عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[الصابرة المحتسبة]

هلا والله بالغالية جاي الضحى شلونج؟؟
عاد انا مالحقت على كشتة المنقف بس اذكر سوالف الكشتات لبر المنقف .

رمضان قرب الله يشرفه ويبلغنا وياكم صيامه وقيامه تذكرون اهالينا كله يقولون ( رمضان يعود لكن ابنادم ما يعود)

 

[daloola]

حتى انا مالحقت على كشتات المنقف

شلونكم يالحلوين

اورنجيه جمع قديم === قدم (شدة على الدال)
جمع عتيج ==== عتج (شدة على التاء )
هدومي عتج او اغراضنا قدم جذيه تنقال
شعندج على هالسؤال؟ متراهنه مع أحد

وين الغطاوي والامثال يا الصابرة

جاي الضحى شلونج ... حياج الله انتي الداشه واحنا الطالعين ... المكان مكانج ( عاد صج انتي راعيه الموضوع )

 

[orangeya]

هلا وغلا فيكم كللللللللللللكم,,,

شلونكم؟ شخباركم؟ شعلومكم؟

>>> تاكل ميوه (=فواكه) بمزاااااااااااج هي هي هي (ماتبي غدا)

ها الدلل
مو متراهنه مع أحد
بس وانا اتصفح المواضيع بالمنتدى شفت رد وحده كاتبه قديمين يحليلها :dddds:

يلا نبي غطاوي,,

 

[orangeya]

يا بنيات...

نبي وحده حلوة فيكم تقولنا شنو يعني :

قز مريج :dddds: 8az maryach

 

[جاي الضحى]

صبحكم/ مساكم الله بالخير؛

يا حلو رمضان؛ نطرينا بلهفه ؛ إن شاء الله نكون من الحيين.

دلوله الله حييج.

أفندية؛ هههه. مريج؟! كلمة أبوي إذا وحده منا ضايقته لا سمح الله أو زودتها بالحنه قالها مريج. :tomato2:

بس شنو معنى الكلمه ما أدري. جنى يعني تقولين صج انج لزقه؛ دعله أو ثجيلة طينه هذا إلي أتوقعه. شنو معناتها أفندياه؟

إيه وانا أسمع خالتي إذا تضايقت من بناتها قالت "مالت على قطانتج." :eh_s(1):

أمي كل تقول يا شين البنيه الدعله؛ المظهوله و المشرشقه. هههه. الله يبعدنا عن هالصفات. :dddds:​

 

[daloola]

لوووووووووووووووووووول
ضحكتيني جاي الضحى
المشرشقه ( هذي وايد اكو منها هالايام )
واللزقه امي قبل كل تقول ( لزقه عنزروت ) اثاري العنزروت أعشاب بس مادري عنه جانه يلزق
والمظهوله هذي بنيتي الله يهداها عيزت اركدها ماكو فايدة

اليوم رحت يبت هدوم بناتي من الخياط حق القرقيعان ( عساكم تعودونة )
سويت لهم نفانيف صدر قصير وفيهم زم واطرافهم كراكيش ...شحلوهم خوش خياط

سؤال : شنو قز مريج؟ اول مرة اسمعها
لالالالا شكلكم وايد كبار p:

 

[الصابرة المحتسبة]

السلام عليكم
شلونكم خواتي

عذروني الخدامة مسافرة ويالله فضيت

جياي الضحى ان شاءالله نكون من الحيين ونصومه ويعل ربي يتقبل منا ومنكم صالح الأعمال
اورنجية ولا افندية اممممممممم قزمريج مامرت علي بمصطلحاتنا بالبيت .
دلولا عساه ملبوس العافية.

 

[daloola]

وينكم؟
الدار قفرة والمزار بعيد

 

[daloola]

اشوة اكو احد
يعطيج العافيه
ياشينا من غير خدم...نتدودة ياحافظ ودهر نكرف

 

[الصابرة المحتسبة]

الله يادلولا على هالحجي الفلة عسى ربي يخلي بيتج دووم عامر

 

[الصابرة المحتسبة]

وهذي غطايتنا

يمشي على رأسه ، و ينطق بلا لسان

 

[الصابرة المحتسبة]

دلولا صج صج جم عمرج؟؟؟؟؟

 

[daloola]

لووووووووووووووووووووول اعرف حلها
بس بخليها بشوف منو يعرف حلها


انا يا محفوظة السلامة عمري 31 وانتي؟

 

[jolie_q8]

يا بنيات...

نبي وحده حلوة فيكم تقولنا شنو يعني :

قز مريج :dddds: 8az maryach

قز مريج ,, حق المكان الضيج او الشخص اللي ايي بالضيج او المكان الغير مناسب < خوش شرح هههههه

جنها قز مريج << قاعده بالضيج

 

[الصابرة المحتسبة]

وييييييييه دلولا طلعت اصغر منج انا توني احم احم

 

[~..MiMiNi..~]

واااااي الموضوع عجيب ..

عاد انا لما اسولف امي بروحها تقولي اشفيج جنج عيوز لوووول

بس صارلي فتره قطعت من كثر ما انضغط من امي و خطيبي

موضوعكم شجعني لوول صارلي 3 ايام اقرى فيه و اطبق بعد

خل اقولكم .. الله يسلمكم يدتي كله تقول عن البنات اللي مهولين بروحهم تقول وه وه وه قالوا يا هويله تهولي قالت ماني مبجيه

و تقول قبل كانت تسوق ( مورسيدس ) مو مرسيدس

اممممممم بعد شنو اكو اشياء ...

تصدقون نسيت خل لما اتذكر اقولكم

و ثنكيو جويهه ع الموضوع فديــــتج ..~

 

[daloola]

صبحكم الله بالخير
قز مريج اول مرة اسمعها...احنا نقول (دمل) كل بالضيج

يسلمج الصابرة اصغر مني بوايد؟؟؟ لاتضيقين خلقي
انا بعدي عادة عمري صغيرة

اورنجيه وجولي وميميني : نبي تفاعل ... شدو حيلكم وحلوا غطايه الصابرة
الا جاي الضحى وينها؟

 

[الصابرة المحتسبة]

هلا ميميني حياج الله بينا

دلولا لااقص عليج انا أكبر منج ولا يضيق خلقج ولا تكدرين

جاي الضحى يالغالية وينج عسى ماشر؟؟؟؟

 

[daloola]

امس حاطين فوازير حليمه ...حلقه حبابة
الله يهداهم حليمة ويييين ومريم الغضبان وين
ولا كلمة قالتها صح....خربت الاولي والتالي

يبيله نعلم حليمة والا نخليها تدش معانا بهالموضوع


( هاتي كسرة لبخور) يبطون جبدي اللي يقولون لبخور يعني يحبون يتبخرون
عليكم بالعافية بس قولوها عدل

الا جاي الضحى مسافرة؟

 

[daloola]

ترا بحل الغطاية عيزنا ننطر
.......................
.......................

اقوووووووووووووول