زوجيني أخوج !!

[شقآوه أنثى]

الله يستر عليها
ذكرتني ابوحده تقولي حبيبي اخوج فيني (واللهم ياكافي حتى اسلوب و ادب بالكلان ماعندها )

والله يا اختي وايد من هالنماين

بس شنسووووي ؟؟؟؟ المشكله تقط نفسها ع الريال تحسسه انه ماكو غيره

 

[مصممة أزياء]

الله يستر عليهم
البنت اذا تعودت على الطريق الغلط مو سهل تترك عاداتها القديمة
وغير نظرة الشباب لها راح تزعز استقرارهم مستقبلا
انا ماودي اقطع رزقها
بس اذا انتو متيقنين انها تبي تصيد لها ريال وبس
وماهي من اهل التوبة والصلاح وخبيثة وماهي على نياتها
يعني صعب اصلاحها
انصحكم تتدخلو
وافضل شيء خلوه بشكل غير مباشر
يعني ارسلو لخوك تسجيل او شيء يكون دليل على عددم صلاحيتها كزوجة له وام لاولاده
وهو صاحب القرار
ربي يصلح شانهم

 

[شقآوه أنثى]

نفسس اللي كنت بقوله اختج شلوون تماشي وحده مو مضبووطه ​

واذا انتي حكمتي انها مو مضبوطة بس بمجرد انها كلمت اخووج فاقوول لج اتقي الله​

وهذي عوارت لا نقذفهاا الا لما تشووفين بعينج وبعدين لا قالت
لاخوج انها ما تصلح له بيقول شلون ماشتيها :rerrerek:​

" المرء ع دين خليله فلينظر احدكم من يخالل "​

ثانيا بقوول لج قصصصه لرفيجتي ما اقولها لج عشان ارهبج بس قصه اعرفهاا ​

تقارب قصتج وابي لج الخير يوم اقوولهااا لج​

رفيجتي هذي عندها رفيجة حيييل معاها وطيبه حييييل بس جمالهاا متوسط وهي تحب اخوها​

رفيجتهااا مع العلم انهاا بس شافته بالصدف وتسمع سوالفهاا عنه ​

وهو طبعا ما شافهاا الا لما تزورهم بنقابهاا يعني ما يعرف شكلها لان قبليين هع ​

الموهيم يوم خطر ببالها يتزوج فكر فيهاا عشان اخلاقهااا وحب اخته لها ​

يوم عرض على اخته قالت فلانه لا مو حلوه ولا كشخه وغير رايه اخوها وتزوج​

ومع الايام رفيجتها تزوجت واحد مهندس وله قدر كبير ومزيون وهي للحين ما تزوجت​

الله يرزقها ويرزق كل من امنت :eh_s(7):​

يعني لا تقطعين رزق احد عشان الله ما يقطع رزقج ويوووفقج ​

انا ما قذفت احد
انا شفت بعيني وما خفي كان اعظيم
ولا تقولين لي اختج شون رافجتها ؟؟؟ لان انا قلت لكم ما عرفنا حقيقتها الا من فتره قصيرررره حيل

وغير جي انا مو قاطعه نصيبها كا ولد عمتها يبيها تتزوجه وتفكنا ليش قاطه نفسها على اخوي وبتخرب مستقبله

اتوقع لو هالش سارلج ماراح ترضين ^_*
عدل ؟؟

فلا تقولين لي قاطعه نصيبها لان الي تمشي بهالدرب اهي الي تقطع بنصيبها

اشكرج ع المرور

 

[شقآوه أنثى]

هو كلمها واكيد يعرفها اذا خربوطيه ولا لا وبعدين يمكن تابت وحبت اخوج صج وانتو قولوله توا الناس ويمكن ليسافر ينساها ويمكن يتواصل معاها بالنسبه لي خلوه يختار اللي هو يبيها انتو عليكم نصحتوهاا ولو هي صج مو زينه وااايد ليش ادخلونها بيتكم يعني هالشي ماراح يقنع اخوكم خلوه على كيفه عشان لا يقول انتو اخترتوا وانتو وهقتوني

شلون بيعرف انها خربوطيه واهي لما اتيي بيتنا واهو اهني ما تحط مكياج ومفهمته انها مو تعرف شي بالدنيا

 

[شقآوه أنثى]

انا وياها :rerrerek:

كلامكم عين العقل !!

 

[شقآوه أنثى]

اهو الغلط الاول انه اختج تمشي مع هالاشكال انتوا تعرفون انها مو مضبوطه شلون تدخلونها بيتكم وتصير رفيجتكم
وبعدين فهمي اخوج وقولي له بكل هدوء ان البنت تعرف شباب وايد وخليه اهو اللي يحكم وتكون مهمتج خلصت

بينت الاسباب
مليت وانا اعيد وازيد بنفس الموال

اكيد بفهمه

اشكرج

 

[بنوتة باباها]

اساسا شلون تدخلون هالاشكال بيتكم!!

 

[شقآوه أنثى]

سؤال يطرح نفسه

دامها مو محترمه وحقه شباب ليش تصاحبونها وتدخلونها بيتكم ؟؟؟؟؟

قلتلكم
ما عرفنا سوالفها الا من فتره قصيره

 

[شقآوه أنثى]

لاتزعلين
اذا البنت عندها خربيط انتو ليه تكلمونها وتحتكون فيها
اتمني الاجابه

بجاوبج ...

البنت بدت معانا بحسن نيه واخلاق

بعدين بينت انها تحب واحد وبيخطبها بس يرد ابوها من رحله علاج

وبعد ما رد ابوها من علاجه ما خطبها وسارت سوالفها تطلع شوي شوي

حتى انها سارت تكلم الشباب اشكره .... وتركض ورا الي عنده فلوس ويصرف عليها

من وقتها بدينا نقطع عنها واهي الي تتلزق يعني لو ماردنا ع المكالمات ترز فيسها واتيي البيت :eh_s(14):

 

[شقآوه أنثى]

حرااااام انج ماتسترين عالبنت حرااام ان اطلعين سوالفهاااا حتى ان اهيا موزينة انتي اشدراج ان اخوج ان خذا وحدة ثانية تطلع زينة ....بس الله مايرضى انج تفضحين بنت يمكن اخوج ان درى يفضحها عند ربعه وانتي كيفج

حبيبتي الله ستار على عبيده

وانا ما فصحت البنت لو سمحتي لا تتفلسفين بشي ما سار

واخوي عقله مو صغير ... لو عرف بلاويها ماراح يفضحها

 

[شقآوه أنثى]

روحي بلقاك

ريما

شموخ العز

claasicyah

اشكركم ع المرور
وع العموم الوالده لازم يكون عندها خبررر بكل شي
واكيد بنقوله عن اخلاق البنيه

وبالنسبه لكلامج شموخ العزز
احس بعض الردود كان فيها تجريح لي او طعن بصدق كلامي
ع العموم انا حبيت اخذ اراء وانتوا كفيتوا ووفيتوا

ومثل ما قلت احنا البنت ما عرفنا حقيقتها الا من فتره قصيره حيل

 

[شقآوه أنثى]

بنوتات كويتيات
تسلمون على مروركم نورتوني


وسوري لو ماذكرت اسمائكم كلها

 

[FrFaSha]

حرااااام انج ماتسترين عالبنت حرااام ان اطلعين سوالفهاااا حتى ان اهيا موزينة انتي اشدراج ان اخوج ان خذا وحدة ثانية تطلع زينة ....بس الله مايرضى انج تفضحين بنت يمكن اخوج ان درى يفضحها عند ربعه وانتي كيفج

^^^

معاها بكل كلمه مايصير تفضحين البنت وبعدين الشباب ينتبهون بهالشي ان اللي بياخذها

مضبوطه او لا فيمكن البنت عقلت شدراج انتي ؟

وحتى لو ما خليتوه يتزوجها باجر بيذكركم بالسالفه

فأنا اقوول خلووهـ على اختياره وباجر بيعرف ويمكن تكون البنت عقلت ماتدرين بعد

ثانكس :eh_s(7):

 

[شقآوه أنثى]

اهم شي عقلت
واليوم دازم مسج طالعه مع رفيجها

وبعدين لا تقولون فضحتها انا ما فضحت ولا شهرت فيها
انا ما ذكرت اسمها ولا شي يبين هويتها لا لكم ولا لغيركم ....

خليه يذكرنا ... بس المهم ما ياخذها

 

[غنج إلعذآرى]

الله يستر عليها


قولي لاخوج احنا مالنا شغل فيها ومصلحتك آبدا من اي شي - قولي البنت مو مضبوطه - بس خوفج يروح يقولها اني فيج وفيج وتحقد عليكم وتلبسكم شي - < هالاشكال ماتطمن

قولي لاخوج عنها وخليه يصرف النظر عنها بسكات ويدور له حجه للفرااق

والله ولي التوفيييييق ​

 

[غنج إلعذآرى]

انتي *

 

[ماروكوالصغيره]

لا طبعاً ما اعطيها مجال تفكر
وانتي او اختج المفروض تكلمون اخوكم وتقولون له عن سوالفها
يعني لو البنت مضبوطه ياهلا فيها .. بعد رفيجتكم وبتاخذ اخوكم ابركها من ساعه
بس البنت مو مضبوطه حاولوا انكم تقنعونه
وانها مثل ماتلزقت فيه وجتها الجرأه انها تاخذ ايميله وتكلمه واكيد كلمت غيره

 

[أإلع ـشق دلع ـهـأإ]

.








يَ كرهي لنوعيه هذي !!

مااشاااء الله تجيب تعرف تمثل ع الرجال عدل !!

والمشكله يطيح بحبها @@

المهم نرد لموضوعج ..

مااايبييلهاا تفكيير تقعدون وتكلموونه عن سواالفهاا قولي اهي معااناا ونعرفهاا والبنت كيت وكيت !!

الرجال ماايرضئ بنت راايحه فيها .. انت ترضى تكون ام عيالك جذي !!

والله يهديه









. *

 

[زين الوصايا]

.قوليله عن خرابيطها

 

[كرز مرر]

اذا يبون بعض بالحلال ليش لا كل ابن ادم خطائون وخير الخطائون التوابون