شوفو المتن وين وصلني

[مناير ...!]

روحي طبيبه

 

[نــgف]

سلام عليكم

حبيبتي .. انتي كلش ماعندج إراده .. حبيبتي ابتعدي عن الاكل .. لا تاكلين وايد .. اكلي وجبات رئيسيه غير جذي لا تاكلين

إحرمي نفسج من الاكل .. ومع الحرمان .. روحي لنادي يوميآ .. خلي هالنادي جنه دوام يوميآ روحيله ..,

و أمشي باليوم لمدة ساعتين او ثلاثه .. و صدقيني مع ألوقت بتصيرين ضعيفه حييل .. انتي سوي الي قلت لج و شوفي نتيجه ..,*

:eh_s(15):

انتي لازم تحطين هالشي في بالك انك تبين تنحفين لازم تتحدين الاكل ونفسك بعد ..
روحي لـ اخصائية تغذيه و ادخلي نادي ..

 

[Habibat Abooha]

الا نسان ماعنده شي مستحيل ومااقدر تقدرين اذا تحبيت خطيبج بتقدرين
لاتقولين ماقدر لأن عقلج الباطن راح يخزن هذا الشي وبيستوعبه عقلج الظاهري وعندها صج ماراح تقدرين
خلي عندج اراده
الاسباب بايدج
والمفتاح هم بايدج
باجر تندمين وعقبها ماينفع الندم
الله يعطيج الاراده ويوفقج ويسخرج لنفسج

 

[مـزآج ــــية]

خلي عندج ارادة اهم شي

 

[بدورة القمورة]

لازم تضغفين علشان تعجبين زوجج و تترسين عينه

الله يوفقج يارب

 

[Beyoncee]

وا على احنا الحريم نكسر الخاطر
تعذيب نفسي الريجيم
الله يعين

 

[][ sarah ][]

المفروض على كلامج ان جرح مشاعرج هالشي بروحه يخلي عندج اراده

 

[kwait doll]

ماكو شي مستحيل انتي حطيتي ابالج انج ماتقدرين تضعفين ما راح تتغيرين ما تقدرين تقاومين الاكل

حشيتي مخج بهالافكار السلبيه واقتنعتي انج صج ماتقدرين

حبيبتي اول شي ماكو شي اسمه (ما اقدر)

انتي تقدرين وتقدرين وتقدرين بعد بس يبيلج دزه وقعده وتفكير عميق مع ذاتج

ما اقدر اقولج اكثر من جذي لان الباجي عليج

 

[مملوحة_الوصايف]

سوي عمليه الحين حتى المتروسه شوي تسوي لان بصراحه الي جذي نفسج عمرها ماراح تضغف انا اعرف بنات جذي مايضعفون لان ما يقدرون يمسكون نفسهم عالاكل او ما فادتهم الا العمليه وانتي ماتقدرين رجيم رجيم رجيم قاسي بعد مو اي رجيم والله يوفقج

 

[جود2008]

حبيتي

عندك دايت سنتر اللي يجونج لي البيت في وجبات
خاصة للرجيم شهريا ميتين دينار

بس واللة لهم نفعة اختي سويت عندهم وماشاللة


نزلت واجد لاتياسن
موفقة حبيبتي

 

[LadY BuG 80]

بناااااات ابي مساعدة والله الشاهد اني تعبانة نفسيا و ابي حل باسرع وقت

بنات انا صار لي سنتين مخطوبة لواحد انا احبه و متعلقة فيه بشكل مو طبيعي .. المهم,, في بداية الخطوبة هو صارحني بموضوع و قال لي انه مو عاجبه جسمي.. انا شوي مليانة بس مو حيل حيل دبة يعني جسمي مقبول بس هو يبيني واايد واايد ضعيفة.. لما قال لي جذي انا قلتله اني راح اضعف عشانه و وعدته و هو واايد استانس بس للاسف فشلت و ما قدرت اغير من نفسي والله تعبت تعبت انا نقطة ضعفي الاكل و ما اقدر امسك نفسي اذا شفت اكل و جذي.. المهم انا فشلت و ما قدرت اكمل و لمن درى عن الموضوع وااايد خذ فخاطره و زعل بس نسى السالفة و ما قال شي .. بعدها بفترة رد على نفس الموضوع و انا قلتله اني راح احاول و بسوي اللي اقدر عليه .. والله يا بنات انا حاولت بس ما قدرت اكمل وااايد تعبت و لمن قلتله هو عصب و زعل مني و قام ما يكلمني واايد و الحين هالفترة وايد احسه متغير علي :eh_s(2): ما ادري شسوي الحين.. مع العلم انا الحين عطيت نفسي فرصة اني اضعف بس واايد خايفة اني افشل مرة ثانية ,, والله ودي افرح قلبه بس احس نفسي واايد فاشلة

بناااات شسوي تكفووون ساعدوني و بدوون جرح مشاعر بليييز النفسية تحت الصفر و انا مو ناقصة :eh_s(2):

للحين مستمره تقولين ما اقدر بعد كل هاذا !!! .. كافي الفشله الي تفشلتيها معاه و تحركي

حبيبتي كل هاذا ضعف قدام الاكل ؟؟ معقوله نفسك الاماره بسؤ اقوى من ارادتك ؟

الحين تتوقعين ايش يدور في راسه ؟؟؟ مو قادره تنزل كم كيلو؟ لهدرجه ماكو اراده و مفجوعه على الاكل ؟ و ما همها رغبتي من اولها مو متحمسه ترضيني .؟؟

( سوري بس اقولك الي يدور في راسه من توقعاتي )

((الحين صعب عليها تضعف و بكره لمن تحمل و تمتن و تولد اشلون بتكون )).

(( و ما راحتاضعف كل كيلو تزيده بعد الحمل يعني بتدبس فيها لانها ما عندها اراده ولا تقدر خلاص)) ..

و مو بعيد لمن تصيرين مرته يراقب اكلك و يقولك فلانه لا تكثرين حلو اشوفك متنانه .. فلانه هاتي اتشبس بسسسس متنتييييي ... (( ولله انه صارت لي هشغلات ما اقولها من فراغ و انا بعد الولاده وصلت 78 كيلو و طولي 165 و احسه ما كان عاجبه ))

المهم الي بقوله لك استعدي لرجيمات لانه احنا حرييييييييم كل ما تقلب مزاجنا نمتن ( طبعا هاذا بعد ازواج و العيال )

يعني مافي شي اسمه ما اقدر الا اذا انتي مستعده تشوفين عينه على غيرك و ساعتها من القهر و الحره بتصيرين هيكلللللللللل

انا ضعفت 20 كيلو اذا تبين رجيمي راسليني خاص يمكن يعجبك بذات اذا فصيلت دمك 0 بوستيف​

 

[bride2011]

نتي عارفه مشكلتج انحفي وخلي عندج عزيمه

 

[| تفاصيل |]

عندج هدف واهو زوجج
شدي حيلج
حاولي ماتاكلي عقب الساعه 5 العصر
تريقي وتغدي وبس
لان العشا حيل يمتن

 

[اميره1980]

دامج مو متينة على كلامج عيل ليش يبيج تضعفين ؟ انتي على كلامج جسمج مقبول
عيل بعد الزواج لمن جسمج صج يخترب شنو بيسوي ؟؟ لو تبين تضعفين حقج مو حقه

 

[مشاعر ضايعه]

الله يوفقك يالغلا
بس حسب مافهمت انك شوي مليانه يعني مو سمينه وايد
يعني خففي اكل اذا قعدتي ع الوجبه لاتشبعين ومع الوقت ببتتعودين ع هالشي
واهم شي الرياضه فديتج
انا اعرف وحده كانت سمينه مو بس متروسه سمينه ماشالله
وانخطبت والشي الوحيد اللي سوته هو انها خففت اكل
وخصصت حق روحها كل يوم ساعه مشي بس مو اي مشي المشي الرياضي يعني كانت ترد تحس روحها خفيفه من كثر مامشت وحتى صحتها تحسنت وايد بالمشي وماشالله صار جسمها متناسق

وبعد ماتوصلين للوزن المناسب والشكل اللي تبينه تتقدرين بعدين ترجعين للاكل اذا تحبينه ولكن بشرط تحرقينه بالرياضه وبجذي ماتصير عندج سعرات حراريه زوود وبتاكلين وضميرج مرتاح

الله يوفقج ويحقق لج امنيتج
واهم شي الصحه والعافيه وتذكري انج تمشين وتسمعين وتشوفين واحمدي ربج ع هالشي ولا مشكلة الوزن الزائد بسيطه وحلها سهل تعتمد عليج وعلى عزمج وقوة اصرارج

 

[~عشق المطر..~]

الله يكون بعونج خلي عندج اراده

الله يوفقج حاسه بشعورج

 

[ابـيـض واسـود]

اهم شي خلي عندج إراااده , واذا تبين تاكلين اكلي بس قللي الكمييه وامشي سوي جري حررقي الي اكلتييه كله

 

[ابـيـض واسـود]

خل اقولج شلون خليت اراادتي قويه وكنت من متبتبه الى رشييييييقه غزاله , كنت كل مانويت اضعف مثلج افشل وتحبطت لين قعدت اطالع مقاساتي ومقاسات غيري وشريت لي بنطلوون مقااس الي كنت ابي يصير مقاسي جذي , كل مارحت بااكل اطالع البنطلوون واحلف يمين اني مارااح اكل الا مثلاً عن نفسي بس اتذووق كل مره هكذاا لين صار البنطلون الي كنت ابيه مقااسي كبيير وشوفي عااد الفرحه وانتي تتمخطرين برشااقتج :$

 

[أأأميرة الورد]

موفقه حبيبتي

 

[زامليه وافتخر]

اذا تحبينه سووي كل شي علشااانه