عشان يكون تحدي متكافي ابيها فوق الـ 90

[om-3abodey]

صباح الخير
موفقين ان شاءالله
ماعندكم شي حق الحامل تعبت وزني واايد زايد توني بالسابع وصل وزني فوق 100 :eh_s(16): لابس قادرة البس ولاكخشه قادرة اتكشخ فيها
قبل لا احمل كان وزني 82 اخذت ابر ووصل وزني بالتسعينات الحين 100 وشوي وحدي مضايقه ياربي شلون بنزل هالوزن عقب ماا ولد
وانا طولي 165 يعني يبيلي تقريبا 40 كيلو على الوزن المثالي والوزن الي ابيه ​

حدي مضايقه من وزني وصايرة استحي البس شي جدام زوجي طبعا غير الجسم والزغاديد لا وع صج لايعه جبدي من نفسي وفرق النفسيه
شسوي بنات شوروا علي
ابي ابدي اخفف على الاقل لي ولدت مايكون بعد زايد وايد
وعطوني افكاركم حق هالفترة وان شاءالله بالنفاس اذا الله سهل ناوية اشترك بدايت كير

اصباحنا واصبح الملك لله ولا اله الا الله


:aha::aha::aha:


اهديكم احلى ورد لعيونكم الحلوه وصباحكم رشاقه وصحه ونشاط

بقولكم اشياء غيرتها في حياتي بقرار مني اتخذته بعد ولادتي اتمنى لصديقاتي الغاليات يستفيدون من تجربتي
قررت اني اغير نمط حياتي كله لكن مو مره وحده لا بديت بالتدريج
والله ابيكم تستفيدون وكل وحده تلتفت لنفسها وحياتها وتنفض نفسها (متأثره حدها في بشير الرشيدي الاخت )وما ابي منكم الا الدعاء وان الله يتمم على وما انحرف عن هالتغير مره ثانيه لان فعلا تحسين الحياه غيرلها طعم ثانيه ​

بقولكم الاشياء اللي كنت اسويها قبل وبعد ​

• قبل ابلش ريجيم بس اخربط واكل بدون تنظيم ​
• الحين ورقه وقلم والتزام طول الاسبوع ​
• كنت شاده حيل على نفسي ومشيت مشي وانا بالنفاس شاطه عمري :ada: وهذا غلط ولا نزلت شي وتأثر ظهري ​
• الحين تدرجت بالمشي وبعدها شوي شوي بدخل الرياضه على خفيف ​
• قبل اول ما اقعد من نومي اكل وما اتحرك معتمده اعتماد كلى عالخدامه حتى فتره الريجيم بس مجابله النت وTV واهذر بالتلفون ​
• الحين لا الوضع تغير اول ما اقعد اتحرك واعتمادي عالخدم خف حيل قمت اغسل ملابسي واجابل بيتي وعيالي وابدلهم وارتب واتحرك والتلفون شي ضروري واسكره ( حسيت الحياه غير بهالنقطه اللى غيرتها بحياتي )وتوني امبلشه فيها ​
• قبل احس اني لاهيه باشياء تافه​
• الحين احاول دائما الزم الاستغفار وصلاه الليل وبعد كل صلاه التزم بالاذكار مهما كان عندي شغل قبل اصلي واقوم على طول ​
• قبل كل ما شفت شي حلو بالسوق اشتريه لا واشتريه اصغر من مقاسي ( واثقه حدها الاخت ) عشان اذا ضعفت لبسته والنتيجه كانت الكبت بينفجر وصرفت فلوس مو بوقتها ولا بشي محتاجته ضروري وصارلهم سنه بالكبت ​
• الحين عاقبت نفسي وحلفت ما اشتري شي نهائي لين اوصل للوزن اللي ابيه حتى لو اشوف شي يعجني لاحقه عليه وبحصل احلى منه ​
• قبل كوب ماء واحد واذا كثرت اثنين ​
• الحين احاول قد ما اقدر اشرب لتر​
• قبل اذا شفت كاكاو غرررررررررررامي مستحيل اقاومه ولا كنت اتخيل نفسي بيوم اني اقاومه واسطر انواع واشكال جدامي :botetoo:وسف وراء بعض بدون شعور ​
• الحين لا قمت اركز شكثر اكل واتلذذ بالقطعه اللى اكلها تحسين طعمها غير ​
• قبل اكل واخربط ولا افكر ​
• الحين اذا صار اخر الليل افكر بيومي شنو سويت وشنو دخل معدتي وشنو خربطت فيه ​
• قبل كنت اقول لزوجي شنو نظامي وشنو بسوي اذا ضعفت واذانزلت كيلو اسأله بين على والا لأ​
• الحين لا ما يدري شنو نظامي واحاول اكل بالمطبخ قبل وجبته وما يدري نزل وزني والا لأ بس يدري ان عندي يوم فري عشان اطلع معاه ( ومو خالصه من تعليقاته المحرجه :rgewrg​
• قبل وقت زيارتي من تقولي وحده من خواتي هالقطعه ما تضر عادي بلشي باجر اتشيش واكل واخرب الاسبوع كله وكلمتها ترسخ بمخى بلشي باجر ​
• الحين لا حطيت حد وكل البنات قايلتهم اللي تحبني لا تقولي اكلي بالعكس امنعوني وقاومت الباستا اللي اموووت عليها وما همتني يوم شفتها لاحقه عليها ​

بنهايه كلامي اتمنى كل وحده تقعد مع نفسها شوي وتفكر شنو بتغير في حياتها وتتوكل على ربها وتبلش اخذي ورقه وقلم وسجلي هدفج من انقاص وزنج وسوي جدول مقارنه اذا نزل وزنج شنو بصير وشنو تستفيدين واذا ما نزلتي وزنج شنو بصير وشنو بتستفيدين ؟؟


وراح تبين مقارنه رهييبه معاج ونقاط لاتعد ولا تحصى

اتمنى تشجعوني على الاستمرار ولكم ودي :hjy5jewf::hjy5jewf:​

​

وحابه اضيف شي على كلام الاخت الي صج حسيته غير شوي من حياتي
هو الاكل البطيئ
قبل اكل بسرعه وما احس بالاكل ولا بلذته وعادي اكمل على اكل بنتي
بس الحين لا اكل لقمه واحط مثلا القفشة مرة ثانية او الصمونة اكل لقمه وانزله الصمونة والحمدلله احس بشبع
ودايما سمو قبل الاكل وشربو ماي ​

 

[أم حيدر]

يا راعية الموضوع

وزني 75 وغصبا عليج بدش معاكم )













تدرين ليش؟؟؟

لأن وزني كان 92.5 @_@

وهالكلام شهر 9 اللي طاف !!!

تبوني أسلفلكم سالفتي ؟؟؟

ولا أشيل قشي وأطلع بره؟؟

 

[om-3abodey]

يا راعية الموضوع

وزني 75 وغصبا عليج بدش معاكم )













تدرين ليش؟؟؟

لأن وزني كان 92.5 @_@

وهالكلام شهر 9 اللي طاف !!!

تبوني أسلفلكم سالفتي ؟؟؟

ولا أشيل قشي وأطلع بره؟؟

لاعفيه خلج قولي لنا سالفتج

 

[simple.girly]

السلام عليكم ورحمة الله وبركاته ...
هلا حياكم الله ... بس 75 شوي نبيها اوزان ثقيلة ...

ام عبودي الله يسهل عليج ... يسهل عليج حمالج ... ان شاء اتقطيهم بصحة وعافية ..... اكلي اشياء مفيدة قبل لا يكون علشانج يكون علشان الياهل وخري عن الغازيات والمقليات ...
ولا تحاتين بالإرادة كل شي يصير شهل

 

[om-3abodey]

[ام عبودي الله يسهل عليج ... يسهل عليج حمالج ... ان شاء اتقطيهم بصحة وعافية ..... اكلي اشياء مفيدة قبل لا يكون علشانج يكون علشان الياهل وخري عن الغازيات والمقليات ...
ولا تحاتين بالإرادة كل شي يصير شهل /quote]


حبيبتي ما قصرتي الله يسمع منج واقط هالكيلوات
فكرت بعملية التكميم بس خايفه وزوجي شبه موراضي وامي اساسا موراضية
وانا يبيلي وايد كيلوات اطيحهم وجربت الرجيم اخاف اسوي فترة ويوقف وزني
راح اتحبط اهني
قلت ودي عقب الولادة اخذ لي جهاز مشي
شرايكم فيه
لان تدرون بيكون في بيبي وصعبه اني اطلع النادي او الممشى

 

[simple.girly]

شوفي حبيبتي انا وزني 127 لا متزوجة ولا وراي عيال .. بس لا فكرت بحبوب ريجيم ولا عمليات ولا بطيخ الصحة تاج على رؤؤس الإصحاء .. متنا مو مرض متنا ربادة واكل صح ولا لأ ؟
ليش العمليات والتخربط بأجسامنا .... حتى جهاز المشي على الركب مو زين .. انا ما اروح نادي . ظروفي حاليا ما تسمحي... وما ودي اروح قبل لا يصير وزني 99 انشاء الله .... يبا تحركي بالبيت واكلي روب .. لبن . فواكهه قللي العشا مو تحرمين نفسج قللي ... ياخذ وقت بس انشاء الله تضعفين بصحة وسلمة امشي بحوش البيت ....
إذا شفتي مضطرة اخذي جهاز المشي بس لا تمشين وايد عليه ....

 

[انا حبه للابد]

يا راعية الموضوع

وزني 75 وغصبا عليج بدش معاكم )



............................................................................
تكفين اش سويتي عشان اتنزلين وزنج وحياج الله بينا :eh_s(7):
...........................................................................

 

[simple.girly]

في خلطة انا ما جربتها بس كافي مرة وحدة باليوم ... ومو كل يوم . بس انشاء الله تحسون في فرق اهم شي قبل الوجبة اب 20 دقيقة يعني اختاروي اي وجبة الدسمة شربوا قبلها ....
ملعقة كمون -شريحتان ليمون مع القشرة -ربع ملعقة قرفة -نص ملعقة زنجبيل-كلها مطحونة في كوب ماء مغلي . قبل 20 ثلث ساعة من الوجبة نخليه يركد ونشربه ...

والله المعين بجربها ان شاء الله

 

[milkey way]

صدقوني انا بعد قبل سنتين سويت ريجيم لمدة 6 أشهر وكان وزني 115 ووصلت لي ال 74 يعني اللي تحط في بالها الهدف تحققه يعني تحققه .:bbbiu:

والله مو صعب وحتى الأكل تكرهينه لكن انا من وناستي نسيت عمري واشوي اشوي الا انا ضاربه بالعالي ورديت كل اللي ضعفته للأسف . :eh_s(11): :eh_s(11): :eh_s(11): :eh_s(11):

 

[simple.girly]

ميخالف يا ملك وي ان شاء الله .. قولو ان شاء الله نقط كل الكيلوات اللي مانبيها

 

[المرتهش]

صباحكم ورد
حياكم الله جميع
وبنات احنا مانطرد من تجمعنا احد
اللي يجي حياه الله ان ماشاله النت تشيله عيونا
بس عساس ان احنا مجموعه ونبي ننافس بعض
والخيار راجع لج حبيبتي ام حيدر
ونتشرف بوجودج
وسالفتج بتكون سالفه عزم وهمه اهنيج على انج صاحبه هالاراده
وان شاءالله الفال لنا

اليوم اجتزت اختبار حلو
او خلنا نقول نص اختبار
اليوم رحت لحفله تفوق بنتي مثل ما انتوا عارفين
وانواع الحلا والفطلير وورق الزيت والمقالي والعصيرات تمر علي وانا على كرسيي
وصامده
وطلعت من الحفله بدون لا اذوق ولا شي
العصر بيكون النص الثاني من الاختبار
لان خواتها واخوانها بيسوون لها حفله صغيره على قدها
فلازم حلا وفطاير وكيك
اتمنى اتخطا هالمره
الشي الايجابي بالامر اني اليوم خفيفه ومقاسي حيل نازل
لبست بدله ذربه وقاعده بالكرسي حالي حال اللي يمي واللي وراي
صج متينه بس مو حيل
وزني كان قبل شهرين يمكن 106 وزياده صرت 94
يعني 12 كيلو
لله الحمد والمنه
بنات تكفوون وربي شعور حلو وبفخر بنفسي
الله يتم علي وعليكم هالاراده

 

[simple.girly]

وعليكم السلم ورحمة الله وبركاته ...
هلا بالطش والرش هلا بالمرتهش كله ...
مبرووووووووووووك وانشاء الله تشوفين بنيتج بأعلى المناصب يارب وتفرحين فيها
الحمد الحمد الله قولي ما شاء الله ما يحسد المال اله اصحابوه لوووووول ....

المرتهش شنو ريجيمج ؟؟ انا وزني معلق

 

[أم حيدر]

يلا فضولي غرفه خلأحط قشي ، ابدل ملابسي وايي اسولفلكم

شوفوا

انا عندي 3 يهال يبتهم ورا بعض خلال 4 سنين (( الف حمد وشكر ))

النتيجة وزني من قبل اول بيبي 70 صار 92.5

بعد ما آخر بيبي بنوتي الله يحفظها اجتازت مرحلة الرضاعه الطبيعه - وبعد البحث والسؤال وتشجيع صديقتي وزوجي لي سجلت بنادي صحي شهر 9/2010
وقمت يومياااا اروح النادي بعد دوامي مباشره

يعني اطلع من الدوام الساعه 4 جنطة النادي معاي ادش النادي واطلع ست

شعور الذنب ان هالوقت قاعده اخذه من حساب بيتي وعيالي وزوجي عطاني دافع اكثر اني اسوي كنترول وما اخوره خوره جايده بالاكل

مازلت في النادي واشتراكي بيخلص شهر 5

ما مشيت على ريجيم معين لاني ماعرف كلمة ريجيم تسببلي حساسية

لكن !!!

منو فينا ما يعرف الاكل الصحي

دايما نصيحتي سمعي صوت جسمج وحسي بحاجته

النظام الصحي + الرياضه السليمة = نتيجه مرضيه 100%

خواتي لاااااااااااااااا تسوون ريجيم بدون رياضه نصيحة اخت الجسم بيترهل وبتتمنين لو تامة متينة

الرياضه ترتب الجسم وتنزل الوزن باعتدال

طولي 159 وهدفي 65 مابي اضعف كلش

يعني ابي 10 كيلوات

اي نعم معدل نزولي يعتبر بطيء نوعا ما بس فعلا هذا اللي ربي مقدرني عليه وهذي طاقتي

اتمنى اكون فدتكم واي سؤال ما يردكم الا كييييييي بوردكم

 

[simple.girly]

صراحة ايه والله اله البيت .. لاياخذج شي عن البيت ...

 

[أم حيدر]

سمبلي فكري فيها

انا صح صارلي 7 شهور ماخذه ساعه ونص يوميا من وقت البيت

بس مقابل هالساعه ونص

قاعده العب واركض ويا عيالي واقوم اباشر امورهم بنفسي بدون ما حس بارهاق من الوزن الزايد ، نظرة الاعجاب والتشجيع بعيون زوجي ان عفيه هذي مرتي اللي ارادتها قوية

صلاتي اللي اصليها بأريحية بدون ما انافخ

واااايد امور تختلف بعد نزول الوزن - عيالج وبيتج محتاجينج تكونين بكامل صحتج عشان تقدرين تعطينهم اللي محتاجينه.

يتحملوني فتره وانا معطيتهم العمر كله

 

[shahooda123]

شلونكم ياحلوين شخبار الرجيم معاكم انا تريقت اليوم بيضتين مفيوحين مع جم حبة خس والحين انا بالدوام الله يصبرنى ويمر اليوم من غير مااخربط

 

[simple.girly]

دام ريلج مستانس الحمد الله .. هذا اهم شي بس مرات روحي بو ساعة مرات كشتي يوم ... ما ادري انا احس لا تعودون على غيابج ... شوفي انا مو متزوجة فما ادري شنو الوضع بالضبط بس ان شاء الله تضعفين بصحة وسلامة والفال لي ان شاء الله اضعف ابي البسسسسسسسسسسس

 

[قانوون كيفك]

مساء النور على صديقات رحله الرشاقه
وبما ان الرحله معاكم اكيد بتكون رحله سعيده

حيا الله بكل من يدخل ويتابعنا
والله يحقق لكل وحده هدفها لكن بنات العنوان مبين ووواضح نبي بنات التجمع اوزانهم متقاربه يعنى ماتصير منافسه اذا وحده وزنها 60والا 70 وبتنافس وحده وزنها 90 و 100ووين المنافسه ؟؟ يعني اسمحولي فرق اكثر من 20 كيلو شلون بنافس ؟؟؟؟

 

[قانوون كيفك]

ياهلا والله قانون


والله كلامج يششجع الواحد من صج وبسويهااا واللحين بحط ورقه ياااااااااويلي ييطلع عندي مو ورقه اورااااااااااااااااااااااااااااق وكلهاااااااا طموحات يالله ماعليه

والله غلط وانتي بالنفاس تمششين توووج ولاتعيدينها

لازم تقاومين من اللحين وبعدهااا يصير عادي الاكل عندج

وزين ماسويتي والله لاتقووولين لزوجج تسوين رجيم سويهااااا مفااااجااه وان شاءالله يالنزووول بصصحه


وكلامج اللي قلتيه صصار فيني بس بسسوي الاورااااااااااااااااااااااااااااااااااااااااااق الدنيااااااااااااااااااااااااا وبنشوف لوين اوصل بالطموحات



يالله احنا قدهااا



اها يعني شاي وحليب والله على بالي بدليه <<< تصصصيد *

هذي غلطه حياتي بالنفاس واثرت علي وتووووووبه ما اعيدها
من ناحيه الاوراق طلعي اللى بخاطرج فديتج وبدعي بعد محد بيدري عنج اهم شي تتخذين قررات تغير في حياتج للاحسن وبتشوفين نتايج حلوه ومريحه
وزوجي قبل اقوله كل شي احس فيه وشنو مشتهيه اكل وشنو ريجيمي الحين الوضع تغير بس اللي يدري عنه اني متبعه نظام غذائي عشان الكلوسترول زايد عندي شوي وعندي يوم فري فقط مو اكثر من جذيه
والبدليات ماتقدرين ياحلوه تصيديني :lololoe:

 

[Obtamistic]

السلام عليكم :eh_s(17):

شلونكم بنات إن شاء الله بخير وصحة

ما شاء الله عليكم يا بنات وعلى الإرادة الحلوة يارب يتمم عليكم وتضعفون ضعف يشوق

هلا وغلا قانوون كيفك وايد عجبني كلامج عن التغيير ومعاج حق بكل كلمة :eh_s(7):

أم حيدر ما شاء الله عليج والله يخليج حق ريلج وعيالج وزين سويتي ساعتين تروحين تلعبين فيها رياضة تساعدج وإن شاء الله تزيد عمرج وتشوفين عيالج وهم كبار وانت شاريه صحتج أختي simple.girly ميخالف تغيب عنهم ساعتين بس قاعدة معاهم باجي اليوم وتلعب وياهم وهل شي بيوعيهم ويحسسهم ان أهم لازم يقتدون بأمهم ويصير ععندهم إرادة ويحققون ذاتهم بلعكس أمهم راح تكبر بعينهم لأن سوت إنجاز .. أقولج شغله أنا أعرف وحدة كان عندها بيبي وهي توها صغيرة بالثلاثينات يعني أستمرضت من سمنتها ما كنت أعرف جم وزنها بس أنا بالنسبة لها رشيقة تخيلي .. بعد قلبي :eh_s(2): يارب ترحمها برحمتك وتجعل منزلها بالفردوس الأعلى :eh_s(2): توفت من السمنه ..
ترى محنه ماخذين من السمنه إلا عوار القلب ولا راح نرتاح طول عمرنا من السمنة ..
أنا أثرت السمنة على ثقتي بنفسي معنه ثقتي كانت عالية قبل بس السمنة حبطتني قمت أحاتي بلبسي لأ هذا ضيج لأ مابي ألبس قصير سيقاني متان لأ مابي ألبس حفر زنودي إبداع وبعدين !!
هدومي ماركات ما تهنيت فيهم كل ما أشتري بدله لما أيي بلبسها حق موجب عقب شهر إلا ما تدش !! شل سالفة وبعدين !! كبتي أغلبه بدلات تشوق بليبلاتهم ما إنلبسو !!! ولا أشتري بدله تكون شوي ضيجه بو 5 أو 6 كيلو لازم أضعف وأنسى عمري لي متى !! والله شاريتلي بدلات يشوقون على بو بلبسهم برمضان والعيد وأنا ليلحين ما لبستهم تأزمت :eh_s(16)::eh_s(2):
بس هل مرة إن شاء الله غير أبي أضعف لو 3 كيلو بالشهر ماعندي مانع
وإن شاء الله كلنا نطلع من هل تجمع ضعفانين

أخت قانون إذا ضعفت أبي ألبس كل هدومي الكشخة حتى لو بزوارة عادية :eh_s(9): وإذا ما ضعفت حتى لو أشتري هدوم يديده بتطلع ويع على هل وزن .

بنات صج مشكورين لان أحس في أحد نفس حالتي وفاهمني شجعتوني وايد وياربي يوفقنا كلنا أنا هل فترة وايد مشغولة وعندي ضروف مو مخليتني أبلش بالرياضة وأنا أعرف نفسي ما أضعف إلا برياضة فيمكن هل أسبوع ما أنزل وايد لأني مو متبعه رجيم معين بس قاعد أخفف وشوي شوي أبلش عدل
أشوفكم على خير يا حلوين " إي حلوين حتى لو أنتو متان لان الجمال جمال الروح لا تنسون هل شي"