شنو ستايل لبسج في البلاد الأجنبية ؟ خلونا نتشارك :)

[Perfect J]

والله احسن شي بالسفر النفانيف القطن الواااسعه .. وافضل الخياط لان الجاهز تطير بالهوا


وانصحكم ب خامة الملافع القطن تسوونها نفنووف .. ينن جد جد عجيب ماتحسين انج لابسه شي من كثر ما اهيا خفيفه لوول


يعني البلوكات مايقصر اخذو لكم جم خامه ساده وخامه مشيرة وفصلوها نفانيف قطن حفر واسعه

وركبو فوقها كارديغان سترج .. يصير حده عجيب



^_^

الموضوع وااااااااو

كملوا لا يوقف

حبيبتي جلنـــار قاعدة اقلب بالصفحات منتظرة ترفعي لنا صور ستايلج
مو شرط تصوير شخصي عادي أي صورة من النت

شلون صايرة النفانيف القطن وعليها كارديغان ؟؟
لو سمحتوا اللي عندها أي موديل تحطه بغير ستايلي

:eh_s(17):

 

[Perfect J]

اب اب
وينكم بنات

فيدوني، شلون صايرة الفساتين القطن

 

[Perfect J]

اب اب

 

[PuPa^^SWeeT]

انا اييب وياي ساعة يد وحدة البسها على كل هدومي


واهناك ستايلي يكون قميص ابيض و جينز و شيلة ملونة

و فلات اييب وياي 2 احتياط

و جنطتي كروس من سبيريت

 

[noona90]

الموضوع روعه مفييييييييد يعطيك الف عافيه\
بنات تيب من راحت كندا عادي عندهم النقااااب ولا يخترعون ههههههه ؟؟

 

[حلوه الأطباع]

انا ألبس قمصانات او بلوزات خفيفه و طويله للركبه مع بنطرون جينز و ملفع القطن

و فلاتات و جواتي رياضيه وانتو بكرامه

و المكياج حيل خفيف


حلات الوحده تكون ناعمه وبسيطه بالسفر عشان ننقل للاجانب صوره حلوه عنا وعن إلتزامنا بلبسنا الساتر المرتب

 

[منيرة ام شوق]

استايلي عباتي ونقابي وملفعي
وتحت العبايه بجامات
وبس

 

[رنا 2011]

حلو الموضوع مره روعه
بصراحة المرتب والانيق دايم مرتب وانيق سواء بديرته ولا برا
وياحلو اذا مرت من جنبي وحده شكلها مرتب وكشخه وياشين لامرت من جنبي وحده كنها طالعه من تنويم بمستشفى
لكن سبحان الله المبالغه بكل شي شييييينه وتقلب لللضد يعني حتى الكشخه الزايده تقلب احيانا لشي مسخره ويفشل

ستايلي بالسفر واحد باي بلد
بالنهار شنطة ال في كروس وجواتي اي كلام اهم شي مريحه واللبس احرص يكون مرتب جدا وشكله حلو عشان الصور تطلع حلوه
وبالليل بصراحه البس شنطه وساعه غاليين وجزمه (تكرمون) مرتبه واذا بلد بارد احرص اخذ جكيتات وبالطوات وحجابات غاليه وماركة
مو شرط اكشخ للناس انا اكشخ لانه يعطيني شعور ممتع خصوصا برااااا
وبكل الاحوال احرص اكون خاطه حواجبي وحاطه روج عشان مااخرعهم هههههه

 

[Freakya]

ما احب الكشخة الزايدة عن اللزوم

عموما أنا ستايلي عملي

تريننق أو جينز و التوب (قميص أو جاكيت)

و الكعب ماله مكان

و الميك اب ما يطب بويهي

و اللفة قطن

و اروح و ارد بالسلامة

 

[ϻʂ ♥ ؏ـطݛ ..]

:bbbiu: والله أنا عن نفسي سفرتي بتكون بالعيد وبروح بعباتي ونقابي جنه العيد وكيفهم

 

[غلاي 89]

الدول الاجنبية ملابس عادية اغلب شي جينزات وقمصان طوال والشوز سبورت اكثر شي واودي معاي فساتين طويلة شوز كعب احتياط ...


















ااما الدول العربية ... نفس لبسي العباة والملفع..... بس مرة فتايلند سويتها ولبست عباة وكان الوضع طبيعي لان اللي فالمنطقة اغلبهم خليجين هههههه

 

[opera]

ستايلي بالدول الاجنبيه (دايما اروح بالشتا ويكون الجو باااارد وااايد)

جينز و بلوفر وفوقهم جاكيت طويل لي الركب و بوت (هنتر) طويل ادخل البنطرون داخل البوت عشان لا يتبلل بالمطر


او تريننق وهمن فوقه جاكيت طويل و البوت ما استغني عنه

وجنطه كروس احط فيها كل الاحتياجات


اما اذا بنزل لوبي الفندق او المطعم للريوق البس تريننق خفيف و نعال كروكس



للحين ولا مره رحت اوربا بالصيف بس جربت دول عربيه وشرق اسيا بالصيف

وستايلي

جينز و قمصان خفيفه وجوتي رياضه

ولااااازم كبووووس الخوص عن الشمس

 

[Lilly - KSA]

موضوعك نايس صراحه لاني كنت افكر
انا بصراحه ماقد سافرت مكان ..بس افكر مستقبلا ان شاء الله
انا طبعا منقبه وماني شايفه ضروره اني اكشف لو سافرت اي مكان
لكن سؤالي ..في احد منكم تعرض لمشاكل بخصوص الحجاب او حتى النقاب؟
اللي اعرفه ان فرنسا وايطاليا حظرو الحجاب حتى بالامكان العامه
طيب الدول الثانيه ..فيه مشاكل؟
ياليت اللي عندها جواب تقولي هل تعرضت لمشاكل او تعرف احد تعرض لمشكله ووين وليه؟
صاحبه الموضوع نايس موضوعك ع الاقل اخذ فكره لو جيت انقشع لاي ديره

 

[عسل زهور]

بنوتات كويتيات

في رأيكم اش افضل ماركة شوز سبور مرييييحه وخفييييييفه

وأبي شنطة تكون عملية وخفيفه للكاميرا والجوال

هل الشنطه الي تجي طويله على الكتف وتكون على الجنب الثاني أو شنطة الظهر أفضل

مع العلم انها راح تكون فوق عباية

 

[عسل زهور]

وأنا أفضل اللبس الواسع والطويل والنقاب لأن أهم حاجه وفي المقام الأول :yaaaaaarb:
رضا الله سبحانه وتعالى وهو من يزرع الفرح والوناسه في القلب
وبطاعته أكون راضية عن نفسي :ggdw:

وأبي أسأل موديل كروس ايش أفضل ماركه ويفضل صورة
والي تجاوب لها :eh_s(7):

 

[عسل زهور]

اسمحوا لي بوجه كلمتين الي لبسهم برا الكويت غير و بالذات غير عن المعايير الشرعية

الله يهديكم ... اخاف عليكم من هالمشاركات ان تكونون ممن يجاهر بالمعصية (اسمحوا لي يعني اختلفوا العلماء بكشف الوجه بس لكن يتعدى الامر كشف الوجه الى مايوه اسلامي و عباية كاجوال كانها فستان و كبوس يستر الشعر!) يعني كل وحده تشيل ذنبها بس تعلم غيرها و غيرها يسمع كلامها يعني زي من سن سنة سيئه

جزاك الله خير
ومن يعمل سيئة فعليه وزرها ووزر من عمل بها الى يوم القيامة

واحده من الاخوات تقول العباية الخليجية مع الكعب لزوم الرزة
العباية مو رزة ولا عادة
العباية لبسها عباده فانتي اذا نويت هالنية يكون أجر لك في كل دقيقه تقضينها لابستها وطبعا العباية الشرعية الساااااتره مو مثل الموديلات الي طالعه جلابيات وسترتش
:eh_s(11):

 

[miss_whitemocha]

وناسة حلو الموضوع..
ستايلي برة ما يفرق عن الكويت..
دايما عملي..
جينز و تي شيرت و جوتي رياضة و جنطة كروس أو عادية بس تكون كبيرة تشيل قشي..
شعري عنقوص و مكياجي خفيف ما يبين ما أدري ليش أحطه أصلا..
المكان الوحيد اللي أهلق فيه أهيا تايلاند..هههههههههه..لو أطلع بزنوبة الحمام عزكم الله عادي..محد درى عني..
بس نصيحة بنات..لا تكشخون وااااايد برة..خصوصا بلندن..ترى الحرامية وايد هناك..ومن يشوفون أحد كاشخ يحطون العين عليه..​

 

[حايـره في دنيتي]

تريننغ اكثر شي لانه عملي وشوز رياضه طبعا واكيييد

 

[ameera 1987]

ستايلي عادي نفس ستايلي بالكويت ... كاجوااال ... بس ما البس كعب كله فلات وجنزات وجناط كروووس ...​

 

[Mako Meni]

لاحظت وايد بنات بلندن يلبسون حجاب بو ربطة لي ورا تراااا خاااااااااااايس و قبيييييييييييييح والله نصيحة لحد يلبسه لانه تشبه باليهووووود اصلا شكله قبيييييييييييييح الحجاب وايد اذرب واستر .. اما هذا اللي لي ورا ويييييييييع ولله مو حلو كلللش .. واللي تلبسه وتغطي رقبتها وتسوي لوية ترا ماله داعي لانه اساسا بااايخ وشكله مقزز استغفر الله .. احلا شي ملافع القطن حق السفر مريحين ومنها تتسترين