شوفو المتن وين وصلني

[*Berry Lips]

مشكوووورااات بنااات و ان شاء الله اضعف و املي عينه يااا رب

 

[امونه 2010]

لازم تفكرين بجديه
علشان تملين عين خطيبك

اصلا المفروض يكون الحاح خطيبك وزعله هو الاراده والعزيمه بالنسبه لك

والله يوفقك

 

[eman12]

انشالله يارب تضعفين بصحه يارب وعافيه ودام هالشخص يهمج انج تحافضين عليه لازم تسعين للضعف
وصدقيني الضعف ترا مو بس راح يخليج تحتفظين بشريك حياة لا بالعكس انتي راح تتغير حياتج
الله يوفقج يارب وييسر امرج

 

[طـفولية]

سوري بقولج فكرة طبقيها
لازم تحسين بحجم الموضوع
فصخي ملابسج و اوقفي جدام المنظرة وتاملي شكلج متقبلة يشوفج جذي ؟
روحي السوق قيسي القمصان وسوالف التجهيز
انتي عروس اذا بليلة العمر ما تصيرين توب بعين ريلج متى بعد ؟!
تحبينه لازم تترسين عينه ..
امشي كل يوم ساعة اشتركي الشركااات يا كثرها وأحسنهم دايت كير
اشتركي بنادي
ترى الشي الي طلبه مهم اهتمي وتعودي انج تهتمين وتلاحظين نفسج ، ورى الحمل والولادة كفاااح الحريم مع وزنهم بالزجيم والرياضة عشان يرد لازم يكون عندج ارادة

 

[نونه المنكوشه]

شوفى حبيبتى بقولج شغله انا ماخليت دكتور رجيم مارحتله واشتركت بدايت كير بس مشكلتى انى مااستمر وكله اشوف مانزلت ارد اكل بس الحين هديت الرجيم وقمت اخفف وبالليل مااتعشى واذا كلش حدى حليب وشابوره وطبعا وقفت الخرابيط الككاو وتوابعه وقمت ارقص تقريبا يوميا اذا موكل يوم يوم وترك واحاول امشى ماقولج نزلت وايد لكن لم جسمى وفرق باللبس معاى واهم شى انحفر خصرى وماشيه ع هالنظام انتى سوى جذى لاتسوى رجيم قاسى علشان لاتردين تاكلين اكثر حاولى اتخففين ولاتعشين ورقصى او رياضه حتى لونص ساعه وكثرى شرب ماى وبتشوفين شلون جسمج يسير

 

[aloooya]

حاولي تخففين عن الاكل و امشي كل يوم ساعه

 

[Judy . abbot]

المفروض على كلامج ان جرح مشاعرج هالشي بروحه يخلي عندج اراده

نفس كلامها
وشوفي احنا الحريم اذا نبي الشي نوصله اشمعني اذا صار بلاكل تهونين
تحدي نفسج واذا صججج تحبين ريلج راح تضعفين لان تحبين تكونين بعيونه علي طول حلوه
ورجيم دشتي مع مشي نص ساعه ولا ساعه وجوفي الفرق
بس شوي متعب اول فتره بس تحملي واذا تبين شي صحي عندج المطوع او نصر الله وايد في دكاتره لو من النت تاخذين الوصفات

 

[خليفة العظماء]

سبحان الله

 

[مفرفشه عالاخر]

ما يبيله شي حياتي

انا نفس حالتج اموووووووووووت بالاكل وماعرف اخفف لو تذبحيني ماعرف متعتي الاكل

بس لا تتيأسين

دام نوعج اكول فكري بطريقة ايجابية

فكر تاكلين اشياء تضعفج

نفس هالخلطه يوميا خلي الخدامة تسويها وانتي عليج انج تشربين

جاي اخضر + عود دارسين + قطرات ليمونة + قطعه صغيرة زنجبيل

هالخلطة قووووووووية وتضعف البطن وتطلع القازات والغازات سبب متن البطن

وهم جربي هالعصير ( حبتين كيوي + عصير اناناس كي دي دي )

كل يوم اشربيهم قبل هالشي يخليج طول ما انتي نايمة يحرق الدهون الي فيج

وهم اول ما تقومين لا تاكلين ولا شي قومي جربي رياضة نط الحبل او تنطين لمدة دقيقه هالشي راح يحرق الدهون طول اليوم مو الاكل

شفتني شغلالات بسيطة تقدرين عليها كلها اكل ونط دقيقه باليوم هذا للانسانه الي يائسه بشهر راح تشوفين الفرق انشالله


وكلش كلش اشتري بنادي وراح يبين فيج بشهر

اعرف وحدة كانت مدوووووووووووووورة متييييييييييييينه ب 3 اشهر صارت عصلللللللله

فلا تياسين كلش

 

[الفدنه]

الله يكتب لج اللي فيه الخير

 

[simone]

اهم شي الارادة

 

[om MaRyooM]

ديري بالج قبل الزواج وقاعد يعصب ويزعل شلون بعد الزواج ؟؟ ؟

لازم تحاولين اذا تحبينه

وثانيا عشان نفسج وعشان الهدوم تطلع احلى وعشان كل شي

روحي لدكتور تغذية يعطيج نصايح شلون تبلشين وانشالله تكملين المشوار


وحاولي تخلين المشي من اولوياتج والحين الجو حلو يعني مافي اعذاار

 

[Miss^NeozZ]

تحبينه وايد وايد ومتعلقه فيه واهو حاط جسمج سالفه ويزعل ويعصب ؟؟؟ يعني شوفي انتي شتسوين واهو شيسوي :/ لاتهون عليج نفسج ويعصب عليج وينفس عشان جسمج @@ لو اهو موعاجبه جسمج جان انتي سكتي بس رياييل مايترس عينهم الا تراب ومو كفو والله سامحيني بس جد انقهرت عليج ! ومنج !


دام انتي راضيه فيه بكل مافيه لازم يرضا فيج بكل مافيج ولا خيولي صراحه !


وبعدين شنو ماتقدرين تقاومين الاكل:/// !!! لازم ماتصيرين ضعيفه جي جدام الاكل هالسالفه وايد تغثني بالبنات @@

اذا تبين تضعفين لازم يكون عندج اراده قويه ! اكلي اللي تحبينه واللي تبينه بس بكميات معقوله هذا انسب شي لج
مع الرياضه

شوفي
لاتضعفين عشانه
عشانج انتي
عشاااااااااانج انتي وكلامي واضح حبوبه لاتزعلين علي صدقيني هالكلام كله انقهرت عليج والله
وريه ان انتي قدها وقدووود وخلج سمبتيك ^_*

 

[To AMo]

المفروض كلامه يجرررح مشاعرج انا لو بدالج ما اكل يو شنو بعد
ميخالف حبيبتي تحححملي وانشالله بتنزلين وبتترسين عينه
ميخالف مسكي نفسسج عن الاكل ومع الرياضه والمشي
بتصيرين منيكان ​

 

[Beautiful soul]

يعني هو ماراح يحبج الا اذا ضعفتي ؟اوكي انتي ممكن تضعفين الحين وتوصلين للوزن اللي تبينه
بس في المستقبل لو زدتي كم كيلو بيقلب عليج مثلا وبيدور عذر

احس لو يحبج من كككككل قلبه تقبلج حتى لو كرشتج طايحه لي ركبج

 

[றїss đubάi]

يعني هو ماراح يحبج الا اذا ضعفتي ؟اوكي انتي ممكن تضعفين الحين وتوصلين للوزن اللي تبينه
بس في المستقبل لو زدتي كم كيلو بيقلب عليج مثلا وبيدور عذر

احس لو يحبج من كككككل قلبه تقبلج حتى لو كرشتج طايحه لي ركبج

انا معاها
يعني ممكن تضعفين الحين
لكن مستقبلا مع الحمل والولاده لازم بتكتسبين كم كيلو
شو راح يسوي ساعتها :eh_s(14):

عموما الرشاقه حلوه
مب علشانه .. علشان نفسج

عليج بالسباحه يقولون تضعف وايد
والله يعينج ع هالريال..

 

[سمو الغلآ]

رجعي عند دكتووره


وكثثثري شرب مااااي


وحاوولي تمششين كثر ماتقدرين ..

وصعدي ونزلي الدج

 

[دندونه@@@]

شوفي روحي عند دكتور وقولي له خل يعطيج اكل الدايت احنا عندنا بقطر نشترك باكل الدايت يوصل لين البيت طبعا قبل يفحصونج
واهم شي الرياضة ثم الرياضة ثم الرياضة مو شرط رياضة على الاقل الرقص دشي تمارين رقص شرقي فالصالون اذا عندكم وتسبحي بالبرجة تراه يضعف وفي شيين يمتن لازم تبتعدي عنه الخبز والعيش ادري صعبة بس حاولي تبتعدين عن العيش المجبوس المشخول والخبز ممنوع عندج صمون اسمر اشتريه وبعد الاكل اشربي شاي اخضر واي وفي كوريشات تلبسينها تحت ملابسج ممكن تشد الجسم وتخليج ضعيفه

:eh_s(22): انا ضعيفه بس الطمع ذابحني وابضعف اكثر ولفت نظري ردج قلتي للإخت تسبح بالبرجه:eh_s(10): شنو البرجه وتهقين تجيب نتيجه معاي:eh_s(2): وأي برجه تنصحين فيها


اختي صاحبة الموضوع حبوبه راجعي دكتور تغذيه ضروري قبل لا تبدين اي دايت من نفسج وبعد ما يحط لج برنامج غذائي روحي شركات التغذيه واتفقي معاهم يسوونه لج و يوصلونه لبيتج والتزمي فيه اذا تبين الضعف و ما تبين تخسرين خطيبج أما اذا تهاونتي فتأكدي ان خطيبج بييييطييييييير :eh_s(2):

كل ما حسيتي نفسج مو قادره تواصلين والاراده زيرووووو تخيلي شكلج لما تضعفين وشلون راح يتفاجأ خطيبج بشكلج الجديد وتخيلي فستان العرس شكثر بيكون حلو عليج وانتي رشيقه والله يوفقج

 

[$$king moon$$]

اشتركي بنظتم غذائي ونادي
واذا متينه وايد سوي عملية تكميم

 

[إنسانه وأكثر]

مالج الا العمليات اذا كلش ماقدرتي واستخيري وفكري عدل قبل لاتسوينها

واااااااااايد من الاهل والمعارف سووها

وانا مفكره حييييييييييييييل اسويها اذا رجعت للمتن الله لايقوله لاني حاليا ضعفانه مو نفس اول