شركات التغذيه منو احسن فيهم وجم نزلنى (الجزء الثانى وبالصور)

[LUXURY]

قطوه ناطرينج تعطيننا نتيجة نزولج مع كالوري كنترول

 

[ام حمد 85]

مساء الخير

 

[قطوووة]

هلا وغلا

اييييي الحين عقب الفطور الواحد نشيط ويقدر يمخمخ
وخلصت فاينل الحمدالله


انا كان موعدي مفروض امس اقيس ..
لكن تاجل الموعد للخميس

يالله انا برب انزل وجبات الايام اللي طافو فديتكم :dترقبو الله يعيني عالصور والتصغير واااااااي املق جزء بس لاجل عين تكرم ألف عين < الله يستر لايكون المثل غلط بس



بالنسبة لاكل كالوري كنترول حلو حلو .. هذا رايي .. بس مادري بعد 4 اسابيع مليت من الشوربات نوعا ما ..

يالله بروح ليومياتي واضبط الامور

 

[LUXURY]

قطوه تحسين انج نزلتي؟؟

أمبيه أنا اضححححححك
دقيت على كالوري كنترول قلتلهم ابي موعد قالولي تعالي السبت
دقيت على هيلث كومباني حطيت بعد عندهم موعد قالو باجر
كككككككككككك
بس قلت ماني منكنسله ولا واحد باشوف رايكم فيهم واقرر اي موعد اروحله

 

[نـعـوومـه]

السلاااام عليييكم ...

شلونكم يا حلويين ؟

مليييت مليييت مليييت من الرجيم وخلاص اتخذت قرار ان اشترك بالوجبات لما اضعف وكل شهر بجرب شركه .. انا كنت مجربه دايت سنتر ونزلت ٨ بشهر بس مارديت اشتركت هالكلام من سنه يمكن فكنت طالبه فشوي صعب اشترك كل شهر بس مدام اللحين توظفت خلاص ماكو عذر

بشترك بعد العيد بس بسالكم عن شركتين ..
لو فات وكالوري كنترول ؟

لوفات ذايقته وعاجبني واختي مره اشتركت فيه بس كالوري كنترول شلون اكله واهم شي فيه زفر ولا لا حدي متعقده وجم تقريبا انزل بالشهر ؟


والله يضعفنا بصحه وعافيه كلنا يااارب ؛**

انا نفس حالتج بلضبط مقررة اشترك بعد رمضان بشركه كالوري كونترول ..
ومحتاره بينها وبين دايت كير .. وانا ماعندي اي تجربه

 

[غالية غاليها]

بنات صار لي شهر ونزلت بس خخمسه كيلو احس بأحباط كان ودي 8 كيلو
انا يجيبولي 1250 برمضاان
ودي اضعف اكثثر خخصوصا تقول بيدقر نزولج لازم رياضه ماعندي وقت مليت
زفوني هاوشوني لازم اضعف

 

[نـعـوومـه]

غاليه غاليها انا لو ماكانج ارقص
اي شركه مشتركه ماشاء الله

 

[عنيّد]

تشجعت على هيلث ستوب بس لما شفت تجربة عنيد ما تشجعت @@

انا اشتركت بهيلث كومباني مو هيلث ستوب
وبالعكس اكلهم كان حلو ويشبع واحلى شي ان حلوهم راهي :eh_s(22):
بس ماقدر اقارن اكلهم بغيره لاني ماجربت غير هالشركه

والحياة تجارب هذا الي اعترف فيه عشان جذي بجرب كالوري كنترول ، ماني مكرره نفس الشركه

 

[قطوووة]

انا اليوم طلبت من لو فات .. عشا .. وسحور ..

الحين تعيشت بس ماتسحرت ..

طلبت سلطة خضار مشوية .. وراب ديك رومي << اموت عالتركي .. بالخس مع اني طلبته تورتيا ..

وطلبت اكثر من شغلة .. بس للحين ماذقتهم .. حطيتهم بالثلاجة ع اساس فطور وسحور باجر ..

وبصراحة عجبتني السلطة حيل .. الطعم السموكي اللي فيها احبه ..


شكلي بشترك معاهم .. او اسوي اوردر منهم كل يومين او ثلاثة .. اظن حل وسط .. ونعدي رمضان

والله مادري شسوي بعمري <<<< هذيان وحدة نعسانة

ااااييييييييييييي وطلبت براونيز .. من يصدق هالقطعه اللذيذه فيها اقل من 200 كالوري .. شي عجيب !!

واي عاد اانا من زمان مشتهيه براونيز وحيل عجبني .. متعه التذوق بدون الاحساس بالذنب هههههههههههههه <<<<<<<< متعوب عليها


برب فديتكم

 

[LUXURY]

عنيد
اي اي هيلث كومباني سقطت سهوا وانا اختج من اليوع المخ يشب ويشطفي خخخخخخ
توني طلبت منهم من طلبات قلت بأذوقه
صمونة مسحب حليوه
كلوب ساندويش ماعجبتني
بورفيترول وجيز كيك فراوله حلوين
بس ماتشجعت اشترك معاهم يمكن بالتوصيل غير @@ يكون احلى

مادري
بس انا بعد باشترك بكالوري كنترول بس الحين اسبوعين برمضان حق العيد اضعف
باجرب اكلهم ونظامهم واذا ضعفت والا لا
وسنوافيكم بآخر المستجدات

 

[LUXURY]

قطوه عليج بالف عافيه
عاد هالسلطه مره طلبتها وماعجبتني
يمكن مره عن مره بالطلب تفرق :\
بس المهم ان عجبج

 

[قطوووة]

Luxury

عزيزتي.. انا ان شاء الله خلال الـ 24 ساعه القادمة بنزل جميع وجباتي مع كالورس كنترول واوريج الوجبات الرمضانية ..
تلقينها بيومياتي ..

 

[LUXURY]

حبيبتي قطيوه فديتج مشكووووووره :*
<<<<قطيوه يعني مدلعتج
انا دقيت خذيت موعد السبت ان شاء الله ويمكن على يوم الاثنين يبدون يوصلونلي وجبات لمدة اسبوعين اذا يازلي وعجبني باكمل اشترك شهر عقب العيد باذن الله
عجبني اشتراك رمضان اسبوعين فطور وسحور وسلطه وشوربه وطبق جانبي وصنف حلو ب99دينار
زين كتجربه مابي اقط اكثر الا لما يعجبني

 

[غالية غاليها]

انا دايت كير

 

[عنيّد]

اليوم اختي اشتركت بدينا ولينا ، بعد ماشترك ولد خالتي معاهم وللحين يمدح اكلهم
اشتركت شهر بــ 165 ، طبعا مسوين عرض حق رمضان
المنيو مالهم متنوع والله وفيه وايد شغلات

نظام رمضان : تمر + مقبلات + عصير + سلطه + وجبة الفطور الرئيسيه
سناك فاكهه + سناك حلو
وجبة السحور + عصير

بس انا للحين متخوفه من هالشركه ، عشان جذي قلت بشوف اكلها واذا يازلي احتمااااااااااااااااااال اشترك الحين وابلش بعد العيد

وانشالله بنزل لكم صور اكلها

 

[^^ROSE^^]

عنيد جنه وايد بنات ذموهم مادري عاد جان تسنعوا الحين الله اعلم

 

[frawlah_83]

قطوووه

ترى اكل المطعم يختلف كليا عن اكل الوجبات ملوت الاشتراك اذا تبين تجربين اكلهم اخذي من الثلاجات الي بالجمعيه

 

[عنيّد]

عنيد جنه وايد بنات ذموهم مادري عاد جان تسنعوا الحين الله اعلم

اي هذا الي قريته من البنات ..... بس جنه يقولون تسنعوا
عاد مادري
الايام سوف تثبت

 

[نـعـوومـه]

شكلي بشترك اسبوعين كالوري كونترول :d
بس مالي خلق اسوي تحليل دم افف ._.

 

[مدرسة طفشانة]

يعطيكم العافية بنات
انا ودي اشترك بهالشركات بس محتارة
وين تنصحوني اشترك باي شركة
وعلى فكرة انا ببتدي بعد العيد ان شاء الله
ومشكورين مقدما