شنو الاكل اللي ناخذه والاطباق اللي نسويها بالسفر...حياكم

[الأماكن]

أمبيه ... انا ما احب الطبخ ..السفر راحة ووناسة وبلعة .. مو طبخ و غسيل مواعين

انا و زوجي ناكل اي شي عاااااااادي

 

[أم@الحلوين]

وااااااي انا احب الطبخ بالسفر متعه مرات أسوي باستا وعيش طماط ومرات غيره لان عيالي يملون من اكل الوجبات السريعه طبعاً اجيل من هني شغلات بسيطه التوست وجم نوع من الاجبان والشاي والقهوه وبطاط وكاكاو وبسكوت وتوته ومعكرونيه والباجي اشتريه من هناك .. مو كل يوم نطبخ مرات ناكل من برا ومرات نشتهي نطبخ بروحنا خاصتا الي عندهم عيال

 

[sweet & girl]

حبوبات أنا مسافرة لندن وطبعا راح نآخذ جميع أنواع المعلبات و الأجبان هل راح

يكون فيه مشاكل هناك ولالا ؟؟ حدي متوووهقة بليز وضحوا أكثر اذا ماعليكم أمر

 

[sweet & girl]

و أحب أشكر كل وحدة أفادتنا لأني صج صج أستفدت وااايد لكن استغرب من

الي يآخذون خضرة مثل البطاطا وجذيه و ع العموم ربي يوفقكم ويسهل لكم أموركم

 

[om l3yal]

سويت درب السلامة ان شاالله وعادي اخذي معاج ماعلي اي مشكلة بالمرة

 

[om_7sin]

لاما ناخذ الخضرة اوروبا ابوالخضرة يقولون خضرتهم تينن بس معجون طماط على بهارات وانا باخذ جم علبة فول وفاصوليا وهالسوالف

 

[UNICORNA]

بالنسبه لى اهم شى البهار مثل الهيل والقرنفل والزعفران واللللللخ

وحليب الشاى والشاى والرز والتونه

اما الباقى فأكيد بتحصلينه فى البلد اللى رايحه لها ونصيحه لو انك رايحه فسحه

لا تتعبين حالك اما لو رايحه دراسه امو مطوله شوى فأخذى هالاشياء وبس

 

[مشتطة وبس]

بنات نبي تفاصيل عن مرقه الشبزي المعلبه ؟؟؟؟؟؟؟؟؟؟؟؟؟ صرنا درب الزلق حتى اليريش بقواطي!!!!!!!!!!!!

 

[زهره القرنفل]

مانطبخ بالسفر

 

[أم أنور]

ماكوووووووو شغل اطبخ انا رايحه استانس مو اقعد اغسل مواعين وجدووور
والله ماعندكم سالفه

 

[usgirl]

انا لما سافرت اول مره اوروبا ما اخذت شي لان المطاعمهم تهبل وكافيهاتهم لذيذه
بس لما رحت امريكا علاج ومعاي بيبي طبعا اخذت ماجله وطبخت
يني اذا معاج اعيالج لازم معاج قدرج بصراحه
اذا الله رزقني ورحت سفره بعد ما استغني عن
بو قوس سمون جبن جاي مقرمشات وككاااااااو اندومي مفيده صراحه

بالسفر انا وزوجي ما نقوم للريوق اول ما نطلع ناكل شي خفيف ونقعد نفرفر لي العصر تالي نتغدا بره والعشا اي شي خفيف واغلب الوقت ما نتعشى لان طول اليوم ناكل برد كيك نشبع بصراحه

 

[خلود ام يوسف]

انا دايم اخذ معايا في السفر النسكافية 3×1، الشاي والحليب والبسكوت والقوري الحراري (الغلاية) ، والكواب النايلون مع الملاعق والصحون ، وكياس زبالة( عزكم الله) حجم صغير في طيور الجنة تنباع علي مية فلس الربطة ، والمخمة الصغيرة (المني)هم تلقونها في طيور الجنة ،وعموما اذا كنت ساكنة فندق او شقة هذولي اسعافاتي الاولية في السفر مع كم شغلة ثانية
​

 

[om_7sin]

مشتطة وبس انا سامعة انة مرق الشبزي المعلب موجود بجمعية رميثية والجابرية وهي صناعة ايرانية

 

[مرايم2009]

احنا يوم سافرنا المانيا اخذنا معانا الجدر الكهربائي واخذنا معانه فواحه البيض عجييبين لان فندقنا ماكان معاه ريوق وانا ناس نمووووت على البيض لووووول وسوينا بالجدر الكهربائي برياني خضار عجيييب وحده سهل تحطين بالجدر كيه العيش المطلوبه وفوقه البزاليا المعلبه بعد ماتفرغين الماي وشرينا من جمعيتهم جزر وبطاط وقصصناه وحطيناه على العيش واحطينا عليه خلط البرياني الجاهزه يبيعونا بالجمعيات وشوي ملح وتخلطينهم مع بعض وتحطين كميه الماي المطلوبه وبس تسكرين الجدر وتنطرينه ليمن يخلص ترى على فكره فندقنا ماكان فيه مطبخ وقدرنا نطبخ عاااديي وعااان العيش حده عجيييب

وطبعا مانقدر نستغنيييي عن فلفل بوووووديييييييييج امووووت عليييه ​

 

[:: Diva ::]

اعتمد على السوبر ماركت الي بالديره الي انا رايحه لها
بس اخذ لي احتياطياً الشوربات الجاهزه الي تصبين فيها ماي مغلي بس
عاد لابد اودي معاي ملح و لا ما يصير لووووووول


و اخذ معاي بسكوت دايجستيف كاكاو او توك الاصفر
بس

 

[الأميرة كيرارا]

مشتطة مشكووورة عالموضوع خوش موضوع
لوووووول ترا عبالي بس آنا الي بودي أكل و خايفة اتفشل إذا صار تفتيش بالمطار
آنا خذيت صحون و طوس و قفاش و شوك و قلاصات بلاستيك و سفرة ( مقصصة مربعات و مسفطة عشان لا تاخذ مكان )
خذيت اندومي و علب فول و حمص و تونا و فاصوليا
معجون طماط و قسمت وجبات عيش بجياس و صلصة سباجيتي جاهزة و زعتر و بهارات
و جبن قلاص و شيدر معلب و جبن المثلث
و لا تنسون فتاحة العلب

بس بنات سؤال الي بتروح شقة تودي غلاية و جدر كهربائي و لا يكون متوفر بالشقة ؟

 

[مشتطة وبس]

مشتطة مشكووورة عالموضوع خوش موضوع
لوووووول ترا عبالي بس آنا الي بودي أكل و خايفة اتفشل إذا صار تفتيش بالمطار
آنا خذيت صحون و طوس و قفاش و شوك و قلاصات بلاستيك و سفرة ( مقصصة مربعات و مسفطة عشان لا تاخذ مكان )
خذيت اندومي و علب فول و حمص و تونا و فاصوليا
معجون طماط و قسمت وجبات عيش بجياس و صلصة سباجيتي جاهزة و زعتر و بهارات
و جبن قلاص و شيدر معلب و جبن المثلث
و لا تنسون فتاحة العلب

بس بنات سؤال الي بتروح شقة تودي غلاية و جدر كهربائي و لا يكون متوفر بالشقة ؟

العفو حبيبتي حاضرين والله خوش فكرة تقسيم العيش

 

[شغفـ]

ذا اهم شي ..والا الباقي ..مآيهم < سوالف عشق

 

[رنا 2011]

بصراحه الموضوع يحممممممممس مره
يعطيج العافيه مشتطه وبس
بصراحه احنا للاسف كل اللي نشيلة معانا من شبسات وكاكاوات وبسكوت ياكلونه خواتي بالطيارة قبل لانوصل البلد ههههههههه
بس احنا ناخذ كب كيك لوزين وكرواسون لوزين وبسكوت وشيبس وسنيكرز وكتكات حق الطياره
وللبلد صحون بلاستيك وتمر وقشطة وطحينه
وطبعا قهوه وشاي وسكر وحليب بوقوس واكواب ورق
وناخذ بساكيت لان احيانا نصير دايخين من التمشي فابالليل مقدر امر اشتري ولاقمنا الصبح فطرنا فيه

 

[3rbawia 7lwa]

على فكرة يا بنات الاندومي اللي بامريكا كله مو حلال صعب تلقين عندهم اندومي خضار
و لا تنسون دقوس بو ديج اهم شي