سؤاااال معذبني

[اليزابيث]

ايه صج رجعت بقولج شغله
سالفه الخيانات لازم تحطون لها حد
دامه هو بدا وقال نبي نتغير كلميه عن هالشغله وعن كل شي بخاطرج مو معجبج فيه يعني خليها قعدة صراحه وقولي كل الي بقلبج عليه ..

موفقه وسوري على الرده

 

[Lovley]

حبيبتي ما أبي أقول العيب فيج ولا فيه !!!!!!!!!!

بس انتي ما حاولتي تتقربين منه عشان جذيه لجأ حق الخيانة ومو أي خيانة مجرد تلفونات ، يمكن اللي بينه وبين

هالبنات مجرد فضفضة يبي يتكلم عن حياته مع زوجته عند ناس بعيدة عنه لا أم ولا أخت ولا أخو ، عشان ما يصير

شي بينج وبينهم وهذا وارد ، حتى آنا ما أحب أشكي عند أهلي !!!!!!!!!!

الحين أهو مسافر ومتعمد السفر عشان تقعدين بينج وبين نفسج تفكرين على راحتج أهو شنو بالنسبة لج ؟؟؟؟؟؟؟؟

انتي اشلون عايشة حياتج وياه مرتاحة تحسين لما تتطلقين راح ترتاحين ، شنو عيوبه ، شنو مزاياه شنو الحلو فيه؟؟؟؟

يا بنت الناس من طريقة كلامج عنه ترى الريال شاريج ويبيج وما عنده استعداد يستغنى عنج بس للأسف مو لاقي قبول

من ناحيتج ،،،،،،

حبيبتي أو بنتي انتي حاولي تتقربين منه لا تقولين مابي أتطلق عشان بناته لأ قولي عشان آنا ما أقدر أعيش من غيره

لا تقصين على نفسج وتقولين أهو ولا شي بحياتي لألألألألألأ ، أهو وايد أشياء بحياتج ، أهو أمج وأهو أبوج وأهو

الحبيب وهو الزوج وهو كل شي ، أهو لو ما يسوى كل هالأشياء جان ما تتفرقون طول اليوم ويجمعكم سرير واحد

حزة النوم سواء العصر أو بالليل !!!!!!!!!

حبيبتي انتي غيري من طبعج وحياتج ، أول شي أخري غداج لحد ما يوصل حتى البنات خليهم يتغدون وياج

لا تتفرقون بالغدا ، وبعدين خليه يوديج أي مكان عشان تقضين شغلج سواء لج أو للبنات أو للبيت بمعنى أصح

حمليه المسؤلية ، دقي عليه إذا طلع من اليبت ، تغزلي فيه ( شنو المشكلة ) قولي له فقدتج ، متى ترجع ، ضايق خلقي

بالبيت بروحي مع اليهال ، انتي تحرشي فيه لا تنطرينه ، غيري ستايلج مو شكلج لأ أسلوبج معاه ، ترى إذا انتي بتعيشين

على هالحالة عمره ماراح يتغير وراح يعيش طول عمره بالسفر والطلعات والهياتة وانتي راح تتحسفين بعدين !!!!!!

انتي بلشي بالتغيير وراح تشوفين اشلون يتغير بعدين ، وعيشي حياتج الطبيعية بالحب والود مع زوج يصونج ويحترمج

وعسى الله يهديه لج ويثبته ويصلحه يارب​

كلامها كله سنع ما شا الله عليها
و شوفي دعئها وردديه و لا تنسين تقرين + الدعاء + الاستغفار = حل لجميييييييييييييييع المشاكل

الله يألف بين قلوبكم و يزرع بينكم المحبه و الالفه و الموده و الرحمه و يجمعكم على طاااااااعنه
آميييييييييييييييييييييييييين

 

[DooLy88]

الله يسهل عليج

 

[amwaj]

رد: رد : سؤاااال معذبني

انتي انانية
يعني منتي قايمة بالريال وماتبينه يكلم ويتزوج عليج ؟؟؟؟؟؟؟؟ لا انتي راحمته ولامخلية رحمة الله تنزل
اصلاا حقه انه يتزوج عليج مادام ماتبينه
يبي وحدة تشاركه حياته مو وحدة كاشة منه
لو انا منه ماصبرت عليج ورجعتج بيت اهلج
لو الريال هو اللي ماحبج جااان يووهوو قومتي الدنيا ريلي مايحبني وانا مو مقصرة معاه وفيه وبلاه
وكون البلاا منج شايفة الشغلة عادية هااا
وانا اقوول الله يسخر له بنت الحلال اللي تداريه وتعرف قدره وتشاركه حياته




الله يحبج على شنوو على انج مقصرة بحق زوجج
دام ماتبينه شحقة ماتبين يتزوج عليج حلوة هذي

حبيبتي..اول شي عمرج بحياتج لا تحكمين على احد انتي ما تعرفينه من مجرد كلامات لانج منتي عايشه بينا ولا تدرين بتفاصيل حياتنا عشان تحكمين ..وترا الدعاء انتي محاسبه عليه وباجر يرد عليج اذا تدعين على وحده انه بيتها يخرب وريلها يتزوج عليها ..هذي فيها خراب بيوووت وعيال يتشتتون..اذا ترضينه لنفسج ادعي لغيرج فيه!!!

امركم غريب صراحه..الوحده ما تدش تطلب فزعتكم ونصيحتكم وتردووووووون بمثل هالردوود!! انا ماني قايله غير الله يسامحج..
وعلى سالفة اني اناااااااااانيه ارد عليج واوقولج لتني انااااااانيه جان ما صاااار هذا حالي..مشكلتي اني ما كنت انااانيه وفكرت بالكل الا نفسي..لو انا اناانيه جان من اول سنه حسيت نفسي ما احبه هديته وتطلقت ولا عطيته 7 سنين من عمري الي راااح وعمري كله الياااااااي وعشت معاه وانا ما احبه..تدرين شنو يعني تعيشين مع وااحد ما تحبينه!! عذااااب ...اتجاملين بكل تفاصيل حياتج بمشاعرج بتعابير ويهج بتصرفاتج..تعيشين في داخل بيتج وانتي مني مرتاحه لان جدامج شخص متضطره اتجاملينه حتى وانتي زعلانه معاه ومتهاوشه معاه هم اتجاملين..
لو انا انانيه جان ما فكرت فيه ورحت عالجت حق الحمال بداااال المره الف..ولانج يمكن ما جربتيه وعسااااج ما تجربينه..علاج الحمااااااال بروحه عذااااااااب ابر وعمليه ورا عمليه سألي البناااااات وهم يقولوج شنو علاج الحماال..ولا تظنين اني سويت هالشي لنفسي لاني والله وما لج علي حلف انه كلش ما كنت صوووووب اليهاااااااال ولا كان خاطري بالبيبي بس سويت هالشي عشاااااانه وعشان ما اكون جذابه عشاااان افتك من قرقة النااااااس الي يزنوووون ويحنون ليش ما تحملييييين!!!
لو انا انانيه جان تطلقت من زمان عقب ما شفت منه الي يطيح اي ريااااااال من عين مرته..بس تحملت وصبرت عشااااان امي وابوي..وضيعت عمري كله في سبيل اني اراااااضي الكل الا نفســـــــــــــــي الي نسيتها بزحمة الناااااااااس الي ادور رضاااااااااااهم واجاملهم..ربي يعين ويسامحج وصدقني انا ما كنت ابي ارد عليج لولا اني قريت انج دعيتي علي!!
وبعدين لا تظنين انتي وكل البنات الي يقولووووون انه خلي يتزوج عليج وشوفي اشلوون بتزعلين..اكيد بزعل بس مو عليه على سنين عمري الي ضيعتها معاه وما ثمر فيه..على صبري..على قلبي..واكيد بزعل لانه اهو كسر الشكل الاجتماعي الي كنت راسمته له جدام الناس على انه احنا عايله سعيده وزوجين متفاهمين..زواجه الثاني راح يكسر شكلنا الاجتماعي وهو السبب الي مخلينه انا لي اليوووووووم مكمله معااااااااه..اهو بنسبه لي مجرد بروااااز لصوره مكسوره!!!!!!

 

[هيبة ملك]

خلاص ياقلبي هالكلام مايفيد

كل شئ ألحين بيدج أنتي حافظي على بيتج وخلي عنج الوساويس

ولاتضعين عيالج والزوج اللي يحبج

خلي عيالج بين عيونج

 

[حنون المزيون]

رد : سؤاااال معذبني

عيشي نفسج بكدبة حبك له ومع السنين بتصدقينها لأن الحب بعد فترة من الزواج بصر ألفه فعيشي معاه على الألفه مو من الحب تبتدين ... تقمصي شخصية الزوجه المحبه لزوجها وأؤمني فيها بترسخ في شخصيتك وبتألفينها

وإن كرهتي منه شيء شوفي الجانب الثاني يمكن تحبين فيه شيء ولو حتى لقيتي شيء صغير فيه كبري الحسنات وتغاضى عن السيئات كثر ما تقدرين

وربي يسخركم لبعض ويحببه فيك ويحببك فيه ويحببكم بالرحمن مؤلف القلوب

 

[amwaj]

خلاص ياقلبي هالكلام مايفيد

كل شئ ألحين بيدج أنتي حافظي على بيتج وخلي عنج الوساويس

ولاتضعين عيالج والزوج اللي يحبج

خلي عيالج بين عيونج

حبيتي مشكوووره عل رد بس والله في ردووووود تحر وتخلي الي ما يبي يتكلم يتكلم غصب..حسستني اني بايقه ريلها لوووووووول..ربي كريم انشاء الله

 

[SelezYa]

مادري مشكلتج غريبه شوي احس فيج غموض كبير؟

الواضح من كلامج ان الريال عالاقل قاعد يحاول يعني فيه ذرة حب لج
بس انتي ماعندج؟ شي غريب 7 سنين وماحبيتيه؟

كنتي تحبين احد قبل لا تتزوجينه؟
هل في شكله عيب يبعدج عنه؟

يعني ياربي لو ملييييييييييييق وسخييف مو معقوله ما يمر وقت يكون شحلاته ؟

انا عن نفسي اقولج . حاولي حرام يضيع عمرج تدعين عليه وماتدرون عن بعض
ماتسوى
استفيدي من وجوده خصوصي ان اهو يبي وجودج

حاولي مره مرتين ثلاث
طلعو بروحكم
سافرو

ماقول الا الله يجمعج معاه بكل حب

 

[ديانا سبنسر]

فيه خلل بالعلاقة

 

[amwaj]

رد: رد : سؤاااال معذبني

عيشي نفسج بكدبة حبك له ومع السنين بتصدقينها لأن الحب بعد فترة من الزواج بصر ألفه فعيشي معاه على الألفه مو من الحب تبتدين ... تقمصي شخصية الزوجه المحبه لزوجها وأؤمني فيها بترسخ في شخصيتك وبتألفينها

وإن كرهتي منه شيء شوفي الجانب الثاني يمكن تحبين فيه شيء ولو حتى لقيتي شيء صغير فيه كبري الحسنات وتغاضى عن السيئات كثر ما تقدرين

وربي يسخركم لبعض ويحببه فيك ويحببك فيه ويحببكم بالرحمن مؤلف القلوب

حبيبتي مشكوره عل رد بس تهقين اني طووول هالسنين ما حاولت على قولتج اني اعيش نفسي بهالكذبه ..انا حاولت بكل السبل الي تعرفينها والي ما تعرفينها بس هم ماكو فايده سبحانه الله المحبه من الله..شي بداخلي مخليني مو قادره اتقبله احنا مختلفين بكل الشي..شخصيتنا ميولنا اهتماتنا..كل تفاصيل حياتنا انا احس نفسي بوادي وهو بوادي ثاني..حتى طريقتنا بالاكل نختلف فيها لوول..الله كريم بس:cxxxp:

 

[amwaj]

مادري مشكلتج غريبه شوي احس فيج غموض كبير؟

الواضح من كلامج ان الريال عالاقل قاعد يحاول يعني فيه ذرة حب لج
بس انتي ماعندج؟ شي غريب 7 سنين وماحبيتيه؟

كنتي تحبين احد قبل لا تتزوجينه؟
هل في شكله عيب يبعدج عنه؟

يعني ياربي لو ملييييييييييييق وسخييف مو معقوله ما يمر وقت يكون شحلاته ؟

انا عن نفسي اقولج . حاولي حرام يضيع عمرج تدعين عليه وماتدرون عن بعض
ماتسوى
استفيدي من وجوده خصوصي ان اهو يبي وجودج

حاولي مره مرتين ثلاث
طلعو بروحكم
سافرو

ماقول الا الله يجمعج معاه بكل حب

صدقيني اهو مافيه شي وانا قبل لا اتزوج اصلا كنت حدي بيووور ومو صوووب العلاقات او اني احب احد..بس كان بداخلي حلم ..حلم مثالي وايد حالي حال وايد بنات مثلي ابي شخص فيه صفات راقيه..يعني يكون راقي بلبسه راقي بطريقة اكله راقي بنظرته لذاته راقي بتعامله معاي ومع الي حوله..مشكلتي اني وايد احلل الامور واحطها بقالب مثالي..بس اهو العكس تماما اهو وااااااايد ما ادري اشلون اوصفلج اقدر اقول عنه شعبي وايد بسيط وما يدقق على اي شي اهم شي يترس بطنه ويرضي شهوته ويلقا الي يضحكه ويبسطه طووووووول الوقت حتى لو كان هالشي على حساب قيمه ومبادئه..حتى لو هالشي يقلل من قيمته ونظرته لنفسه اهم شي عنده انه يكون مستانس وسعيد وبس وكل شي يطقه بالطوفه..ما ادري اذا وصلج الي بقوله ولا لأ..بس هذا احساسي فيه وهذا الي مكرهني فيه ومخليني بعيده عنه..اهو بعالم وانا بعالم..تفاصيل يومنا واختلافنا تخليني اشمئز منه ومن تصرفاته من كلامه فهمتني..وهو خلاني بعد ما اترقع وخيانه ورا خيانه فمن جذي انا الحين انا قاعده احاول اني ارجع عل اقل للمجامله عل اقل وهي اضعف الايمان بنسبه لي

ادري كلامي بيكون غريب لوايد بناااااات وبيحسون اني اتفلسف بس هذي انا ..هذي شخصيتي صعب اني اتغير عشان ارضي الي حولي لاني لو تغيرت عشانه بنهايه راح اخسر نفسي الي احبها..ربي يعين

 

[the-one]

الله يهديكم لبعض
عليج بالاستغفار حبيبتي
وادعي (اللهم حببني في زوجي وجمله في عيني)

 

[al_noory]

السلام عليكم ..

هذا انتي قلتيها ... انتى تبين المثالية ... تبين ريال مثالي ..

ماكو ريال مثالي ... ومره بعد ..

حطيتي لريال الي بياخذج صوره غير الي اطلعت لج .. وانصدمتي .. وكشيتي من شخصيته .. ما حاولتي تتفاعلين معاها ..

بتقولين غير انا ما احب جذي وما احب جذي ... مو كل شي تحبينه بتلاقينه ..

لازم تتاقلمين وتتغيرين ...قلتي صعب اني اتغير عشان ارضي الي حولي لاني لو تغيرت عشانه بنهاية راح اخسر نفسي .. وهذا الكلام غلط ..

بالعكس راح تكسبين ريلج ونفسج وعيالج ..

انتي الحين مو تغيرين شخصيتج وتصغرينها لما تكلمين عيالج وتفهمينهم شغله .. واكيد لج اسلوبج عشان تجذبينهم لشي انتي تبينه ..هالشي هم الانسان يسويه ابشغله بأي مكان ..

هذا الشي لازم تسوينه مع ريلج ..

قلتي حق ريلج انه نعيش بسلام وتفاهم ماله داعي حب وهسوالف .. تدرين شنو هل الكلام صعب على الريال اهني اتوقع صكت فيه الدنيا هدمتيه موووليه ..

صراحتج بضيعج ..اي علاقه فيها سلام وتفاهم بين الزوجين اساسها الحب .. اشلون تبين تتفاهمين وياه وتبين تعيشين بسلام من غير حب ..

قعدي وفكري بينج وبين نفسج شنو قلتي .. (انا احس كلامج جارح حقه )..

وترى ما كو احد ما يتغير الكل يتغير بعد الزواج من حيث الشخصيه ..

حتى بينج وبين نفسج لا تقولين عبارات سلبيه عن زوجج هذا الشي ينربط بعدين داخلج ما يروح ..

ذكري الاشياء الزينه الي شفتيها منه وخليها في بالج ..

والله يسهلج امورج ويكتب لج الخيره ان شاء الله ..

انا كتبت هل الكلام على اساس اشياء انتى قلتيها واكيد الكلام منج ما يوصل الشي كامل الي اتي تبين تقولينه وما يوصف الي انتى حاسته ..

واعذريني اذا ما فهمت شي صح ..

 

[the-one]

توني شفت ردج على رحيل المرافئ

عورتي قلبي آآآآآآآخ بس عسى الله يعينج ياقلبي ويآجرج
مالج إلا الدعاء
ربج كريم يبدل الحال لأحوال
كلامنا ماراح يفيد إذا ربج ما أمر

 

[*الجود*]

رد : سؤاااال معذبني

السلام عليكم و رحمة الله و بركاته [/B][/COLOR]
كلنا قبل الزواج ... رسمنا صوره حق زوج المستقبل ... بس طبعا ماراح تلقين اللي حلمتي فيه
و يمكن تنصدمين باللي خذتيتيه
و انتي مثل ما قلتي انا انسانه مثاليه ... و اكيد ما راح يكون هين انج تتقبلين او تتعاملين مع ناس سطحين ...و بتقولين انا شلون بعيش مع هالناس و اهما غير عني
بس بالحياة لازم تضحين و تتنازلين ... و انتي تنازلتي و ضحيتي ... و احيج ع صبرج و حكمتج
انتي لازم توقفين تحليل الامور والتدقيق بادق التفاصيل لان هالشي بتعبج
و لا تعيشين وحيده لان هذا بيدمرج زياده
الله يسهل امورج و يوفقج و يصبرج ع ما ابتلاج
و الله يهدي ريلج و يسخره لج و يحس بقيمتج
و كثري من الاستغفار و الدعاء و الصلاه بوقتها

 

[BaBy^faCe]

صراحة سالفتج نزلت دمعتي ..
نسخة طبق الاصل من الي حصل بين امي و ابوي
بس مو بـ 7 سنين ..لا 20 سنة امي تحاول تتأقلم مع شخصية ابوي الي كانت تماما نقيض شخصيتها
رضت ان هذا نصيبها و حاولت فيه و بروحها تعدل و تسنع و تقرا و تثقف
خيانااته ترد عليهم ب صبر و تحسب
مخ فاضي تداريه و تحافظ على بيتها و لمتنا
مداريتنا و مو محسستنا بولا شي و مخلية صورتنا جدام كل الناس العايلة المثالية
بس الي ساسه جذي ماظنتي يتغير ..
و هذا هو جدامج بعد كل الي راح و تضحياتها و عيالها الي يابتهم حقه تزوج ثانية !!
و امي مو قاصرها شي لا على مستوى الشكل ولا الشخصية بس ماهو الا جهل منه الله يهديه انشالله
طبعا الله يعوض امي خير و ابوي احبه و اعزه و مهما كان اهوا ابوي و فعلا مرات الطلاق يكون حل ولا جان الله ما حلله

انا وحدة مو متزوجة ومابي اقولج سوي و لبسي
بس حبيت اقولج هالكلام و انشالله الله يصبرج و يعطيج القدرة و الحكمة و تشوفين الي فيه الخير لنفسج وعيالج و تسوينه

 

[سارة ة]

للله يعينج ويصبررج

 

[كنت انا]

وربي مدري شقولج ..اللي انتي تمرين فيه شي مو سهل ..الا لنفسك عليك حق !!
لاتعذبين عمرج ..سبع سنوات مو اشويه ماعرفتي تتقلينه !! لكن ما على ربي شي عسير .
انتي الحل بيدج مو بيدنا ..انتي اقعدي مع نفسج وقدري امورج وشوفي شنو اللي راح تخسرين وشنو تكسبين؟
انا مابي اشجعج على شي ابغضه رب العالمين
عيشي مع هالرجال ..على قولتهم ظل راقل ولا ظل حيطه ..!!
سبع سنوات حيل تاخرتي +اعيال
ادري صعب ..والنفس ماتنغصب لكن شتسوين ..
ترى والله شكثر ناس موحاسين بالاستقرار ونادر اللي مقابلين ابيوتهم ..ومايجون الا تالي الليل
وبعدين طالعي مصيبة غيرج تهون عليج مصيبتج

الله يعينج ان شاءالله ..وربي اهم شي الاحترام <اذا محترم بمعاملته وياج اهم شي
فيه بعضهم وربي قليل ادب وعينه على راتب المره وبخيل ويطق اعياله
يعني شوفي الناس الثانيه وقولي الحمدلله ..ادري كل وحده تحب يكون زوجها منطق وعقليه وتحبه ويملى فراغها العاطفي بس شتسوين !!
ماكو شي كامل.. حتى انا والله كنت احلم بواحد مثل ماجد المهندس ههههههههههههههه يبه اضحكي وفليها ترا الدنيا قصيره استمتعي بايامك وشوفي الجانب المشرق من حياتك ... ترا الاطفال بروحهم دنيا