زوجيني أخوج !!

[Om_Ksha]

انتو معطينها ويهه زياده عن االلزوم المفروض تقطعون علاقتكم فيها هالوقحه ..
وتطيحوونها بعين اخوووج تقولوله بلاويها وانه ماتصلحله


بس الظاهر علاقتكم مو قويه مع اخوج او انه مايثق بكلامكم .. لو وحده من خواتج حييييييييل معاه ويثق فيها ختنبهه ..

 

[honey lust]

من الاساس اختج شعرفها بهالنوعيه من البنات

البنت الحمدالله و الشكر رايحه فيها ليش مرافجتها و مدخلتها بيتكم

اوكي الحين اللي صار صار

انا اتوقع الفتره اللي بيسافر فيها بتنسيه و اكيد هالبنت بتلهى بعلاقاتها

اذا حسيتوا ان للحين على علاقه فيها و ما بذنه ماي

بينوا له نوعينها بس بطريقه غير مباشره او بدون ما يحس ان لكم علاقه بالموضوع

 

[@ كويتيه @]

قولي لاختج رفيجت البنت


تصارح اخووج عن تصرفااتها مع اي دليل تقووله وييمكن يغير رايه ِ~~


يعطيج العافيه

 

[chocolate&coffe]

استغفر الله

شنو هذي حياتي مالكم الى تجيبون لخوكم دليل انها راعية سوالف خرابيط

يعني اكيد اخوج شاب ومو متوعب الحب يعمى وهي عمته

لا ياقلبي جيبوا له دليل انها راعية سوالف

بس انتواتسوون لها سالفه عشان اخوج يكرها


او صارحوا اخوكم بالسوالفها واثبتوا له بعد

 

[الغاليه نونو]

وانتي واختج يومنكم تدرون بهالبنت ممشاها موزين ولها علاقات شكو تحاجونها وتستقبلونها فبيتكم؟؟؟؟؟


انا اقول اذا صج كلامج عنها انها موخوش بنت اقطعوا علاقتكم فيها ولي سألوكم شالاسباب قولوا انها مو مضبوطه والله يستر عليها بهالحاله امج بتفهم كل شي واخوج يقطع علاقته فيها وعلي كلامج البنت مرتبطه بولد عمتها وتبي اخوج هذى جليله حيا وفرقاها عيد وقفوها عند حدها وصكوا بابها بطين وعيييين

 

[خواطر المساء]

أكشفيهــــــــــــــا عند أخوج وخليه يعرف بنفسه .


قبل لا يقع الفاس بالراس ..

 

[Green tea 93]

انا اقول خلي اخوج يسمع بنفسه عن سوالفها يعني اختج تحط سبيكر و تكلمها جنه عادي


ووقتها اخوج راح يعوفها منه ومن نفسه لا عرفها على حقيقتها

والله يرزقه بالزوجه الصالحه

واتمنى ان اختج تدير بالها مو ترافج اي وحده وتدخلها بيتكم و تبعد عن هالنوعية من البنات

 

[شقآوه أنثى]

لله يستر عليها وعلينا وعلى جميييع بناات المسلمين وشدرااج يالغالية يمكن تحب اخوووج صج وتكوون هدايتهااا للطريق الصحيح على يد اخووج بس نصيحة مني لج لا تقوليين لاخووج عن سواالفها القديمة خلي الحب اللي كان بينهم يكوون حلوو عشاان ماتغير نظرته بجمييع البناات والله يكتبله الخيير سوااء كاان معااهاا او مع غيرهااا....

وانتي كلمي اخووج اذا البنت يبيهاا يتحمل كل اللي رااح يصير ويشوفه بعد الزوااج لان الزوااج مو يوم وليله الزوااج عمر وسمعة .....

اسفة على الاطاالة​

أول شي أشكر مرورج بمتصفحي !!

ثاني شي هذي وينها وين الحب لو تحبه صج ما اتصلت اليوم تقول اها بتتعشا مع رفيجها بذمتج هذا حب

وكا انتي بنفسج قلتي انه الزواج عمر وسمعه ولو اخوي عرف بسوالفها بعدين تبينه يطلقها بعدين ما ييب منها عيال ؟؟؟

لآ طبعا ما راح اسمح لهالشي ..... وانا موبي اقطع نصيبها بس لو تعدلت وتغيرت انا مستعده اخطبها له

 

[درة أهل الطولات]

انتي قولوا له عن علاقاتهااا واذا اهو يرضى وحدة مثلها تشيل اسمه كيفه

 

[شقآوه أنثى]

‘،


اول شي اختج ليش تماشي هالاشكال ..


امممم .. حطيت نفسي مكانج وطلعت بحل واحد

اصارح اخوووي .. وقوله عن اخلاقهاا .. واذا عاند افهمه اني اخته مو عدوته .. وادق عليها واخليه يسمع سوالفها ع السبيكر

اوو اسجل مكالماتها .. طبعا هالحل لوو عاااند ورفض يقتنع

والله يبعدها عنكم

،‘

انتي سألتي سؤال وبجاوبج عليه !!

انتي قلتي ليش اختج تماشي هالاشكال

بالبدايه ما حست اختي انه البنت عويه ولا بينت لها انها لها علاقات غلط
بالعكس بينت انها طيبه وتحب دراستها وما تهتم لاحد وبعد فتره طويله اختي درت بالصدفه انها تحب واحد ولما سألتها قالت لها بيخطبني بعد ما يرد ابوي من العلاج !!

ومن فتره قصيره درينا بسوالفها وسارت تسوي كل شي اشكره .... يعني حركاتها سارت مكشوفه وسارت تتحجى مع ربعها جدامنا عيني عينك ولما تنصخها اختي ما تتقبل النصيحه

يعني انتي لو تعرفتي على احد في غلط مو على طول بيقولج انا جذي لازم بالتدريج انتي نفسج تكتشفين كل شي

 

[شقآوه أنثى]

الله يستر عليها وعليك وعلينا كلنا اش دراك انتي انو هي بتحبو صج وهو بيحبها وممكن يكون هو سبب ثوبتها حبيبتي كلنا بنات وكلنا نبي الستر فما تقطعين رزق احد وخصوصا وحدة تبي تثوب نصحة حياتي انتي ادعي الله انو لو ما في زواجهم خير الله يرزقها بريال تاني ويرزق اخوج بمرا صالحة

حبوبه انا ما قطعت رزقها ولا نصيبها اهي الي قاطعه نصيبها بنفسها

يعني لنفرض انها تزوجت واحد غير اخوي وشافها واحد من الي تعرفهم ولها علاقه فيهم ماشيه بالشارع شنو بيقول لها جدام زوجها ؟؟؟

هذا رفيجج اليديد ؟؟؟ ترا البنت سمعه حبوبه

 

[تحت ظلك]

اذا حقيقه باأخلااق البنت شي وضحي لأخوج هالشي
ولاتخلونه يسافر الا خاطبين له الي تثقون بدينه واخلاقها لأن هناك المجال مفتوح للفساد فلا تكونون السبب بضياعه

 

[شقآوه أنثى]

يمكن ربي هداها او زواجها من اخوج يكون سبب لهدايتها لا تقطعون نصيب البنت وتكسرون بقلب اخوج يحبون بعض زوجوهم وخلاص

منو قالج بنقطع بنصيبها اهي الي قاطعه نصيب نفسها
مو ذنبنا اذا اهي جذي ....

 

[شقآوه أنثى]

الشره عليكم تكلمون هل اشكال ..

ثاني شي قولوله واذا مارضى كيفه هو يتحمل النتيجه .. معاشرها وطالع معاها ومب ياهل هوو ويدرس برع وتجاوز السن القانوني


اذا الشباب يطلعون معاها وعادي .. ترا حتى اخوج طلع معانا والله يعلم شصار بينهم ..


واذا انتي ماترضين ان حد يلعب عليج ويهدج .. هم لاترضين على بنت الناس ان اخوج يحبها وتالي يقولها مابي اتزوجج

انتي شدراج يمكن البنت استعدلت .. يمكن تغيرت من عرفت اخوووج

وحتى لو ماستعدلت .. بالنهايه هوو اللي يتحمل النتيجه

اول شي اخوي ما لعب عليها اهي الي تلعب عليه واهي الي قطت نفسها عليه وقالت له ابيك واهي الي بطلت موضوع الزواج وفرت راسه

ثاني شي انا عندي عقل ومتربيه ما افكر تفكير شين مثلها اهي وشرواها

ومثل ما قلت بالبدايه احنا ما كنا ندري بسوالفها الا من فتره قصيرررره حيل واحنا مصدومين وايد منها ما توقعنا يطلع منها جي

بليز لا تحكمين ع الشي من دون ما تفهمينه
حياج الله

 

[شقآوه أنثى]

والله ياختي لو كنت بمكانج اقول لاخوي
عن سوالفها وخرابيطها هذا زواج مو لعب

والله ودي بس مودري شلون ابطل معاه الموضوع

انا بكلم الوالده وبجوف شبتسوي !!

فديتج منووره

 

[شقآوه أنثى]

شهلزقه وييييييييييييع

حاولو تفهمون اخوكم بلهداوه وتقنعونه وهم خلي اختج تزف البنت وتقطع علاقتها فيها

وان شاءالله اخوج ينساها وينور الله بصيرته

والله قاعدين نبعد عنها شوي شوي

وبصراحه اختي زفتها بلباقه وادب .... تصدقين لو مر عليها يوم واحد ما اتصلت عليها اختي تقوم تدزدز مسجات وتتصل ع البيت تتبجبج وتفلم يعني شوفوني احبكم وموقدر اعيش بدونكم :rgewrg:

 

[قَلبيْ صُويبكْ !]

,




حبيبتي خلآص آلمشكله تدرين وين تنتهي ؟
تنتهي لآ قطعتوآ العلآقه من سآسهآ

دآم مو مضبوطه وتقولين مآكشفنآهآ إلا عقب
فـ خلآص أتركيهآ وكلمي أخوج

وأنتي قلتي أنهآ " فرت رآس أخوج " !!
مآ أعتقد وحده من آلشآرع < عفواً ع الكلمه

لكن جد مآ أعتقد وحده تجي وتفر رآس رجآل !!
أنتم أهله وأنتم أدرى بـ ولدكم

حآولي تقطعين العلآقه وأشغلو ولدكم بـ درآسته أو اذا نآوي ع آلزوآج
حطو بـ رآسه وحده عشآن مآيفكر بـ هذي !!

 

[شقآوه أنثى]

شلون ترضون تدخلون بنت اخلاقها جذي بيتكم؟

والله لما دشت بيتنا وكلت معانا ولبست ثيابنا ما عرفناها على حقيقتها

وانا قلت لكم كشفناها من فتره قصيره

يعني لو ندري عنها بنخليها تجابلنا على سفره وحده او حتى تزورنا وتدخل غرفنا ؟

 

[شقآوه أنثى]

والله حبيبتي الشرهه عليكم والغلطه غلطتكم الي اتدخلون هالاشكال واترافجون هالنماين مو ذنب اخوج ..!!!!

والله الذنب مو ذنبنا انه اهي مو تعرف شي اسمه دين ولا عادات وتقاليد

وانا سبق وضحت لكم السباب

 

[شقآوه أنثى]

اختج غلطانه مادام تعرف سوالفها ليش تعطي اخوج ايميله وخلتهم يتقربون من بعض

اختج لازم تصلح غلطتها وتعلمه بسوالفها

اختي مو عطته الايميل اهي الي يابت ايميله وضافته وسارت بينهم مسجات