سؤاااال معذبني

[queen pink]

الله يهديج وصبرج ان شاء الله

 

[مخدوشة الوريد]

اولاً الله يعينج ويهدي سركم ويصلح مابينكم على خير ..
ثانياً الي اشوفه ان انتي من البدايه كراهته يعني مو عشان تصرفاته ولا خياناته المتكرره لج !!
انتي حطيتيه بقالب ( هالريال موعاجبني وكله على بعضه موشي ) فطبيعي بتشوفينه ولاشي ومهما سوااا وحاول
يعطيج من قلبه مابتشوفين هالشي الان بالاساس كارهته .. طب تعآآلي حاااولي ماتجملين حآآولي تعطين من قلبج ..
بالبدآآيه حآآولي تنسين المآآضي قولي ( نقطـه بداية سطر يديد ) صفحه يديده معآآهـ فاضيه مافيها شي ..
ترجعــي اكتشفيه من أول ويديد شيليه من قاالب اكرهـك لـ قالب ( انت ابو عيالي وكل شي اسويه لك عشآآن نعرف نكمل )
وقعدي هالفتره شوفي حسنآآته شووفي شنو الأشياااء الحلوه الي فيه الان اكيد مولهدرجه ريلج شين ومافيه صفه وحده زينه
تخليج على الاقل تقولين ( لا ابو عيالي خووش وااحد ) .. تبين هالصفــه انتي قلتيهآآ ( يحبج ويبيج ) ودليل انه قااال
اول مارنجع من سفر نبي نغير حياتنآآآ يعني عنده استعداد يصلح روحـه ويتغير .. طب ماسألتي روحج ليش قاام يخونج ؟!
وشنو الأسباب ؟! الان ناقصه شي عندج لقآآهـ عند غيرج .. لاتقولين لي موحااس انج كارهته ..
كل ريآآآل من داخله يعرف اذا شريكة حياته تحبه ولالا من كلمه من لمسه من الاهتمام يعرف ..
حتى لو شي طلع بتثيل ومجامله يعرف هالشي .. بس الريال مومثل الحرمه يطلع الي بقلبه ..
لا دووم يخشوووون وماينطقووون بعرف .. كلامهم دون افعآآآآل .. وفعاله من الي اعيشه يت بالخيآآنه ..
انا مااحط كل الغلط عليج ( الخيانه موعذر له ) بس نقووول سبب من الاسباب .. ( لا عرف السبب بطل العجب )
شوفي انا نصيحتي لج دام اهو يبي الصلح وشاريج اخذي عيالج وديهم بيت اهلج دام عطله وتقدرون تكنون مع بعض
مابقولج سوي ليله وهالسوالف لااااا .. كوني معاهـ بروحكم بعيد عن اليهآآآآل وتكلمي معآآهـ قوليله شنو الي تبينه يتغير فيه
وشنو الي يضايقج منه .. وشنووو تحلمين فيه وليش موقارده تتغيرين وحتى خياناته ذكريهآآآ .. واهو بسوي بالمثل وبقولج كل شي .. يعني بالعربي ( حطوا النقط على لحروووف ) دام عنده استعداد يتغير يعني راح يتقبل فكرة المناقشه
بس كل هذاا تسوينه من دون انفعاال وصرااخ هدوء ومناقشه راقيه .. انا لو كنت مكانج كنت سويت بالمثل ..
بعدهااا راح تعرفين اذا بتقدرين تحبينه ولالا واذا في مجال لصلح ولالا .. ؟؟!!
ودعي دوم بصلاتج ان الله يسخره لج ويهدي بالكم ويقرب قلوبكم لبعض ..

 

[ام كوشه منكووشه]

رد : سؤاااال معذبني

حبيبتي دام ريلج فتح الموضوع وياج و وده انكم ترجعون مثل قبل معناته انه للحين باقي عليج وشاريج وصدقيني اذا صديته جنج تقوالين له روح خوني.. اختى انتوا بينكم يهال والطلاق صعب الحين عشانهم ف انتي اختاري يا انج تعشين معاه علاقه حلوه ويمكن الله ينزل محبته بقلبج ولا انج تستمرين معاه بس العلاقه بينكم منفصله وصدقيني الحل الاخير ماراح يتعب فيه الا انتي لا تقوالين مرتاح واهوا بعيد لانج بتعيشين حياتج وناقصج شي وهو الحب وجود ريال يمج تسندين راسج عليه لاضاقت فيج الدنيا.. حبيبتي اخذيها فرصه دام اهوا مسافر الحين فكري في ميزاته وحاولي تحببين نفسج فيه غيروا من اسلوب حياتكم طالعي انتي معاه بروحكم اكثر حجزوا لكم ليلتين بفندق ولا شاليه عامليه جنج اول مره تتعرفين عليه والله يصلح الحال بينكم

 

[~ ورد الجوري ~]

مدري احس والله اعلم تحبينه بس في شيء خلاج تكرهينه يمكن لمن خانج ....طابت نفسج منه ,,,,,,,,,,,,يمكن.؟؟؟

 

[شمس الشموسة]

دام اهو ناوي يتغير ويبدي صفحة جديده ترى اختي مافيها شي

هيئي نفسج وادعي من الله ان ييسر الامور

وخذيها من باب انج تؤجرين على رضا زوجج

الحل انج تقولين له اذا تبينا نرجع مثل قبل لازم تتغير انت بعد

وحطي شروطج (بهدوء)

ودايم ادعي اللهم يا مدبر كل أمر عسير دبر لي فإني لا احسن التدبير

 

[om Firas]

حبيبتي اليهال مو عذر .. لصغار باجر يكبرون و يتزوجون و يصير لكل واحد حياته ..
و هم مو من مصلحتهم يعيشون بين ام و اب مو متفاهمين ..


بس انا ابيج تفكرين بنفسج بحياتج انتي .. لو فرضنا حصل طلاق شنو بتستفيدين و شنو بتخسرين ؟؟
حطي في بالج احتمال ما تتزوجين مره ثانيه .. يعني فكري فيها لما تكبرين بتكونين بروحج بتحسين بوحده و انتي مره عوده فاهمه علي ..
و لو حصل زواج ثاني شنو يضمن لج انج بتحبينه .. و شنو يضمن انه يطلع زين مو راعي خرابيط و الا يشرب و عصبي او يطق هذا اذا ما كنتي زوجه ثانيه و عنده عيال ثانين و مشاكل زايده و وقتها صج صعب تتطلقين للمره ثانيه ..

انا اقول اذا اهو يحبج هذي بحد ذاتها ايجابيه .. تذكري كل ايجابياته تعامله معاج حنون مع اليهال ان متحمل حياته معاج و انتو كل واحد بصوب اي ايجابيه عنده ركزي عليها و حاولي تقنعين روحج ان زين و ان يستاهل تحبينه عشان هذي الايجابيات ..
لا تفكرين في الوقت الحالي في عيوبه و انسي الخيانات الي صارت ما يفيد تذكرينها الحين خلاص راحت و انتهت لا تعقدين الامور زياده ..

وحطي في بالج ان وضعكم الي انتو عايشينه مو طبيعي .. و صج لازم لما يرد من السفر تبدين تغيرين حياتج معاه عشان تعيشين حياه زوجيه طبيعيه ..

و عندي راي .. اذا انتو في الفتره الاخيره وايد كنتو بعاد عن بعض .. لما يرد من السفر جربي تصيرين وايد قريبه منه و بروحكم يعني قوليله او تسافرون مع بعض او تحجزون شاليه المهم تكونون مع بعض و بروحكم بدون اليهال .. حاولي بهالفتره تتقربين منه و تتقبلينه و اهو اكيد بيساعدج .. والله يهديكم لبعض انشالله ..

كلامها عين العقل

 

[تنـــاســـانــي]

والله مادري شقولج ،، بس بقولج لا تحسين بالذنب لان هذي مشاعرج مو بيدج ،، دام انتي ما قصرتي معاه بشي لا تستذنبين ،،

و حاولي تبعدين شوي سافري مع اهلج او اهوا يسافر ،، احس اللي بينكم فتور محتاجين حق بعد علشان اقل شي اقل شي اذا ما اشتقتيله تفقدينه ،،


بس الطلاق لا تفكرين فيه ،، لان مو حل ،،


و الله يسهل امرج و يسخرلج ريلج و ي يوفقج و يحببج فيه يارب

 

[اميره1980]

انا راح احلج مشكلتج
تخيلي ان يتزوج عليج او ان وحدة تقولج تطلقي منه و انا اخذه شوفي شبيصير فيج راح يحلى بعينج و ما تقدرين تستغنين عنه
كافي ان بو عيالج و ان اهوه السبب انج كنتي ام عدل؟؟
حمدي ربج الحين البنات يدورون الريال و الزواج عند خطابات و انتي ترفسين النعمة
ريال ما فيه شي و عذره وياه لي خانج صحيح غلط بس منج انتي ما عطيتيه ريج حلو و لا تصرفات طيبه الريال يحس انج مو طبيعية و كله تمثيل لا تقولين ما يدري و الدليل ان صارحج و قالج اللي بقلبه
تحمدي على العافية و مسكي بيتج و زوجج
لو تسولفين هالسالفة جدام وحدة صديقتج و الله لا تروح تتعرف عليه و تتزوجه حزتها صج راح قلبج يحترق
سامحيني على اسلوبي بس حسيت انج مثل اختي و حرام بيت ينهدم بسبب تافه

 

[& مــشــايــخ &]

حبيبتي انا وضعي مثل وضعج بالضببببببببط مع اختلاف التفاصيل

اذا ماجاملتي ماتعيشين واسمحي لي اللي مايجامل بهالزمن ترا انسان اناني

وانتي يعني اذا اخترتي انج ماتجاملينه وتطلقتي هل بتكملين حياتج كلها بدون مجامله؟

احيانا حتى الاخت نظطر نجاملها واهي اخت ومرات زميلتج صديقتج اي وحده تجاملينها عشان تمشي الحياه

مو عشان شي ثاني عشان ماتحسين بالوحده بهالعالم المجامله صارت مطلب عالمي هاليومين عشان مصلحتج

وعيالج يربون بين ام وابو يجاملون بعض احسن من انهم يربون حاسين بنقص وكسر نفسي

يامعوده نص شعب الكويت مقزرها مجامله ويا بعض سواء الازواج والا الاهل ولا الاصدقاء

عيشي حياتج= وفكري بمصلحتج زين لاتخسرينه عصفور باليد ولا عشره عالشجره

 

[Maryam.aL-O]

صباح الخير يا قلبي

حبيبتي بسالج سؤال عيالج يستاهلون انج تخلينهم يعيشون حيات طبيعيه
ام وابو متفاهمين و تجمعهم لمه حلو سواء بالبيت او بره ؟؟

عشانهم حبيبتي تحملي وصبري وحاولي تقعدين ويا ريلج وتتفاهمين معاه
عشان تقدرون تعيشون حيات طبيعيه
يقولج لجل عين تسوى الف عين
وعيالج ماتبينهم يتضررون من هالحيات الحين اهم صغار وباجر بكبرون وبيفتحون بيوت
خلكم قدوه حلوه لعيالكم عشان يتربون ببيئه كلها موده وحب

حبيبت قلبي 7سنين مو شويه اكيد مرت عليج ايام حلو ويا "ابو عيالــج" تذكري احلى ايام مريتي فيها معاه
خلي اغلاطه على جنب شوي وحاولي عشان خاطر اعيالج انج تقبلينه وهالمره من قلب مو اتجاملين

اعيالكم محتاجينكم لا تقولين صغار صح انهم ماراح يستوعبون الي قاعد يسير بس صدقيني يحسون ان
في شي ناقص هاليهال محتاجين ام وابو مع بعض خلي تركز بذاكرتهم هالصورة ام ويا ابو مستانسين
ومتفاهمين

حبيبتي عشانهم صبري واجرج ان شاء الله عند الله
وادعي وايد ان الله يهديج ويهدي لج ريلج ويسخره لج

عسا الله يوفقج ويصبر قللبج ويصلح حالج

 

[اشتياق]

في ردود تقهرني

تعل قلبي

اسكت احسن لي..؟؟

لجأ للخيانه <<اهم أصلا ساكنين بالخيانه ويلجئون حزات وعرات للحلال الله يهديكم بس..

عيشي باللي يريحج واليهال مجرد وجود ابوهم بالبيت كافي مو شرط يشوفونكم عصافير

موفقه خير

 

[_Pure_]

انا اشوف ان في مجال كبيييييييييير ان تكون حياتج مع زوجج طبيعيه و حلوة بس انت ما تبين
حاولي تحبينه اهو زوجج و سوي واجباتج معاه و اكثر ونسيه و خليه يحبج اكثر و انتي راح تحبينه

ترا صعب الوضع الحالي عاليهال ساليني انا تعذبت بسبب مشاكل امي و ابوي عقب ما كبرت و فهت السالفه

 

[Tosta M7mSha]

ما شاءالله البنات كلللهم كفوا ووفوا وطلعوا كل الي بقلبي والي كنت بقوله ..حرام عليج الريال يكفي انه شاريج ويحبج شنو الي يمنعج تحبينه؟؟ الحب ترى شي نادر بهالزمن وانتي حاصللج وما تبينه؟!!! ما يصير بدون سبب بعد! تعوذي من ابليس اصلا ماشاءالله عليج اشلون مستانسه في بعده اذا حياتج ما فيها ريال(الي اهوه زوجج) وقاعده تعابلين بعيالج بروحج؟ تروالي حتى لو ما تحبينه اقل ما فيها تبينه يكون موجود ويشيل معاج الحمل والمسؤليه؟؟ مادري انا اشوف لو كلامج طالع من ريال عن مرته ممكن بس من مره عن ريلها غريبه الصراحه لان المره عاطفيه وتدور الحب والحنان والكلام الحلو والاهتمام اما انتي العكس ليييش؟؟

عشان اعيالج وعشان نفسج حبيبتي تسنعيله لما يرد من السفر وقعدو مع بعض وغيرو من حياتكم بما انه يحبج يسوي لج اي شي واذا سوالج كل شي تحبينه اشتنطرين ما تموتين فييه اصلا!! الحب من وين ايي؟؟ ايي من مواقف وتضحيات بين الزوجين وكلام حلو واهتمام .

نصيحه: غيري من نفسج ومن قلبج وعيشي المجامله لين تصير صج ارحم من الطلاق والعيشه بروحج ومعاج بنااااات محتاجين ابوهم مو صبيان ..
الله يسخركم لبعض يارب

 

[ام احلى خلودى]

حبيبتي ما أبي أقول العيب فيج ولا فيه !!!!!!!!!!

بس انتي ما حاولتي تتقربين منه عشان جذيه لجأ حق الخيانة ومو أي خيانة مجرد تلفونات ، يمكن اللي بينه وبين

هالبنات مجرد فضفضة يبي يتكلم عن حياته مع زوجته عند ناس بعيدة عنه لا أم ولا أخت ولا أخو ، عشان ما يصير

شي بينج وبينهم وهذا وارد ، حتى آنا ما أحب أشكي عند أهلي !!!!!!!!!!

الحين أهو مسافر ومتعمد السفر عشان تقعدين بينج وبين نفسج تفكرين على راحتج أهو شنو بالنسبة لج ؟؟؟؟؟؟؟؟

انتي اشلون عايشة حياتج وياه مرتاحة تحسين لما تتطلقين راح ترتاحين ، شنو عيوبه ، شنو مزاياه شنو الحلو فيه؟؟؟؟

يا بنت الناس من طريقة كلامج عنه ترى الريال شاريج ويبيج وما عنده استعداد يستغنى عنج بس للأسف مو لاقي قبول

من ناحيتج ،،،،،،

حبيبتي أو بنتي انتي حاولي تتقربين منه لا تقولين مابي أتطلق عشان بناته لأ قولي عشان آنا ما أقدر أعيش من غيره

لا تقصين على نفسج وتقولين أهو ولا شي بحياتي لألألألألألأ ، أهو وايد أشياء بحياتج ، أهو أمج وأهو أبوج وأهو

الحبيب وهو الزوج وهو كل شي ، أهو لو ما يسوى كل هالأشياء جان ما تتفرقون طول اليوم ويجمعكم سرير واحد

حزة النوم سواء العصر أو بالليل !!!!!!!!!

حبيبتي انتي غيري من طبعج وحياتج ، أول شي أخري غداج لحد ما يوصل حتى البنات خليهم يتغدون وياج

لا تتفرقون بالغدا ، وبعدين خليه يوديج أي مكان عشان تقضين شغلج سواء لج أو للبنات أو للبيت بمعنى أصح

حمليه المسؤلية ، دقي عليه إذا طلع من اليبت ، تغزلي فيه ( شنو المشكلة ) قولي له فقدتج ، متى ترجع ، ضايق خلقي

بالبيت بروحي مع اليهال ، انتي تحرشي فيه لا تنطرينه ، غيري ستايلج مو شكلج لأ أسلوبج معاه ، ترى إذا انتي بتعيشين

على هالحالة عمره ماراح يتغير وراح يعيش طول عمره بالسفر والطلعات والهياتة وانتي راح تتحسفين بعدين !!!!!!

انتي بلشي بالتغيير وراح تشوفين اشلون يتغير بعدين ، وعيشي حياتج الطبيعية بالحب والود مع زوج يصونج ويحترمج

وعسى الله يهديه لج ويثبته ويصلحه يارب​

كفيتى ووفيتى :icon30:

 

[غير عنهم]

ايه حرام العيال ايش ذنبهم تغيري حبية وأتذكري الاشياء الحلوة االلي بينكم حاولي تتقبلية وتسامحية ويكون بينكم

>>>حــــــــــــــــــــــــــــــــــــــــــــــوار هادي صريح مو تجريح<<<

 

[رحيل المرافيء]

رد : سؤاااال معذبني

انتي انانية
يعني منتي قايمة بالريال وماتبينه يكلم ويتزوج عليج ؟؟؟؟؟؟؟؟ لا انتي راحمته ولامخلية رحمة الله تنزل
اصلاا حقه انه يتزوج عليج مادام ماتبينه
يبي وحدة تشاركه حياته مو وحدة كاشة منه
لو انا منه ماصبرت عليج ورجعتج بيت اهلج
لو الريال هو اللي ماحبج جااان يووهوو قومتي الدنيا ريلي مايحبني وانا مو مقصرة معاه وفيه وبلاه
وكون البلاا منج شايفة الشغلة عادية هااا
وانا اقوول الله يسخر له بنت الحلال اللي تداريه وتعرف قدره وتشاركه حياته

وكانت نتيجة هالمداره والمراعاة انه خاني!!!!! مو مره مو مرتين مو ثالث اكثر واكثر..صحيح انه خيانته لي ما تعاده تلفون ونيه الزواج المؤقت الي الله ما يتممه له من حسن حظي ولان الله يحبني..بس النتيجه

الله يحبج على شنوو على انج مقصرة بحق زوجج
دام ماتبينه شحقة ماتبين يتزوج عليج حلوة هذي

 

[++MesK++]

حبيبتي ما أبي أقول العيب فيج ولا فيه !!!!!!!!!!

بس انتي ما حاولتي تتقربين منه عشان جذيه لجأ حق الخيانة ومو أي خيانة مجرد تلفونات ، يمكن اللي بينه وبين

هالبنات مجرد فضفضة يبي يتكلم عن حياته مع زوجته عند ناس بعيدة عنه لا أم ولا أخت ولا أخو ، عشان ما يصير

شي بينج وبينهم وهذا وارد ، حتى آنا ما أحب أشكي عند أهلي !!!!!!!!!!

الحين أهو مسافر ومتعمد السفر عشان تقعدين بينج وبين نفسج تفكرين على راحتج أهو شنو بالنسبة لج ؟؟؟؟؟؟؟؟

انتي اشلون عايشة حياتج وياه مرتاحة تحسين لما تتطلقين راح ترتاحين ، شنو عيوبه ، شنو مزاياه شنو الحلو فيه؟؟؟؟

يا بنت الناس من طريقة كلامج عنه ترى الريال شاريج ويبيج وما عنده استعداد يستغنى عنج بس للأسف مو لاقي قبول

من ناحيتج ،،،،،،

حبيبتي أو بنتي انتي حاولي تتقربين منه لا تقولين مابي أتطلق عشان بناته لأ قولي عشان آنا ما أقدر أعيش من غيره

لا تقصين على نفسج وتقولين أهو ولا شي بحياتي لألألألألألأ ، أهو وايد أشياء بحياتج ، أهو أمج وأهو أبوج وأهو

الحبيب وهو الزوج وهو كل شي ، أهو لو ما يسوى كل هالأشياء جان ما تتفرقون طول اليوم ويجمعكم سرير واحد

حزة النوم سواء العصر أو بالليل !!!!!!!!!

حبيبتي انتي غيري من طبعج وحياتج ، أول شي أخري غداج لحد ما يوصل حتى البنات خليهم يتغدون وياج

لا تتفرقون بالغدا ، وبعدين خليه يوديج أي مكان عشان تقضين شغلج سواء لج أو للبنات أو للبيت بمعنى أصح

حمليه المسؤلية ، دقي عليه إذا طلع من اليبت ، تغزلي فيه ( شنو المشكلة ) قولي له فقدتج ، متى ترجع ، ضايق خلقي

بالبيت بروحي مع اليهال ، انتي تحرشي فيه لا تنطرينه ، غيري ستايلج مو شكلج لأ أسلوبج معاه ، ترى إذا انتي بتعيشين

على هالحالة عمره ماراح يتغير وراح يعيش طول عمره بالسفر والطلعات والهياتة وانتي راح تتحسفين بعدين !!!!!!

انتي بلشي بالتغيير وراح تشوفين اشلون يتغير بعدين ، وعيشي حياتج الطبيعية بالحب والود مع زوج يصونج ويحترمج

وعسى الله يهديه لج ويثبته ويصلحه يارب​

؛
؛

والله سنعه هالبنت تعجبني ردودها
؛
؛

 

[إنسانه وأكثر]

الله يهداااج

منو اللي قالج انه الريال مايحس بأنه مرته تجامله شنو حالته اللي مرته 7 سنين تجامله ومع ذلك متحمل

بتقوليلي يخونج طبعا يبي اللي تحبه صججججج ومن قلبها وماتجامله ولو تلاحظين انه فكر بالزواج ماقال بلعب اهو يبي يلقى بهذيج الزوجه اللي كان بياخذها الحب الخالي من المجاملات مو مثل حبج له

الصراحه ريلج ماينلام

ياقلبي الريل مايبي بس طبخ ونفخ وترتيب لا يبي حضن دافي وقلب يحن عليه ويحبه ويبي مره تشوووف الدنيا فيه

ومثل ماقالوا البنات عيالج مردهم يكبرون وربج يرزقهم الزوج الصالح وانتي بتتحسرين على عمرج اللي راح لاانتي مطلقه ولا متزوجه (( معلقه ))

وريلج مسكين حاول ولازال انه يردج لحضنه وتردون اسره سعيده لاتصدينه اكثر ترى لافات الفوت ماينفع الصوت

الله يسخرلكم لبعض ويهديكم اللهم امين

موفقين

 

[So0oKaRa]

اللي فهمته انه ريلج يحبج
بس ليش راح كلم بنات ؟
جان صارحتيه
قوليله اللي بقلبج
لا تسكتين
صارحيه بكل اللي تعرفينه وشوفي شنو يقولج
يمكن مالقى اهتمام منج راح يدوره بره
واحس الحياه بهالبرود تكون جحيم
انتي بوادي واهو بوادي
انا نصيحتي انج تصارحينه بمشاعرج بس حاولي انج ما تجرحينه
عالاقل حبيه لانه لولاه جان ماحصلتي هاليهال اللي ماليين عليج دنيتج

 

[احلى سماء]

كل هذا كرررررررررررره


ليش شسوالج ؟

7 سنين عشره

وتقولين ما احبه

وهو ابو عيالج ؟؟؟؟؟؟؟

انتي انسانه ما تعرفين الحب اصلا

ما اعلم

بس هذا تفسيري