شلون أشتري بيت ؟؟ واللي يعافيكم شاركواا ؟؟

[&عبير الشوووووق&]

مشاركة: شلون أشتري بيت ؟؟ واللي يعافيكم شاركواا ؟؟

صاجة واللة جورية مستحيل تشترين بيت بدوووووووون قرض لاااا قولى قرووووووض مو قرض واحد


بس انا اقول ليش ما تنطرون طلبكم وبعدين يمدحوووون مدينة جاااااااااابر لا تطوووفكم

 

[@ الرسامة @]

مشاركة: شلون أشتري بيت ؟؟ واللي يعافيكم شاركواا ؟؟

كااااااااااااااني




تعالو اهني

كيف تجمعين ثروة مالية باقل جهد ممكن ( عندج كمبيوتر ؟؟؟ ) اذن فمع @ الرسامة @ انطلقي 0

 

[ام الحارث]

مشاركة: شلون أشتري بيت ؟؟ واللي يعافيكم شاركواا ؟؟

يللا ... وينج يا الرسامة ..؟؟
ناطرينج على أحر من الجمر ....

 

[@ الرسامة @]

مشاركة: شلون أشتري بيت ؟؟ واللي يعافيكم شاركواا ؟؟

ام الحارث ضغطي على الرابط

 

[أم جوري]

مشاركة: شلون أشتري بيت ؟؟ واللي يعافيكم شاركواا ؟؟

اقول ....
شنو ضيقة الخلق هذي
ايش رايكم نكتب عريضة ونوديها لصباح الأحمد او مجلس الأمة يشوفون لنا حل ... حرام عليهم اللي قاعد يصير فينا الحين حتى الايجار صار نار ومو لاقين مكان اوسع نسكن فيه
ها شرايكم ؟
بس يخلصون سالفة اسقاط القروض نقول لهم شوفو حل للموضوع هذا او تنطروني لما ارشح نفسي للانتخابات واطالب بحقوقكن بس انتوا عطوني صوتكن فاضية

 

[@ الرسامة @]

مشاركة: شلون أشتري بيت ؟؟ واللي يعافيكم شاركواا ؟؟

أم جوري

يالله على ايدج يا مرشحتنا
بس خوفي انرشحج بعدين اتسوين فينا مثل ما سوت معصومة

 

[أم جوري]

مشاركة: شلون أشتري بيت ؟؟ واللي يعافيكم شاركواا ؟؟

مالي شغل بمعصومة ان أم جوري والأجر على الله , رشحوني وما لكم شغل

 

[@ الرسامة @]

مشاركة: شلون أشتري بيت ؟؟ واللي يعافيكم شاركواا ؟؟

يالله انا ارشحج

 

[شهدQ]

مشاركة: شلون أشتري بيت ؟؟ واللي يعافيكم شاركواا ؟؟

لاتخلوني ابكي انا بيتي باام الهيمااان وكنت ناويه اقعد فيه سنه اوسنتين بالكثير ونبدل على 10 او 15 الف بالكثير هذا قبل لاتطلع سالفة التلوث وتطيح سوقها الحين التبديل اقل شي ب25 الف صج وهقه انقهرت لاني بالسماء ولا بالارض شالحل ؟؟؟؟ انقذوني

 

[@ الرسامة @]

مشاركة: شلون أشتري بيت ؟؟ واللي يعافيكم شاركواا ؟؟

الله يعينج



بس على الاقل عندج بيت

 

[د.شريفة]

مشاركة: شلون أشتري بيت ؟؟ واللي يعافيكم شاركواا ؟؟

انا ميته اشتري بيت واقول ابي ايمع لي راس مال كدفعه مقدمة لبيت التمويل
بس العقار نار
وماني قادره ايمع دينار
والله العظيم
يعني الف والا الفين شنو يبون يسوون
لازم على الاقل يكون عندج دفعه لا تقل عن عشرين الف واكثر بعد
مع القرض بنك التسليف ومع قرض بيت التمويل وعلى معاشاتنا بيت بقيمة 110 وين هالبيت اللي بالقيمة هذا
مستحيل
قلت بشوف بالقرين والا صباح السالم طلع البيت الحكومي مو قسيمة لاتقل عن 140 عاديه من غير اي مواصفات


دمتم سالمين
اختكم شريفة

 

[شهدQ]

مشاركة: شلون أشتري بيت ؟؟ واللي يعافيكم شاركواا ؟؟

حبيبتي اذا القسايم بام الهيمان وصلت 160 الف تبين بالديره داخل ؟؟!!!

تحمدو ربكم اذا لقيتو بيت حكومه

 

[@ الرسامة @]

مشاركة: شلون أشتري بيت ؟؟ واللي يعافيكم شاركواا ؟؟

شنسوي بعد

والله بنات انا كل ما فكرت بهالموضوع يضيق خلقي

خل اسكت احسن

 

[كيوت_25]

في الحين بفندق الشيراتون معرض عقاري يمكن يفيدكم والله يوفقكم:eh_s(6):

 

[@ الرسامة @]

كيوت حتى لو رحت وشفت بموت من القهر البيوت يبيلها مقدم

 

[أم طه الحولة]

اي والله صدقتوا يا بنات الموضوووع لا يطاق وايد صارت الدنيا غالية وخاصة الكويت شي فظيع ... اللي بالجابرية اول ماتزوجت خذت دوور ب400 دينار الحين سألنا عن نفس المكان اللي كنا ساكنين فيه ولا ....















750 دينار ايجاااار شهري

شدعواااااااااااا !!!!!!!!!!!

 

[mooomooo]

والله يا بنات هالطاري يعور القلب

بصراحه ابي بيت وبخاطري بجنوب السره <--- حلمي احسن لج

وهذا اللي قاعده اسويه احلم هخخخخخخخ

واحمد ربي واشكره المهم اني بصحه وعافيه والحمدلله
عيالي عندي ريلي عندي اهلنا بخير الحمدلله على كل حال

ومالنا غير ربنا يا بنااااااااات


في وحده تسولف ذاك اليوم تقول ان وحده تصير لها كانت تدعي كل خميس
دعوه ومره من المرات نست تدعي فياها بالحلم شخص وعطاها مسباح من لولو

المهم اكتشفت انه لازم تدعي دعوه ثانيه مع الدعوه الاولى

عقب فتره صارلها 3 شغلات كانت تحلم فيهم

1- شرت ارض وكان من المستحيل انها تشتري

2- ريلها طلع بعثه وكانت تمنى هالشي

3 - ماتذكر البنية

صج الاسعار نار واذا عندي اكيد بشتري واذا ماعندي مالي غير ربي
واذا ربي كاتبلي بيت الحكومه الحمدلله خيرة لي ولعيال:eh_s(22): ي



الله يرزقنا بالصحة والعافيه ويخلي عيالنا ويهدينا ويهديهم

 

[كويتية أصيلة]

طبعا انا داشه لقافه

ولا انا اصلا احلم بالبيت مو افكر

لا اصلا احلم اني افكر باني احلم بالبيت هههههههه

الرسامه انزين فكرتي بالودايع مالت بيت التمويل؟؟

يقولون تطلع مبالغ زينه منها تيمعين ومنها اهما يشتغلون بفلوسج

 

[رقي]

قاعده اقرا كلامكم واغلي
انتو الظاهر مو عايشين بالكويت
انا قبل اقل من 6 اشهر كنا بنشتري بيتب220 الف
والحمدلله زين المبلغ علينه لانه ريلي توه وارث
وبنأجره ونتم مكانه
تدرون لما يينا نشتريه يعني لما مشينه بالاوراق
زاد سعره خمسين الف
يعني صار ب275 ريلي بغا يموت
هونا والحين ننطر
ريلي يعرف ناس يشتغلون بالعقار ومن كباريتهم
يقولوله العقار اذا ارتفع عمره ما ينزل
يوقف سعره ئيه بس ما ينزل

 

[لوكريسيا]

و الله يا حلوات مشكلتي و مشكلتكم وحدة بس ما أقول الا الله كريم بنطر قسيمة الحومة اللي مادري وين بيذلفونا شكلي اذا بنيت القسيمة بأجرها كلها و بسكن بدور كبير و أرضي و بعدين بعد عمر طويل ببيع البيت و أشتري بيت أقرب شوي " أحلام في أحلام"