صور أكلات من تطبيقي متجدد

[Shade]

حدها تشوق ويعطيك العافية يا قلبي

 

[رهوف]

تسلم ايدج على هالموضوع

 

[استبرق أم علاوي]

نونووووو
وااااي
عاد اليوم سويت تشريب ربيان بس قبل لا اشوف موضوعج
حسااااااااااااااااااااافه
جانزين طاله بموضوععج مع انه طلعت حلوه

 

[بدوره 22]

ما شاااااااااااااااااء الله عليج نونو عيني عليج بارده

تبارك الرحمن

جربت طريقة البف باستري مع الدياي والسبانخ ..


وسندويشات الطلياني

وباستا الدياي والسبانخ

روووووووووووووووعه شويه عليهم

بانتظار جديدج

 

[mngo67]

تسلم ايدج علي السلطة...الصراحة عجبتني
بالنسبة للزهرة اقليها بدون فوح...لأن سمعت في ناس تفوحها وبعدين تقليها؟؟

 

[ABEER FLOWER]

يسلموووو نونوووو

 

[زمردة الكويت]

نونو انا تاابعت الموضوع من الاول لي الاخر

و اغلب الطبخات نفس اللي اسويهم بالضبط ههههه

حتى اطقم الصحون كان عندي منهم


بس تسلم ديااااتج

 

[الغاليه امي]

مبارك عليج مابقى من الشهر وجزاج الله الف خير على هالطبخات الحلوة صراحه انا استفدت من هالاكلات وسويت جم وحده وطلعة لللللللللللللللللللذييييييييييييييييييييييييييييييييييييييذة وناويه ان شاء الله اسوي بعد و اهم شي لاتحرمينا من هالطبخ الحلو ويارب تكونين من المغفور لهم بالشهر الفضيل اااااااااااااااميييييييييييييييييييييييييين

 

[nono78]

مشكورين حبايبي

كلكممممممممممممممممممممممممممممممممممممممممممممممم


عالكلام الحلوووووو والله خجلتوني

وصج صج ونستوني للي طبق اطباقي واعجبته

عليكم بالف عافيه


وان شاء الله راح انزل

طربيقه مسحب الدياي اللذيذ

والقطايف

 

[nono78]

بالنسبه حق الفوح ولا مره فحت الزهره ( واي مالي خلق عباله) لوووول


وبالنسبه حق تشريب اللحم ماحطيت بس انا حاطه طريقة مرق اللحم نفس الشي حق التشريب

 

[sindrella]

تسلم الأيادي يا نونو بجرب كرات البطاط و السلطه و أقوولج


الباستا طلعت حلوه

 

[unreachable]

نونو ماشاءالله جربت كبة البطاط بالجبن

روووووووووووووووووعة


مشكورة حبيبتي وماقصرتي

 

[صدى الأفراح]

حياتي نونو اشتقتلك وانا كمان عندي وصفات بتجنن بس لابتوبي خربااااااان رح جيب واحد هاليومين ويلااااااا بستنا المسحب انا بموت فيه

 

[معلمه٢٠٠٦]

نونو ابيج تقولين كل يوم شنو فطوركم--- من---------- الى ولو تصورينه يكون احسن

 

[مستشاره قانونيه]

شوربة الفطر بالذره




اول شي نحتاج علبه فطر فريييش مقصصه

وشوربه فطر

وربع زبده

وقفشتين كبار شوفان

علبة ذره صغيره

ربع علبه كريمه كي دي دي




اول شي نحط الزبده والمشروم ونحمسهم لمن يطرى المشروم ويتغير لونه



بعدين نضيف ظرف الشوربه و4 اكواب ماي فاتر ونحوس لمن يغلي
نضيف الذره والشوفان ويترك على نار وسط حتى ينضج






جربوها بعد اطلعت لذيذه ويميييي
وبالف عافيه

خذيت الطريقه بس سؤال متى نحط الكريمه الحمره انتي مو كاتبه ؟؟؟ وعادي مشروم معلبات لان الحين ماعندي فرش ​

 

[أم حسون]

تسلم ايدج حياتتي

 

[Om 7oo7oo]

تسلم ايدج يا نونو و منكم نستفيد

 

[زهرااا]

تسلم الايادي

 

[nono78]

هلا بنات حبيباتي

كلكم

وصدوى انانا اشتئتلك كمان حبيبتي انتي ( ويالله ناطرين اكلاتك وانتي ما شاء الله ماتحتاجين مديح طبخاتك روعه)


المعلمههه حبيبتي

انا قاعده احط الطباق اليديده من الي قاعده اسويها عالفطور لأن في اشياء مكرره بس اي شي يديد من ضمن الفطور قاعده احطه

واذا تبون اكتب لكم كل يوم شنو فطورنا ( ترا انا وريلي وصبياني عالفطور) واكلنا قليل ما اقدر انوع وايد محد ياكل

واليهال بعد اكلهم خرابيط يا جكن ناجتس يا مرات الله يهديهم ياكلون من اكلنا



اختي الغاليه العزيزه الصغيرونه مستشاره دقيتي علي وقتلج لوووووووووووول

الكريمه عادي اي وقت لأنها شوربه يعني كل شي عللى بعض خخخخخخخ

 

[nono78]

طبق سندويشات مسحب الدياي اللذيذه





اول شي نحناج

صدور دياي مسلوقه مع المطيبات



بعد ما ينضج الدياي نخليه لمن يبرد اشوي ونقعد نتف الديايه


بعدين نيب جدر ونحط في اشوي زيت وبصله مقصصه مكعبات وثوم مقصص ونحمس اشوي

ونضيف الدياي ونحمس الدياي ونضيف البهارات ( بهارات دياي -رشة ملح - قفشتين كبار سماق ) وربع علبه كريمه



بعدها انحط بالصحن ( الطاسه ) ونحط مايونيز تقريبا 3 قفاش كبيره او لمن تحسون الدياي كل عليه مايونيز



تيبون الخبز أو خبز الصاج ( انا استخدمت هالنوع من مركز سلطان ) وايد حلووو امتن من الصاج اشوي



طبعا تدهنون الخبزه بالمايونيز ( اذا صاج الخفيف لا تحتاج دهان مايونيز) وتحطون خيار مخلل واشويه دياي وتلفونه الخبزه





اذا تبون حجم اصغر تقصون الخبز الي انا حاطته 3 مستطيلات وتلفونه ويعطينه هالشكل





وبالف عافيه ولا تطوفكم