بنااااااات مشكورييييييين كل الي ردوا وتفاعلوا مع الموضوع..سواء الي كان معاي او الي كان ضدي..اتقبل كل الاراء لان كل واحد يشوف الموضوع من زاويه غير..بس الي بقوله لكم والي يمكن ما وصل للبعض منكم اني في بداية حياتي ما كنت جذي صاده عنه وكارهته ..انا كنت مو حابته في فرق بين عدم الحب والكراهيه!! انا كنت متقبلته واتعامل معاه بحب ولا مره بينت له اني ما احبه بالعكس كنت مدلعته ولا اهو ليش الحين قاعد يقولي خل نرجع مثل ما كنا لانه ذاق التدليل وعرف الفرق بينه وبين المر الي يعيشه الحين والي اكيد انا عايشته معاه..
انا تغيريت بعد ما شفت شغلات طيحته من عيني كانسان وكريال..لان اهو هدفه من العلاقات هذ مو نفس ما قالوا البنات فضفضه وسوالف لاااا اهو هدفه كان الجنس وبس علاقااااات جنسيه بتلفووووون واشياء ما تنقاااال..وصدقوني ممكن يكون في احترام بدون حب والواحد يعيش حياة حلوة لكن مستحيل يكون في حب بدون احترام لانه الاحترام اساس كل العلاقات..وانا هالريااااااااال اقوله بملأ فمي طاااااااااح من عيني ما اقدر احترمه ولو ثانيه وحده احسه سوري عل كلمه (واطي) اشلووووووون تبوني اقدر احبه ولا حتى اتقبله!!
وبعدين الي تستالني انتي ليش في البدياه ما قدرتي تحبينه اقولها انا كنت اشوف شخصيته بعيده عنه..اهو ياربي تفكيره سطحي مافي عمق...انا وايد اتعامل مع الحياة والدنيا بمثاليه وهو جنه مراهق يدور وناسته وضحكه احاول اتكلم معاه باي موضوع ياربي ماكو منطق ما يشدني ولا اقدر اندمج معاه ردوده سطحيه مايعرف يتكلم..بنهايه اتضطر اسكت ولا اتكلم معاه..يعني باختصار انا بوادي وهو بوادي ثاني ..بس مع جذي قلت لكم انا ما قصرت معاه حاولت اني اجذبه لي اكلمه بالمواضيع الي يفهمها ويستوعبها ..وتحملت وتحاملت على نفسي بس عشان اعيش وياه عيشه امنه وبسلام وبس هم ماكو فايده.. ربي يعين
وبنسبه الي تقولي حاولي اتغيرين عشان نفسج قبل لا يكون عشانه اقوووولها انا مو هامتني نفسي ..اصلا اانا صايره جني ربوووووووورت جموووووود لي الاخر ماكو مشاعر ..تعرفووووووون اللعبه الي يضقطون على دقمه تبجي ويضغطون على دقمه تضحك هذي انا لوووووول متى ما اذتوعبت انه الموقف لازم اضحك فيه ضحكت ومتى ما حسيت انه لازم اسوي روحي مسكينه ودموعي تنزل نزلتها !!!!!!!!!!!!!! والله جني رجل الي!! مع اني قبل ما كنت جذي كنت وايد حساسه واقل كلمه تأثر فيني ..وكان يتروالي لو اي واحد يقولي احبج اسيييييييح ههههههه من كثر ما كنت وايد حساسه ومشاعري رقيقه بس سبحان الله تغيريت وطبعا ما يحتاي الفضل يرجع للي عندي!!
اصلا قمت احب الوحده وما عندي صديقات..عادي اطلع اروح السينما ولا اتمشى بالافنيوز ولا اي مكان بروحي..قمت اقووووول لنفسي انا ماني بحاجة الناس اقدر استانس بروحي..اروووح الدوام اسلم واقعد ولا اتكلم اجابل النت لي نهاية الدوام واسلم واطلع..عايشه بقوقعه مع نفسي ..اقول لشلي بناس ما رواهم غيرعوار الراس..بس اخاف يووووم اصير مينونه من الي قاعده اسويه بنفسي..ربي يعين
