عندج حكومـة شحقـة تروحين خـاص ؟

[ديمــــــــــه]

يمكن انتي صادفتي ناس حليلين وربي سخر لتس ناس طيبين لكن صدقيني معظم المستشفيات الحكوميه صارت للاسف تعبانه كأنها ماتتعامل مع اوادم والانفس خايسه حتى بأسهل الحالات يحسسونك انك جايه تطرين رغم انه حق عليهم انهم يخدمونك ويوفرون لتس كل اللي تبينه
انا عقب ولادتي الاولى بمستشفلى حكومي حرمت اروح حكومي حياتي كلها لانه كنت بموت بين ايدينهم وهم واقفين يناظروني
ولا تقولين لي ماقريت موضوعتس ومحد فاهمك قريته مرتين خخخخخخخخخ
بس انا ضد المستشفيات الحكوميه لانه الروح غاليه
:eh_s(7):< لتس

 

[Snow-White]

احس المستشفيات الحكوميه صارت مو حقنا حق الوافدين .. اكيد من حقهم يتعالجون مثلنا بس المفروض الاولويه للمواطن. وصح انه كل شي موجود بالحكومه بس فيه ناس مالها خلق تنطر دور ومواعيد طويله ونفسيات مو حلوه فتختصر الطريج وتروح الخاص مع اني اشوف ان المستشفيات الحكوميه فيها اطباء اكفأ من الخاص وساعات تصير عنايتهم احسن بس المشكله بالاداره والتنظيم وحلوه الخطوه اللي سووها ان العيادات التخصصيه تفتح العصر للكويتين بس

 

[! بــدويه وآآيــد !]

،



هلا مشتطه ياحلو اسلوبج ومواضيعج
وانا عندي قناعه١٠٠٠٠٪ انج مو بنت فقر بس ماتحبين التبذير بخبال بنات الفقر اهم الي يموتون عالتفنسق ويتسلفون ويدشون جمعيات عشان بس يكشخون بشي موجود ببلاش او بسعر اقل المهم مو هذا موضوعنا :$

انا صراحه اشوف فيه شغلات بالخاص موجوده بالحكومه واذا موجوده وبنفس الجوده اروح حكومه مومشكله
بس المشكله ان احنا على الفروانيه عاد تعالي شوفي الفروانيه باللليل اووف جان زين بطاقتي على الاميري او الصباح جان ما اروح خاص لكن الفروانيه ادش جدامي ١٠ هنديات ينطرون بنفس اللاين وجم مصريه هذا لاين الحريم من غير الي مالهم خلق نطره ويدرعم اول شي ويقول دقيقه دقيقه ويدش ياخذ رقم قبل غيره !! هالحركه تنرفزني
والا الهنود الي يدزون دراجات المرضى عمرج وقفتي تأملتي شلون يدزونهم!! جنهم خرفان موطينهم مقصبه والله مره بالفروانيه بركب السياره والا الهندي الي يدز عجوز تعبانه تمسح دميعاتها وهو يركض فيها ويمشي بسرعه بسرعه وشوي يوير فيها وهي تترجاه شوي شوي وهو يخزها معصب! امي من الصدمه قالت بصوت عالي حسبي الله عليه انا وقفت ولعنت خير خيرينه وقلت له عطني اسمك يلا بسرعه الحين اشتكي عليك وهو يترجاني ان ما ابلغ عنه المسؤولين وهي مسجينه تمسح دموعها هاد حيلها التعب وهو هد حيلها اكثر حسبي الله عليه وتشكرني تقولي كسر ظهري الله يسامحه

والا غرف الدكتور الي الف واحد واقف على بابه وكل شوي يبطلون الباب واذا الدكتور بيكشف تركض الممرضه تمسك الباب عشان لحد يبطل من اللقافه !! وانتي اقعدي ساعدي روحج بروحج صارت شغلة الممرضه حارس

والا التحليل الي المفروض ناخذه بالحكومه ماله داعي خاص يضيعونه جم مره والا يقولون نص ساعه ويطلع بعد ساعتين

عاد كلش ولا الحمامات لا لا شي موطبيعي يلوع الجبد : ( حفاظه برا الزباله ودم على طرف الافرنجي وترجيع بالممر لا لا شي موطبيعي قرررررف :-/

وفوق كل هذا نضغط على روحنا ونروح حكومه اذا الشي متوفر فيها وبنفس الجوده بس هالقرارات الي كل يوم تنزل نرفزتنا اقولج آخر قرار مثلا مايسوون تحاليل شامله واشعه مقطعيه الا لما تحيبين ورقه من مادري وين مبنى بار المستشفى وهالورقه يبيله تراجعين عشانها يوم كامل

والا النفسيه ساعات عاد شي ثاااني شي ماله حل قبل فتره رحت المستوصف فيني هبوط حطوا لي درب لو شفتي السستر شلون جايه تشيل الابره بعد ماخلص الدرب بغت تكسر ايدي ايدها حديد تعور زوجي زفها ولعن خيرها قال هذي مره موذبيحه تنفضينها جذي لو انكسرت الابره داخل شسوي لج وراح اشتكى عليها وقعد يوم كامل يتحسب عليها بطت جبده وانا ايدي اسبوع زرقا مكان الدرب

وخل اقولج ابوي مره طاح علينا ووديناه افروانيه قالو حراره وعطوه حبوب ورد وبس يرجع ويعرق ولما زاره جارنا قال ودوه المستشفى بسرعه هذي جلطه !! وديناه الهادي وفعلا طلعت جلطه لهالدرجه روح المرضى صارت عندهم عادي بس بيمشون ويقولون اي كلام ؟ عاد من بعدها كرهت الفروانيه وكرهت ساعته وكرهت طاريه

والا النطره شي موطبيعي انا اذا زوجي نازل معاشه اروح خاص بس اذا اخر الشهر مفلس لا حكومه لوول بس ماروح الفروانيه لاني اكرهه اكرهه اروح الصباح وترجي وحب خشوم ومراكض من غرفه دكتور للثانيه عشان يعطينا لامانع يالله غصب يدخلونا لان بطاقتي مومعاهم بس عاد شنو اكره روحي بالنطره عادي اقعد ساعتين للحين الدور ماتحرك ترى صج مابالغ اتكلم مخصوص عن قسم امراض نساء وولاده اقعد بالساعات وزوجي برا كل شوي يدق آخر شي يقول طلعي خيولون

اتمنى الحكومه يحطون مراقبين على الي يدزون وعلى نظافة الحمامات وعلى ترتيب الناس مو وانتي بغرفة الدكتور الباب ينطق وينفتح الف مره والكراسي فاضيه وامتجمهرين جدام باب الدكتور

جذي الدكتور يتنرفز ومايركز والمريض ينغث ومايشرح حالته عدل للدكتور وسوالف واغلاط واجد كلها بسبب ان ماكو مراقبه ولا مسؤولين سنعين ولا تنظيم ولاترتيب

عشان جذي الوحده تشتري راحتها وعليا حتى لو كانت طرق المعاش وتروح خاص الكويتين صاروا جذي يحرقون الدينار بالخاص ولايحرقون اعصابهم بالحكومه

حدي قرقت بس عجبني الموضوع

 

[قمر بيت أبوها]

الخاص بعد بلاويه واجد منها انهم مايهتمون بالتعقيم صرت أخاف منهم والله
بس انا احب الخاص بالاسنان بسرعه وموعدك علي كيفك
وبالجلديه ارشحهم وبقوه
الحكوميه افضل بالتطعيمات حقت الاطفال ومراجعات المستمره لكبار السن والمتابع بالحمل افضل
انا جربتهم كلهم والحمد الله انااراجع علي تأمين يعني حكومي وخاص بنفس الوقت
وارجع اقول الخاص مو كلهم ثقه بالذات بالعمليات ياكثر الناس اللي انتقل لهم فيروس والسبب عدم تعقيم الخاص
ولو صار لك شي لا سمح الله هربوا الدكتور عشان مايتحاسبون اصاحب الخاص
بس الحكومي وراهم انظمه وقوانين وسوالف وبالاخير الكل يدور راحته



بدويه وآآآيد
ترا الورقه عشان التحاليل الشامله تبع المقطعيه وهالقرار صاير بكل المناطق لان الاشعه المقطعيه مايصير يسويها اي شخص وكثرتها تجيب اضرار صحيه حتي صاروا يعزلونها عن باقي الاجهزه الطبيه ولها قسم لحالها
وفعلا ياليت يراقبون الحماما ت اهم شي مالينا من القرررررف المصيبه حريم واتكيت والله عيب نشوف هالوصاخه منهم

 

[_زينه_]

صح كلامج وانا مثلج مليون بالميه

بس بما ان بطاقتي على العدان وقبل عالاميري ماكنت اعرف الخاااااص خير شرررر

بس من نقلت عالعدان كرهت الحكومه لان لووووعه لوعه لوعه بكل شي من تحاليل من قسم اطفال

صدقيني المكان يحكم مو الفلوس

يعني فرق بين الاميري والعدان واثنينهم حكومه الاميري يهبل يهبل العدان اكس اكس اكس والحين كله مستشفيات خاصه واذا تحاليل اروح يوكو بالعدان تحاليلهم رخيصه حيل

 

[نور مغليها]

بسراحه معاج حق بس
انا بروح خاص اسوي اسناني . لان الحكومه مواعيد طويله ونطره ..
لكن قبل اروح الخاص راح اروح الحكومه اسوي تنضيف اسنان , موجود بلحكومه والخاص .لكن االحكومه مجاناا . انا مو بخيله لكن نفس الجهاز ونفس الشغل.
لكن التركيب والتبييض بسويها بالخاص .

 

[Q 8 Y A t]

شوفي
الحكومة فيها كل شي وببلاش لكن المشكلة بالعاملين
تقولين مستشفى ابوهم



اقط فلوسي بالخاص واريح عمري يكفي المعاملة الحلوة

 

[وصال 86]

اختي مشتطـه
انا فهمتك بس لي تعليق بالنسبه للحكومي
اعتقد في اماكن ممكن تروحي فيها حكومي واماكن لا
انا مصرية ومن سكان الفروانيه والله يا اختي صعببببببببب جدا العلاج ف المستشفى دي ولا مرة دخلت فيها وطلعت منها مرتاحه
كذا مرة اروح بشتكي من جانبي يعملوا تحاليل وفحوصات وف الاخر يقولوا ما عندك شي ويكتبولي مسكن وخلاص
وزوجي يقولي تدلعي وف الاخر رحت خاص وطلع عندي حصوات متعدده ع الكليتين والله يعافي الجميع
ومرة كمان رحت وانا انزف الساعه 3 الفجر وكنت حامل ف الشهر الثاني وبعد ما الدكتور كشف كتبلي معاد سونار بعد ثلاث ايام
طب بالله عليكِ واحده بتنزف تاخد معاد سونار بعد 3 ايام المهم الحمدلله على كل حال اجهضت وتابعت بعد كده ف الخاص
انا متأخره ف الحمل ولما كنت اتابع عند المستوصف كنت اكون هناك الساعه 7صباحا عشان الحق رقم وف الاخر ممكن الحق وممكن البنت الكاتبه تقولي بمنتهى البساطه خلاص سكرنا ولو دخلت البنات جوة معامله زي الزفت والله وجارحه جدااااااااااا
وبسببهم والله اقسمت اني ما اتابع نسا ابدا ف المستوصف
اما الاسنان دي بقى مشكله تانيه خالص انا بسبب الاسنان والله نزلت مصر عشان اعالج اسناني بعد اللي شوفته ف الحكومي انا اصلا بخاف من طبيب الاسنان ومافي عندهم ادنى نوع من انواع التعامل مع مريض الاسنان شخط وصوت عالي وايدهم ثقيله قلت خلاص خاص بخاص انزل لدكتورتي افضل ورحت فعلا وخلصت اسناني الحمدلله
والله يا اختي ما بيلجأ للخاص غير المضطر
اما عن الولاده اسمع انها ممتازة ف الحكومي حتى ف الفروانيه بس بصراحه انا معرفش
ادعيلي اجرب الولاده قريب
والله يرزق كل محتاج ويشفي كل مريض اللهم امين​

 

[Patcholli]

مو مشكله عليهم بالعافيه حتى لو فسقانين خلاص اهما يريحهم هالشي بس انا اللي يبطون جبدي ان في ناس يطالعون اللي يروح حكومه انه بخيل ..!!

ذاك اليوم وحده بتذم بريل اختها تقول بخيل يودي عياله الحكومه ..!!


قتلها شكو يعني .؟ ليش بخيل ؟ طول عمرنا نتعالج بالحكومه والخاص حق الشديد القوي اللي يستصعب علاجه

بس الاشياء البسيطه اشحقه تفلسف وتشيحط والعلاج واحد يعني مافهمت هالمنقط الغبي ..!!

صار تفلسف حتى بالمستشفيات الحمدلله والشكر ..!!

 

[PuPa^^SWeeT]

انا توني طالعة من مستشفى مبارك


قسم الاطفال


يعني ماشالله رعاية حلوة


و نفس اتهبل دكاترة و ممرضات اللهم بس وحدة بس عشرة زينيين


و الرعاية حلوة و نظييف


بس اللي مخربه صرااحة

فيه من الوافدين الله يهداهم اهم مو وايد بس يعني عايلتين

عيالهم لاعبين بحسبة الحمام العموومي


فا لو بودي بنتي صعبة صراحة خفت تلقط شي برووحها مودتها تعباانة



بس كرعاية و ديرة بال وايد زيينننييين

عيل الخاص ليي ابتلش ودااج الحكوومة

هذا دلييل انه الحكومة افضل

كعلاج و كرعاية


بس احنا انروح الخاص لسبب


انه لو انحن واايد عالاقل داشين بفلووسنا بس الحكومة من يمسكوونج مالج راي

تسكتيين و اهم يعالجوونج هههه

 

[أأأحبه]

^
^
Patcholli
معاها

 

[.]

انا مثلج قبل لا اروح الطبيب افكر خاص ولا حكومة ..

مثل اسناني رحت الحكومة لانه ابي اخلص بسرعه الحكومة مماطله بالمواعيد وطواله لو كنت اصغر جان رحت لها ..

الحين بعالج معدتي رايحة الحكومة لانه في وايد فحوصات وكلها متوفره فيها واذا بروح خاص بقط مبلغ وقدره حرام اقصد حرام لانه متوفر ببلاش مو حرام بصحتي اللي ماعندي اهم منها عشان محد يقول جعيصه.. قلت اذا مافاد علاج الحكومة اخذ نتايج التحاليل واروح الخاص ..

وبالنسبه للزحمه الحين الحكومة والخاص زحمه .. << رد ع وحده من البنات ..

 

[توتاتوتا]

مستشفيات الحكومة اذا انتي تابعة للاميري اكيييد بيكون احسن من الخاص


غيره لا خاص و لا حكومة


خصوصا الي تحويلها للعدان

فالولاده صخ روحي خاص للرعاية و الرفاهيه و الخاص للامراض البسيطه و تبين تخلصين بسرعة

 

[أكذب عليك]

يعطيج الف عافيه حبيبتي ع الموضوع

عن نفسي ماااااااااااااااااااااااااا اطيق الحكومه ينرفزوني ومرات اروح عشان الطبيات ولا جد
ماتحملهم .. مشتطه جد موسالفه بذخ وفسفه بس انا الطواله اكرهاا وكلها واسطات


تحاليل تحليل دم اقعد ساعه عشان احلل وتنقعي و بالخاص احلل ويدقون عليج يقولولج خلص وهم يقولج النتيجه
وغير اذا في تحاليل الخروج والبول عزج الله كل واحد شايل قوطيه منحرج الخاص يحطولج قدم الحمام عزج الله

الخاص يعل قلبي لما حملت انه انطر بالساعات عشان ادش ع دكتورتي

والله يامشتطه فلوسنا مولاقينها بالشارع بس روتين الحكومه يخليج غصب تروحين للخاص
ومومن زين خاص الكويت الا انهم غصبن عليهم يخلصون شغلج لانج للاسف دافعتلهم

قبل ماتزوج صراحه اروح لاتعبت اروح خاص لانه المواعيد تدبل الجبد ولما تزوجت صار عندي
تامين وارتحت اكثر

 

[مشتطـه]

بدوية وااايد يا زينج زيناه
نورتي موضوعي وفديت القرقه انا

صاجه اذا بهالحاله انا ابدآ ما الوم
وانا عالصباح والاميري ويمكن ماشفت اللي قلتيه
نورتي الموضوع ياعسل


-
-
-


وصال حبيببتي عورتي قلبي
اذا احنا الكويتين ماكو معامله زينه شلون الاجانب

عسى الله يرزقج بالولاده السليمه يارب


-
-
-
باتشولي تلقينها بنت فقر اللي قالت جذيي مالت عليها وعلى تفكيرها الغبي

 

[مشتطـه]

نورتو بنات الموضوع وشكرآ على تفاعلكم :******

ودي ارد على وحده وحده والله

 

[Patcholli]

واي بنات اليوم كنت بالخاص واتذكرت الموضوع قلت اول مارد البيت بكتب اللي صارلي

والله العظيم بدون مبالغه من ال11لي 2 ونص انا بس ناطره الدكتوره حظرتها اتي ..!!

طلعتلها اميرجنسي كيس وطنشت بالمراجعين وكل مايدقون عليها تقول 10 دقايق من 11 لي 2 واهي تقول 10 دقايق واي

اول مايت دشت لاسلام وكلام سوتلي العمليه وفصخت الدسوس وطلعت من الغرفه ماكلمتني ولا كلمه ..!!!

حمدلله والشكر هذا وانا دافعه فلوس والله لو بالحكومه مايتجرأون يطلعون المراجعين جذي ويكون في دكتور بديل عالاقل اهناك دكتوره وحده ومافي احد مكانها بهذله ..

حتى مره من قبل كنت رايحه اراجع عند ماجده اليتامى دكتوره شيرين ..!!
كانت عيادتها زحمه حيل ..!! قالتلي تعالي باجر مبجر اول وحده تعاليلي عشان نقعد نتناقش اليوم زحمه ومشغوله ماقدر اقعد معاج ..!!

دفعت فلوس بس عشان تقولي هالكلمتين وامشي ..!!

والصراحه كشت فيها ومارحتلها لان حدي احتريت شنو انطر من المغرب لي 10 بليل وبعدين تقولينلي تعالي باجر جان من الاول قلتي ماكو مواعيد العياده زحمه ..

بس لط فلوس من الاولادم على ماميش ..

 

[PuPa^^SWeeT]

^^^^


انا ماروح عيادات حرييم للولادة ومتابعة حمال


انا اروح مستشفى صراحة احس اضمن

وبعدين الحريم مادري يعني وايد شايفين رووحهم كلش مافي غيرهم دكاترة



ومثل ما قلتي الحكوومة مو بس دكتورة وحدة


اكثر من ثنتين يكونون موجودين علشان مايصير زحمة


وياربي الديرة ديرتنا المفروض الحكوومة تنترس كويتيين مو اجانب

 

[reem alflla]

والله اذل فلسي ولا اذل نفسي الحكومه قعدي نطرررررررررررررررررررري والمكان مأساووي

انا بحط موعد بالوقت الي يعجبني ومتا ما ابي

ونفسيااا الخاص غير

واذا على الغرف حق الولاده بعد شتسوين بتسوين ستقبال وكلششششششش الواحد ماله خلق اوادم تسير عليه بالبيت وانا توني والده ابي مكان حلو بسوي فيه استقبالي ومكان يشيل

مستشفيات الحكومه حق الولاده متر بمتررين

اذكر رحت حق وحده مره بصباح انا حاشني قامت شلون اهي الوالده ؟!

اذا ماشتري راحتي شعازتهم الفلوس

قط فلوسك بالشمس واقعد بالظلال والله

 

[reem alflla]

لووووووووول توني اقرا الردود اهم شي هاذي الي تقول بخيل يودي عياله حكومه ؟!

بعد كل واحد ومقدرته الحريم خبال

^^^^^^

شكوووووو تنطرررررررج امبيه انا كلش ولا النطره ماااستحمل تتوتر اعصابي