غريبـه كيف آشتآق لك’’, ۈآنت تچرحنے !

[zizo0ou-x3]

tw83atkom

 

[laco$te]

عجيب الباااارت حييييييييييييل*ـ^​

 

[3thab 2lroo7]

يسلمو حبيبتي

راح راح يسوي اكشن بالحفله مادري احساسي يقول جذي

و ام جراح راح تكثر المكالمات عن ريلها وتصير بينهم مشاكل

وافنان الله يعينها اخوها مره وحده مسكينه مو مترقعه

بانتضارج حبي

 

[zizo0ou-x3]

^^
ولو يسلمو على المرور

يمكن توقاعتج تكون صح

و انشالله اليوم بليل احطلكم بارت اذا قدرت

 

[3thab 2lroo7]

يارب يارب يارب تقدرين 

 

[zizo0ou-x3]

enshalla etha dgart bacher el39er aw blel anzlkom part

 

[3thab 2lroo7]

انشالله حاولي حبيبتي متشوقين

 

[3thab 2lroo7]

توقعت اليوم بلقى بارت

 

[zizo0ou-x3]

sorry bs el7en a76lkom part

 

[zizo0ou-x3]

بارت 12..
الجود وصلت بيت رفيجتها ورفيجتها أستقبلتها أحلى أستقبال وبنفس الوكت هنوف ولوجين توهم داشين العيد ميلاد وكان الوضع حيل غريب مايعرفون أحد .. هنوف دقت على جراح وناطرته يطلع لها يستقبلها
جراح : هلا والله هنوف ( وباسها على خدها اليمين واليسار )
هنوف حمرت خدودها : هلا فيك جراح .. أعرفك هاذي بنت عمي لوجين
جراح مد أيده حق لوجين بس لوجين مامدت أيدها أكتفت برد السلام : تشرفنا جراح
جراح حقد على حركه ريان : يلا حياكم
هنوف : واي جراح فشله كل أهلك داخل .. خلاص مابي أدش
جراح : لا لا .. ترى مشعل يزعل عليج
لوجين : هنوف أحنا واصلين واصلين بعد .. يلا خل ندش
..
دشوا البنات مع جراح .. جراح كان ماسك أيد هنوف .. كانت هنوف طايره من الفرحه وبدى يعرفها على أهله
جراح : يما هاذي هنوف صديقتي الصدوقه ألي دايما أسولف عنها
هنوف بتبوس أم جراح بس أم جراح رجعت لي ورى ومدت أيدها : هلا فيج حياج بنيتي
هنوف حز بخاطرها : مشكوره خالتي
ام جراح ساسرت جراح : جراحو ويعه شنو هالناس الهيلقيه ألي قاعد تمشي معاها
جراح : ههههه حرام عليج يما
وبعدها عرفها على الجود ولوجين : بنات هاذي هنوف وبنت عمها ريان
الجود : هلا فيكم تشرفنا حياكم
لوجين طالعتهم بنظره من فوق لي تحت : واي جراح شنو هذول هلاقه حدهم .. قطيعه
ريان بترد عليها بس هنوف هدتها : عشان خاطري ريون مويايين نتهاوش
جراح : مالكم شغل فيها .. هاذي أختي لوجين ..
هنوف : أهااا هاذي لوجين
...
الجود تتمشى ولا تشوف الجازي واقفه بروحها ومستحيه ..
الجود : الجازي حبيبتي شفيج واقفه مني بروحج تعالي مع البنات
الجازي : مادري فشله .. كلهم أهلج ورفيجاتج شكو أرز ويهي
الجود قرصتها على خدها : يلا عاد عن الدلع .. ترى ها بزعل أذا ماييتي .. كلها جم ساعه وبتردين البيت تعالي خو أستانسي معانا
الجازي : يلا كاني بس خل آخذ جنطتي
...
جراح كان ماسك أيد هنوف .. وقاعد يسولف مع ريان ولوجين
لوجين حيل كانت مستانسه على ريان وشكلها حيل عاجبها
لوجين : وااي جراح أنت ماعندك ذوق حمدالله والشكر هاد ريان الجميله ومرافج هنوف الجيكره
ريان أستانست وظحكت ألا هنوف تخزها بحقد : تصدقين عاد لوجين قالولي أنج متكبره بس ماصدقت بعدين يعمري كل من يرى الناس بعين طبعه حبيبتي
لوجين : شنو شنو .. أقول الظاهر ماعرفتيني أنا لوجين البهاي .. ( تأشر على جراح ) : وأنت يالخداي ماجني توأمك رد عليها
ولا الجود والجازي متجهين أتجاهم
الجود : بنات بعرفكم على رفيجتي الجود
ريان وهنوف بققوا عيونهم من الصدمه : هنوووف
جراح : شنو أنتوا تعرفون بعض
هنوف شالت أيدها من أيد جراح : اي شلون هنوف أختي
الجود : صج ونااسه شنو هالصدفه
هنوف قعدت تخز بجراح : أنت جراح
جراح : ههههه اي
هنوف : ماشاءلله بالصج شكلك وايد أحلى من الصوره
جراح : أحم أحم
لوجين : ويييع الجود شنو هالخفه صج ماعرفتي تنقين رفيجاتج $.. أقول ريان تعالي معاي شوي داخل... وااي الجو مني حيل بايخ
ريان : هههههه يلا سرينا
@@@
مشعل قعد يدور ريم بكل البيت .. ريم كانت فاله شعرها ورافعه نفنوفها وحاطه ريولها بالماي بحوض السباحه وقاعد تغني ( على كثر السنين ..... ) .. مشعل واقف وراها ومتسند على الطوفه يتأمل ويها البريء والملائكي بس ماكانت ملاحظه
قرب منها وقعد يمها وحط ريوله بالماي .. ريم أستحت حيل وشالت ريولها ولا يتلها مشعل ويقعدها يمه
مشعل : ريم أنتي ليش دايما تصديني .. أدري أنه في شعور أتجاهي من ناحيتج بس ليش قاعد تخبين هالشي
ريم : شكو .. من وين يبت هالكلام .. أنا مجرد خدامه عند لوجين ومالي حق أكن أي مشاعر أتجاه أحد من طرف لوجين
مشعل : هاا أنتي أعترفتي .. لاني من طرف لوجين .. يعني أكيد في شي تحسينه أتجاهي
ريم عصبت وقامت من يم مشعل .. مشعل ركض وراها وتلها من أيدها .. ولاشعوري باسها على شفايفها من غير لايحس .. وبهاللحظه مشعل دخل وشافهم بهالوضع .. أنخش وقعد يراقب الوضع
مشعل ويها صار أحمر وريم عيونها بالأرض : ريم أنا آسف ماكان قصدي
ريم ماردت عليه
مشعل حط ايده على ويها ورفعه وقعد يناظرها : ريم فهميني أنا أحبج والله مستعد أتحدى الكل بس عشانج .. أنتي بنظري موخدامه لوجين .. أنتي الأنسانه ألي دشت قلبي من غير أستأذان .. ريم عفيه هاذا رقمي فكري بالموضوع وأنا ناطرج
ريم طالعت مشعل وأبتسمت أبتسامه بريئه وأسنانها بينت : أنا لازم أروح
..
@@@@@
عبدالله ويوسف وأحمد وهيثم قاعدين بالديوانيه ماكو شغل .. عاد أحمد أقترح خوش أقتراح
أحمد : شباب شرايكم نخرفن
عبدالله : أسمحلي أنا واحد مرتبط .. تبي أقول حق ألي خبري خبرك تكسر راسك
يوسف : ههههه اي قولها والله جان ماشلعت عيونه من مكانها
هيثم : ههههه وانا أسمحولي على وشك أني أرتبط .. ماكو ألا أنت يسوف .. بس منو تبينه نخرفن
أحمد : هههههه شفيكم بنخرفن واحد
هيثم : طير زين .. ومنو صوته يقدر يظبطه
أحمد : فييه غير عبدالله أخوك
عبدالله : لا لايحوشك ..
يوسف : أووووهووو عاد يينه حق أبو المثاليات خرا على شكلك
عبدالله : خلاص يبا .. توكلنا .. بس منو الضحيه هالمره
أحمد : عمكم بوسالم
الشباااب : كاااااااااك
عبدالله : كاااااك أي والله خوش صيده .. أكبر خروف .. يلا فوقه شباب بالفيس بوك وبعدها ناخذ أيميله .. ونخليه يعبي لنا رصيد خوش خطه
..
( بيت بوسالم )
بوسالم مجابل الفيس بوك ومطيحله سوالف مع الفلبينيات .. أم سالم ميته بتعرف شلون تشتغل على الفيس

ام سالم : يما سالم
سالم : هلا يما
أم سالم : أشوف أبوك ساعتين مجابل هاللابتوب علمني شلون أستخدمه
سالم : ههههه حق شنو يما .. مامنه فايده أذا تعلمتي عليه ماراح تهدينه خلج جذي أحسن وماراح أيي من وراه ألا ألذنوب خو أنتي ماشاءالله كلش ماتحشين بخلق الله
أم سالم : كيفك أذا ماتبي تعلمني راح أدخل دورات وأتعلم .. أموت وأعرف أبوك شيسوي ومنو يكلم
سالم : أفاا عليج ألحين نصيده .. ندخل فيس بوك ماله ونشوف منو عنده بالأصدقاء
أم سالم : والله مادري شقاعد ترطن .. أنت بس ييبلي الخبر اليقين ولك الحلاوه
..
بطرف ثاني الشباب قاعد يتفقون
أحمد : شوفوا راح نسوي أكاونت نسميه كاتي .. ونحط صوره فلبينيه بس يعني تعرف ترطن كويتي .. وبعدها نكلمه فون ونكسر بالفلبيني .. ونقوله يبي رصيد وجذي وعمكم خو فلوسه زايده منها نستانس ومنها نستفيد .. أي وخل نسجل الصوت والمحادثه وندزها برودكاست ههههههه
عبدالله : ياكلب .. وحش طلعت ولد العمه من وين هالأفكار الجهنميه
يوسف : شعبالكم طالع على أخوه
هيثم : عاد بدينه نرفع
..
أحمد : يلا شباب كاهوه عمكم شبك
..
كاتيه : هاي
بوسالم : هايات شسمج
كاتيه : بليز شوي أنا مايعرف كلام عربي .. أنا فلبين ..
بوسالم : نايس كيوت فلبينو ..
كاتيه : اي كيوت ماشاءالله .. شنو أسم مال أنت
بوسالم : أنا سعود وأنت
كاتيه : ماي نيم .. كاتيا سالم
بوسالم : سالم بابا مال أنت
كاتيه : اي بابا مال أنا كويتي .. بس موجين .. هاذا بابا يسوي ماما حامل بعدين ماكو شوف بعد
بوسالم : مسكين أنت .. أنت واجد قلب أبيض
كاتيه : سعود أنا يبي شي من أنت أذا أنت يحب أنا يسوي حق أنا
بوسالم : أول شنو يبي
كاتيه : أنا يبي يسمع هاذا صوت مال أنت
بوسالم : أوكي .. بس أول ممكن أنت يسوي صوره ويسوي سيند حق أنا
كاتيه : شووور .. آند ذات ماي نمبر .. 666....
..
بوسالم تشقق من شاف صوره كاتيه ( طبعا كاتيه يوسف ولد أم يوسف أخت بوسالم ) .. وعلى طول ركض الغرفه وقفل عليه الباب
..
بطرف ثاني الشباب يسوون بروفه .. يوسف قاعد يتدرب شلون ينعم صوته .. ولا يدق بوسالم

 

[zizo0ou-x3]

بوسالم : هالو
كاتيه : هالو سير
بوسالم : يبووووي شنو هاذا
YOU have nice voice
Katya : thnx u 2
Bo.salm: ok tell me your story .. why your father left you alon .. I'm sorry for you baby
Katya : dont remember me i will cry
Bo.salem : no no don't
كاتيه : بابا مال أنا موزين .. كويتي بس موزين واجد يسوي بنات نوم .. يشرب خمر .. واجد أشياء موزين .. أنا مافي فلوس
بوسالم : أنتي يبي فلوس محتاج فلوس
كاتيه : اي
بوسالم : خلاص جم رقم حساب مال أنت أنا يسوي فلوس
كاتيه : صج .. لا ماكو حساب أنا بس يبي رصيد
بوسالم : خلاص أنا ألحين يسوي سيند حق أنت رصيد .. هاذا رقم
كاتيا : ييس .. ناو آي هاف تو ليف باي .. أنا ينطر رصيد
...
بوسالم راح الجمعيه وعبه رصيد بقيمه 50 دينار حق كاتيه
...
عند الشباب : كااااااك صج عمكم خروف كاااااك
أحمد : اوووف من صجه طااع عبالنه رصيد
هيثم : هههههه بس شباب جنه زودناها موعيب ألي سويناه
عبدالله : يولي .. عمك هاذا مادري شلون عايش .. شكله ماكو فلبينيه بلكويت ماصرف عليها .. خرا عليه ..
أحمد : لاتلومونه القحط .. ولا شايفين مرته أم سالم .. شنبها ماتشيله .. والمشكله أكثر من شنبي
هيثم : خلاص شباب عاد عيب .. ظحكنا والحين وكت الجد ..
@@@@@

 

[3thab 2lroo7]

عمى بعينهم هذا عمهم وجذي بس فكرتهم خطيره
والعم صج ما يستحي
ريم حياتي احس راح تتاذه من ورا هالحب وايد
هنوف لو انا منها اطلع من هالحفله والناس الوقحه شنو هذا اشكره وجراح واقف جنه قوطي
جراح هذا ودي ازنطه

تسلمين عمري عالبارت وبانتضارج على احر من الجمر

 

[zizo0ou-x3]

Yslmo 3la elmror

 

[3thab 2lroo7]

حبيبتي متى البارت بانتضارج

 

[zizo0ou-x3]

بارت 12( بيت بو فهد )
أفنان كانت قاعده بالصاله تطالع التلفزيون .. تمثيليه ( العشق االممنوع ) مندمجه مع الأحداث وبنات أخوها رواد وريهام قاعدين معاها ولا يدخل عليها فهد ويتلها من أيدها ويحط حلجه بذونها ( شنو هالسخافات ألي قاعد تشوفينها )
أفنان خافت من نبره صوت فهد وبصوت يرجف : ففف.. . . . فهد .. تمثيليه تركيه
فهد بصريخ : جم مره قايلج لاتشوفين هالسخافات .. لا وحاطه بناتي بعد يتابعونها معاج .. ناويه تعلمينهم على الفسق والفجور هاا
أفنان : فهد يخوي من قال بخرب بناتك بعدين وين الفسق والفجور بالسالفه
فهد : يا كبرها عند الله .. واحد يحب مرت عمه مو فسق .. باجر الله بيحاسبج على عيونج ألي تطالع هالمناظر أستغفر الله
رواء : بابا ليش تصارخ على عمتي
فهد : ولا شي بابا أنا قاعد أعلمها الصح والغلط
رن فون فهد ولا يتغير 180 درجه .. هدت أعصابه .. وهد أفنان وراح غرفته ...
فهد بصوت حنون : هالله والله .. هلا بهالصوت .. هلا بالزين كله
زينه أنصدمت من أسلوب فهد : ههههه أنت متأكد أنك فهد
فهد : اي والله متأكد كثر مامتأكد أنه أسمج زينه
زينه : هههههه شنو هالأسلوب الحلو .. أشوفك تعرف ترطن كلام حلو .. ولسانك قاعد ينقط عسل
فهد : لانج أنني عسل ياعسل ( فهد يقول بقلبه : أستغفر الله على آخر عمرنا خرفنه )
زينه : لا بصراحه أنا جذي ماتحمل أخجلت تواضعي بصراحه ..‎ ‎‏ أممم أنزين فهد .. دامك راضي عني اليوم .. شرايك أشوفك
فهد : هههههه .. صار
زينه : شنو .. من صج يعني راح نقعد مع بعض بروحنا
فهد : اي شفيج مستغربه
( رواء بطلت الباب بدون لاأبوها يدري وكانت منخشه ورى الكبت .. وطلعت بعد من الغرفه من غير لايحس أبوها .. وسمعت كل شي صار بين أبوها وزينه ... ركضت على طول وقالت حق أفنان .. أفنان ماصدقت رواء وقعدت ترقع الموضوع حق فهد )
رواء : عمتي أبوي راح يشوف وحده ألحين توني سامعته يكلمها بالتلفون
أفنان : لا حبيبتي هاذي أكيد وحده معاه بالدوام أو رفيجه أو شي .. جذي
رواء : لا عمتي أنا سمعته يقولها ياعسل
فهد طلع من غرفته : منو هاذي العسل
أفنان : ههههه لا ولاشي
فهد طالع أفنان بنظره أستحقار : أنتي متى بتيوزين عن الجذب
رواء : بابا عمتي ماتجذب أنا قاعد أقولها أنك قلت حق البنت بالتلفون ياعسل
( أفنان حطت أيدها على حلج رواء عشان لاتفظح الموضوع أكثر )
فهد : رواء منو هاذي البنت وأنتي شدراج .. عميمه قالتلج تتصوخين عليي
رواء : لا بابا عميمه مالها شغل أنا دشيت الغرفه بدون لاتدري وسمعتك تكلمها
فهد ظحك بتصنع وقعد يمسح على شعر رواء : بابا روحي صعدي غرفتج
بس صعدت رواء غرفتها .. فهد تلها من شعرها وقعد يطقها ويدزها على الأرض
فهد : شوفي يابنت الشوارع هاذا آخر أنذار لج سامعتني .. مالج شغل بحياتي أو في بناتي .. سامعه
...
سندس : لا فراس سوري بس رفيجتي شافت أخوها عشان جذي رحنا البيت أنشاءالله اليايات أكثر حبيبي
فراس : لا عادي مسموحه يقلبي .. على طاري رفيجتج .. ترى حمدان حاط عينه عليها ويبيج تظبطينها له
سندس أنصدمت : لا .. مايصير .. ماتنفع .. ماعندها هالسوالف أفنان
فراس : أسمها أفنان
سندس : لا لا .. شكو .. أي أفنان .. أنا قلت أفنان .. لا .. لا .. أسمها أجيان
فراس : أجيان .. أنزين شفيج جذي توهقتي .. ههههههههه
سندس : فراس .. أنا ألحين لازم أسكر التلفون راسي قاعد يعورنني
فراس : وين على الله حبيبتي
سندس : فراس لازم أسكر يلا باي
...
سندس : وااي أنا صج غبيه .. غبيه ... ألحين شلون بتصرف بهالموضوع .. يربي ... شسوي الله يلهمني الصبر ..
@@@@@

( بيت بويوسف )
أحمد بغرفته قاعد يفكر بمشاعل .. وشلون بيفاتحها بموضوع أمه .. ولا يقطع سرحانه مسج .. فز قلبه من شاف المسج .. وعلى طول بطله .. كان متأمل هالمسج واصله من مساعل .. بس المسج طلع من ريان بنت خاله
أحمد : مسج من منو ياترى أكيد هاذي مشاعل حبيبتي
* فتح أحمد المسج وتحبط ريان كانت دازتله ( أحمد في شغله من زمان تقرقع بقلبي ويا الوكت المناسب ألي أصارحك فيه بكل شي )
أحمد : اوووهووو هاذي شتبي ريان .. أكيد الشغله الي قالتلي عنها روان .. خل أرد عليها ( هلا ريان قوليلي كل شي عندج أسمعج .. شنو الشي ألي بتصارحيني فيه )
ريان : بصرااحه أنا من زمااان من زماان كنت ومازلت
أحمد : أي شنو .. تتكلمين بالقطاره ريان .. قولي كل ألي عندج مره وحده
ريان : سوري أحمد الظاهر أزعجتك ..
أحمد : لا ريان لاتفهميني غلط بس أنا شوي متظايق .. شنو ألي بغيتي تقولينه
ريان : آآآنااا .. أحب........
أحمد أنصدم .. ماتوقع الكلام ألي قالته روان صج ( معقوله ريان تحبني .. يعني كل كلام روان صج .. بس ليش ومتى .. وشمعنه أنا ... لا لا .. أكيد ريان غلطانه .. مظيعه بالعنوان .. شرد عليها ألحين .. ريان نفس روان ماكو فرق بينهم كلش )
* ظل نص ساعه مارد عليها
شهد بغرفتها : ياترى ألي سويته غلط .. شنو بيقول عني ألحين .. أمبي أكيد بيقول هاذي ياهل ويظحك علييي .. ( بعد هالتفكير وصلها مسج بعد ساعه ونص )
أحمد رد عليها بمسج : ريان بصراحه أنتي صدمتيني .. وكلامج كبير .. بس بصراحه أنا ماشوفج ألا أخت لا أكثر ولا أقل .. وانا مرتبط وأحب وناوي أتزوج .. وهاذي مشاعر يمكن تكون نزوه .. مجرد أعجاب موحب
ريان قعدت تبجي وردت عليه بمسج : أنا دريت أنك تحب .. بس قلت يمكن لمن أعترفلك بلي في قلبي يمكن تحس فيني شوي .. أحمد أفهمني أنا أحبك وأنا بنت خالك أولى فيك من الغريبه .. أحبك أحبك أفهم والله أحبك
أحمد : ريان حبج على عيني وراسي بس قتلج أنا مافكر فيج في وحده في بالي .. والحب مو غصب .. أنتي على ويه زواج وأكيد راح تحصلين الأنسان ألي يستحقج وتحبينه ويحبج وانا أعتبريني أخوج وبس
* كلمه أخوج وبس قعدت ترن بذون ريان
( أخوج وبس .. أخوج وبس .. أخوج وبس )
قعدت تبجي بجي هستيري طاحت على الأرض وقامت تصارخ .. لأ .. لأ .. أحمد أفهمني والله أحبك أحبك

دشت شيماء عليها الغرفه وشافتها بهالحاله .. ريان لمت شيماء وقعدت تبجي نفس اليهال ... : آآآه شيوم .. شفتي أحمد ولد عمتي طلع يحب ومرتبط .. مابي لازم يحبني نفس ما آنا أحبه .. مابي
شيماء : ريون خلاص .. خلاص .. شيلي أحمد من بالج .. الريال مايبيج شنو بتركضين وراه يعني .. رحمي حالج ..
....
@@@@@@
فرح : جراح ماقدر أنت قاعد تطلب شي مستحيل .. شلون تبيني يعني أنحاش من البيت.. المدرسه ونحشت بس البيت قويه ..
جراح : فروحه .. عشان خاطري .. ولا مالي شان عندج
فرح : لا جراح بس مادري أخاف ..
جراح : مافيها شي .. كل الي بتسوينه أني راح أمرج الساعه 3 الفجر أهلج كلهم بيكونون نايمين .. وآخذج نطلع نستانس وبعدها نرد البيت ولا كأنه شي صار .. أمج وأبوج كبار أكيد راح يكونون نايمين .. وماعندج أخوان
فرح : خلاص جراح خلني أفكر فيها وأردلك خبر
جراح : ماشي حبيبتي .. يلا ألحين أخليج تنامين تصبحين على خير
فرح : أوكي حبيبي تصبح على خير
...
لوجين : جراحو منو هاذي الي قاعد تكلمها لايكون هنوف
جراح : لا وحده أسمها فرح
لوجين : ومنو تطلع
جراح : ههههه وحده من بنات خلق الله
لوجين : وشنو تبي منها .. أنت ماتشبع من البنات .. ما لاعت جبدك من بنت لي بنت
جراح : لا للأسف يا توأم روحي
لوجين : جراح تدري مرات أشك أنك أخوي التوأم كلش ماتشبهني وطبايعك غير عن طبايعي..
جراح : ههههه أحنا توأم مختلف يعيوني
لوجين : جراحو صج بغيت أسألك .. أذا كلمت هالشيته مالتك هنوف أخذ منها رقم ألي كانت يايه معاها ألي أسمها ريان ..
جراح : حق شنو .. أنتي موقلتي أنهم مومن مستواج .. شتبين فيها ألحين .. بتشغلينها خدامه عندج نفس ماسويتي بريم
لوجين : اووووه على طاري ريمو .. نسيت آخذ منها النفنوف الأحمر ألي شريته لها ..
جراح : من صجج لوجين .. خو صدقه .. تصدقي فيه لها .. مسكينه تلقينها ألحين مومصدقه على الله لابسته
لوجين : اي والله صح ..
جراح : يلا لجون بروو .. بكلم هنوف
لوجين : مالت بس .. أقول لاتنسى أخذ رقم البنت ألي معاها
...
لوجين قاعده بالغرفه ولا يطري على بالها الحب القديم
ريان كانت تحب واحد بس طبعا من مستواهم .. تقدم لها وأهلها رفضوا يزوجونهم .. من تذكرت حبيبها بدت تبجي .. حطت راسها على المخده ودموعها أربع أربع .. فجأه حست بلمسات حنونه تمسح على راسها .. وتمسح دموعها .. رفعت راسها ولا ريم داخله عليها
لوجين : ريم
ريم : اي .. أدري أنج تذكرتيه عشان جذي قاعده تبجين صح
لوجين : آآآخ ريم. .. ليلحيني شايله بخاطري على أمي وأبوي .. تدرين بهاللحظه أحسدج .. ودي أكون فقيره عشان أقدر أتزوجه .. لو كنت مثلج جان ألحين أحنا ساكنين في بيت واحد
ريم : لوجين لفلوس موكل شي ..
لوجين : أمبله كل شي ..
ريم : لوجين تخيلي في يوم تخسرون كل ثروتكم شراح تسوين
لوجين : فال الله ولا فالج خو أكيد أنتي تتمنين هالشي لنا صح ريم
ريم : لا والله حشى

 

[zizo0ou-x3]

توقعاتكم و رايكم بالبارت

و اذا ما شفت ردود في احتمال ما اكملها!!!

 

[3thab 2lroo7]

ليش ليش حبيبتي نبي نرد بس البارتات صغيره وما تساعد
وفي منا قاعدين نرد والصراحه اهيا حلوه بس لا تتاخرين بالبارتات عشان لا ننسى الاحداث
وتسلمين واتمنى ما توقفين

ريم حياتي احسها انضلمت
فرح عبيه لو فكرت توافق على جراح تطلع معاه
جراح مو من صجه جذي يتعامل مع بنات الناس

يسلمو بانتضارج

 

[zizo0ou-x3]

يسلمو حبوبة على المرور

و سامحيني اذا طولت بس عندي ضروف بس انشالله انزلكم كل يومين بارت طويل

 

[laco$te]

لالا كملي لا توكفين روايه حييييييييييييييل حلوه : )​

 

[zizo0ou-x3]

3thab 2lroo7& laco$te elpart l3yonkom w mshkoren 3la tshje3kom