عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[daloola]

اشوة اشوة في تفاعل

مساكم الله بالخير والكرامه
شلونكم يالغاليين كلكم

جاي الضحى
تبين اليريش يصير حامض حطي ماي الأجار قبل لاتضربينه خطيييير
جنج ماتدرين حطي الطماط وثوم اليبل معاه
هذا يريش خالتي ماشالله لا اله الا الله ماكو مثله بالحموضة
ويدتي قبل كانت تحط دقوس قراش بو ديج مع الضراب

الصابره المحتسبة
شلونج يالغالية...يالله وين الغطاوي والحزاوي

 

[الصابرة المحتسبة]

اممممممممممم شهيتيني يادلولا على اليريش .

انا بخير عساج بخير أفا عليج حاضرين تزهبوا

 

[الصابرة المحتسبة]

منحازنا منحاز حلب ، نصه شاخ ، ونصه ذهب .

يلا منو الفطينة اللي بتحلها

 

[جاي الضحى]

الله بالخير والنور والبنور؛

صبربر صج صج الألغاز إلي تحطينهم عجبه. شزينهم يربي جنا الواحد يغني واهو يقول الالغاز.

يا حيا الله Jolie. أنا سامعه بالاثنين. والحل واحد مثل ماقلت صبربر. الساعه المباركه جولي.

فايث: سمله عليج بردتي جبودنا. ما قصرتي عسوله.

دلوله شالزين؟ ما شاء الله. هذا يريش إلي الكل راح يتنطق فيه. قواج الله. وعليكم بالعاافيه إذا كليته انتي جنى احنا ماكلينا وياج. انزين والقبوط يصلحله ماي الأجار؟ ولا بس الليمونه السوده اليابسه؟!

دامنه قاعدين نتكلم عن الحموضه والأكل بذكركم باليقط. ههه. ذاقينه.

وتذكرون الخريط. ياااو. ما أدري شلون كانو ياكلونه. ذقته مره طعمه كلش ما ياازلي. شكله على طبشيره صفره.

وبذكركم بالقبيط إلي فيه فستق لي الحين فيه ناس تاكله والبرميت جنا حلاوة فوكس.


ها شكلكم ما تبون قرقيعاني. هههه. أضحك.

يالله الحين نذكركم بالغطايه;

منحازنا منحاز حلب ، نصه شاخ ، ونصه ذهب .​

 

[jolie_q8]

الله يحييج ويبجيج ,,

صاجه الخريط الله يزيد النعمه مادري شلون يحبونه

بس القبيط حلو

والغطاية بس بوضح ,, شاخ يعني فضة

انا ترى من اول كسلانه بالغطاوي

 

[Shiny Star]

الله يحييج ويبجيج ,,

صاجه الخريط الله يزيد النعمه مادري شلون يحبونه

بس القبيط حلو

والغطاية بس بوضح ,, شاخ يعني فضة

انا ترى من اول كسلانه بالغطاوي

ذكرتوني بالخريط ...

أنا أول ما حملت بحمالي الأول كنت أتنسى وأنتو بكرامه على طول تلوع جبدي ... وريلي يقول لي تبين خريط ...

عاد أنا بصراحة ما كنت أعرف شنو الخريط ... بس من الفشله كنت أرد لا ما أبي ... وبعدين لما عرفت من خواتي شنو الخريط ... سألته ليش على بالك إني أبي خريط ... يقول لي إن الحامل دايما تطلب خريط ؟؟؟؟؟؟؟؟


من الكلمات القديمه ( براق = ورق عنب بس بدبس الرمان )

 

[jolie_q8]

براق يحطون فيه شويه شكر وصبار وكشمش ولحم مفروم

مال قبل

اتوقع براق كلمة اهل شرق؟

صححولي المعلومة اذا غلط

 

[جاي الضحى]

ههه جولي جنج أنا ماني شاطره بالغطاوي . بس ترى التفكير فيها ينشط التفكير والذاكره؛ أحب اجاهد بالتفكير. أجاهد مو أحاول. ههه

Shiny Star؛ صج كل حامل قبل تبي خريط؟!! ههه ما استبعدها دام بعضنا يطلب صابون وسميت.... الخريط يهون.

براق....خوش كلمه. قواج الله ذكرتينا فيها. جولي ترى يقولونها أهل شرق بس مو متأكده إذا اهي كلمتهم اهم بس. جاري البحث.

ومن الكلمات إلي يختلف فيها أهل شرق عن غيرهم اهي كلمة طابي يعني مقله . و أهل جبله يقلون غويط بدال عميق. عدل؟


ودي أذكركم بعباره نادر ما تنسمع هالايام;

حُمُّك وزورك: يعني حط حد/كل قوتك في تسوي شي .


وما زلنا نبحث عن حل غطاية صبربر والهديه خريط لا لا أضحك :eh_s(1):

الهدييه... يريش خالة دلوله ما شاء الله. :ggdw:

منحازنا منحاز حلب ، نصه شاخ ( فضه مثل ما قلت جولي) ، ونصه ذهب​

 

[jolie_q8]

هذي حجوتي (حمي وزوري )

انزين في كلمات انقرضت ما قمت اسمعها من هالجيل

صيّف << تأخر

كرفاية << سرير

دوشق << ماترس لول

خاشوقة << قفشة

الجابلة << باجر

وفي كلمة وايد هابين فيها هالأيام واهي غلط غلط غلط

يقولون زوالي يعني جمع زولية ترى زوالي غلط جمع زولية زل لا تنسوووووون زل

 

[الصابرة المحتسبة]

ماشاءالله الحبايب كلهم اهني

الله ياجويهه ذكرتيني بقرقيعان قبل هالبرميت والنخي والجوز نكسره ببطول البيبسي ههه وياحلات هذاك الزبيل .
جولي اي ويبطون الجبد لي قالوا يبيله ............ يبله رفسه يبيله مو يبيله طلعة وغيره.
يلا غطايتنا منو اللي بتحلها؟؟؟

 

[الصابرة المحتسبة]

صبحكم الله بالخير,,,,,,,,,,,,,, تون الناس

 

[daloola]

صباح النور وخبز حار من التنور

شلونكم يالحبايب

براق احنا لي الحين نقول براق ( خوالي من اهل شرق )
صاجة يحطون فيه صبار وشكر
يدتي حتى مرقه الدياي تحط فيها شويه شكر مع صبار...بس خطييييييييرة

ونقول شيشه الماي ( يعني دولكه الماي) تعالي سمعي عمامي شلون يعيبون علينا ( ابوي من جبلة )
ويدتي تسمي الفراش ( بطيخة )

لا تسمعينا بالزوارة شلون نتحجا ( احنا طبعا ماخذين الحجي من الوالدة الله يحفظها) وعمامي يموتون من الضحك

احنا انحياز تام لأهل شرق مانعرف غير هالحجي اللي تربينا عليه

اما الغطاية جنها صعبه هالمرة....عاد انا البارحه عند يدتي لو ادري جان سألتها
منو الشاطرة اللي بتحلها ...ولكم مني يريشه ناااااااااااااااااااااااااطعة

 

[daloola]

طرى علي شي
ميخالف اهو محرج شوي بس بسئلكم:
تدرون شيسمون (الفوط الصحية) قبل؟

لووووووووووووووووووووووووول
انا اعرف بس بشوف معلوماتكم

 

[خجل||~]

آوول شي يسلموو ع آلموووضع



لآن وآآيد آفآدني


ودلولاآ لآ وآلله مآآعرف ولآ قد سمعت فيهآ

 

[orangeya]

السلام عليكم,, شلونكم بنيات؟

ياحلوكم.. وياحلو حجي قبل

جويهه ذكرتيني باليقط كنت امووووووووووووت عليه لووول

قبل غرامي اليقط والكنار لول.. منو فيكم تحبه؟

كان عندنا سدرة في بيت يدتي ونلقط بهالكنار (ذكريات الطفوله)


جواب اللغز = البيضه... عدل؟


دلول... سألت وقالولي اطفاره؟ عدل؟ @@

 

[orangeya]

اللي وراي خل اتيّود المايك

ماقمت اسمع هالكلمه وايد..

حتى مرادفها = تقضب هم ماقمت اسمعها وايد

غالبا اسمع مسكي الشغله الفلانيه!

 

[الصابرة المحتسبة]

دلولا قبل لما امي تقول كانوا حمولتها يسمون الكرفاية بطيخة وهي كانت من القصيم وماكانت تعرف شنو معناها ؟؟؟

وعن سؤالج المحرج أسالج بس جنة اورنجية صح؟؟؟؟

وهلا اورنجية شلونج يالغالية : الله الكنار قبل مخامط عليه والصبيان تحذف بالسدرة .
تقضبليلحين اقولها لعيالي .
عاد تصدقون اغنيلهم كل أغانينا قبل شوط شوط يالبطة وغيرها.
تذكرون عواد البرد لما نخلص منهم نلبسهم خام ونسوي منهم عرايس نلعب فيهم.
تذكرون عنبر وقواطي فوق بعض ونحذفهم بصخرة طبعا الصبيان أكثر شي يلعبونها.

 

[daloola]

اورنجيه يدتي تسميها ( تلقافه ) يعني تلقفج من تحت
وصح انا سامعه ظفارة بس تلقافه اكثر

الا بسئلكم ...انتو جم عمركم؟
الصابرة انا ماذكر نسوي عرايس بالعود ...الظاهر انتي وايد اكبر مني

 

[jolie_q8]

اورنجيه يدتي تسميها ( تلقافه ) يعني تلقفج من تحت
وصح انا سامعه ظفارة بس تلقافه اكثر

الا بسئلكم ...انتو جم عمركم؟
الصابرة انا ماذكر نسوي عرايس بالعود ...الظاهر انتي وايد اكبر مني

خوش معلومة ,, انا امي الله يرحمها (تسمي الدورة الشهرية) الغبرة :ggdw:

ههههههههه

يضحكون قبل كلشي يحطونله نك نيم

واذا دشيت عليها واتكلم رفيجتها بسالفة تقول ( ترى بالجو غيم) هههههههه قمه البراءة الله يرحمها

وأول واحنا صغار ومثلا ما كنت قاعده عدل ويبين ( الاندر وير) يقولون في خشمج عود ههههههههه

عاد سيده نعدل هدومنا وقعدتنا

وعلى طاري بطيخه وشيشيه للحين بنات خالتي يستخدمون هالكلمات لانه اصلا ابوهم من شرق وكلامه غير

عن باجي اهل امي

 

[حكاية شهرزاد]

هناااااااااااااا البحرين :ada:




حزاوي الدار

حزااااااااااااوي الدار حزاوينا بديرتنا ........



ماعندي حزاوي بس هذي اغنية تراثية بحرينية ..


ما احب قديم الخليج ..:tomato2:



الرهش يمتن وايد



والسلال تشربك الاكسسوار :dddds:




والجلسة العربية تنمل الريل :gathering:



والاكل باليد يدش بالاظافر ويعفس المنكير :eh_s(14):




واللعبه بالطبيش والتيل مو زينه لليهال .. بعضهم يبلعونها ..


والبخنق يقزز ..


:eh_s(14):



والنشل يمتن ..



والكحل بدون اساس يكبر ..:eh_s(14):




والباب كان مفتوح للجار .. الحين اي شي يصير في البيت .. العين وين تروح ._03BA:..سيده على الجار ..