شــريـــته بــايووجــي

[s_m_r_al]

هلا قمري ... حيااج عاااااااااد اناا فضيعه والله العظيم علي شهيه خخخخخخخخخخخخخخ موطبيعيه ممكن اكون توني ماكله ارد اكل عادي استغفر الله


بس هذاا عجييييييييييييييب والله العظيم يسدها حيللل تحسين بجوووع بس موووووووو نفس قبل يعني 80 % مسدووووووووده انجاااز
لانه انا صراحه 100% مفتوحه شهيتي...




نرجع ليومياتي

طبعاا انا اكلت حبتي ست الاا ربع بس ما اشتهيت اشرررب شي قعدت لي 8 الصبح وسوويت لي نسكافيه مع البايوجي وشربتهم



وقعدت لي 10 رحت سووويت لي 2 توست ( حطيت داخل جبن مالح مع ( بيض قليته وحطيت كمون وفلفل اسود وشووي ملح) وحطيتهم بالشوايه مالت التسوووت واكلتهم مع كولا زيروووو الحمدلله اللحين مو جوعانه .. وقلت للخدامه تسووي لي دله ( زنجبيل +ليمونه نصها+حبه حلووه +كمون + دارسين +مرميه +اكليل الجبل) وبشررربهم بعد شوووي

اي وصدق بعد البايووجي شرربت تقريباا 3 قلاصات ماي


ونوافيكم بالاخبااار خخخخخخخخخخخخخخخخخخ

 

[ربي يفرج لي]

موووفقه ياحياااتي وانشالله توصلين للوزن اللي تبينه بصحه وعافيه يارب
ودي اجربه بس حييييييل خايفه ؟؟؟

 

[a7la MUM]

انا بعد والله بخاطري اجربه بس خايفه انزين مايضر انا توني ماصارلي شهرين مسويه عمليه المرارة يعني شايلينها بكبرها عادي استعمله مايضر لان من هديت الرجيم وانا منهده عالاكل شي مو طبيعي بس اكر اني اكل اففففففف
عاد توني والده والكرشه تهبل تبارك الله خخخخ

 

[s_m_r_al]

قبلــه البدوان ماقصــرتي ياااقلــبي ولاهنتي على المرووور




احلى ماما هلالالا ومرحبااااا شوووفي والله مادري انتي توج مسوويه عمليه انتظري على الاقل ست شهوووووور .... عشان الجسم يرد له صحته الطبيعيه لانه جسمج فاقد الحين اشياااء كثيره .... مانصحج انتظري


طبعااااا اكمل يومياتي



امس يااطويللات العمر مو قلت لكم اكلت توستين

بعدها سويت لي دله الاعشاااب وشرب كوبين



بعدين قعدت والعصر طلعت السوووق ما اكلت شي وانا راجعه اخذت لي عصير كيوي اناناس


وبس جيت البيت حطيت راسي ورقدت





نجي حق اليوم توني قاعده قبل شووي اكلت حبت لغده




وقعدت شووي بعدهااا انا امس مسووي لي عشرج خخخخخخخخخخخخخخخخخخخخخخ


لانه انا انساااااااانه معاي امسااك مزمن من سنيننن



المهم زطيت لي قلاص عشرج ههههههههههه ويع يااطعمه ودي ارجع



المهم وقعدت امشي واتحرك عشان تعرفوون ههههههههههههه >>>>>>> لوعت كبدكم صح


المهم انا مقررره اني لالالالالالالازم كل اسبووع اسووي لي يووم فررررررري عشان انا اعرف نفسي ما اقدر استمر اسبووع لازم اخووورها
بما اني الاسبووع هذا كنت بنت حلوووه ومنتظمه بكافى نفسي باليوم الفري اللي هو اليوووم



عشان كذا ما راح اشرب الباايوجي اليوووم بس بدلت بعشرج يعني اليوم اللي راح احطه فري رااح يكون بدايه عشرج خخخخخخخخخخ خوووش فري صـراحه ..


المهم :

دقيت على المطعم .. طلبت واحد ماعون مشكل مقالي+حمص+بيض طماط


ولحد اللحين ماجا وباكل منهم اليووووم باخذ رااحتي شوووي باكل الاكل اللي بخاطري بالمقااابل ترى بسووي دله الاعشاااااب بشربها اليوم



يالله اللي يبي يتشجع خل نصير مجموعه


اي بنات والله والله والله


انا خايفه اكتب اخاف انصك عين ههههههههههههههههههههههههههههههه



انا بديت السبت حلوووو واليوم الخميس.... كان وزني 88


ماشــــــــــــــــــــــــــــــــــاء الله تبارك الرحمن ولاحول ولا قوه الاا بالله

مااااشاااء الله اذكروو الله تفكووون


اليوم 86 الحمدلله كليووين حلووووووووووين حيل حلوووين


اول الغيث قطره كليووين على كليوووين يصيرون 30 انشاااء الله يالله ترى بدوووووووووون ريااضه والله ماتحرك مغير منسدحه


بس اناقررت من بكره اذاا رديت شربته


ببدى ريااضه لانه حلوو مفعوووله كيلوووين بدون رياااضه والله عجيببببب


قبل كنت اكل ريديكتيل وعقب الشين مع ريااااااااااااضه كان ينزل كيلوين واذا بدون ريااضه والله مانزل شي



فعشاان كذاا عجبني هذااا ادري قرقرت واجد ياالله اخليكم هههههههههههههه

 

[Q8stylle]

up up

 

[s_m_r_al]

يسلموووووووووووووو على up
up
up

 

[missdreamer]

عدنااااااااااا
من امس ابي ابطله ما يتبطل !! انا بس لما اكون بالدوام اقدر ادش ولما ارجع البيت حزه العصر لي بالليل كله معللللللللللللللللللللق شي يقهر
ما علينا

اذكر اني قلتلكم عن الاعراض الي صارت لي من بديت اخذ بايوجي ولحد الحين بلعومي يعورني =______= وقلبي يراقع

نزلت كيلو ونص

وان شاللـه انزل بعد

 

[s_m_r_al]

هلالالالالالا ومرحبااا


جمــعه مباااركه يااارب


رجعنا لكم بعد امس اليوم الفري طبعا مارااح اقوول امس شنو اكلت هههههههههههههههه بس اكلت امس ماعلينا



اليوم قمت من النوم الساعه 11 اكلت حبه الغده 200


صليت بعدها
سويت لي ماي حار وحطيت نص ظرف نسكافيه 3 في 1 وحطيت ظرف بايوجي

وشربته ولحد اللحين قاااعده


اي وبعد شوووي بروح اسووي شووربه السلوووري

امس شريت اغراااضهاا خخخخخخخخخخخخخخ


الله يسااعدنا ياااااااااااااارب ونضعف بصحه وبسلالامه


موفقــيـن وتاابعو يومياتي يا الغالياات

 

[@شمس الضحى@]

هههههههههه موفقه
حلوو اسلوبج وشرحج

 

[s_m_r_al]

هلا ومرحباا حيااج شمس ..


نرجع امس الجمعه سويت شوربه السلري بس بطريقتي الخاصه ...

وبكره اسجلها لكم ...

شربت تقريبااا صحنين .. بس مو متروووسين ...


بعدها الممغرب اكلت توست مع بيض وجبن وبيبسي دايت ...


وبعدها بليل اخر الليل طالبين عشى مشويات اكلتها بس ما كثرت وبس ...


وقعدت اليوم وشربت بايوووجي وبعدهاا اكلت توستين جبن مالح بس مع بيبسي ...

وبس اللحين ما اكلت شي .... ولي رجعه اسجل المعلومات اكثر لاني مو بالبيت ارجع اسجل كل شي براحتي ....

 

[b6a6ah]

هووووووب هووووووووب
وانا بعد وياكم
اليوم صارلي اسبوع من استخدامه بس بنات ما نزل وزني قلت عيل ماراح اوزن الا لما اخلص العلبه
موفقيين يا حلويين

 

[ملّوي]

ماله مضار؟؟

 

[s_m_r_al]

هللا بالحلوين اللي انضمووو حياااااكم ويااااي

والله اختي مادري عن اضراره اخذناه والبااقي على الله


طريقه الشووربه اللي انا سويتها يا الغاليــات



7 اعواد سلــري

4 بصلات
نص فصه ثوم
ملعقتين شوفان كويكر
نص ظرف شوربه ماجي بالدجاج
5 ورقات ملفوووف


تقطع المقادير التاليه كلها قطع صغيره
اول شي نجيب قدر ونحط فيه شوووي زيت الذره بعدين نحط البصل ونحمس شوووي بعدين نحط الثوم ونحرك
بعدين نضيف ملعقه كمووون صغيره +نص ملعقه فلفل اسود ونحركها بعدين نضيف الســلـري +الملفوف ونحركهم ونحركهم لين شوووي تحسين ذبل... بعدين نضيف ماي لي نص القدر يعني نغطي الملفووووف والسلري بالماي

ننتظر 10 دقايق بعدين نظيف نص ملعقه ملح +ظرف الشوربه + ملاعق الكويكر

ونتركم تقريبا 10 دقايق ونحرك +++ وبعدين نشووف الماي اذاا قل نضيف عليه يعني ما نخلي الشوووربه ثقيله حيل ....


وذوووقي الملح اذاا مو عاجبك زيدي ... اتركيهم شووي لين تشووفين الكويكر ذاب

بعدين نتركه شووي يبرد

بعدين ناخذ الخلاط ونحط فيهم كل الشوربه ونخلط لين تصير ناعمه

بعدين اصب لي في صحن بعدين اضيف عليها عصره ليمووونه واكلهاااا يمي يمي يمي والله العظيم لذذذذذذذذذذذيذه قبل كنت اسووي الطريقه الثانيه يييييييييععععع اللي يكبتونها بالمواقع غلط بغلط كانت استغفر الله شي ماينوصف والله لدرجه اني سويت هذي وكنت خايفه تطلع مثلها بس الحمدلله طلعت حلوووه


وعليكم بالعافيه ياا الغاليات :

ترى اليوم قمت واكلت بحبه الغده بعدها شربت بايوجي
بعدها بنص ساعه كذا اخذت لي 2 توست بجبن مالح ومع بيبسي دايت+
وقعدت الظهر اكلت تقريبا 5 حبات رقي
وبعدين العصر اكلت شريحتين توست مع جبن وسلطه تبوله بدون برغل مع بيسي دايت

هههههههههههههههههههههههههههه بس خربتها قبل شووي كاان حر وموووت ورطوووبه واشتهيت بررررررررريد اكلت 2 لولو ههههههههههههههههههههههههههههههههههههههههه والله خربته لاا لاا لاا بعد شووي بسوووي قلاص اعشااب وبلعب ريااضه حرام شنو هذا الفسااد 2 والله اني ظالمه ...

المهم يله وين البنات همتكم

 

[حكستار]

ودي اجرب بس اخاف من هالمنتجات.....
الله يوفقج حبوبة

 

[b6a6ah]

صجججج خربتيييهاا لووووووووووول عالاقل جان كلتي واحد بس ههههه عوافي انشالله
ذكرتيني بالسلاري وايد زيين يحرق سعرات ويمشي البطن
بنات انا آخذ البايوجي مع عصير اناناس لان ماحب النسكافيه عادي ولالا ؟

 

[تفداج روحي]

السلاااااااااااااااااااااااااام
بصراحة انا ودي اشتري الحبوب من بايوجي ونتايجج تشجع انشالله
وماشالله عليج حبيت سوالفج
شرايج اخذ الحبوب؟؟؟ بصرااااحة استخدمت سيبوترم حدددده مانفع مع شهيتي القتااااااالة والله يعين
شرااايكم؟

 

[@style@]

اهلين بنات انا متابعه وبايوجي اتفلت عليه من ولدت بس حايشني احباط من كل شي احس ما مني فايده بس شجعتوني وباجر الصبح بدق اطلبه وببلش فيه من يوم الاثنين اذا وصلوه لي الاحد والله كريم يارب اضعف قبل السفر انا بس ابي اقط 5 كيلو ابي هالكنكريت يتحرك جسمي مو راضي ينزل ​

 

[s_m_r_al]

هلا ياا الغاليات ابي احد يطقني هههههههههههههههههههههههههههههه

امبيه لاا مو صج انا اليوم خربتها عدل ماشربته تدرون ليش قلت اليوم في عزيمه كبيره مالت على مادري ليش ماشربته

قلت لاا باكل من الحللا والفطاير سوالف مادري شفيني امبيه لالالالالالالالالالالالالا
بس من بكره انشااااااااااااااااااء الله برجع اشررربه ..... وبصير خووش بنت ...


مادري والله عن الحبوب ماجربتها ياالغاليه ؟..

وبالنسبه للعصير سمعت يقوولوون عادي ... احلى عيون تقوول عادي مع عصير او نسكافيه انا جربت نسكافيه حلووو ويسد النفس صرااحه

طبـعا اليوم ماراح اكتب يومياتي خخخخخخخخخخخخخخخخخخخخ لاني ببدع اليوم بالعشى في عزيمه ...

بس انشااء الله من بكره راجعه وبقوووه باذن الله


وحياااااااااكم يابنات معاي

 

[تفداج روحي]

علييييييييج بألف عافيه
انا عادي عندي ماراح ازفج ولا راح اطقج
بسسسسس حرام عليج استمري عليه عشان النتيجة وشربييييي ماي واااااايد

 

[L.a.v.e.n.d.e.r]

ان شاء الله تنزلين بصحة وعافية

بس ترى سمعت ان مو زين تشربينه مع القهوه