طعن ابوه ..


عند خالد : وبس .. كل هذا اللي صار ..

الضابط : اممم .. زين خلاص .. انت الحين راح يردونك مكانك .. واليوم بإذن الله راح نوديك المحكمه .. يا شرطي .. تعال اخذ خالد قطه بالنظاره ..

( و طبعا كل هالكلام تسجل عن طريق الكاتب للمخفر .. اللي يسجل كل كلمه .. و كل حرف .. )



عند مريم و ريم و نوره ..

مريم فارشه سيادتها وتدعي لله : يا رب .. ياري نجي ولدي من هالبلاء .. اللهم اني عبدك .. اللهم استجب دعائي .. اللهم اني اتذلل إليه .. وإلى رحمتك يارب .. اللهم اغفر له .. اللهم اغفر له .. اللهم ارحم حاله .. اللهم ارحم حاله .. اللهم انه عبدك .. اللهم اغفر له ..

ريم تطالع امها .. و تكلم خالتها نوره : خالتي .. امي هالايام نفسيتها كلش ..
نوره تطالع مريم و لفت على ريم : ماعليج يمه .. امج تمر بأوقات مو حلوة .. و اكيد بتكون متوتره .. بس انتي لا تحاتين ..

...


طق الباب .. دخل الدكتور ..

الدكتور : السلام عليكم ؟
الكل : وعليكم السلام ..
الدكتور : لا .. اليوم حاله ريم احسن بوايد ..
ريم : أي دكتور الحمدالله .. متى اطلع من هنيه انا مليت ..
الدكتور : هههههه .. ترى ما صار لج غير يومين بالمستشفى .. زين .. انا ييت اخربكم ان ريم زينه و تقدر تطلع بأي وقت ..
نوره : يعطيك العافيه دكتور ..
الدكتور : الله يعافيج .. عن اذنكم ..

مريم تشيل ثوبها ( و طبعا اهيا قاعده على الكرسي المتحرك لي الحين ) ..

مريم : يا الله نوره .. خل نطلع ريم الحين
نوره : نطري خل نتطمن عليها اكثر
ريم : خابتي انا بخير ما فيني شيء ,,
مريم : لا نوره .. انا ابيهاترجع الييت .. اولا احنا الحين ما عندنا ريال ,., ولازم نرجع البيت و ثانيا .. حنان و بناتها يايين .. شلون بتضيفينهم بالمستشفى مثلا ؟؟
نوره : أي عدل كلامج .. اوكي خلاص .. يا الله قوموا .. على ما اروح اوقع لها ورقه خروج ..

...


بالطريج ..


شيلا تكلم ندى بصوت واطي : ليش مصكره جهازج ؟؟
ندى : بعدين اقول لك .. اشش ..


...

 

[sweet gairl]

ابيييييي بعد واحد بمناسبة الفكه من الامتحانات

 

[gala q8]

لوول .. من عيوني .. بس إن شاء الله راح انزله بعيد .. لاني هالايام والله حدي مشغوله و تعبانه .. فسامحوني

 

[sweet gairl]

فدييييييتج سلامات

 

[rawnaq]

رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟!

اشوه خلصت امتحانات وصدفه شفته المهم قلبوو الجزء الثاني احلى بواااايد من الجزء الاول فبلييز كملي مو كل وقت اقدر اشبك بلييييييز

 

[غــلآهاا غير]

وآآآآو البااارت رؤووعه كممملي حبووووبه نااااااااااااااطرينج

 

[توتا كويتيه]

بصرااااااااااااااااااااااحه خوش روايه
انا قعدت اقراها من الجزء الاول لليلحين من الساعه 3 لي الحين 6
عجبتني وايد
ننطر البارت الياي حبيبتي

 

[6amni bs]

رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟!

@@ منو هذا اللي يدز مسجات حق ندى، لايكون مو زييين غبره :'(

يعطيج العاافيه

نآطرينج

 

[Tom ♥ Jerry]

رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟!

.



مشكككككككككككككككورة ع البارت

 

[gala q8]

فدييييييتج سلامات

تفداج روحي .. الله يسلمج يا قلبي ,..,

:tek::tek:


إن شاء الله لعيونكم راح انزل البارت اللي وراه :tek:

 

[gala q8]

رد: رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسي

اشوه خلصت امتحانات وصدفه شفته المهم قلبوو الجزء الثاني احلى بواااايد من الجزء الاول فبلييز كملي مو كل وقت اقدر اشبك بلييييييز

فديتج .. إن شاء الله راح اكلمها لكم الحين :sfg:

 

[gala q8]

وآآآآو البااارت رؤووعه كممملي حبووووبه نااااااااااااااطرينج

إن شاء الله من عيوني :hjy5jewf:

 

[gala q8]

بصرااااااااااااااااااااااحه خوش روايه
انا قعدت اقراها من الجزء الاول لليلحين من الساعه 3 لي الحين 6
عجبتني وايد
ننطر البارت الياي حبيبتي

حياتي فديتج ..

من عيوني إن شاء الله .. راح انزلها ..

 

[gala q8]

رد: رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسي

@@ منو هذا اللي يدز مسجات حق ندى، لايكون مو زييين غبره :'(

يعطيج العاافيه

نآطرينج

الله يعافيج .. فديتج ..


لوول بعدين راح تعرفين منو هذا


:eh_s(4):

 

[gala q8]

رد: رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسي

.



مشكككككككككككككككورة ع البارت

العفــــــــــــــووو يا قلبــي :aha:


:eh_s(21)::eh_s(21)::eh_s(21):

 

[sweet gairl]

حياتي احرجتيني >>>>>>جب جب لووووووول


حياتي نتا ما فضيتي we weeeat you

 

[gala q8]

حياتي احرجتيني >>>>>>جب جب لووووووول


حياتي نتا ما فضيتي we weeeat you

الحين بنزله :eh_s(3):

 

[gala q8]

البارت الثامن


...


مريم و نوره و ريم وصلوا البيت ..



نوره قطت نفسها على الغنفه : اوووووف .. واااي طاح حيلي .. احس هالايام اللي مرينا فيها ايام مره و تعب ..
مريم تدز نفسها بالكرسي المتحرك : أي والله يا نوره .. إلا ما قلتي لي .. جاسم ما اتصل عليج ؟؟
( طبعا جاسم اخوهم من ابوهم اللي تزوج رونق اخت حنان ) ..
نوره : لا والله يا مريم .. تخيلي .. دزيت له رسايل عن طريق الايميل مال الشركه .. و ما يرد علي .. و لمن اسأل حنان كلمتي اختج تقول لي لا .. لان رونق بروحها انقطعت مره وحده ..
ريم : أي هذا خالي اللي نسمع عنه و ما نشوفه .. اذكر اخر مره شفته كانت عمري 7 سنين .. و بعدها كلش ما شفته .. يعني من 10 سنين ما شفته .. إلا اهوا ليش سافر ؟؟
نوره : خالج تزوج اخت حنان رفيجتي .. و عاشوا برا .. عنده جم شركه ملوت ابوي برا .. و راح يتاابعها مناك .. و بعد غير شركات ام حنان .. اللي بالخارج ..
ريم : و بنات خالي ابد ما نشوفهم كلش .. ودي اتعرف عليهم اكثر ..
مريم : أي .. خالج عنده بنتين .. مريم و دلال .. مريم كبرج و دلال اصغر منج ..
نوره : أي .. وغير عبدالله ولد رونق .. الله يذكره بالخير يحليله .. حنان قبل كانت تموت فيه يا قلبي .. الحين ما شاء الله عليه صار ريال ..
مريم : هوو .. اهوا الحين جم عمره ؟؟
نوره : هوو شفيج ؟؟ اكبر من عبدالعزيز بسنه ... يعني الحين عمره يعني تقريبا 22 .. و داش بال23 سنه ..
مريم : ما شاء الله ..
نوره : أي ..

(( شوي و دخلوا عبدالعزيز و احمد و حنان و شيلاء و ندى و نوره ))

نوره ( ام شيلاء قامت و سلمت على حنان و قامت تبجي .. )

احمد و عبدالعزيز قعدوا بالصاله اللي جدامهم ..

و حنان و مريم و ريم و نوره (اخت ندى ) .. و ندى و شيلاء و نوره ( ام شيلاء ) بالصاله ..


** عشان ما تتخربطون .. نوره اخت ندى راح نناديها بأسم دلع ( نوير ) .. اوكي

نوره ( ام شيلاء ) : يا الله انا بروح اشوف الخدم .. شكلهم ما اطبخوا اليوم ..
ندى بصرااخ : لا .. لأأأأأأأأأأأأأأأأ يا خالتي نوره .. انتي غلطانه مررره .. انا ما يهمني غير بطني .. و انتي تقولين ما في اكل ؟ كيف تصير كذا ؟؟
نوره : هههههههههه .. حنون مسكي بنتج هالبطينيه ..
شيلاء : ما عليج منها مامي .. انا اعرف اتعامل معاها .. بس ييبي لها كيكه ككاو .. و صويا ككاو .. و فليك .. افا عليج وحده بـ وحده .. تلقينها خلاص مو قادره تتحرك من الاكل ..
ندى : اقول انتي وراك ما تسكتين ؟؟
شيلاء : رجااااااءا .. تكلمي كويتي ..
ندى : يا ختي ؟؟ انا كيفي انتي مالك شغل فيني .. بالله اتكلم كويتي سعودي بحريني إماراتي عماني قطري .. انتي وش دخلك فيني ؟؟
الكل : هههههههه ..
نوره : والله لو بقعد اشوف سوالفكم عيز الله لا تغدينا و لا تعشينا ..
الكل : هههههههه ..


...


هند عبدالعزيز و احمد ..

احمد : لا حول ولا قوه إلا بالله .. زين .. واالحين متى القضيه ؟؟
عبدالعزيز : والله شقول لك يا بو ندى .. و احنا طالعين من المطار اتصل علي القاضي و قال اليوم قضيته ..
احمد : وعلى الساعه كم ؟؟
عبدالعزيز : يعني .. على الساعه 5 او 6 ..
احمد شاف ساعته : امم .. يعني تقريبا بعد ساعتين و نص .. او 3 ..
عبدالعزيز : أي ..
احمد : زين .. اجل انا الحيــن بطلع و بروح و اجي على الساعه 5 بإذن الله ..
عبدالعزيز : وين رايح و انا اخوك .. اقعد تغدا معانا ..
احمد : لا يا عبدالعزيز انا بروح الشركه .. بشوف اشغال الوالد الله يخليه لنا .. المهم .. و بإذن الله انا راح اجيكم على الـساعه 5 .. يا الله مع السلامه ..
عبدالعزيز : براحتك يا اخوي .. لكن بإذن الله باجر انت معزوم يوميا عندنا ..
احمد : هههه .. إن شاء الله ..


احمد توجه للباب ..


حنان قامت : وين رايح يا احمد ؟
احمد : بروح اشوف اشغال الوالد و الشركه .. المهم .. انتوا وين بتباتون ؟؟
حنان : بنبات فبيتنا ..
مريم : لا يا حنان .. زوجج اكيد بيتاخر كالعاده بيروح يقعد بالشركه لي باجر .. خلج انتي معانا ..
منان : لا فشله يا مريم .. اخوج يبي ياخذ راحته ..
عبدالعزيز : ههههه .. لا يا حنان يا اختي .. اخذي راحتج .. انا اليوم بروح انام بالخيمه برا .. تدرين هذا مكاني المفضل ..
حنان : يعطيك العافيه ..
عبدالعزيز : الله يعافيج ..
احمد : يا الله السـلآم عليكم ..
الكل : وعليكم السلام ..


( طلع احمد .. وعبدالعزيز راح الخيمه و اخذ له غفوه ) ..

...


بعد الغدا ..

ندى خذت شيلاء و راحوا الصاله الصغيره ..

شيلاء : أي أي .. إيدي ..
ندى تيرها حيل : تعالي بسرعه ..
شيلاء : اوووف .. شتبين ؟؟
ندى : بقول لج سالفه ..
شيلاء : قولي خلصي .. خليتي الكل يشك ان بينا سالفه ..
ندى : خل يولون كيفهم .. المهم سمعي ..
شيلاء : هاا ؟؟
ندى : امس و انا اسوي للاغاني الريميكس اللي تبينهم .. وله يتصل علي واحد و الرقم كان من الكويت .. توقعته انتي .. وله يطلع لي واحد .. المهم و كان يعرف اسمي .. و حطيت فوني مغلق .. و المشكله مو جذيه .. اليوم دق علي وانا بالمطار .. وله يقول لي الحمدالله على السلامه .. يعني معناته اهوا مراقبني .. و بعدين شلون درا اني بسافر ؟؟
شيلاء : أي شيء .. منو هذا ؟؟
ندى تطق راس شيلاء : بالله انا ادري ؟ و انا قاعده اقول لك ساعديني ابي اعرف من ذا ؟
شيلاء : زين .. بلغي ابوج وله عبدالعزيز ..
ندى : والله لو تموتين مستحيل اقول حق ابوي .. انتي وش فيج ؟؟ ما تفهمين ؟؟
شيلاء : وي يحليلج تتكلمين كويتي بعد ؟ هههههههه
ندى : كيفي .. انا كويتيوه و سعوديه بنفس الوقت انتي مالك شغل فاهمه .. المهم .. قولي وش اسوي ؟؟
شيلاء : ما ادري .. ما عندي أي طريقه اسويها ..
ندى : اوووف ..


...


عند ريم و نوير ..
ريم و نوير : ههههههههههه ..
ريم : و اقول لج جان اقول لها شدعوه كبيتي كل الكيكه .. واااي كان حده فلم .. و تخيلي سوينا بالمطبخ انفجار ههههههههه .. وله تدخل خالتي نوره .. و تشوف المطبخ و تزفنا زف .. هههههههههه
نوير : وي .. ليه كذا عاد .. انتي و خويتك ذي .. هههههههههههه ..


عند مريم و حنان ...

مريم : أي والله .. و اليوم قضيته يا قلبي ..
حنان : لا حول ولا قوه إلا بالله .. خلاص يا ام خالد هدي .. و كلام عبدالعزيز صح .. دام قال ان المحامي قال انه دفاع عن النفس .. خلاص بإذن الله كاسبين القضيه ..
مريم : حتى لو ما كان خالد غلطان .. جابر ليش ما يحس في ولده شوي .. خل يطلعنا من هالمشاكل من غير فضايح .. ( قامت تبجي )
حنان لمت مريم : خلاص يا ام خالد .. الله يخلي لج خالد و ريم .. و باجر تشوفينه مع اعياله .. خلاص عاد ..
مريم : اااه يا حنان .. والله اني اعاني بهالمشاكل اللي كل يوم تطلع لنا مشكله .. انا كنت السبب .. و احتمل غلطتي ..

مريم تقول بقلبها (( اااه يا عمري اللي ضيعته .. بعدت احب انسان دخل قلبي ( قصدها خالد ولد سبيجه ) .. و ظلمت اعز ما عندي بهالدنيا ( تقصد خالد و لدها و بنتها ريم ) .. و ضيعت عمري كله عشان انسان تافه .. حسبي يا الله و نعم الوكيل .. صج اللي ما يفكر بلي ممكن يصير باجر بأفعاله يضيع .. ))


...


عند نوره .. تمشت بالممر و مرت يم غرفه شيلاء .. ولقت الصندوق اللي كله صور .. و افتحته ..


لقت صور .. دمعت عيونها من هالصور ..
لقت صوره رفيجتها جانيت .. و لمن كانت يمها نوره .. و الصور قديمه حيل اكثر من 17 سنه ..
نوره تضحك لمن تشوف بعض الصور اللي تذكرها بمواقف مع رفيجتها جانيت ..


و بعدها قامت شالت الصور .. و حطتهم بالصندوق و ردته بالرف ,,


و طلعت من الغرفه .. و صكرت الليت ..


...


عند شيلاء و ندى ..

شيلاء : زين خلاص .. اتصلي خل نشوف صوته .. خخخخخخخخ
ندى ترفع حاجبها : وش فيك انتي ؟؟ انجنيتي ؟؟
شيلاء : اوووه .. اتصلي و انتي ساكته ..

ندى : زين .. ( اتصلت ) .. يرن .. يرن ..

ندى : الوووو ..


...

 

[sweet gairl]

فديييييييتووووووووووچ تسلمين عـ البارت حوووووووووبي