فلوس عيالج لج ولا حقه

[@فطفوووطه@]

رد : فلوس عيالج لج ولا حقه

انا عيالي صغار بس قررنا نحطهم بحسابهم

 

[لحظات عابره]

رد : فلوس عيالج لج ولا حقه

تبون الصراااااحه انا تناشبت وياه قبل ماتنزل وقلت خلهم بحساب عيااالي واهوه موراضي الود وده ياخذ اللي عندي بعد
يالله الله يهديه لي ويحنن قلبه علي وعلى عياااااااله قولوا امين

 

[غموض الصمت]

رد : فلوس عيالج لج ولا حقه

مع احترامي لكل الاراء اللي انقالت
بس اكيد رب الاسرة بتصرف فيها
و قليل او البعض اللي بحطهم بحسابات لابنائه
لو الود ودي اكيد بحطهم بحساب و لهم للزمن
بس اكيد انه الاب بتصرف فيهم و هذا مو حالي بس حال كثير من الامهات
الرجال طماعين و خاصة بهالشغلات
ويعطون نفسهم حق التصرف فيها
اذا محتاج و عليه ديون نقول ما يخالف على الاقل فرجت عليه و على عياله
اذا في بيت و مستقبل و يبني او يشتري قلنا معليه هذا مستقبل و للجميع
تصدقون انا ما فرحت فيها حيل
لاني حيل قنوعه انه الفلوس تروح مثل الماي
لكن نقول يالله يحفظ ديرتنا سالمة

 

[فطووومة]

اكيد لهم

المفروض بحساباتهم باجر تنفعهم ان شالله

وهذا حقهم باسمهم

 

[أريام الكويت]

رد : فلوس عيالج لج ولا حقه

اتمني ان زوجي يحطها بإسم عيااااااااااااااااااااااااااااالي بس حامض علي بوزي اللي بيصير مترين بسبة هالسالفة الحين صاروا عياله لأن اول كل ما قلت عطني يقول عيالج ويقولون ان كيدهم لعظيم لوووووووووووووووووووووووووووول

 

[مذهلة 78]

رد : فلوس عيالج لج ولا حقه

والله يا بنات المبلغ اللي بنحصله بنخليه حق البيت

لان ورانا بنيان واليهال احنا مو ممقصين معاهم بشي كلش وقاعدين نصرف عليهم بشكل مو طبيعي

والله ان اقل طلعه الي اهي يوم الخميس اقط 60 دينار وهذي طلعه وناسه


والحمدلله الكل متفق ان الفلوس اتم للبيت

 

[LuLiTa]

شكو الاهل ياخذونها ؟

بصراحه هذي انانيه منهم ,,, العيال باجر يكبرون و يحتاجون مصاريف ,,عل الاقل لي لقو شي بحساباتهم يقولون الله يعطي امنا و ابونا الصحه و العافيه و طولت العمر لانهم خشو لنا فلوسنا ,,,,

 

[Freakya]

امي قالت لي افا عليج قلت حق ابوج يحطهم بحسابج !!

خخخخخخخخ ,,!

 

[FiOnKa]

رد: رد : فلوس عيالج لج ولا حقه

من وجهة نظري
الطفل من يولد يكون يفتحون له حساب خاص
وينحط فيه مبلغ كل شهر مو شرط بس المكرمه
اذا كلش 50 الحكومه ينحط بحسابه
وهذا رايي الشخصي

,,

صح , وكلامج منطقي ..

الواحد لازم يعرف يخطط للمستقبل ~

و غير هذا اهو من حقهم !

,,

 

[Hello_kitty]

حرام الأهل ياخذونهم هذولي من حق اليهال واللي بياخذونهم من اعيالهم مو شايفين خير


الحمدلله من اول ما سمعنا بالمنحه طبيعي بتكون بحاسبهم

حتى اخواني ابوي ماراح ياخذون دينار واحد منهم

الحمدلله على النعمه

 

[سكرة هانم]

رد : فلوس عيالج لج ولا حقه

حرام عليهم الفلوس من حق العيال

الابو والام مالهم حق ان يتصرفون فيهم حته لو بسكرون ديونهم العيال مالهم شغل

 

[دلعووووه]

بصراحه بخشهم بحساب بنتي بس ان شاء الله ابوها ماياخذهم هالبخيل
لأن بنتي السنه اليايه ابتدائي بداية المصاريف الله يعين
واما فلوسي اخشهم وايمعهم حق اليوم الاسود لووووووووول وشوي اسدد اللي علي (طبعا مبلغ صغير بس الحمدلله ) :eh_s(10): واعتبرها هدية عيد ميلادي لأن بشهر 2 لوووووول وناسه :happybday:
الله يخلي لنا بوناصر ويطول لنا بعمره يارب
ويبعد عنا عيون الحاسدين والحاقدين

 

[chakletaA]

وي وي وي

تذكر اختي وبعلهااا سابقا وعليااا رغم انهم عيال عم ومطلقين
مليون بالميه ان متزوج ويلعب بفلوس عياله لعب
الله يكون بالاولاد لاصارواااا تحت رحمه اللي مايخافون من الله
الظلم شين الله يفج عووووقهم

 

[Čut!e Quèéи]

رد : فلوس عيالج لج ولا حقه

والله انا ماعندي عيال والحمدلله على كل حال

بس زوجي قالي تدرين لو عندنا عيال

والله ما المس فلوسهم واحط لهم الفلوس برصيد كل واحد

وكل شهر احط لهم 20 دينار ونصرف عليهم من عندنا مني لين يكبرون شوفي جم يصير عندهم

لان المراهقين طلباتهم ومصاريفهم وايد واحنا جربني هالشي لما كنا مراهقات

 

[منوة القلب]

بنات الي يشوفكم يقول مليون عشان نفتح حساب

الي يبي يفتح احساب لعياله من الاساس المفروض فاتح من يوم ماولودوا

ويسوي استقطاع لــ 50 الي تنزل بحساب ولده عشان يضمن مستقبله صح

مو من جت الالف قلتوا بنضمن مستقبلهم

 

[قلبي ابيض]

قررنا سفرة جماعية انشا الله

واحنا موووو مقصرين معاهم من اول وماراح نقصر تالي <<< طمعااانة لووول

 

[q8nina]

رد : فلوس عيالج لج ولا حقه

عندي بنوته وحده وموقاصرها شي كلش
وفلوسها النص بالنص بيني وبينه

علشان نصير حقانيين

 

[خُزام]

المفروض فلوس العيال لهم لا للأم ولا للأبو

أحس أنانية وبخل لو صرفوا منحة عيالهم

أقل شي يسوونه يخشونها بالبنك لهم لي كبروا تنفعهم

 

[غرشة عطر]

زوجي قال بيحطها باحسايات اعيالي ذخر لهم بعدين وألفي وألفه كل واحد بيسوي فيها شغله

 

[ملواكي]

بنتي الكبيره من اسمعت الخبر قالت تبي تشتري لاب توب ضحكتني لان عندها واحد اصلا
بس الي سويه بحطهم بحسابها وبشتري لها من افلوسي الابتوب
اما الصغير بخشهم بحسابه
وانا اصلا كل شهر اسويلهم استقطاع
بخشهم لهم بيكبرون ومتطلباتهم ابتكبر