شركات التغذيه منو احسن فيهم وجم نزلنى (الجزء الثانى وبالصور)

[ام حمد 85]

اتوقع 1500 وايد مااعتقد تضعفين عليه بس اهما ابخص اب شغلهم والحمدالله على سلامتج ومبروك ماياج

 

[مارغريتا]

مارغريتا
حبيبتي بغيت أسألج يعني فتح ملف ب 15 واشتراكج ب 150 > نفس الشي حق رمضان ؟

شنو قالت لج بالفطور يبون لج بضبط ؟
والسحور نفس شي ؟
وبالنسبه انا ما تغيرين اكلج يعني كل شهر نفس الاكل قصدج ماكو تنويع ؟
ومكانهم وين صاير بضبط !؟

> ياليت تفيديني حبيبتي

هلا فيج

ايه حبيبتي 150 وفتح ملف وزيارة الاخصائيه ب 15

برمضان نفس الشي انا لان توتي اليوم اول يوم فباخذ من رمضان 20 يوم يمكن

تشربيه او هريس وماذكر والله الباجي بس كان المنيو حددده حلو

الاكل الله يسلمج كل يوم غير يعني اتذكر وانا اختار كل الايام غير عن بعض

اليوم حاطين لي كيوي مع السناك وصلني الاكل الساعه 9 ونص الصبح

 

[مارغريتا]

ودي احط الصور بس ماعرف من الاي فون لاني اشبك منه

اليوم دازين لي

الريوق بف باستري بجبنة الفيتا + حليب خالي الدسم

الغدا شوربة ذره + برياني خضار

السناك حبة كيوي + مادري شنو ماذقته لي الحين لوول

العشا سلطة تبوله + شكلها معكرونه هم ماذقتها ليما الحين

صايمه وبفطر على البرياني حدي يوعانه


بس بنات الكميه امبيه حددددها شويه

احنا متعودين نكثر الاكل صج ثقافتنا متن

اهما حاطين لي شفتو لما تحطون لليهال اكل شويه بصحن

انا حاطين لي جذيه

 

[حلوه وبس]

انا بعد 1500 عادي حبيبتي بالبداية بس و ترى تضعفين عادي بس التزمي بالاكل و لا تاكلين غيره

 

[الأميرة ريماس]

حياة زوجي هاي
بغيت اسالج منو احسن شركةمن ناحية الاكل وتثبيت الوزن ؟؟وياريت تكون رخيصة؟والرقم والعنوان لاهنتي

 

[منال القلب]

اليوم وصلني منيو رمضان من دايت كير وعبيته كله ... واااي بنات الاكل برمضان احسه أكثر من الأيام العادية احس راح اتدلع عدل
لان حاطيلي فطور + سحور + غبقة وناااااسة احس راح أشبع عدل أكثر من الأيام العادية..

 

[مارغريتا]

بنات عندي سؤال الحين عادي اخربط بالوجبات والا لازم اكل نفس الترتيب ؟!

يعني انا كنت صايمه كليت وجبة العشا اول بعدين السناك والفاكهه وبعدين الريوق هم خليته سناك

وعقب الغدا عادي ياثر على الريجيم او لا ؟!

 

[ام حمد 85]

بنات عندي سؤال الحين عادي اخربط بالوجبات والا لازم اكل نفس الترتيب ؟!

يعني انا كنت صايمه كليت وجبة العشا اول بعدين السناك والفاكهه وبعدين الريوق هم خليته سناك

وعقب الغدا عادي ياثر على الريجيم او لا ؟!

عادي مااعتقد ياثر لانهم مقسمين الاكل على حسب احتياجاتج اليوميه من السعرات الحراريه وموفقه يا رب وفالج الرشاقة

 

[منال القلب]

مارغريتا انا الصراحة اخربط عدددل يعني مال الغدا اكله على العشا لوول لاعبة لعب اهم شي اني قاعد اكل الي يحطونه لي وبس

 

[pinkmoon]

شوفوا بنات انا مشتركه بدايت كير وقالت لي الاخصائية لما سالتها يصير ابدل الغدا مع العشا قالت ان العشا نحطة اقل سعرات من الغدا لان بليل يكون الحرق للسعرات اقل فحاولوا لاتبدلون والتزموا والله يصبرنا

 

[حلوه وبس]

كان ودي انزل الصور بس ماعرف اول مرة نزلتهم اختي

بس اكل دايت سنتر لذيذ و يشبع صراحه و الحمدلله هذا ثالث يوم وملتزمه

الله يساعدنا و ننزل هالكيلوات الزايدة

 

[Blonde B]

بشترك بلوفات
لان قبل في شهر واحد اشتركت وزني كان 68 صار بعد شهر 63
وطولي 169 يعني نزول عجيب الصراحه
وبعدين وقفت اسبوع مازاد وزني ولا نقص
واشترك اسبوعين نزلت من 63 ليين 61
والحين رديت ل 63
يعني صراحه معجزه 5 شهور محافظه ع وزني
فبشترك معاهم لرمضان وان شالله انزل 5 كيلو ويتحقق حلمي ب
58

 

[حياة زوجي]

صباح الخير :eh_s(7)::eh_s(7):
مرحبا بنات اشلونكم ولهت عليكم وااااااااااااااايد
طبعا انا وصلت امس من السفر واختى فاجئتنى امى بالمستشفى وكانت تنام عندها
ومن اليوم انا بنام عندها لين تتحسن صحتها فسامحونى ما شفت الصفحات ولا قريت اى شى
وهذا سبب اختفائى من اليوم لين نشاء الله تتحسن صحة امى راح اباشركم
اللهم لا اسألك رد القضاء ولكن اسألك اللطف فيه :yaaaaaarb::yaaaaaarb:

 

[فنار الكويت]

حياة زوجي حمدلله علي السلامة وسلامة الوالدة انشالله تقوم بالسلامة وأجر وعافية حبوبة وماتشوف شر وانشالله تتحسن يارب صحتها وصحة كل المرضي يارب عاجل غير آجل يارب العالمين​

 

[Australia girl]

ماتشوف شر الوالده والحمدالله ع سلامتج

 

[ام حمد 85]

ما تشوف شر الوالده والحمدالله على سلامتج

 

[منال القلب]

حياة زوجي..
الف الحمدلله على سلامتج يا قلبي
والله يشافي أمج يااااارب آمين..

=====


بنات أنا مشتركة في دايت كير

أقدر ألغي اشتراكي؟ ولا مايصير؟

واذا لغيت الاشتراك يردون باجي الفلوس؟

بنات عفية الي عندها علم تقولي..

لأن الصراحة اليوم بيصيرلي 8 ايام

وحيل نفسيتي تعبانة. صايرة حيل تعبانة وما أقدر أنام

تخيلوا بنات انام افكر بالأكل واحلم فيه

امبي ماكنت جذي انا كلش مادري شصاير فيني احس يوعانة طول الوقت..

فعلشان جذي حسيت انه وجباتهم ما تناسبني

فممكن أعرف اقدر الغي الاشتراك؟ واذا لغيت هل يرجعون لي باجي الفلوس؟

وشكرا

 

[مارغريتا]

بنات تحسون بأرق او انا بس ؟!

مادري مايجيني نوم وانام ساعه واقوم والظهر انام ساعتين واقوم ما انام كلش
ممكن انه يكون من النظام الغذائي اليديد ؟!
بس انا ما احس بجوع الاكل حده مشبعني
وطعمه حده لذيذ ومنوع مايخلون شي بخاطري
حتى ما اكل الاكل كله

عندكم فكره ،، احد صار له جذيه اول ما اشترك ؟!

 

[منال القلب]

^
^
مارغريتا انا نفس حالتج بالضبط بس انا احس باليوع..
بس من ناحية النوم نفسج بالضبط من بديت النظام الغذائي. .

 

[مارغريتا]

جم صارلج منال القلب ؟!
انا اليوم خامس يوم


واااي منساع سويت لريلي ريوق حطيت له كل مالذ وطاب
هالاجبان اشكال وارناق والبيض ومطارة الجاي ويا الحليب
والخبز وهات له قعده ،، وانا تتراقص مصران بطني من اليوع
الحجي الساعه ٧ ونص قام خلص ريوقه

ياربي حرام النعمه زايده وانا عيوني تلمع هههه
جان اخذ قطعتين خس صغااار وخذيت جبنه تشدر لو فات قطعه نتيفه
قعدت امصمص فيها احس من زمان ماذقتها

ورحت على طول ابي تنسد جبدي

قريت بالقسم عنه وسويته

نص ليمونه + قفشة عسل + قفشة زيت مع نص قلاص ماي

شربتهم وشربت وراهم قلاص ماي

تو الاكل وصلني الساعه ١٠ تخيلو
وانا ركككككضه بشوف شنو ريوقي
والا حاطين لي خبزه فرنسيه صغيره فيها ككاو وعصير برتقال

كليت واحس مااشبعت بطني لا زال يعورني

شينطرني لي الغدا ياربي