فلوس عيالج لج ولا حقه

[love love]

كل مره احط اي فلوس لهم بالحساب غير كل شهر نحط بحسابهم


بس لو كنت بالكويت

جان عطيت لابوهم كل الفلوس ويصكر قرضه بشرط يرد دينه على اعياله طبعا التوفير ماله شغل ماشي لهم لانه فلوسهم ومايجوز نتصرف فييه لانها نازله باسمهم
وفلوسي حلال عليه بس ابي راحة بالي لي حطيت راسي على المخده ومااسمع بشي اسمه قرض ولا دين


بس بما اني برى الكويت

فيت بوقته الف الحمدالله

فلوس الابو نصكر فيه الماستر لانه تراكم علينا وغير مصاريف نقل العفش والاغراض لي ولايه ثانيه
اما فلوسي مع فلوس اليهال لحضانتهم منها يونسون عن عمرهم بدال امجابلين الطوف طول الاسبوع حبايبي ومنها يتعلمون جم كلمه قبل لا يدشون المدرسه ويتقووون ومشاءالله حضانه بالاسبووووع بس 50 دينار هذا ارخص شي!!!!!!
تفادهم الفلوس

 

[جميلة الجميلاتي]

بما ان عيالي صغار واهم اربعه الله يخليهم
فقلنا انا وابوهم العزيز اثنين حقي واثنين حقه
بس مايمنع ان نحط بحساباتهم مبلغ ونشتريلهم اللي يبونه

 

[وصآااايف]

لعيالي​

 

[كويتية أصيله]

إن شاء الله بحساب عيالي .......

 

[ليتني مـآ كبرت]

رد : فلوس عيالج لج ولا حقه

آنا مو متزوجة ..


بس الصراحة هذي الفلوس حق عيالكم مو للأبو

اللي عيالها يفهمون تسألهم شنو بخاطرهم .. و الباقي خشوه حقهم

و إلا حطوا الفلوس على بعض وسفروهم سفرة معتبره خل يستانسون

و اللي عندها عيال وبنات فوق ال12 سنة عطوهم الفلوس كلها خل يصرفونها بالعافية

مراهقين يبون كل شي..

ذكرتوني بأخوي الجعدة بثاني إبتدائي يقول بشتري بانشي هههههة ياحلوة

 

[Tutti-Frutti]

رد : فلوس عيالج لج ولا حقه



الصراحه تعبت وانا اقول هالحجي
بس بالاعاده افاده

يااا امهااات ترى فلوس عيالكم مو من حقكم تصرفون منها ولا فلس لا عليج ولا على الابو
حق العيال وبس

بطلو لهم حساب وحطو فيها الـ 1000 وانسوها
خلوها لهم لمن يكبرون
ترى هالشي شرعا ما يجوز وراح تتحاسبون عليه لانه الفلوس معطينها لكم وقايلين حق عيالكم

وانا امي قالت لنا كل وحده راح نعطيها فلوسها حقها ماناخذ منكم ولا دينار

 

[$ بنت علمي $]

اي والله فللوس العيااال لهم والمفرووض يسولهم استقطااع او يفتحوون لهم حساااااااااب!!!!

 

[$حبيبة عبودي$]

رد : فلوس عيالج لج ولا حقه

حق زوجي شدعوه اخليها بحسابهم لما يكبرون كلها الف يارب لك الحمد

 

[منوة القلب]

ومن قالكم مايجوز ابي فتوى من شيخ موثوق

ليش ماسمعتوا بالقصه الي صارت على ايام الرسول ...

جاء رجل كبير السن يشكو لرسول الله " صلى الله عليه وسلم" ابنه لما رآه منه من عقوق فقال الرجل: يا رسول الله كان ضعيفا ًوكنت قوياً ، وكان فقيراً وكنت غنياً ، فقدمت له كل ما يقدم الأب الحاني للابن المحتاج، ولما أصبحت ضعيفاً وهو قوي، وكان غنياً وأنا محتاج ، بخل علي بماله ، وقصّر عني.



فبكى رسول الله صلى الله عليه وسلم وقال : ما من حجر ولا مدر يسمع هذا إلا بكى، ثم قال للولد: أنت ومالك لأبيك.



بنات اي مستقبل تأمنينه اذا كنت انا مسؤوله عنهم لين يتزوجون ويستقلون بحياتهم

 

[[ Ms RoRo ]]

رد : فلوس عيالج لج ولا حقه

ما يصير تاخذونهم مو من حقكم !!
هذا حق عيالكم
ولا تقولون صغير و لا كبير
كله واحد

 

[جوري وبنفسج]

السلام عليكم

لووول ال200 اللي قبل صارت عليها ذبحة بين الأزواج

شلون ال 1000 الحين الله يستر

أنا عن نفسي بنتي الكبيرة راح تأخذها بس أكيد بتفسفسها على خرابيط بيوم واحد لووول

بس عيالي الصغار راح تنزل بحسابهم وما علمتهم عنها علشان ما يفسفسونها لأنهم ما يعرفون قيمة الفلوس بعد

وبالنسبة للأبهات اللي عليهم ديون الحمدلله المنحة بتحل لهم زمة وعليهم بالعافية

بس الأبهات الظالمين واللي أساساً ما يصرفون على عيالهم ومخلين زوجاتهم هم اللي يصرفون فشي أكيد أنهم بيأكلونها على عيالهم ويحطونها بخرابيطهم عساهم ما يتهنون فيها . وحسبي الله عليهم .​

 

[MyLittleBerry]

رد : فلوس عيالج لج ولا حقه

حساب عيالي

 

[أم*سلمان]

حق عيالي احطهم بحسابهم

 

[أمانيQ8]

لا لي ولا له بحساباتهم طبعا ومايبيله حجي
مايطاوعني قلبي اخذ فلس منهم

 

[قمورهـ]

رد : فلوس عيالج لج ولا حقه

بنات احسن شي اخذوا 1000 دينار من فلوس عيالكم وسوو فيها وقف لكل واحد تنفعه حي او ميت وعشان تتبارك حياته

 

[G!RLooNa]

رد: رد : فلوس عيالج لج ولا حقه

حرام الأهل ياخذونهم هذولي من حق اليهال واللي بياخذونهم من اعيالهم مو شايفين خير


الحمدلله من اول ما سمعنا بالمنحه طبيعي بتكون بحاسبهم

حتى اخواني ابوي ماراح ياخذون دينار واحد منهم

الحمدلله على النعمه

امبيه ما صدق في ناس جذي عيونهم ضيجه حتى على فلوس عيالهم !!

يحليلكم والله بتخشون افلوس اعيالكم وتخلونها رصيده لهم يعني صدقني,,,,,,,,,,,هههههههههههههههههههههههههههه
صكيتو على الزلمات0000000عني انا بصرفها وبشتري كل الي بخاطرهم وبضبط بيتي 000
اصرف ما في الجيب 0يأتيك مافي الغيب0

شكو زلمات :080402ask_prv:

الحين الواحد لما يفتح حساب حق عياله و يقط في بين كل فتره وفتره ولا يستقطع كل شهر و ايمع في عيادي اليهال لما يكبرون يتيمع لهم مبلغ حلو يصير زلمه ؟؟

عيل الواحد كل ماياته فلوس قطها كلها و لا يحسب حساب الزمن عشان ما يصير زلمه وايمع له جم فلس؟؟

مدرى كيف هالانانيه تاخذو فلوس عيالكم وتروحو تسافرو فيها

انا ادرى فلوسكم اللى تخصكم انتم سافرو فيها وفلوس عيالكم تنحط بحسابهم

عن نفسى زوجى امين و لو عندى عيال اما بخلى ابوهم يتصرف بالفلوس سواء

ينحط بحسابهم او انه لو عندنا اشياء ضروريه جداااا نشوف ايش اولوياتنا

مو اخذ حق عيالى واسافر واتمشي فيهم

اي والله انانيه يتهاوشون على فلوس اليهال بدال ما يشيلونها حقهم

الصراحه تعبت وانا اقول هالحجي
بس بالاعاده افاده

يااا امهااات ترى فلوس عيالكم مو من حقكم تصرفون منها ولا فلس لا عليج ولا على الابو
حق العيال وبس

بطلو لهم حساب وحطو فيها الـ 1000 وانسوها
خلوها لهم لمن يكبرون
ترى هالشي شرعا ما يجوز وراح تتحاسبون عليه لانه الفلوس معطينها لكم وقايلين حق عيالكم

وانا امي قالت لنا كل وحده راح نعطيها فلوسها حقها ماناخذ منكم ولا دينار

انا بعد انغثيت كل موضوع ادش الاقي هوشه منو ياخذ فلوس اليهال ما جنا كل واحد بتنزله الف حاطين عينهم على الف عيالهم :080402ask_prv:

 

[Hello_kitty]

رد: رد : فلوس عيالج لج ولا حقه

امبيه ما صدق في ناس جذي عيونهم ضيجه حتى على فلوس عيالهم !!



[/color][/size][/b] :080402ask_prv:

امبيــــــــــه قيرلونا مالاداعي تردين علي جذي واضح انج ما فهمتي ردي عدل قبل لا تردين!!

انه قلت المنحه بحساب اعيالي واللي ياخذون من اعيالهم موشايفن خير كلامي واضح

وحتى اخواني نفس الشي ابوي وامي ماراح ياخذون من فلوس اخواني دينار واحد

الحمدلله عينا موضيقه وشايفين خير وماراح نحط عينا على فلوس اعيالنا احنا نصرف عليهم ونونسهم موناطرين فلوسهم عشان نسدد ديون واقساط ونفتح سيايير مثل غيرنا

 

[جني الحلوة]

يعني صدقني يعني 0000هههههههههههههههههههههههههههههههههه
والله زلمات0000000

 

[G!RLooNa]

رد: رد : فلوس عيالج لج ولا حقه

امبيــــــــــه قيرلونا مالاداعي تردين علي جذي واضح انج ما فهمتي ردي عدل قبل لا تردين!!

انه قلت المنحه بحساب اعيالي واللي ياخذون من اعيالهم موشايفن خير كلامي واضح

وحتى اخواني نفس الشي ابوي وامي ماراح ياخذون من فلوس اخواني دينار واحد

الحمدلله عينا موضيقه وشايفين خير وماراح نحط عينا على فلوس اعيالنا احنا نصرف عليهم ونونسهم موناطرين فلوسهم عشان نسدد ديون واقساط ونفتح سيايير مثل غيرنا

لااا امبلا فهمت ردج قاعده اقول ما اصدق ان في ناس جذي حاطين عينهم على فلوس عيالهم ما اقصد انتي بالعكس يعجبوني الحقانيين فلوس العيال حقهم و الحمدالله امي و ابوي طول عمرهم ماشين جذي شايلين فلوسنا و عياينا حقنا

لا تخافين فاهمه ردج

 

[bint_looda]

من وجهه نظري فلوس العيال تبقا حق لهم