عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[orangeya]

السلااااااام عليكم,,,

"هلا و غلا بمن حبا ودبا وركب القليلبااااا " مادري صح جذي ولا قطيت بدليات؟ :dddds:

شخباركم يا بنيااااااات؟

قز مريج = لزقه عنزروت

مادري احنا نقولها اذا وحده او واحد قعدلج قعده ومايفج عنج,, نفس ماقالت جويهه الله يذكرها بالخير

 

[orangeya]

يمشي على رأسه ، و ينطق بلا لسان

اظن القلم

عدل؟ @@

وحيا الله ميمينووو ,, نبيج تغردين ,,, هاتي ماعندك يا جهينه

احنا نشجعج افا عليج تعالي وقولي اللي بخاطرج محد راح يعلق ,,

احنا نشجع الحجي العتيج :ggdw:

 

[~..MiMiNi..~]

ماعرف غطايات انا بروحي كسلانه فيهم

قولي دلول نورينا ..

الصابره و اورنجيا الله يحييكم

 

[الصابرة المحتسبة]

اورنجية صبر شوي خليهم يفكرون ادري انج شاطرة وفطينة

 

[daloola]

مساكم الله بالخير والكرامة
شلونكم...باجر عطله والناس سهارى
انا الحمدلله عطلتي مني وفيني .... أمومة

اورنجيه حلت الغطاية يالصابرة ... لحقينا بوحدة ثانية
حار بحار

 

[daloola]

ميميني ياحلوة يا الشاطرة
الغطايه جمعها غطاوي =====مو غطايات

نعلمج ...... لا تزعلين

يدتي اذا بغت تعلمنا شي نكون متوهقين فيه تقول ( غيرج المعلم )
تقولون جذيه يالصابره ويا جاي الضحى .

 

[جاي الضحى]

الله بالخير والنور والطيبة؛

شلونكم يا طويلات العمر؟!!

بعيييييييييد الشر عنكم؛ أمي الله يطول بعمرها طاحت علينا مريضه الله يكافيكم شر أي مرض.

بس ولله الحمد الحين شوي أحس جنى ردت لها الروح.

ترى ولهت عليكم كلكم.

دلوله ما شاء الله؛ ملبوس العافية. شنهي الألوان؟ أقول دلول أي نوع تظهول؟ تظهول العمري ( إلي من عمر ٤-١٢) ولا تظهول الشخصي؟ !!! إن شاء الله مرحله وتعدي. :ada: العمر كله دلوله والله يبلغج فيهم. سئلت عنج العافيه دلالي.


صبوره والله طيحت أمي وايد تعبتني نفسياً :eh_s(2):. سئلت عنج العافية صبربر. الله يعطيج العفو والعافية على شغل البيت. :eh_s(7):


هلا والله جولي؛ لا أبد مو قز مريج اهني. ههه. مريج تنقال حق الواحد إلي يضايق; كلا مترز وقاعد لج قعده. ههه. انتي مو قز مريج. :eh_s(6):

دلوله وصبربر يزو عن الاعمار بسكم. هههي. على طاري الأعمار باركوا حق جولي عيد ميلادها كان من جم يوم. :happybday:

MiMini: الله يعافيج ويحيج. إيه ما وصيج هالله هالله بكلام أول. يميزج عن غيرج صار هالايام. ما عليج خطيبج أبكنه مستنانس عليج. ذكرتيني بيدتي ما تقول اسامه لأ تنطقها جنها تقول وسامه. :dddds:


وعلى طاري المرسيدس؛ الله يا يدتي تموت على الكدلاك!!!!. تحب السياره العوده. ههه. تدرين إن قبل يتغنون بالسيايير؟!! يقولولج"سلام الله على الكدلاك واثنيها على البونتيك واثلثها على بيوكن قوياتٍ مجاريها." :ggdw:

أفنديااااه شلونج؟!! ههه إيه عدل عدل القليلبا. أفنديوه نبي نبي كلمات مثل قز مرييج عفيه ذكرينا :ggdw:.

إيه صاجه ''غيريج المعلم".

إيه تدرون شنو"ترمبه"!!




يعني المكينة إلي تضخ الماي.

كلمات يدتي تقولهم وايد كلمة "جود" يعني لعل وعسى وكلمة يعنوك!!! مم ما أدري شلون اشرح يعنوك. هههه توهقت.


شكله باتريي خنس ومخي طفت تريكاته وافكاري وصلت سكه سد . Dead End.

أشوفكم عن جريب. موفقين. لا تخلوني بدعواتكم حق أميمتي



:hearting:
​

 

[jolie_q8]

الله يشافي الوالده ويخليها لكم يارب

ما تشوف شر

 

[daloola]

هلا والله بجاي الضحى...خطاها السو الوالدة ماتشوف شر
أجر وعافية
اقولج تظهول جان طقها شي والا طاحت...لاتسمعين الصراخ والتظهول
ادري هذي مرحله وتعدي .... بعدين تستحي من الغرب بس عندي تسوي جذية
الا تعالي جويهه جم عمرج قولي الصج ولا تزوغلين
يعنوووك ............ضحكتيني
هذي حجوة النيادة والزبارة مو أهل شرق
وعلى طاري الكديلاك...مرت عم امي الله يرحمها كانت ماتعبر تمشي وبناتها يدزونها بالعربانة (weel chair) (يدتي تسمية قاري ) مادري ليش ...المهم كانت تسمي العربانه كديلاك....واذا كانو وايد حريم كبار وكل وحده بعربانه تقول صافطين الكدالك والبونتيك
ترا اكشخ سيايير عندهم الكدلك والبونتيك ( عاد اللي عندة روزريز هذا محد يحاجية) رزة
الصابرة اليوم مختفية؟؟؟ الظاهر لاهيه بشغل البيت ...يعطيج العافية

 

[orangeya]

هلا وغلا ,,,

حيا الله جويهه :tek:

انا اشتقت لج اكثر والله..

وعسى ربي يشافي الوالده ويطمن قليبج عليها ويطولكم بعمرها على طاعته يااااااااااااااارب :yaaaaaarb:



اهلين وسهلين الدلل,,, شخبارج؟

ايه شكلها لاهيه صبربر ..

عاد انا ماعرف افرق بالحجي ولا بالعايلات -قصدي بين النياده والزباره واهل شرق- @@

 

[orangeya]

بناتوو تدرون (حريم قبل) يحطون الخبز الايراني بـ شليلهم ,, لانه حاااااار

 

[orangeya]

واي مودينا بهالتشول (الجول) لا حنيس ولا ونيس

الشمس حنّانيه ماترحم,,


>>> اتحلطم جني عيوز بايقين عشاها لول :dddds:

 

[جلاديلياس]

موضوعج رووووووووووووووعه يقلبي

 

[الصابرة المحتسبة]

السلام عليكم
شلونكم خواتي
ألف لاباس على الوالدة ياجاي وربي يعطيها الصحة والعافية

دلولا هلا يالغالية صاجة لاهية الله يعين وابشري بالغطاية
اورنجية شلونج؟
باركنا للغالية واللي ماتقصر بأي مساعدة أختنا الصغيرة جولي عسى دووم أيامها أفراح.

 

[الصابرة المحتسبة]

بنتنا بزة ، بالقاع مرتزة ، تفصخ الثوب الأحمر ، و تلبس الجزة .

 

[orangeya]

اهلين صبربر...

حل الغطايه = البصله

عدل ولا بينقص ويهي؟ :tomato2:

 

[daloola]

تصدقين عاد ....انا عندي بنتين ... وكان من المفروض اسمي وحدة منهم بزة
الله ستر علي وعلى بناتي ولا وحده سميتها


والله ماعرف الحل بس جنه اورنجيه اشطر مني تحلهم بساع

تصدقين عاد اورنجيه توني قبل جم سنه عرفت شنو شليله طول المدة عبالي حجوة وبس

ولي صار فريجنا خالي مافيه أحد ... يدتي تقول : فريجكم مافيه نفاخ الضو ... وساعات تقول مافيه من يقول ربي الله
والاثنين معناته صخة ....اي قولوا هادي

وعلى طاري الضو ...احنا ليما الحين نسمي الفحم ( ضو )
انتو شتسمونة؟

 

[daloola]

طرت علي سالفه

قبل كل يصغرون الاشياء....عاد عندنا وحده الله يرحمها ويحللها
تقول : بنيتي قاعده بالسكيكه ( بالسكة ) على الدجيجة ( على الدجة ) تنطر السييرة ( السيارة)
نموووووووووووووووت من الضحك عليها ... ما تتغشمر هذا حجيها كل شي مصغر
صحين ( يعني صحن ) .... نفينيف ( نفنوف )
...........................................................................................ز

بعد طرى علي
قبل البطل تدرون شيسمونة ؟؟؟؟؟؟ يسمونه مطل
والثلاجة اكيد كلكم تدرون ان يسمونها فلاجة
بس الطامة الكبرى لما دريت ان بنات عمه امي يسمون الدشداشه ( دهداشه ) .... والاستكانه يسمونه (سكانة) عاد لي الحين بناتهم يسمونها سكانه

 

[orangeya]

اهلين دلولة...

ياحلوج وياحلو سوالفج

على الفحم..

مادري والله بس اظنتي مانقول ضو !

نقول فحم

 

[daloola]

ضو تصغيرها ( ضوية )
لووووووووووووووووووول
هذي خالتي كل تقول شبولنا ضويه والا ساعات تقول فحيمة