زوجي طقني مو قادره اكمل معاه افـكر بالطلاق تعباانه نفسيـاا :'(

[ماكواسم2]

بدوية وينج ؟؟

 

[PuPa^^SWeeT]

بدويه

الغلط مو منج ولا منه


الغلط انج من زمان بالمنتدى تكتبين عن مميزات حياتج الزوجيه

ومميزاتج و مميزات زوجج


ومو كل من تقرا موضوعج وردج حياتها مثلج

والنفس تفز ولو بدون قصد وتصير من بعض العضوات في المنتدى يقارنون
بين حياتج حياتهم

بين زوجج وازواجهم


اقري قران وتحصني هذي عين

والعين مكتوبه بالقران والعين حق

عالجي نفسج وبيتج وزوجج بالرقيه الشرعيه

صح بغيت اقةووول تفس لحجي


بسس خفت البنات يفهمون غلط

 

[PuPa^^SWeeT]

حبيبتي وييينج


طمنيييينا تكفين

 

[futooosh]

الله يهديكم

 

[$ النيره $]

بدويه

الغلط مو منج ولا منه


الغلط انج من زمان بالمنتدى تكتبين عن مميزات حياتج الزوجيه

ومميزاتج و مميزات زوجج


ومو كل من تقرا موضوعج وردج حياتها مثلج

والنفس تفز ولو بدون قصد وتصير من بعض العضوات في المنتدى يقارنون
بين حياتج حياتهم

بين زوجج وازواجهم


اقري قران وتحصني هذي عين

والعين مكتوبه بالقران والعين حق

عالجي نفسج وبيتج وزوجج بالرقيه الشرعيه

معاها
اسمحيلي انتي جبتي العين لنفسج كل شئ تقولين عن بيتج و زوجج
الناس ما تعطي خير ترى
وفي ناس عايشه أحسن وأحلا من عيشتج بس هم مايسولفون وانتي كل شئ تقولينه ولااااا يذمونه بعد
أنا بالذم كللللش مؤ معاهم بها لنقطه أنا وحده اذا بسولف عن زوجي يكون موضوع عام وسوالفي سطحيييييه
والله لو تنطبق السما م أتتعمق عن زوجي مع انه في ناس عندها فضول وتبي تعرف كل شي عنه
أما بالمنتدى قدمي نصيحتج ومع السلامه
عليج بالاستغفار والصلاة
الله يسخره لج وترجعون لبعض أحسن من قبل

 

[متغليه لعيونه]

لما قريت كلامك تجمعت الدموع بعيني بس مو نازله الله يكون بعونك حبيبتي و يمسح على قلبك
لا تبكين رااح تتعبين و تمرضين و هو طالع و مبسوط
مرده بيرجع لك و بيحن لك انتي حبيبته و ام ولده
ابحثي عن الدكتوره ناعمه الهاشمي و استشيريها بمشكلتك
و حاولي تضغطين على نفسك اسئلي عنه او اذا تأخر اتصلي عليه يمكن يحن شوي و شوي شوي ترجع حياتكم مثل ما كانت
انتي بادري الرجال بطبعه ما يعترف بالخطاء ما يعتذر
اذا تضايقتي روحي توضي و افرشي سجادتك و شكي همك للي خلقك فضفضي صدقيني بترتاحين ادعي الله انه يهديه و يرجع مثل ما كان
و رددي اللهم من اراد بي شر رد كيده بنحره و اشغله بصحته


الله يكون بعونك و يسعدك يا رب

 

[متغليه لعيونه]

و اقري سورة البقره حاولي كل يوم تقرينها كامله لمدة ٤٠ يوم

و استودعي نفسك و زوجك


استودعت الله ديني و امانتي و زوجي و ذريتي و قلبي و قلب زوجي و سمعنا و ابصارنا و فروجنا و جميع جوارحنا .


الله اجعل لنا من ذرياتنا و ازواجنا قرة اعين و اجعلنا للمتقين اماما

 

[ام اريج 22]

بدويه حبيبتي لاني احبج في الله ابي انبهج عن شي يمكن تكونين غافله عنها
حبيبتي انتي خدومه وطيبه والله يشهد على ما اقول مو مجامله ولا شي وانا ادري انج تحطين لوكاتج بقسم الازياء عشان تفيدين البنات واولهم انا استفدت منج
بس ..
انتي ما سالتي نفسج يمكن هاللي قاعد يصير لج بسبب عصيانج لربج
وكل مننا يخطأ حبيبة قلبي وكلنا نمر بساعة غفله مانحس باعمارنا وحنا نرتكب المعاصي والاخطاء
لكن مو عيب اذا نبهتج على هالشي
ترى العين حق حبيبتي وحتى لو الوحده مو مقصدها تحسدج لكن العين تفز وهالشي مذكور بالقران
يعني اول شي اغضبتي ربج وعرضتي جسمج حق كل من هب ودب يعني تحطين لوكاتج وتفاصيل جسمج واضحه وهذا حرام اولا ومايجوز
وبغض النظر عن الحرام
العين حق والناس عيونها تفز حتى لو تذكر الله وياما ناس والله عينها والقبر وماتذكر الله
وانتي ماتدرين العين شنو تسوي
والله توصل لي العجز والمرض استغفرالله
يمكن اللي جاكم نفس والعياذ بالله
وغلط تحطين صورة ولدج حرام صغير وعيون الناس تفز عليه
نصيحتي لج التزمي البقره والرقيه كل يوم
حرام يمكن العين هي اللي بتفرقكم وانتو تحبون بعض
حاولي ترقين نفسج وبيتج وولدج وتشربين زوجج ماي مقري عليه البقره كاامله
واذا كان فيكم نفس والعياذ بالله رح يروح ان شاءالله
وترى والله العظيم ان رضيتي ربج كل عبااااده يرضون عليج
وان ربي رضى عليج والله يا ان يسخر لج كل عباااااده الصالحين ويحفظج ويسعدج
صدقيني ترى هذي مو نصيحه هذا تنبيه يمكن تكونين غافله وقلت انبهج وموعيب الواحد يخطي بس يتعلم من خطأه
لا تزعلين من كلامي لاني احبج في الله ابي ربي يعينج ويساعدج
و الثريه عاليه محد بسهوله يطولها
وانا ادري انتي كبيره وفاهمه وواعيه ومو محتاجه احد ينصحج وانتي مسلمه وتعرفين الصح من الغلط والحلال من الحرام والله ادري بس مو عيب انج تغلطين بس تكفين لا تكابرين وتستمرين
واتمنى لج من كل قلبي السعاده ياجعل ربي يهنيج ويسعدج ويوفقج ووالله العظيم لو ما احبج في الله ما رجعت لموضوعج مره ثانيه

:rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek:

 

[Gomrhom]

كلهم جذي وانتي نفس حالتي بالضبط، كان حليو وحبوب معاي بس من ولدت وطلعت الاربعين وراني وية الثاني اهو وامة حسبي الله مد ايدة علي بس والله ماسكت لة قعدت عند اهلي وابوي ماقصر ذلهم ذل اهو واهلة والحين صار خوش ادمي، بس والله طلع من عيني لهذا يومج كسر شي فيني عمرة ماراح يتصلح وعايشة معة بس جسد عشان خاطر ولدي حبيبي، ساعات بيني وبين نفسي أقول شنو اللي جابرني أعيش مع إنسان مااحبة وانا بعدني صغيرة وشباب بس ولدي كاسر ضهري. حسبي الله ونعم الوكيل. حياتي طمنيني عنج قلبي معاج وعسئ ربي يفرج همج

 

[Shinexo]

الله يسخره لج انشالله

time heals all wounds

 

[قيروان الزمان]

السلام عليكم ورحمة الله وبركاته
البنات ما قصروا جزاهم الله خير
بس حبيت أقولج إن الناس كلهاااا تغلط ومافي زوج ما يغلط بحق زوجته بيوم من الأيام
ومافي زوجة ما تغلط بحق زوجها بيوم من الأيام لأن بالنهاية كلنا بشر
بغض النظر عن الغلطة شنو اهيا..
لكن دامه رجعج معناته اهو فعلا يحبج ويبيج وشاريج ومن كلامج انج تحبينه وتبينه لكنج مجروحة

زوجج مو قادر يرجع مثل قبل لأنج انتي ما رجعتي مثل قبل
اذا رجعتي مثل قبل بإذن الله راح تشوفينه رجع مثل قبل ويمكن أحسن بعد

انا ما ألومج ياقلبي ولا أحد يلومج اللي مريتي فيه مو شوية
لكن أبيج تعرفين إن الحياة جذي ما تمشي على وتيرة وحدة لازم فيها مشاكل
والله سبحانه وتعالى يقول: (لقد خلقنا الإنسان في كبد) يعني في مشقة وتعب
اهيا الدنيا جذي، عشان ما نتعلق فيها ونطلب الجنة واهناك عاد اللي راح نعيش صح بدون هم ومشاكل

اللي أحب أوصلج إياه..
إن الدنيا تمشي ياقلبي
وحياتنا ما يصير توقف على موقف ولا غلطة
صح ان بعض المواقف والمشاكل تكون مثل الغصة اللي وين ما نروح نذكرها
لكن إهيا مجرد فترة وشدة وتزول بإذن الله

لكن اذا ظليتي على نفس حالتج ماكو فايدة لا طبنا ولا غدا الشر
لااااازم تبذلين ولازم تسعين ولازم تحاااولين إنج تغيرين حياتج وتردينها مثل قبل وأحسن
ماااااكو شي اسمه مستحيل وماكو شيء اسمه ما يصير

اللي عليج تسوينه
أول شيء وأهم شيء هو اللجوء لله سبحانه وتعالى
شفتي البشر كلهم؟ شفتي البنات اللي بالمنتدى كلهم؟ كلنا ما بيدنا ولااا شيء
الله سبحانه وتعالى هو الوحيد القادر إن يغير حياتج ويبدل حالج من حال إلى أحسن حال
الجئي إلى الله سبحانه وتعالى تقربي منه
1- الصبر يا قلبي الصبر..ماعليه صبري ولا تستعيلين وتتعجلين بالأمور
الموضوع مو سهل نفس ما قلتي فيبيله تصبرين وصدقيني ما بعد الصبر إلا الفرج
والله سبحانه وتعالى يقول: {وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ} [البقرة: 155-157].
اصبري ثم اصبري ثم اصبري وراح تنحل بإذن الله
2- الصلااااااة الصلااااة..الله سبحانه وتعالى يقول: (واستعينوا بالصبر والصلاة)
استعيني بالصبر مثل ما قلنا أول شيء والصلاااة..اعتبريها هي علاجج
فعلا هي علاجج
تمسكي بصلاتج وحافظي على فروضج وصليها بوقتها وخشعي بالصلاة يعني ركزي
حسي انج في مناجاة مع الله وأطيلي السجود وابجي وطلعي اللي بقلبج واشكي حق ربج صدقيني محد بيده شيء غيره سبحانه
3- قيام الليل..عليج بقيام الليل فسهام الليل لا تخطئ
حاولي تحطين منبهج على الثلث الأخير من الليل لأن بهذا الوقت يتنزل الله إلى السماء الدنيا
صلي اللي تقدرين عليه وطلعي اللي بخاطرج وريحي قلبج
4- الدعاااااااااااء.. الدعاء ياقلبي شيء عجيب! فعلا عجيب! لا تقولين دعيت وما صار شيء جذي تخربين على نفسج
ادعي ادعي ادعي وادعي ثم ادعي..ألحي بالدعاء وحاولي تدركين أوقات الإجابة
في السجود/ الثلث الأخير من الليل/ بين الأذان والإقامة/ قبل التسليم في الصلاة/ أثناء الصيام/ آخر ساعة من يوم الجمعة الخ
لا تفوتين على نفسج هذه الأوقات اللي يستجاب فيها الدعاء
وادعي وانتي موقنة بالإجابة..والله راح يعطيج سبحانه كرييييم أكرم الأكرمين
ولا تستعجلين الإجابة ولا تقولين دعيت ودعيت وما صار شيء لأن مثل ما قتلج راح تخربين على نفسج
ادعي وصبري وراح تنالين بإذن الله
5- الصدقة، فالصدقة تطفئ غضب الرب..تصدقي باللي تقدرين عليه
وحاولي ان يكون بالسر بينج وبين ربج محد يدري ولا تعلمين أحد
6- القرآن..سبحان الله القرآن حياة القلوب وبه تطمئن الأنفس
دايما اقري قرآن كل ما حسيتي بضيقة ولا حسيتي نفسج مخنوقة فجي مصحفج واقري
وعليج بسورة البقرة حاولي كثر ما تقدرين انج تقرينها كل يوم راح تشوفين من تفريج الهم الشيء العجيب!
واقري بخشوع وتأني..
وسمعي بعد حطي بدارج على طوووول سورة البقرة شغالة خليها
وسمعي بعد أي سورة تبين بأصوات المقرئين اللي تعجبج أصواتهم
7- الذكر..عليج بالاستغفااااار ثم الاستغفار ثم الاستغفار
الاستغفار سبحان الله شيء صج صج عجيب في تفريج الهم
داااايما خلي الاستغفار على لسانج علطووول وانتي صاعدة دارج وانتي رايحة السيارة وانتي تنطرين عند الاشارة
استغلي هالاوقات بالاستغفار وكرري الاستغفار واستمري عليه علطووول
وأكثري من قول (لا حول ولا قوة إلا بالله) وقول (لا إله إلا أنت سبحانك إني كنت من الظالمين)
والتسبيح والتهليل والحمد والتكبير..بكل وقت وعلطوووول

وراجعي حساباتج اذا في شيء غلط قاعده تسوينه او معصية فتوبي إلى الله
فالمعصية تدهور حال الإنسان وما تجيب إلا المصايب والنكد
والله يحب التوابين

بالإضافة إلى التقرب من الله وهو أهم شيء
إذا كنتي حاسة إنج بحاجة لاستشارة نفسية فأنا أول وحدة أنصحج
مو عيب ولا حرام والمشكلة النفسية حالها حال المشكلة الجسدية أو العضوية
اثنينهم اذا ما عرفتي تعالجينهم بنفسج تروحين لطبيب يعالجهم
بس سئلي عن دكتورة زينة وتخاف الله وتابعي معاها

بالإضافة إلى ذلك
غيري نظرتج للحياة
خلج دااائما متفائلة إن المشكلة راح تنحل (لأنها صج راح تنحل بإذن الله)
وشوفي الجانب المشرق بالموضوع....يمكن تتسائلين وين المشرق بالموضوع؟؟
انا أقولج..هذا بلاء صح؟
المشرق بالموضوع إن الله إذا أحب قوما ابتلاهم
وغير جذي البلاء تكفير للذنوب ورفع لمنزلة العبد يوم القيامة بإذن الله
ولازم تعرفين إن أكثر الناس بلاء هم الأنبياء فالأمثل فالأمثل
فما تدرين يمكن هالمشكلة هي تكون السبب في دخولج الجنة
بس انتي احتسبي الأجر
وخلج قد هالاختبار وصبري ولجئي لله مثل ما قتلج
وشيء ثاني مشرق..ما تدرين لعل هالمشكلة لما تعدونها مع بعض انتي وزوجج تكون سبب في تمسككم ببعض أكثر
وبعدها حياتج تصير أحلى وأحلى وأحلى من قبل..تفاااااائلي وأحسني الظن بالله
وشيء ثالث مشرق..عرفتي ان كلنا خايفين عليج وكلنا فزعنالج وكلنا نبي الخير لج
وشيء رابع مشرق..يمكن هالمشكلة تكون سبب في هدايتج وتقربج من الله وأحلى جانب مشرق هذا

وااايد أشياء وجوانب مشرقة للموضوع إذا فكرتي راح تلقينها
اللي عليج بس إنج تحاولين تشوفين الموضوع من بعيييد وانج تطلعين بره دائرة المشكلة وتلفينها عالجانب الإيجابي

وااايد طولت بالحجي بس تهميني وودي أساعدج
بالأخير أدعيلج وأقول عسى الله يمسح على قلبج ويفرج همج ويصلح ما بينج وبين زوجج ويردكم من قبل وأحسن
ويباركلكم بحياتكم وبعلاقتكم ويرفع عنكم البلاء والضر والحسد والعين وكل شر

وأستغفرالله والسلام عليكم ورحمة الله وبركاته

 

[منال $]

لاحول ولا قوة الا بالله
صارلي فترة اقول وين هالبنت بدوية وايد مختفية
حياتي كان عندك ظروف الله يعينك
بالبداية انتو الاتنين غلطانين كيف مد ايدة عليكي وانتي رجعتي مديتي ايدك علية
خلي الطلاق اخر الحلول
انتي اجلسي مع نفسك شو السيبب العظيم الي خلاه يطقك هالطق يمكن استفزتية يمكن قلتي شي جرحة انا مش حابة احملك كامل المسئولية انا بس بفكر معك بصوت عالي
هدا ما بيمنع انة برضو هوا غلطان انة طقك المفروض مسك اعصابة شوي
روقي واهدي واعطي نفسك فرصة حاولي ترجعي تتقربي منة حتى لو غصب عنك لحد ما تاخدي عالوضع وينكسر الحاجز الي بينكم
وكتري من الدعاء والاستغفار
والله يكون معك

 

[سندس 90]

الله يفرج هممج حبيبتي
والله عيني دمعت
ربج قاااادر على إنه ينسيييج ويقلللب حياتج للاحسسن

 

[فوولي]

الله ييهديكمممم ويرجعكم احسن من اوول

 

[الجادل الطرقا]

الله يهون عليج أخت بدويه ويصلح أمورج انتي وزوجج وتردون مثل قبل وأحسن إن شاء الله
انا حالي من حال البنات كنت أقرالج بالمنتدى وقبل لا نقط كل شي عالعين بقولج بصراحه الي صار نتيجة تعاملج مع زوجج
الرجال ما تعاندينه والحياة الزوجية فيها تنازلات وتضحيات هالقاعدة معروفة عند كل الحريم
بس انتي شخصيتج قوية ويمكن عوبه شوي ساعات كنت أحس إنج تحبين زوجج بس إذا عصبتي عليه أو زعلج بشي ما تتحملين تحقدين عليه ويصير عدوج
لما سبج المفروض كنتي تنصدمين تبجين وتنقدينه على عمره بس انتي غلطتي وسبيتيه! والأنثى ما يطلع منها إلا الكلام الزين
فأنا تصوري للموقف إنه زوجج نسى إنه الي جدامه أنثى من صراخج وسبج ومد ايده ولما مديتي ايدج زاد وطقج وصدقيني أي رجال بمكانه كان بيطق مرته حتى لو كان يموت فيها
انتي نسيتي انوثتج وهنتي رجولته وبهالوقت الشيطان كان بينكم وكبرها براسج وفضحتي زوجج انتقام منه بس للأسف ما ارتحتي لأنه بالنهاية هالشي ضركم اثنينكم!
لو كنتي ساكته على سبه وبعد ما هدى لمتيه وعاتبتيه جان اعتذرلج على طول ويمكن خذيتي الي كنتي تبينه منه
بس الحين انسي سالفة الاعتذار بتقوليله سبيتني بيقولج وانتي سبيتي بتقوليله طقيتني ما رحمتني بيقول انتي بعد مديتي ايدج يعني الصراحه ردة فعلج مو مال أحد يرحمج!
بتقوليله ولو ما توصل لهدرجه بيقول وانتي فضحتيني بين الناس! يعني الغلط عليكم اثنينكم وكل واحد جرح الثاني
زوجج الي المفروض يحميج مد ايده عليج عشان جذي انتي مصدومه الحين ويمكن زادها عليج اكتئاب ما بعد الولادة
والحل إنج تتقربين من ربج وتقرين قرآن يشرح صدرج ولازم تراجعين تصرفاتج مع زوجج وما فيها شي إذا استشرتو أحد بالعلاقات الأسرية
وتطمني الطق والعصبية مو بشخصية زوجج يعني عمره ماراح يعيدها إذا ما سبيتيه مره ثانيه! ترى الاحترام أهم من الحب
وبعدين حاولي تنسين وشوفي مصايب الناس في الي زوجها يطقها كل يوم بدون سبب وجدام عيالها وهي ما تقدر تفتح حلجها بكلمة
فكري بالأشياء الحلوه بينكم غيري أفكارج تتغير نفسيتج! ايد زوجج مو بس طقج فيها جم مره مسكتيها جم مره لمسج فيها لمسة حلو؟ وانتي مره حرقتيه بماي الحنفية الحار
فكري بولدج اللي جدامج بصحة وعافية وغيرج نايمه مع ولدها بالمستشفى أدري اللي صارلج شي صعب وصدمة كبيرة بس ترى مو نهاية العالم
وإن شاء الله تتجاوزون هالمرحلة وتصيرون أقرب لبعض وعلاقتكم أقوى

 

[الجادل الطرقا]

وعلى فكرة زوجج يبي رضاج والدليل إنه فج عنج ويقولج سوقي واهو قبل رافض هالشي!!
الغيرة ما تروح صدقيني بس كاتمها وأتوقع طلعته من البيت دايما لأنه نفسيتج تعبانه وهو حاس إنه وجوده يضايقج
وانتي مو ساءله عنه عشان جذي اثنينكم بعدتو عن بعض
الله يهديكم ويسخركم لبعض

 

[bnt_kwt]

اتصدقين انه وانا اقرا موضوعج قمت ادعي لج انه الله يفك عوقج
وايد عورتي قلبي وما تنلامين بكل اللي قاعد يصير فيج

وانا مع الاخت Lubna85 بكل كلمه قالتها

حلج بيدج الله يقويج ويرشدج لطريج الصواب ويريح قلبج
وعليج قبل كل قرار تاخذينه بالاستخاره فما خاب من استخار والله كريم ان شاء الله

 

[ماكواسم2]

انا بعرف اللي يقولون الله يفرجها عليج واللي تقول الله يفك عوقج حسستوني كانه الريال مدخل حريم وله رياييل على مرته او طاردها من البيت مع ولدها بنص الليل او فاقد 24 ساعه...
حبيبتي انتي الشيطان لاعب فيج ومضخم الامور لج تعوذي من ابليس وانا عند رايي انج الغلطانه وريلج يحبج حيل فلا تسمعين حق احد ..وابدي صفحه جديده من كل الجوانب وكوني ذكية بالتعامل معاه لانج وولده نقطة ضعف عنده واهم شئ اذا مشتكيه او اي شي سحبيهم والله راح يصير خاتم بايدج بس انتي كبري عقلج وقلبي كل شئ لصالحج بحسن التصرف واهم شئ ابدي حسن النية ولا اتخليين روحج كانج داخلة معركة منو يفوز فيها ..

 

[بقلبي انت]

شوفي من البدايه المفروض ماتعلين صوتج عليه مهما صار وان شفتيه معصب والشيطان بين عيونه سكتي عنه
لانه بسوي شي مو متوقع ماعرف شنو سبب المشكله بس الظاهر كانت عناد وانتي زدتي الطين بله يوم فشلتيه بسالفه عند اهله
اكيد ماراح ينسي هالشي انتي للحين تذكرين الطق واشلون طقج لانج حساسه وتيقني ان كل وحده متزوجه صارلها نفسج او يمكن
العن منج الرجال اذا طلع من طوره مايعرف منو جدامه

وانا ادري انج تحبين زوجج لانج لو موحابته جان مارضيتي ترجعين لكن مو نفس ماتوقعتي انه بيرضيج وبيتأسف لج ويحضنج لا
صار شي ثاني لامبالاه من طرفه ولا يكلمج لانه ماخذ علي خاطره منج وانتي نفس الشي مافي قبول من طرفج تنطرينه يبادر

نصيحتي لج بدويه قبل لاتندمين بس يوصل البيت مسكيه وقعديه يمج وصارحيه بكل شي انتي تحسين فيه ولو بجيتي عادي كملي لانها مشاعرج وانتي كاتمتها بصدرج كل شي بخاطرج قوليه لين تهدين وشوفي اذا ماتأسف لج وضمج وراضاج وبترجعين مثل اول واحسن ونصيحتي لج غيري غرفة نومج عشان ماتذكرين إلي صار
وسافري معاه استانسوا وفكري الف مره قبل ماتطلبين الطلاق

كلمه اخيره اهله خلج معاهم رسميه ومهما صار لاتتكلمين عليهم جدامه لانه الزوج مايرضي علي اهله وخواته لو فيهم
عذروب الدنيا اكيد مايرضي ويمكن يكون حسد وعين من ناس قراب منكم دايم حصني نفسج وزوجج ولاتبينين للناس انج مرتاحه
بحياتج ولا تدلعين زوجج قدام اهله

اهم شي صارحيه وطلعي كل إلي بقلبج له والله يوفقج ويسخرلج زوجج يارب ويمسح علي قلبج

 

[شادن33]

انا بعرف اللي يقولون الله يفرجها عليج واللي تقول الله يفك عوقج حسستوني كانه الريال مدخل حريم وله رياييل على مرته او طاردها من البيت مع ولدها بنص الليل او فاقد 24 ساعه...
حبيبتي انتي الشيطان لاعب فيج ومضخم الامور لج تعوذي من ابليس وانا عند رايي انج الغلطانه وريلج يحبج حيل فلا تسمعين حق احد ..وابدي صفحه جديده من كل الجوانب وكوني ذكية بالتعامل معاه لانج وولده نقطة ضعف عنده واهم شئ اذا مشتكيه او اي شي سحبيهم والله راح يصير خاتم بايدج بس انتي كبري عقلج وقلبي كل شئ لصالحج بحسن التصرف واهم شئ ابدي حسن النية ولا اتخليين روحج كانج داخلة معركة منو يفوز فيها ..

:rerrerek::rerrerek::rerrerek::rerrerek:

وحبايبي موكل شي اتقطونه ع العين والحسد الوحده لازم اتحصن نفسها بالاذكار وخلاص مايصيبها شي باذن الله

اهم شي في التعامل مع الزوج الانوثه وعدم رفع الصوت عليه ايا كاااان لان بجذي راح تتحولين الي ريال جدامه فيعاملج بالمثل
والله المستعااان