عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[الصابرة المحتسبة]

اورنجيه يدتي تسميها ( تلقافه ) يعني تلقفج من تحت
وصح انا سامعه ظفارة بس تلقافه اكثر

الا بسئلكم ...انتو جم عمركم؟
الصابرة انا ماذكر نسوي عرايس بالعود ...الظاهر انتي وايد اكبر مني

وين اكبر منج انا توني داشة الاربعتش :ada:

 

[الصابرة المحتسبة]

خوش معلومة ,, انا امي الله يرحمها (تسمي الدورة الشهرية) الغبرة :ggdw:

ههههههههه

يضحكون قبل كلشي يحطونله نك نيم

واذا دشيت عليها واتكلم رفيجتها بسالفة تقول ( ترى بالجو غيم) هههههههه قمه البراءة الله يرحمها

وأول واحنا صغار ومثلا ما كنت قاعده عدل ويبين ( الاندر وير) يقولون في خشمج عود ههههههههه

عاد سيده نعدل هدومنا وقعدتنا

وعلى طاري بطيخه وشيشيه للحين بنات خالتي يستخدمون هالكلمات لانه اصلا ابوهم من شرق وكلامه غير

عن باجي اهل امي

وامي كانت تقول (عندنا دياي يلقط الحب) يعني ياحريم لاتسولفون ترى عندنا يهال وبنات.

 

[الصابرة المحتسبة]

هناااااااااااااا البحرين :ada:




حزاوي الدار

حزااااااااااااوي الدار حزاوينا بديرتنا ........



ماعندي حزاوي بس هذي اغنية تراثية بحرينية ..


ما احب قديم الخليج ..:tomato2:



الرهش يمتن وايد



والسلال تشربك الاكسسوار :dddds:




والجلسة العربية تنمل الريل :gathering:



والاكل باليد يدش بالاظافر ويعفس المنكير :eh_s(14):




واللعبه بالطبيش والتيل مو زينه لليهال .. بعضهم يبلعونها ..


والبخنق يقزز ..


:eh_s(14):



والنشل يمتن ..



والكحل بدون اساس يكبر ..:eh_s(14):




والباب كان مفتوح للجار .. الحين اي شي يصير في البيت .. العين وين تروح ._03ba:..سيده على الجار ..

هلا بختنا من البحرين هلا بالشيخة.
حزاوينا احب اتابعها مع اليهال ومحفظتهم ( طمبخ طمبخ طمبخووه عورني راسي ... امي شرتلي دوا شربته لساني لتواهبس الحين ليش مايحطونها؟؟؟؟؟؟؟

 

[CuTiE PiE]

يا هلا يا هلا ,,,

على قولة مريم الغضبان رحمة الله عليها (أناااااااااااااااااسه) :eh_s(6):

كلكم هني



كيوتي كح كح كح كح كح طلعتي مع الغبار !
وينج فقدتج والله سألي جايووو نشدتها عنج

حبيبتى اورنجيا والله اسفه تونى اشوف ردك حبيبتى ادرى انو يطلع منى غبار خخخخخخ
والله فرحتينى من جد انك سالتى جاى عنى يابختى :dddds:
انتى ايش اخبارك من زمان عنك والله.....

 

[جاي الضحى]

يا حلوكم يا كويتيات دشيت الموضوع ولقيت خوش سوالف وذكريات متيمعه.:ggdw:

صاجه جولي جمع زوليه زل. زوالي؟!!! حجوه غلط و جاااايده ما تنبلع.

ههه صبربر ضحكتيني يبيليه رفسه. ههه يبيله لشطه بخيازرين منقعه بماي وملح.


صبربر أكرمج الله على الريوق. ذبحيني على لسان الثور. مرت عمي الله يذكرها بالخير تسويه بالبيت. الله ياهو خنين وطعمه شحلاته. وترى كيوتي باي تحب البخصم. ها كيوت يا زلج البخصم؟!

خجل حياج الله. ولا تستحين أبد انج تطلين علينا
وتشاركينا.

دلوله ههه ايي الشيشيه كلمة أهل شرق. إذا قالو طاوليني الشيشه يعني الدولكه مو الحين صارت كلمه مشبوهه مالت القهاوي. على هالطاري ذاك اليوم مارين على قهوه وشفت الناس طاحيلة بمص هالدخان فعلقت وقلت علام الناس هالايام على القدو؟!!! جان يقولي اخوي شنوو؟!!! قدو!!! وقعد يكركر....شيشه مو قدوو. إلي اهو.... اثنينهم سم هاري... على الله يهدي كل من يشربهم.

يا حيا الله أفندييه. يقط وكنار شنبي بعد. صج حل الغطايه البيضه؟!!

دلوله خوش اضافه أنا سامعه مثل ما قالت أفنديه ظفاره صج تلقافه؟!!



جولي ههه الأولين ما يدانون العاده (الدوره الشهريه)؛ ما ينلامون؛ تخرب صيامهم الظفاره/ تلقافه مو شي. من جذيه اسمها مر بتطور لغوي عندنا بدا بالغبره وبعدين صار المسعده والحين جنى أسمع أمي تقول ياتج الحلوه؟ . ههه تقصد الجيكره أضنتي.

أقول صبربر ألعاب قبل تبرر التفلع والبطوط إلي على يبهة كل واحد. إلي ما نفلع أول جنى ما عاش.

دلول يوزي عن الأسئله العمرييه. ههه. أنا أكبر من صبربر بسنه. داخله بالستعش. :tomato2:

على طاري الأعمار. يا حب الأولين على زيادة الاعمار. يدتي إذا عمر وحده 11 تقول وييييين..... فلانه ماشيه بال 12 داخله ال 13!!!! :eh_s(1):

تدرون أول شلون يحسبون اعمارهم حق الأوراق الرسمييه؟!!
خو أول أول ماكو شهادة ميلاد; يعد علينا أبوي يقول إن أبوه /يدي ماخذه الطبيب عشان هالشي والطبيب المصري شرع حلج أبوي ويقول "ممم. والله (ولاهي) باين عليه انوه أرررربعتاشر خمشتاشر حاقه زاي كده " وأبوي يقول كنت صغير يعنوك 12 سنه مو حول شوارب 14-15. ههه . يعني إلي بالصف بالمدرسه مو شرط يكونون كبر كبر. قبل ما يعرفون التواريخ عدل عدل يعني يدتي تقول ولدت أبوج بالقيظ أي سنه عاد هالشي العلم عن الله إلا إذا اكو حدث مشهور يقلولج قبله ولا بعده. مع ذلك ذاكرتهم قوييه وكانو ناس فطنين بس مو كلهم مهتمين بالتواريخ بالضبط. أقصد بالثلاثينات واول الاربعينات وما قبل .

ويا حلاة الحيا بحريم أول; بخشمج عود وعندنا دياي يلقط الحب... يا زينهم.
خل تصير كلمة سر المتزوجات بقسم الزوجيه "عندنا دياي يلقط الحب" إذا ما يبون البنات ههه.

شهرزاد حياج ربي. يا حيا الله باهل البحرين.

كيوتي حبيبتي شلونج. أفندييه سنعه سمله عليها وانتي تهبلين ليش ما تسئل عنج.


قواكم الله كويتييات وحده وحده. صج إستانسنا بسوالفكم وذكرياتكم.​

 

[الصابرة المحتسبة]

هلا وغلا بجويهه شلونج ياقلبي ؟ يعل ربي يوفقج ويهنيج ويسمح دربج مثل ما جبرتي بخاطري .

صاجة كل ما سألت الوالدة الله يشفيها ويعافيها عن شغلة تقول سنة من السنين يوم كنا جذيه وجذية لايعرفون تواريخ ولاغيره.

اممممممممممم يلا طبوا وتخيروا شتبون غطاوي ولا أمثال خلاص بكتب مثل والشاطرة اللي تكمله.

 

[الصابرة المحتسبة]

اللي ما يرضى بجزَه ........................

 

[سحيله المنتدى]

دلووله يدتي تقوووول يسمووونها

(ادفااار)<<<هذا اللي الله قدرررج عليه

 

[CuTiE PiE]

الصابره...
اللي ما يرضى بجزَه ........................يرضى بجزه وخروف :ggdw:

 

[الصابرة المحتسبة]

عفيه عليج يا CuTiE PiE

 

[الصابرة المحتسبة]

هلا خواتي تذكرون الحفلات اللي يسونها بالحدايق العامة قبل حديقة الحزام الأخضر وحديقة العمرية الموسيقى العسكرية والطقاقة الله يرحمها منو؟؟؟؟؟؟؟؟؟؟ نسيتها ز
والتلفزيون ويحطون لنا السينما نتيمع حدرها ومعانا صمون فلافل الله جنة وجبة ماك رويال ذيج الايام.

 

[الصابرة المحتسبة]

طبعا الحجي اللي بكتبه منقووول للأمانه بس صج كنا نطبق بعض الشغلات اللي باللون الأزرق الفاتح.
تذكرون لما اييلك واحد مليق من العايله اكبر منك ويقولك تبي اسويلك ساعه وانت تمدله ايدك ويقوم يعضك ذيج العضه اللي توارص منها .



تذكرون لما كنا نصور فوري عند مصور الجمعية وطبعا غصبن عليك الخلفيه زرقه مو بكيفك ولازم تمشط شعرك بالمشط اللي عنده كله شعر وبعدين يقصلك الصورة بالآله اللي عنده ام ذراع والاطراف مشرشره يعني يكون حركه .



تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتيــــــــــي فـــــــــــي تاتي والصفقه بصبعين بس .... صج كان منهج صعب .







تذكرون اول يوم دوام بالمدرسه كانوا يسلمونا الكتب كلهم مع بعض وصافينهم من الكبيييييييييير لي الصغير وطبعا الكبير كتاب العلوم وكانوا يربطونهم بحبل عشان ما ينفلون مع 6 كشاكيل -



تذكرون المعجون الصغير اللي ريحته تبط الراس ومعاه عود لونه احمروكنا نبطله بالمقلوب ونرعصه ونلف العود عليه وننفخ عشان نسوي
تفاخيه وطبعا لاتفاخيه ولا قالها الله لين تطلع بلاعيمك منه .






تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونقعد ناكل مثله والوالده تصارخ من قمة راسها قطيــــــعه شنو هالشفاحه من لاحقكم خخخخخ.



تذكرون يوم الجمعة ... نقعد من الصبح علشان نسمع أغنية في عالم الشعوب قصائص لا تنتهي وعالم حلو بهي يسكن في قلوب في قصص الشعوب .



تذكرون لما كانوا بالصيف يسبحونا من الطشت والمغرافه الزرقه او الحمره لوول وانت تتنافض من البرد وتنطر متى يكتون عليك ماي اي بطل الدوش وفك عمرك....ياسلام على سياسة ترشيد المياه منذ القدم .



تذكرون تيلفون بوقرص اللي يخيب ثناك وانت تتصل وياااااااويلك يطلع الرقم مشغول لان مافي ريدايل والله يعينك لي بغيت تدق مكالمه حق
خدامتكم تلاقي اصابيعك اتعربك.....صج كانت معاناة بالعيشه.



تذكرون لما نرجع من الزواره كنا انتناجر منو اللي ينسدح ورىبالسياره صوب الجام ويطقها نومه لي البيت لالا ويتحرش بخوانه ينزل ريله عليهم يعني يكون حارهم لوووووول



تذكرون لما كنا نربط الشرشف او الفله على رقبتنا يعني يكون سوبرمان ونصعد فوق الكبت وانط على الدواشق واخر شي طاب غلط ومنكسره ايدك....

تذكرون شريط الشراغي الاحمر اللي اذا اخترب المسدس ماله مايبيله كلام حًول على كعب الوالده وكمل عليه بالكاشي والا على عتبة الباب اخر شي الوالده مكمله عليك بالكعب لووووووول


تذكرون لما كنا نحط قوطي السانكست بالفريزر عشان يثلج مع العصير الطوالي بونصين وكل ماتروح تبي تاخذه تلاقي الوالده منزلته تحت وماثلج.....راحت الفرحه .



تذكرون لما كان الاولاد يغسلون الحوش بالويك اند قمة الوناسه يمسك المساحه يعني يكون بيساعد واخر شي طايحله سكيتنج على الكاشي لوووووول وبالليل رايح الاميري.


تذكرون لما كنا نستقبل الحجاج عند الحدود من زود الفرحه واللهفه على الصوغه واخر شي جم مسواج وقحفيتين والكاميرا الحمره وسياده والبنات قطعه خام مالت هنود وساعه مينتها صغيييييييره .


تذكرون لما كنا نحب عبدالرحمن العقل ونروح مسرحياته السندباد والزرزورر والف باء تاء ولما الحرامي يكون وراه نصرخ من قمة راسنا ورااااااك وراااااااك واهوا يقول وينه وينه يميييييين يميييييين.....



تذكرون عزايم قبل والصماط المفروش على كبر الحوش اللي علىصورة ميوه ( فواكه ) وريحته لازم ريحة مطبخ وقاعدين على المده اللي لي قمت تلاقي ريلك كلها شخوط من المده....ياخي شنو هالزهد بس.


تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين
على كل الكتاب وين الشي المهم مادري لوووول .


تذكرون اول ما يبوق الصبيان سيارة الوالد كانت الريل اليمين على البانزين والريل اليسار على البريك من الثواره .... ولازم طبعا يمر على الربع بالفريج ايتشيحط عليهم....واديلوووووو بريك وبانزين


تذكرون لما كانت جائزة البيبسي سياره بالمغاطي مالت البطول كنا الظهر نروح الحوش الوراني ونبطل السحاحير كلها وبعدين نرد نسكرهم اي كلام جود الغازات كلها طايره ومتبخره وصاير ماي مايوه .



تذكرون لمايقول الاستاد ان هذي الصفحات ملغيه ايوااااااااااا تعال شوف التشخط اللي على الصفحه من فوووووووووق لي تحت ولا انشقها خير شر من الكتاب.....شدعوه هالحقد عاد ......


تذكرون لما اتهاوش مع ولد جيرانكم وتقوله وخرعن بيتنا وعن رصيفنا يقولك مو رصيفكم هذا رصيف الحكومه
كلام منطقي الصراحه , لووول ويقعد يحوس جبال بيتكم ويمر يمك ويقولك ماحشتك ماحشتك خخخخخ .



تذكرون كمبي وتر صخر 170 لما حنينا على الوالد عشان يشتريه عشان يساعدنا بالدراسه اخر شي محولين على لعبة الاميره ام الخواتم ورامبو اللي يطير الطياره ولي دش الوالد حطينا شريط بنك المعلومات يعني استفاده لوووول .


تذكرون لما يروحون الصبيان السوق مع الوالد يشتري لهم خامات حق العيد ..اخر شي شاري طاقه كامله نفس اللون وتشوف باول يوم العيد من الوالد لي الاخو الصغير نفس الدشاديش ( تقول فرقة التلفزيون لوووووووووووووووووووووووووول .)



تذكرون لا بغوا الشباب يشيلون حديد قبل يعبون قواطي نيدو اسمنت ويحطون بينهم بايب حديد وهووووووووبا واخر شي منكسر ه ظهورهم ....
لووووووووووول .


تذكرون المسجله السوده مالت استاد الانجليزي لي دش علينا فيها قمة الوناسه اليوم ليسيننج يعني مافي اسئله ورووووح سكشن فايف .....
ترررررن تررررررن سكشن فايف.....هاي سوبر فالكون ههههههههه .



تذكرون السشوار البيج بو جنطه بيضه تقول لاب توب مع الهوز جنه خرطوم طياره ( تشغله قبله بيوم عشان يصير حـــار.)..لوووووووووول


تذكرون الكشكول الادعم اللي في صوره بابا جابر الله يرحمه ومن ورى صوره بعير والمسجد اللي بالضاحيه .

 

[daloola]

هااااااااااااااااااااااااااااااااااااااااااااي
الله بالخير يا الربع
شلونكم

 

[الصابرة المحتسبة]

دلولا هلا وغلا هههههه الربع الظاهر نعديتي

شلونج وشلون خواتي

 

[daloola]

هلا فيج يالغالية

خواتج مختفين الظاهر بالويك اند محد يدش غيرنا

شخباركم ؟ شعلومكم؟

 

[orangeya]

السلام عليكم..

هلا فيكم كلكم

بنات شنو جمع كلمة قديم؟ @@

وشنو مرادفها بحجي الاولين ؟

يلا منهي الشاطره اللي تجاوب ترى السؤال حددددددده سهل

 

[orangeya]

يلا زتكم.. ماحب انطر وايد!

 

[زين النوايا]

؟؟؟؟؟؟؟؟؟؟؟؟

 

[الصابرة المحتسبة]

هلا باورنجية شلونج يالغالية
قديم...... عتيج
عتيج الصوف ولا يديد البريسم

 

[جاي الضحى]

السلام عليكم؛

إن شاء الله الكل يكون في خير وعافية وباحسن حال ومقدار.

كيوتي فطنه سمله عليج. شلونج؟ ولهت عليج.

صبربر ههه إيه حديقة الحزام الأخضر كانت خوش مكان حق الكشته. خل اسولف عنها كانت مجابله معرض الملا قبل واهي بنهاية مدينة الكويت بشارع يسمونا شارع السور إلي يطوق الكويت قبل.
ذكرتيني بكشتات المنقف... ما لحقت عليهم بس سمعت عنهم من أبوي. يطلعون الناس من الفير ويجحنون سيايرهم من العدة وشخخخخطه المنقف. ليش إمبجر؟ يقلولج ماكو إلا شيره وحده والكل يبي يكشت تحتها و من سبق لبق
. هههه. واهل أول حارين ما يحبون الرباده عندهم الساعه ثمان الصبح قايله.

دلوله كانا كانا واحنا بخير وعافيه وكل ما قدرنا ندش الموضوع يناااه وسيرنا عليكم.

أفنديوووه شلونج عسوله....كلمة قديم لها جمع؟!!! شلي يدور براسج علميني. وإيه كلمة "عتيج" مرادف قديم.


بذكركم اليوم بكلمة " متمتح" واحد متمتح يعني متمدد; متسمت; متشردق من هالقبيل. ​