شـاركـونا: تجاربكم مع عمليات التجميل

[xxx]

السلام عليكم

نبي هالموضوع يكون مرجع مفيد لتجاربكم مع كل أنواع عمليات التجميل

شفط دهون

تجميل الأنف

تفخ شفايف

.......... الخ


ونبي تعطينا المعلومات التاليه :-

نوع العمليه :
اسم الدكتور:
بأي مستشفى :
التكلفة :
المضاعفات بعد العملية :
نسبة نجاح العملية:
شعورج بعد العملية:


ومشكورين مقدما على المشاركة

 

[bnt q8 in usa]

مشاركة: شـاركـونا: تجاربكم مع عمليات التجميل

انا ببدي

بس مو انا حمات اختي وبنفس الوقت رفيجتي

سوت شفط دهون بطيبه كلينك كااااااااااااااااااان ممتاز وروعه بس للاسف ردت مثل ماكانت تقريبا تدرين ليش
لانه الشفط بحد ذاته عباره عن ازالة الدهون وبمجرد عدم المحافظه ترجع مثل ماكانت

كلفتها 700 دينار مع الاقامه والادويه والشفط كان حق ورا الظهر والازنود

 

[الأميرة]

مشاركة: شـاركـونا: تجاربكم مع عمليات التجميل

الحمدلله مو مسوية ولا عملية تجميل

 

[jolie_q8]

مشاركة: شـاركـونا: تجاربكم مع عمليات التجميل

bnt q8 in usa

عند اي دكتور ؟؟

ومصار لها مضاعفات بعد العمليه ؟؟ الم...تعب ؟

 

[al7anona]

مشاركة: شـاركـونا: تجاربكم مع عمليات التجميل

الحمدالله انا ما سويت عملية تجميل وانشالله ما راح اسوي

 

[xxx]

مشاركة: شـاركـونا: تجاربكم مع عمليات التجميل

مشكورين ......


وين الباجي ؟

 

[bnt_kwt]

مشاركة: شـاركـونا: تجاربكم مع عمليات التجميل

الحمدالله انا بعد ما احتاج ولا عمليه
واذا على المتن نسكر حلوجنا ونضعف اما عمليات فلا والف لا

بس بالنسبه لعمليات تجميل الخشم اعرف وايد سووا في ناس ضبطت معاهم وفي ناس لا
هذا كل اللي اعرفه

 

[bnt q8 in usa]

مشاركة: شـاركـونا: تجاربكم مع عمليات التجميل

اخت جولي ماصار لها ولا شي الحمدالله وسته عند دكتور هشام

 

[xxx]

مشاركة: شـاركـونا: تجاربكم مع عمليات التجميل

الحمدالله انا بعد ما احتاج ولا عمليه
واذا على المتن نسكر حلوجنا ونضعف اما عمليات فلا والف لا

بس بالنسبه لعمليات تجميل الخشم اعرف وايد سووا في ناس ضبطت معاهم وفي ناس لا
هذا كل اللي اعرفه

هلا وغلا عاش من شافج

شخبارج ؟

 

[bnt q8 in usa]

مشاركة: شـاركـونا: تجاربكم مع عمليات التجميل

شوفوا في وحده مسويه خشمها بشيراز بايران بس اضن كلفتها العمليه 350 دينار

بس شنو خشمهااااااااااااااااااااااااااااااااااااااااااااااااااااااااااااا وع وع وع وع جنها مايكل جاكسون اللهم لاشماته

وعندي وحده رفيجتي بس هي كان القصد من العمليه تعديل الانحرام لانه من قوة الانحرام قام ينخفس وينعوي
سوته عند خالد الصبيح بس صج روعهههههههههههههههههههههههه روعههههههههههههههههههههههه وكلفتها العمليه يا 1000 او 800 ماني ذاكره

وجني بسوي انحراف خشمي عنده بس انا انحرافي داخلي موواضح

 

[كويتية بالغربة]

مشاركة: شـاركـونا: تجاربكم مع عمليات التجميل

وانا ولله الحمد ماسويت اي عملية وان شالله مااسوي

 

[رحله عمر]

مشاركة: شـاركـونا: تجاربكم مع عمليات التجميل

بنات ماانصحكم بشفط الدهون لان اذا ماحافظتم على وزنكم ترد الدهون تتوزع فى مكان ثاني وهذا انا شايفته بعيني في وحده مصريه مسويه العمليه في مصر شايله الدهون الى بكرشها بعدفتره ردت الدهون في مكان ثاني في اكتوفها شكلها يخرع صارت كانها حدباء وندمانه حدها انها سوت العمليه

 

[كويتية أمورة]

مشاركة: شـاركـونا: تجاربكم مع عمليات التجميل

انا سويت خشمي عند دكتور اريك بلو بمستشفى المواساة كل شهر ايي الكويت
التكلفة 2000 دينار
ماكو الم ولا مضاعفات ولا شي يتروالي لو شالعه ضرسي جان عورني اكثر
كلش ماحسيت بشي
والنتيجة روعه خشمي يهبل وراحت العظمة اللي ناطة جنها منقار بوحقب خخخخخخخ وحتى التنفس كان صعب شوي الحين الهوى يدش على كيفه
واهم شي شكلي طبيعي في ناس يسوون خشومهم ويبين ويطلع مخفوس ولا مفقوص مادري شلون
انا الحمدالله شكلي طبيعي ولايبين ولا احد لاحظ اصلا
والخياط يكون داخل فتحة الانف مايبين الا اذا احد طل داخل خشمج بيشوف الخياط
عاد منو بيتمقل داخل خشمج!!!!

ويمكن اسوي عنده شفط حق بطني شويونه وفخوذي بس بعد الريجيم
اللي يبقى مايروح بشفطه وافتك



الصبيح رفيجة اختي راحتله اول شي تقول قليل ادب ويتحسس ويتمقل وايد نظراته وصخة
والبنت حلوة صراحة
ثانيا وحدة سوت خشمها عنده تقول شوهه ماعدله
مادري ناس يمدحون وناس يذمون



ايران ماانصح فيها لانه دكتور امريكي قايل انهم يقصون اجزاء حيوية بالانف يصير شكله حلو بس بعد جم سنه تطلع مشاكل بالانف وحساسية واحيانا تفقدين حاسة الشم

 

[miss_math]

مشاركة: شـاركـونا: تجاربكم مع عمليات التجميل

بنات بارك الله فيكم لا تنسون ان عمليات التجميل تغير لخلق الله
واهيا محرمة اذا كانت لسبب الجمال اما اذا كانت بسبب حدوث تشوه حاد بسبب حادث او غيره
اظن اهنيه تكون جايزة

 

[Miss_Tiger79]

مشاركة: شـاركـونا: تجاربكم مع عمليات التجميل

اتصدقون انا ودى اتفخ خدودي بس خايفه ايسوى اورام بعدين واول شي بعد حرام
لانى ضعفت وايد وصار ويهي مافيه خدود ومابى امتن عشان تطلعلى خدود ريلى مو راضي امتن

 

[بنت البذال]

مشاركة: شـاركـونا: تجاربكم مع عمليات التجميل

السلام عليكم

حبيت انقل لك تجربتي مع انفي لكل محتار بخشمه
بالبدايه كان خشمي كبير شوي وعوي جدا و بسبب اعوجاج الحاجز الانفي اللي كان مسببلي مشكله بالتنفس وكنت وااايد افتشل من شكله خصوصا لما احد يطالع ويهي لان ويهي حلو بس مخرب علي خشمي وكذلك فتحات خشمي وحده غير عن الثانيه وكذلك خذيت راي علماء الدين ..هناك بعض العلماء اجازوا التغير .. بشرط ... اذاكان هناك تشوه في الوجه او كان منظر الانف او غيره يجلب السخرية من بعض الناس و اذا كان شكل الانف سابقا موحش وبه تشوه ومخالف للعادة فقد اجاز بعض العلماء بالتغيرولديهم الادلة الشرعية وهم علماء موثوق بهم بإذن الله اما اذا كان العيب بسيط ولا يدعوا الى التغير ومتماشي مع المظهر العام وبما اني كنت متضايقه جدا من الاعوجاج اللي في خشمي وهالشي يأثر على عملية التنفس وثاني شغله هالعمليه بالذات مالت تعديل الحاجز الانفي اهي تعتبر بالضبط نفس خطوات عملية التجميل يعني مستحيل تسوين الحاجز من غيرتجميل وكان شكل خشمي يزعجني ايضا لذلك ليش اروح حق اي دكتور يسويها؟؟؟ ليش ما اسال الناس اللي مسوين بالاساس تجميل واحل مشكلتي بطريقه حلوه؟؟؟مع الوضع بالاعتبار ان الخشم يعتبر واجهة واول شي يلفت الانتباه بوجه الانسان ليش اروح حق دكتور بدال مايعدل يخرب؟؟؟؟؟ لذلك
وبعد حيره واسأله كثيره قررت اني اسوي عملية تجميل حق خشمي ولكن السؤال منو اأفضل الدكاتره عندنا بالكويت وكان هذا السؤال اللي دايما اسأله للبنات اللي معاي بجامعة الكويت خصوصا اللي يداومون بعد العطله وخشومهم مربوطه باللزاق مال التجميل ودايما كنت الاحظهم بعد مايشيلون اللزاق واشوف خشومهم رووووووعه فقررت اسأل كل وحده يعجبني خشمها عن الدكتور اللي سوالها العمليه فكان الجواب الدائم هو (الدكتور جمال منصور الحربي)
فقررت اني اروحله واسوي العمليه عنده وبالفعل سويتها والحين ولله الحمد التنفس تماااام و خشمي صار احلى من الشكل اللي كنت اتمناه والدكتور فعلا ماقصر معاي بيض الله ويهه وبصراحه كل من يسألني عن خشمي وادليه على هالدكتور والله انهم سيده يقتنعون ويسوونها عنده لان النتيجه جدا حلللللوه ووالله ياجماعه ماتتصورون اشكثر ادعي حق هالدكتور لانه صج ردلي ثقتي بنفسي وبجمالي وعلى فكره انا سويت العمليه قبل 7 شهور ونص وسويتها بألف وثلاث اميه والسعر هذا يشمل اجور المستشفى والغرفه ولو يرد الزمن هم ارد اسويها عند نفس الدكتور
وأي وحده او واحد يحب يسوي تجميل حق خشمه لاتروحون عند احد غيره لانه مو بس دكتور عادي لااااااا أهو فنااااااااااااااان خشوم الله يسلملي ايده ودكتور أمير بأخلاقه وحسن تعامله مع المرضى

 

[xxx]

مشاركة: شـاركـونا: تجاربكم مع عمليات التجميل

مشكورين على المشاركة

 

[كويتية أمورة]

مشاركة: شـاركـونا: تجاربكم مع عمليات التجميل

بنت البذال ياحليلج كاتبة موشحة بالدكتور هههههه
انا الحربي اعرفه حق انف واذن وحنجرة بس مادري عن عملياته والتجميل وكذا


Miss_Tiger79
لابغيتي تنفخين خدودج خل ياخذون شحم من جسمج ويردون يحقنونه بويهج هذي أأمن طريقة ماكو شي صناعي كله من جسمج



همس الوله
معاج حق وكلامج كله صح لكن انا كان عندي انحراف بالحاجز الانفي ومسكر على الفتحة اليمين بخشمي مايدش فيها الهوى عشان جذي عمليتي حلال انا ساءله عنها

 

[دكتوراة بالذوق]

مشاركة: شـاركـونا: تجاربكم مع عمليات التجميل

جمال الحربي اشهر من نار على علم في تجميل الانف ...


بس انااا ودي اسأل عن نفخ الوجة تجاربكم .... وينها خلونااا نستفييد...

 

[كويتية أمورة]

مشاركة: شـاركـونا: تجاربكم مع عمليات التجميل

بنت الاحمدي انا شفت وحدة تافخة خدودها تخرع ويهها صاير طمباخية شدعوه جذي؟؟؟
وهي عاجبها بس انا ماحب الويه جذي جنه كرة
فاذا رحتي تتفخين قولي للدكتور يحط شوية لانه اذا وايد بيصير راسج عود ومتفوخ يخرع