ساكنه في بيت حموله ؟ تعالي قوليلنا شلون فطوركم برمضان و شنو طبختي :)

[Zen&7ala]

السلام عليكم و رحمه الله


مبارك عليكم الشهر و عساكم من عواده :eh_s(17)::eh_s(17):



شلون نظامكم في بيت حمولتكم؟ وين تاكلون معاهم ولا بشقتج؟



و و راها تصعدون شقتكم ولا تقعدون تسولف و تشربون شاي الخ...


و هل تسوين طبق معاج ولا لأ؟ و اذا تسوين شنو :ggdw::ggdw: يالله خلونا نستفيد




انا عن نفسي انزل تحت عند حمولتي اتفطر و وراها اصعد شقتي



و اول يوم اليوم ان شاء الله سويت (حلو) حطيته بالثلاجه


و ان شاء الله بس اقعد بسوي ورق عنب و هذا الي بسويه مجربته و حده اينن مشاء الله

http://www.q8yat.com/t404564.html




و المايك لكم خلونا نفيد بعد

 

[دلووعه وحلووه]

انا ما اطبخ طبعا لاني ماعرف اسوي ولا شييييييي
اهما بيسوون اشكال واذا ماعجبني بهدهم علسفره وقوم اطلب ابركلي منهم
واكيد بنزل بعد ما انزل ويحشوون راس ريلي وايني نافخ الصدر ناقصه انا

 

[Tulips]

انا عندي شقتي ومطبخي بس لازم انزل يوميا واسوي مع خالتي .. طبق عادي + طبق حلو وطبعا كلنا نقعد ونتفطر مع بعض

 

[^دنياك_دنيااي^]

اول شي مبارك عليج الشهر حبيبتي
والله مادري اول رمضان لي

اممممممم انا بنزل وبيب معاي جم طبق واتفطر واصعد علي طول واكشخ واقعد شوي واروح بيت اهلي
وبس

 

[هيبة ملك]

أن فبيت بروحي
لكن أشوف حريم خواني بعضهم يطبخ مع أمي
والبعض ينزل عالفطور ومعاه طبق بعدين يصلون يصعدون لشققهم وينزلون بعد صلاة التراويح

 

[زوجة عزيز]

ما اطبخ نشتري جاهز وكل عام وانتو بالف خير وصحه وسلامه

 

[iLLuMinaTion]

مبارك عليكم الشهر

 

[مشتاقة الى الله]

انا عند حمولتي وما عندي شقة بروحي ولا مطبخ وساكنة في نفس الطابق معاهم ودارهم مقابل داري يعني ماكو مفر

اقعد وياهم اساعدهم ونفطر مع بعض ومن بعد الفطور كل واحد في حاله ما حد يسال عن الثاني الى وقت السحور

وهيك مشوارنا في البيت

 

[boliana_q8]

انا ما اطبخ معني شاطرة بالطباخ بس مطبخي ليلحين موجاهز
ساكنه عند حمولتي
بس ياربي اكلهم استغفر الله كلش موحلو الله يزيد النعمة
وكله الخدم يلغفجون الله يعين
بس اليوم الفطور بيت امي احلى شي

 

[~ M!sS D!oR ~]

انا ما اطبببببببخ بس راح انزززل اسااعد قبل الفطووووووووور
ومسوووووويه لي طبق بنزله معاااااااي
والسحور انا اتسحر مع زووجي لحاااالنااا اريييييييح والله
وبعد الفطووووووور اصعععععد اريييييح والبس واكشششششخ
وانزززززل اقعد شوووي بعدين اروح لهلي وخوالي وعمامي

 

[Tom ♥ Jerry]

,


آهمه مآدري شنو مسوين !
و انا مسويه صينيه دياي بالتوست وآيد حلوووة خذيت طريقتهآ من المنتدى .،

و مبآرك عليكم الشهـررً : )

 

[أم ريــــــم]

أنا ساكنه بشقه بروحي بس ماسويت شي
لان الفطور فبيت حمولتي .. كان بخاطري اسوي لي جم طبق واخذهم معاي
بس قعدت من النوم متأخره وحدّي مغلقـه ، الله المستعان


وكل عام وانتم بخير

 

[dnyay_mll]

مبارك عليكم الشهر
انا ساكنه بروحي
بس بنصحكم نزلو مع حمولتكم المطبخ ساعدوهم شوي
وسوو لكم طبق او حلو او سلطه
لا يتشرهون عليكم
ويقعدون يحشون فيكم لوووووول

 

[الا يامطول صبري]

انا تفطرت مع عيالي وبنتي اول شي عندي مولوده ماقدر اطلع منها وبيت خالتي زززززحمه بناتها واحفادها فلللللل والاكل عندهم الحمدلله والشكر حوووسه. وازعااااج ومااخذ راحتب واقوم وانا جوعانه احس شي اتفطر في بيتي وعقب التراويح اكشخ واروح لهم
وووبس

 

[درة أهل الطولات]

انا ما اطبخ طبعا لاني ماعرف اسوي ولا شييييييي
اهما بيسوون اشكال واذا ماعجبني بهدهم علسفره وقوم اطلب ابركلي منهم
واكيد بنزل بعد ما انزل ويحشوون راس ريلي وايني نافخ الصدر ناقصه انا

خلاص انتي تعلمي تطبخين لنفسج دام ما تعجبج الاشكال اللي يحطونهاااا جدامج

جذي ريلج ماراح يتغير عليج :d

 

[المـــــها]

أنا بشقه معاهم بالبيت
كل يوم إن شاء الله أتفطر معاهم
أنزل قبل الفطور بساعه تقريبا و يكون معاي طبق
اليوم سويت صينية توست بالدجاج يجنن لذييييييييييذ لذيييييذ لذيذ
لكن توبه ما راح أسوي شي استغفرالله
ما عندهم ذوق بالأكل استغفرالله اللي يقول ماحب البصل ... ياربي في أكلة ماتخلا من حمسة البصل ؟؟
و اللي يقول ماحب الفلفل الأخضر !!!!
الشرهه علي هههههههههههههه
ما راح أتعب نفسي خلاص
اليوم سويته هالطبق و خذيته لأهلي و استغربوا كلهم انذهلوا مانوكل منه إلا قطعه هههههههه
أمري لله لأن نظام زوجي و أهله عيش ساده و دجاج أو لحم و دقوس !!! و تشريب و بس !!
أنا أحب أطباق متنوعه لأن متعوده عند هلي جذي و هاذي أول سنه رمضان مو مع أهلي
أعتقد الحين عرفت نظامهم

 

[جوري 2007]

انا ساكنة عندهم واتفطر عندهم يوم تحت ويوم عند اهلي ،، طبعا لازم اسوي طبق

سويت سلطة + صمون قصيته بالنص وحشيته خلطة دجاج ومايونيز وفوق موزارولا وعقب الفرن يم يم

نتفطر ونشرب الشاي وعقب اصغد اصلي التراويح وماانزل خلاص

 

[حلوةودلوعة زوجي]

انا بشقة ببيت حمولتي اكيد فطوري معاهم بس ما انزل ايدي فاضية عيباقعد اكل باردة امبردة انشاءالله بسوي فتة باجر وتوست بالكريمة ...مو جنه كلكم امسوينها صراحة لذيذة

 

[miss_whitemocha]

انا بيت حمولتي عندهم طباخ..وطباخه حلو ماشالله..وانا بعد أطبخ و طباخي حلو بس مالي خلق..حامل و كله دايخة مالي خلق عمري..بس اليوم ما تفطرت وياهم..رحت بيت يدتي أتفطر معاها..يا زينها و يازين مقعدها أغلى الناس​

 

[دنياالوله]

والله اليوم ماسويت شي لاني حدي مصدعه
وعمي وخالتي كبار ف ماياكلون
باجر بيجون حمواني وحريمهم وبسوي جم طبق
بسوي ربيان وبسوي طبق الفطر بالجبن