زوجيني أخوج !!

[FeShinGoOo]

والله حبيبتي الشرهه عليكم والغلطه غلطتكم الي اتدخلون هالاشكال واترافجون هالنماين مو ذنب اخوج ..!!!!

 

[(كويتيه عسل)]

اختج غلطانه مادام تعرف سوالفها ليش تعطي اخوج ايميله وخلتهم يتقربون من بعض

اختج لازم تصلح غلطتها وتعلمه بسوالفها

 

[* ملكني الخوف *]

الله يعينكم

 

[PuPa^^SWeeT]

الله يعييينكم خلي ابووج يكلمه عن اخلاقيات البنية وانها مخطوووبة

 

[kuwait_queen82]

الله يستر عليها
ذكرتني ابوحده تقولي حبيبي اخوج فيني (واللهم ياكافي حتى اسلوب و ادب بالكلان ماعندها )

 

[q8ya sh8ra]

الله يهدي اخوج ويبعده عنها !

 

[انا و بس]

:eh_s(4): لا تعليق اختج لاازم تقول حق اخوج عن سوالفها واذا قالها لا شنو الدليل خل تقوله اسم واحد من الي تعرفة رفيجتها وتقولة اسم ولد عمها يعني لاازم تبينون لاخوكم حقيقتها لو شنو قبل لا يطيح الفاس بالراس :eh_s(1)::eh_s(1):

 

[ĆŭŧΣ Ḟầсe ㋡]

‘،


اول شي اختج ليش تماشي هالاشكال ..


امممم .. حطيت نفسي مكانج وطلعت بحل واحد

اصارح اخوووي .. وقوله عن اخلاقهاا .. واذا عاند افهمه اني اخته مو عدوته .. وادق عليها واخليه يسمع سوالفها ع السبيكر

اوو اسجل مكالماتها .. طبعا هالحل لوو عاااند ورفض يقتنع

والله يبعدها عنكم

،‘

نفسس اللي كنت بقوله اختج شلوون تماشي وحده مو مضبووطه ​

واذا انتي حكمتي انها مو مضبوطة بس بمجرد انها كلمت اخووج فاقوول لج اتقي الله​

وهذي عوارت لا نقذفهاا الا لما تشووفين بعينج وبعدين لا قالت
لاخوج انها ما تصلح له بيقول شلون ماشتيها :rerrerek:​

" المرء ع دين خليله فلينظر احدكم من يخالل "​

ثانيا بقوول لج قصصصه لرفيجتي ما اقولها لج عشان ارهبج بس قصه اعرفهاا ​

تقارب قصتج وابي لج الخير يوم اقوولهااا لج​

رفيجتي هذي عندها رفيجة حيييل معاها وطيبه حييييل بس جمالهاا متوسط وهي تحب اخوها​

رفيجتهااا مع العلم انهاا بس شافته بالصدف وتسمع سوالفهاا عنه ​

وهو طبعا ما شافهاا الا لما تزورهم بنقابهاا يعني ما يعرف شكلها لان قبليين هع ​

الموهيم يوم خطر ببالها يتزوج فكر فيهاا عشان اخلاقهااا وحب اخته لها ​

يوم عرض على اخته قالت فلانه لا مو حلوه ولا كشخه وغير رايه اخوها وتزوج​

ومع الايام رفيجتها تزوجت واحد مهندس وله قدر كبير ومزيون وهي للحين ما تزوجت​

الله يرزقها ويرزق كل من امنت :eh_s(7):​

يعني لا تقطعين رزق احد عشان الله ما يقطع رزقج ويوووفقج ​

 

[zqertya]

هو كلمها واكيد يعرفها اذا خربوطيه ولا لا وبعدين يمكن تابت وحبت اخوج صج وانتو قولوله توا الناس ويمكن ليسافر ينساها ويمكن يتواصل معاها بالنسبه لي خلوه يختار اللي هو يبيها انتو عليكم نصحتوهاا ولو هي صج مو زينه وااايد ليش ادخلونها بيتكم يعني هالشي ماراح يقنع اخوكم خلوه على كيفه عشان لا يقول انتو اخترتوا وانتو وهقتوني

 

[عاشقة هواك]

حبيبتي بما إن بينهم طلعات ومقابلات

قولي له على الأقل ياخذ تلفونها ويشوف بعينه

ويتأكد بنفسه إذا مو مصدقكم​

انا وياها :rerrerek:

 

[حلاتي بذوقي]

اهو الغلط الاول انه اختج تمشي مع هالاشكال انتوا تعرفون انها مو مضبوطه شلون تدخلونها بيتكم وتصير رفيجتكم
وبعدين فهمي اخوج وقولي له بكل هدوء ان البنت تعرف شباب وايد وخليه اهو اللي يحكم وتكون مهمتج خلصت

 

[UNICORNA]

سؤال يطرح نفسه

دامها مو محترمه وحقه شباب ليش تصاحبونها وتدخلونها بيتكم ؟؟؟؟؟

 

[نفهمها صح]

لاتزعلين
اذا البنت عندها خربيط انتو ليه تكلمونها وتحتكون فيها
اتمني الاجابه

 

[سآق نملة]

وضحووا له كل شي ..


والله ينور بصيرته ويرزقه المراة الصالحه يارب ..

 

[بطوووطة$بيضة]

حرااااام انج ماتسترين عالبنت حرااام ان اطلعين سوالفهاااا حتى ان اهيا موزينة انتي اشدراج ان اخوج ان خذا وحدة ثانية تطلع زينة ....بس الله مايرضى انج تفضحين بنت يمكن اخوج ان درى يفضحها عند ربعه وانتي كيفج

 

[روووحي بلقاك]

قولي حق امج واخوج عن كل سوالفها وانها بنت مومضبوطه
واذا خايفه يقولون لج دامها مومضبوطه ليش تماشينها
قولي لهم توني اعرف هالشي عنها وبقطع علاقتي فيها
ونصيحه لج
( الصاحب ساحب )
الله يوفقج ويرزق اخوج زوجه صالحه

 

[*ريما*]

قولي للوالدة
وهي تقول لاخوك

 

[شموخ العز ^]

خلي اختج تكلمها ويكون الفون سبيكر ويكون اخوج عندها وتكلمها وتسحب منها حجي عن خرابيطها والشباب الي تعرفهم اهنيه اخوج بيشيلها من باله نهائيا

لازم يكون معاكمم دليل مثل هالدليل ولا ماراح يصدقج

 

[شموخ العز ^]

بنات الله يهديكم شنو هذا البنت تبي رايكم شنو الشرره عليكم عيب والبنت الي مو مضبووطه هي الي سمحت لنفسها تكلم شباب اخوها ما غلط هي الي تلزقت فيه وحرام ردودكممم مدري شلون سايره

 

[classicyah]

آلله يعينج :/

أكره شي في الحيآه ، لمآ الأخو يحب وحده أهلهآ مآ يبونهآ ،

و المشكله هي مآ تستحيْ ، و اتقولكم زوجوني اخوكم :/

كلموه مره و مرتينْ ، قولوله ، مب قآدريـن نتقبلهآ ،

و ادعي انه يغير رآيه ،

و ان بغآهآ و أصر عليهآ ، مآ لكم غير انكم تخطبونهآ . .

و هو بآجر بيعرف حقيقتهآ . . .