عندج حكومـة شحقـة تروحين خـاص ؟

[اللغز الغريب]

بالنسبة لشي بسيط مثل الطهار أتفق معاج

بس بالعمليات مستحيل نسويها بالحكومي و لو شي بسيط

يدي مات بسبتهم الله لا يوفقهم

 

[om MaRyooM]

شوفي حبي انا يمكن لي وجهة نظر غير

الحكومة صح عندها امكانيات نفس الخاص .. وأحسن بعد وافضل وأكفأ الاجهزة
بس المشكلة من وين
من الدكاترة والستاف والاهمااااال

وانا لأني اشتغل بمستشفى حكومي وعارفة اللي قاعد يصير

باختصار اقدر اقولكم (لايحووشك)

بس ف يبعض الامور لاطبعا الحكومة افضل
نفس بعض العمليات الدقيقة مثلا
او فحوصات الmri المغناطيسية وغيره
والعظام

اما كولادة وشغل الاسنان وهالامور الثانية اكييييييييد خاااص

 

[* ليــــدي *]

آلنآس تخآف من الحكومه لآن مآيفهمون شي ..
و آغلب الدكآتره اللي فيه بآلوآسطه و تزوير ونفسسسيه موطبيعيه ..


لكن البركه مو في الخآص و الحكومه
البركه من الله

 

[PuPa^^SWeeT]

ليدي

توقيعج يخرع

 

[مشتطـه]

باتجولي اشكرج على ذكر موقفج

مثل ما الحكومة فيها الشين حتى الخااااص فيه شوي



بالنسبة للي ذكو الولاده

انا سبق وقلت
اني مع الولاده بالخاااااااااااااااااااص

ليش تردون بردود مالها داعي ؟


فهمو الموضوع واللي يعافيكم

وبالنسبة للعمليات الدقيقة

رفيجتي بين الحيا والموت
راحت الاميري سوت عملية بأمعائها بإيد استشاري كبييييييييييييييييرررررر
والحمدلله بفضل من الله كاهي ماعليها الا العافيه


ترى الحكومة اللي تجيت عنها الصباح والاميري

مادري عن الفروانية والعدان ومادري وين بحياتي ما شفتهم

وانا تكلمت بموضوعي عن الشغلات البسيطة

ما ذكرت اسنان والا ولاده والا مراجعات حمل


انا مراجعات حمالي و ولادتي كلللللللللللللله بالخااااااص

 

[أم لطووف]

صح كلامج
السالفة سالفه عرفي وين تقطين فلوسج وع شنو اذا شي مهم جدا مثل اسناني ولادتي والذي منه لا اروح الخاص وانا اضحك ع قولتهم حط فلوسك بالشمس واقعد بلظلال
انا الاشياء الثانيه اللي مقدور عليها لا والله

مثال : انا كنت اخذ ابر تثبيت الحمل جانكم تعرفونهم اسمها جونال اف البوكس الواحد يا ب10 او اقل او اكثر ولا زم ع مدى 5 شهور يوميا اغز هالابره متخيلين التكلفه
رحت الصباح عشان اسوي اوراق لدوامي والاجازه والدكتور اللي هناك عطاني فيتامينات اخذهم من الصيدليه اللي بالمستشفى وربي جدامي مالت الصيدليه طلعت ولا 12 علبه عطتهم للمرا الي جدامي مثبتات بالظبط نفس اللي كنت اخذهم وبلااااااااااش انا طارت عيوني يعني لو مختصره الدرب من الاول ويايه الصباح اخذ الادويه والفيتامينا ابلاش ولا قط هلفلوس اللي ماله داعي ابد هاا وع فكره هالابره قعدت احووس بالصيدليات ادورهم دواره وبالياللله احصل علبه او علبتين وهم اهناك طحيحه ..

فلازم الواحد مثل ما قلت يعرف وين الزين ويقط فلوسه وهو مرتاح وشنو اهوا الشي اللي يستاهل ادفع فيه فلوسي ومايبخل ع نفسه..

 

[خذاني الشوق]

انا وحده افضل الخاص بمليون مره عن الحكومه الحكومه ع قولتج بلاش ومتوفر انا هذاك اليوم ولدي فيه نزله معويه وديته للمستوصف قدام بيتنا قالي ماعندنا ادرب روحي للفروانيه المستشفي اخذيه هناك عطاني تحويل ورحت وانطر مع الزحمه ساعتين واخر شي جاء الدكتور وقال يلا دخليه خل ياخذ درب وروح عند السستر جان تقولي مافي سرير انطري ساعه وربع ع مايفضي سرير والولد التعب هده ماتسوي علي هالنطره غير النفسيه اللهم ياكافي جنج تطرين منهم الخاص اخذوا ولدي واسلوبهم بالتعامل فوق الممتاز والتحاليل سريعه شاللي يحدني انطر واتنقع وبالاخير صارفين لي دوا قطرة اذن لعيوني حكومه اكسسسسس 

 

[روانتي 12]

وعليكم سلام ورحمة الله وبركاتة . .

فعلآ معاج حق بكل كلمه قلتيها . . وانا شايفه نوعيه اكبر من الي قلتيه . . بصراحه إسراف و صرف فلوس ع حرام . .
غيرهم محتاج وهم فسقه . . مو قصدنا بخل بأنفسنا لكن كل شي له حقه مو اصرف فلوسي ع خرابيط . . ما اقول غير الله يهديهم .

 

[ابدا يالغالي مانساك]

بصراااحه انا من انصار الخااااااااااااااص

تبين الصراحه الخااص يعزونج غير عن الحكومه لووووووعه وغيرهذا تعالي نطري ومدري شنو اشياء واايد غير النطرره


وانا بحمالي تلعوزت حيل حيل بالحكوومه وكنت انزززف
ومايرحموون الا اسووي دااخلي ويعطوني مثبتاات

والسونار الدااخلي له موااعيد مو يدخلونج علي حسب حالتج

طنشتهم ورحت مع زوجي للخاص الامومه
بجم سااعه خلصت كل شي

​

 

[مشتطـه]

ابد يالغالي مانساك

انا يوم نزفت رحت اقرب مستشفى لبيتنا واهو السلام


قالولي روحي الحكومـة

طقوني ابرة الرئه ب 30 اتوقع
والثانية طقوني ياها الصباح
وبدقيقه سوولي سونار داخلي

وسونار ألترا ساوند الرباعي
نفس الخاص طبق الاصل

والخاص سووه لي ب 30 دينار ومابين شي معاهم

والصباح وقفو على راسي وكل ساعه إييني الدكتور يشوف الطلق ويشوف النبض ويشوف كل شي


لاني حالة طائه حطوني على راسهم

ما شفت اللي تقولون عنه اهمال و تدقر


ما ظنتي الحكومة بيشووفون وحده تنزف وبيهملونها وين قاعدين افغانستان ؟؟؟؟


انا دخلوني قبل الكل



للعلم انا اتكلم عن الصباااااااااح


وبالنسبة للتخطيط كنت اروح الصباح اسويه و ب ربع ساعه كنت ادش
ونفسية الدكاترة هناك تهبل


حتى يوم قلت مابي ريال يفحصني
يابولي دكتورة وما تحلطمو علي


بس الولاده رحت السلام لان هناك انظف وامي تدخل معاي الولاده

اما الاجهزة وهالسوالف
انا مقارنه بعيوني نفس الشي

 

[مشتطـه]

أم لطوف و روانتي اشكركم على ردكم و انكم فهمتووووو الموضوع عدل وفهمتو تفكيري

 

[ابدا يالغالي مانساك]

مشتطه شكلج لووول قلبتي علي وشتطيتي

انا اقصد الفروااااااانيه يمكن مااجربتيه انتي

انا ماااهضم ودوور مستشفياات الحكوومه كلهم للاماانه
عندج مبارك مشالله وعندج الصبااح انتي تمدحينه

عالعمووم جزااج الله خير والله يكافيناا ويبعدناا عن المستشفيااات

​

 

[[[ عيون جابر ]]]

بإختصار لان مستشفيات الحكومه صارت للوافدين وواسطات بعد وتعال يالمواطن اقعد انطر موعد ودور واهم يضبطون ربعهم من تحت لي تحت ف الواحد ليش يذل عمره ويعطل اشغاله على موعد؟ الحمدلله دام الماده موجوده ومقتدره اروح خاص واخلص شغلي بفلوسي ولا فلان وعلان يتفضل علي وينطرني دوور .

 

[ببي جونسون]

حببيتي مالوم الناس لما تتجهه للخاص افضل الحكومه اغلب الدكاتره نفسيه والتحاليل تطول على ماتطلع النتيجه اسبوعين بالله مرض خطير وتاخروا بالنتيجه راح يزادد المرض فالخاص احسن لانه النتيجه تطلع بسرعه وبالامكان اصلاح الخلل

 

[مشتطـه]

انا ماتكلمت عن التحاليل الي تطول ؟

 

[بنت النوخذا]

والدليل كل رياييلنا تبارك الرحمن هناك متطهرين





ناطرة ردودكـم :eh_s(7):

ههههههههههههه مشتطه

ربي يسعدج و يوفق ياااااااااااا رب
بس اسمحيلي دليلج وايــــــــد يضحك
:d

 

[amami al-kuwai]

موضوع الطهاره وجناح الولاده معاج فيه

التحاليل البعض منها اخذم من الخاص واسويه بالحكومه

مشكله الحكومة مواعيد مو شي والاجهزه هم مو ذاك الزود

انا اروح خاص مراجعاتي وتحاليل اللي اقدر اسويه بالحكومة اسويه وهم اراجع بالحكومة

انا اخذ جناح 1000 دينار هذي حدها مو شي

بس اللي عنده الله يهنيه والمشكلة باللي ماعنده

 

[روعة خيال]

العدان اخذ منه كريمات و ادويه اللي تنباع بالصيدليات مثل زيرتك و اوقمنتين و الفنتولين و كل شي بالخاص و موجود بالحكومه اخذه لانه حق من حقوقي و اذا ما اخذته كوشو عليه الوافدين و خاصة الهنود

لو انا ع الاميري او الصباح أوؤگـي ـي�� ما افكر بالخاص بس انا على مستشفى الاعدام بس جربيه شهر و بتقولين لا يبه خلو اموركم كلها بالخاص

بس الحين اروح للعسكري للجلديه و التحاليل و الاسنان حتى الليزك ناويه اسويه بالعسكري

انا زوجي يشتغل بمستشفى العدان بس يقولي لو تموتين ماتولدين فيه او تعالجين فيه لشغلات ثانيه مع ان الكل يمدحهم بس ما ذمهم الا شاف شي مو حلوو

و على فكره الاميري رحتله و شخصو حالة بنتي ان فيها ربو بس و لمن رحت خاص طلع فيها مكروبات بالرئه و لازم مضاد ١٠ ايام مع كمام خاص لهالحاله بالله لو ظليت على تشخيص الاميري شـ كان صار في بنتي!!

اذا التعليم و الصحه اهم شي لنا اهما اكثر شي متردين بالديره!

تعليم خاص مو قادرين لا حول و لا قوة الا بالله

هالدور خاص لكل الحالات الصحيه وين نروح نبي مستشفى نفس العالم

ان رحنا خاص قالو فقارى و ينفخون ارواحهم على ولا شي
و ان رحنا حكومه قالو بخلا


يبه لو شتسوين الناس بتتحجى لان مالها من الشغل الا القيل و القال

 

[مشتطـه]

حياكم الرحمن
نورتو

 

[مرت ريلي الغالي]

صح كلامج واعرف بعض الشيوخ كلا حكومه بعد قولوا بخله