عندج سوالف حزاوي مواقف ولا كلمات أهلج الأولين يقلونها ما قمتي تسمعينها وايد الحين..

[الصابرة المحتسبة]

هلا ومسهلا بالغالية
وصاجة يقلبي الجلوة تونس وحلات العرس فيها
وعساج على القوة

 

[الصابرة المحتسبة]

 

[جاي الضحى]

يا حيا الله البنات؛

شحلات سوالفكم وذكرياتكم جنها البخت.


يالله طلعو الذهب والزينه الحين ولبسوهم ولبسو بنياتكم حق العيد هذا وقت التزين.


:nbvppw: عيدكم مبارك وعسى أيامكم كلها أفراح. :nbvppw: ​

 

[الصابرة المحتسبة]

هلا جويهه
عساج من العايدين والفايزين يارب

 

[الصابرة المحتسبة]

طق يامطر طق بيتنا جديد مرزامنا حديد
المرزام منو تعرفه؟؟؟؟

 

[الصابرة المحتسبة]

ماعرفتوا المرزام؟؟؟

 

[الصابرة المحتسبة]

هذا المرزام علشان ينزل الماي اللي يتجمع بالسطح من المطر وغيره

 

[ريم الرشيقة]

السلام عليكم
هلا بالطش والرش
هلا بماي الورد بالغرش
الصابرة مجابلة الموضوع زين ما زين
احنا لازم نسوي يلوة بس في عقد القران
أمينة في أمانيها
مليحة في معانيها
تجلت وانجلت حقا
سألت الله يهنيها

اللله يكثر الأفراح والليالي الملاح

 

[الصابرة المحتسبة]

السلام عليكم
هلا يا ريم وان شاء الله الأفراح والأعياد على كويتنا دووم

 

[الصابرة المحتسبة]

انزين منو اللي تعرف شنهي الدجه؟؟؟

 

[مشاعل الشمري]

الدجه يوخيتي اهي اللي تصير رفعه من اسمنت جبال البيت

 

[الصابرة المحتسبة]

هلا وغلا بمشاعل نور الموضوع يقلبي
واجابتج صح وعليج بالعافية الهدية (برميت)

 

[الصابرة المحتسبة]

وهذي صورة الدجة

 

[مشاعل الشمري]

هلا وغلا بمشاعل نور الموضوع يقلبي
واجابتج صح وعليج بالعافية الهدية (برميت)

بعد قلبي تسلمين يالله بنطيحله برميت:botetoo:

 

[الصابرة المحتسبة]

هههه بالعافية شعوله

يلا الحين منو تعرف معنى كلمة طنبحله

 

[فديت حبايبي]

انا اعرفها الكورة او اذا الواحد بطه الشي المدور

 

[الصابرة المحتسبة]

امطري ياغيوم المحبة
على أرض الكويت الاحبة
امطري ..... امطري
طق يامطر طق..... بيتنا جديد مرزامنا حديد

طق يامطر.... طق يامطر طق

 

[الصابرة المحتسبة]

ام دلال عفيه عليج صح وتنقال للبتمبه وهذي هديتج

جويهه وافندية شلونكم عساكم بخير
دلول شالدنيا فيج ؟

 

[بنت باباتي]

برى مطر وخير يالله عز الديرا بأهلها واصلح شانا وارحم موتانا واجمعنا بهم بالجنه



بعرف شنو معنى بشبشي جدتي الله يرحمها دايم تقولي انتي بشبشي وانا الحين اقولها لبنتي بس مو عرافه معناها

 

[جاي الضحى]

السلام عليكم؛

صبربر أنا بخير سئلت عنج العافية يا الشيييخة. :tek:

احنا نغط بس من تسمح لنا الظروف نرد نطلع. - على طاري الغيبة والطلعه قمت ما أسمع كلمة نسيير وايد; الناس بدلوها بكلمة

نزوركم. وفيه فرق شوي بين نسيير ونزور؛ التسير يعني انج تروحين وتقعدين بشكل رسمي نوعاً ما وما تطولين بالقعدة إذا ما خاب

ظني والزواره تصير حق الأثنين انج تزورين ناس بشكل رسمي أو إن بيت أهلج تقضين طول اليوم. :gathering:


إيه والله طق يا مطر طق نبي هالخير يغسل ويخضر لنا المكان.


وعلى طاري المرزام بذكركم بالمدعاب وانتوا بكرامة. عرفتوه؟


يا حيا الله بريومه ...نبي من هالسوالف مولينا أهو ونا إختج وعسى ربي أيامج كلها أفراح.


كلمات أميمتي ترديدها مديم اهي كلمة "زاد وأثاري" خل أحطهم لكم بجمله عشان تعرفون شتقصد . مثلاً تقول زاد أنا أشوف فلان ما يبين اثاريه مسافر!

هقوتي فيه ينشدنا إذا نبي شي قبل لا يروح!


وكلمة الوالد يقولها إذا شاف واحد يدقدق من هالميهات والجو بارد يقوله "

ياي من دهنه/ دهينه !!@@" [/COLOR]مكان حار. يعني ليش هالعطش والجو بارد.


حياكم الله شعوله و أم دلوله وبنت بابتي.: أمييين

بشبشي؟! ممم متى تنقال؟ يعني تحب تبربس و تلعب؟ تراني أخمن :eh_s(1): إن شاء بتيي إلي تعرف معناتها.


أفندية ودلوله طمنونا عليكم. تراني أترياكم.