شنو الاكل اللي ناخذه والاطباق اللي نسويها بالسفر...حياكم

[مشتطة وبس]

مرررررررررررررررحبا...............طبعا مانصير كويتيين ولا خليجيين اذا ماخذينا جنطة كاملة (ماجلة) يعني مؤونة بالفصحى ... معلبات على تونة على عيش .............المهم اللي يكفينا مع العلم ان اكثره يضل ما يستخدم !!!!
المهم اشرايكم نستعرض بعض الاكل اللي نحرص ان نوديه ويانا خصوصا للدول الاجنبية ... وموووبس جذي ابي شنو الاطباق اللي ممكن نحضرها هناك حتى لو بسيطة .. مشخول على مموش -على سندويشات غريبة تسد الجوع ... شرايكم بنات نتفاعل كل وحدة تكتب اللي عندها وتتشهى على كيفها ....................يالله ياحلوات :eh_s(8):

 

[أمانيQ8]

انا ريلي مايرضى نجره انا وياه مايرضى اخذ ماجله يقولي شنو رايحين صحرا ولاديره مقطوعه لووووووووول
المهم من جم يوم طحت على شي بمركز سلطان في اكل بكراتين جاهز ومطبوخ ولايحتاج تحطينه بثلاجه عادي بالكبت انا جربت العدس منه وفيه فلفل هذا طريقته الله يسلمج مطبوخ صح وامغلفينه انتي اطلعينه من الكرتون واتنقعين الجيس بماي حارفمس دقايق بعدين فتحيه وحطيه في بايركس وبعدين سخنيه بالمايكرويف ...بس انا المايكرويف بصراحه عطيته ناس محتاجينه ...فااشسويت عقب ماسخنته واهو امغلف فتحته وحطيته بمقلى وسخنته عادي بصراحه لذييييييييييذ وايد وفي اشكال وانواع بس اختار اللي تبينه

 

[om_7sin]

الصرااااحة الموضووووع رووووووووعة انا من شروط ريلي للسفر اني اطبخ وانا ولا مرة مجربة باروبا يني مجربة بالعمرة والبحرين بس هالسنة بروح اروبا وحاجزة شقق واول شي سويتة شريت الجدر الي عالكهربا وشريت خلاط صغير ياريت البنات يفيدونا

 

[om_7sin]

اماني q8 انا سامعة انه في بجمعية الجابرية مرق شبزي ومرق قيمة معلب يقولون وااايد حلو بس انا ماجربتة وانا ببتدي بحط الاشياء الي باخذها وحدي محتارة لان معاي عيالي اول شي باخذ حليب نان حق بنتي وباخذ جم علبة. كورن فليكس حق الطيارة وصمون وجبن قلاص وولدي يحب اللبنة بشتري البنة الصغار انزين بنات شسوي اذا باخذ حليب حق بنتي بالطيارة يدخلوون ولا لاء؟؟؟

 

[مشتطة وبس]

ردودكم عجيبة ............... خوش تفاعل ..اماني .. الشبزي عجيب فكرته بس لازم نجربه قبل
ام حسين... اتوقع عادي الحليب يعتمد جم ساعة الطيارة ودي المقسم احسن وودي مميتين وحدة تبردين فيها الماي ووحدة فاضية ومطارة ماي طبعا ........... تبين الصراحة انا لايمكن اودي ياهل وياي ولدي بخليه عند اختي لا يفهم ولاشي ... بس كل واحد وظروفه يمكن صعبه عليج ....بس الله يسهل امركم انشالله

 

[الكادي 1981]

موضووع حلووو .... بالنسبه لي ولا مرة جربت اطبخ بالسفر لاني انا وزوجي عاادي ناكل شي

 

[باونتى]

أنا حبيت اقولكم شنو صار معاي العام لاني توهقت , الله يسلمكم العام رحت سويسرا وزوجي الله يهديه ما خلاني أحط ولا شي وكل ما حطيت أجبان قال شيلي حطيت اندومي قال شيلي .. المهم سفرتنا كانت يوم الجمعه وما وصلنا الا السبت الظهر, واستلمنا الشقه علي الساعه 4 وثاني يوم الاحد رحنا السوبرماركت ولا مصكر امبيييه شنسوي وانا معاي يهال وما عندى لا صمون ولا جبن ولا شي , رحنا السنتر في انترلاكن ندور علي سوبرماركت مااااكووو يومها اليهال تريقوا بطاط وكاكاو لي حزة الغدا رحنا مطعم عشان جذي هالسنة باذن الله تعالي كل شي بأخذ معاي حتي لوو ما نستعمله خذيت درس قووي

 

[مشتطة وبس]

أنا حبيت اقولكم شنو صار معاي العام لاني توهقت , الله يسلمكم العام رحت سويسرا وزوجي الله يهديه ما خلاني أحط ولا شي وكل ما حطيت أجبان قال شيلي حطيت اندومي قال شيلي .. المهم سفرتنا كانت يوم الجمعه وما وصلنا الا السبت الظهر, واستلمنا الشقه علي الساعه 4 وثاني يوم الاحد رحنا السوبرماركت ولا مصكر امبيييه شنسوي وانا معاي يهال وما عندى لا صمون ولا جبن ولا شي , رحنا السنتر في انترلاكن ندور علي سوبرماركت مااااكووو يومها اليهال تريقوا بطاط وكاكاو لي حزة الغدا رحنا مطعم عشان جذي هالسنة باذن الله تعالي كل شي بأخذ معاي حتي لوو ما نستعمله خذيت درس قووي

امبي .................نفس اللي صار لي تقريبا بس بشانغ ماي طبعا اهي تابعه حق بانكوك وانا متعودة اروح هناك وعارفة الوضع بس شنغ ماي اول مرة ..طبعا كنت انا وزوجي وعيالي واخواني الصغار ... طبعا الاكل يلوع الجبد ماينوكل ........... لدرجة مرة بجيت من اليوع تخيلو 6 ايام ريوق وغدا وعشا ماكدونالدز ...حتى الريوق قهوة وكيكة .. لان بوفيه الريوق بالفندق ماينوكل كله حشاكم لحم خنزير ... وسي فوود

 

[مشتطة وبس]

موضووع حلووو .... بالنسبه لي ولا مرة جربت اطبخ بالسفر لاني انا وزوجي عاادي ناكل شي

معشوقة وايد حلوة الصورة اللي حاطتها ...
بس بالنسبة للطباخ انا ولامرة طبخت بس هالمرة بجرب لاننا انشالله مطولين شوي .......وبعدين نوعا ما توفرين

 

[om.aboodi]

والله انا اهم شي عندي العيش وخلطه الكبسه حلوة ومعجون الطمام وماستغني عن ماجي وطبعا صمون وجبن واهم شي علشان مانغسل الصحون وايد مع انه الخدامه وياي بس احسن الصحون والقلاصات البلاستيك وشاي طبعا مهم جدا وحليب اليهال وامممممممممم بعد شنو هذا اللي يحضضرني واي جديد بضيفه

 

[In Geneva]

موضوع حلو ومفيد
برجع بإذن الله وبحط تجربتي معاكم

 

[am mariam]

اي والله أخذوا معاكم عشان لاتوهقون

 

[HaYoOoMa]

والله اههم شي اللبتون وحليب بوقوس ماستغنى عنه وشكر وسوالف طقطقه حب وبسكوت وشابوره وككاو وكورن فليكس واندومي وبس
اهناك مشتري بس عصاير كلينكس ماي جذي وبس

غدانا وعشانا برا والريوق بالفندق
والطقطقه حق السهر واساسا حتى سوالف العصاري هناك بكافيهات احسن بحكم اننا انا وزوجي بس

بس باخذ هذول احتياط

 

[الأميرة جوري]

وااااااااي انا احب اخذ معاي بس ريلي دوم يخانق احنا رايحين نستانس ونتمشي وونذوق مطاعم واكلات الدول كله طالعين شحقه ناخذمعانا احسن نقعد بالكويت...بشوف طريقتكم يمكن اخذ اندومى راح عن بالي بخشه ههههه

 

[شهرزاد الحكاية]

ابيه والله بنات نفس حالتنا انا ابوي جذي يعصب مايرضى ناخذ معانا اكل ... يقولون شدعوه منتو ميتين من اليوع ...

اولت العام رحنا هونغ كونغ والصين الله لايوريكم متنا من اليوع . ماكو اكل خبز ماكو لوما اخر الايام اكتشفنا كارفور وشرينا لنا بسكوت و جبن ...

والسنة اللي طافت باليابان تعلمت درس خذينا بطاطات وبسكوت ومكسرات نفعونا والله مع انهم زادو شوي بس هم تعذبت انا اموووت على الشوربة ومالقيت عندهم عيزت افتر من مكان لي مكان ادور مالقيت

السنة ان شاء الله بنروح اوروبا ومخططة اخذ اندومي و كب سوب لازم ما استغنى عن الشوربة مع بطاطات و كاكاوت وابو قوس
الله يعينا على زف ابوي اكيد بيعصب ... بس عقب ماقالت باونتي عن وهقتهم في انترلاكن خفت انا ان شاء الله بروح انترلاكن ... اخاف اتوهق كلش مو شي ​

 

[شهرزاد الحكاية]

اي باخذ جبن كرافت قواطي الازرق بعد ... ويمكن شابورة ...ومكسرات اكيد ...يحليلي ماخليت شي ..
شكله ابوي الله يخليه ...ماراح يخليني اخذ شي اصلا ..​

 

[Miss Cherry]

انا اللي اعرفه بمطارات اوروبا ممنوع المعلبات والحليب .. او يمكن بس لندن !!


كل مره نسافر اذا سفرة طويلة ناخذ جنظة ماجلة عيش ومعجون طماط وشوربة وبهارات والقهوة شي ضروري وجبن

 

[جُـلنـار]

خوووووش موضووووع يا مشتطة

أنا في كل سفراتي ... في أشيا أساسية ما استغني عنها ..

أهمها بالنسبة لي ولزوجي ...
القهوة العربية و مستلزماتها .. و التمر الخلاص و الرطب المثلج
حليب كارنيشن .. نسكافيه 3in1 + أكياس أعشاب و جاي و سكر مكعبات ..
جبن كرافت >> وألحين نزلوا منه العصار مثل الكاتشاب .. حده يونس
بسكوت مالح و دايجستف .. كمية بسيطة .. حق اول الايام ..
أندومي حق عيالي .. والصحون البلاستيك وقلاصات الفلين
والسفرة النايلون و توابعها

ممممممم شنو بعد ؟!!!

اذا تذكرت شي رديت لج

يسلمو مشتطة 

 

[جُـلنـار]

بنااات .. ترى مولازم تاخذون كل شي .!!

العيش وباجي لوازم الطبخ والبهارات كلها موجودة ..
يعني اول سوبرماركت تحصلونة بتلقون فيه كل شي ..
اخذوا بس الاساسيات اللي متوقعين انكم ما تحصلونها ..

 

[أمانيQ8]

اي شفت العضوه ام العيال مره تكلمت عن الشبزي وتمدحه بجربه
انا جربت مرق عدس بالفلفل انتاج الهند