قصة لطيفة بعنوان سلمان و آمنة

[قمر جنها]

من عيووني حبيباتي

 

[انوار الكوويت]

اب اب

 

[قمر جنها]

الجزء التاسع..
​

آمنة: مادري شقول لك الصراحه؟ بس نقطة ضعفي الورد شلون عرفت(و ضحكت).
سلمان: العفو ، انا بصراحه من شفتج مره ثانية وانا بس افكر شلون اعتذرلج ، اوووه ..
(مداخلة من آمنة): لا مسموح سلمان ، ومشكور وايد مره ثانيه.
(استهل وجه سلمان وقال): ذاكره اسمي ؟ّ!
(ابتسمت آمنة قائلة): ليش؟ انت نسيت اسمي ؟!
(ابتسم سلمان قائلا): لا طبعا ، يعني بصراحه كنت شيطان ، وودي مادري ليش بس ودي اتعرفين اني تغيرت وما تتمين شايله علي.
آمنة: لا شدعوه , انا همن كان لساني طويل مو مقصره , بس عادي كنا يهال , مو معقوله بواخذك على تصرف سويته و انت مراهق , المراهقه ظيم الصراحه.

(ابتسمت آمنة لسلمان , كانت آمنة تلوم نفسها لأنها تشعر برغبتها بالاستمرار بالحديث مع رجل , حيث ان ورود سلمان جعلت قلبها ينبض لأول مرة , فكانت تنظر إليه و هو يبادلها بنظرات شوق لم يعهدها من قبل , و كان اعجابه الشديد بها قد تملك ملامح وجهه مما جعل عيناه تصبح أكثر تألقا و لمعانا , فصارت آمنة تنزل رأسها عندما تشعر بحرارة نظراته).
(قال سلمان و كأنه يعبر عما يجول في خاطر آمنة): يعني , أمبي .. مادري شفيني مو راضي انشلع(ضحك محرجا) مو عارف اروح.
(ابتسمت آمنة بخجل و أنزلت رأسها , ثم رفعته قائلة): انت اللي تقول عنك ندى ان ولد اخوك اكبر منك مو؟
(سر سلمان بان آمنة فتحت مجال للحديث و قال): اي انا , عادل ولد براك اخوي اكبر مني و اخوه كبري , و اخوانهم الباجيين اصغر.
آمنة: اي صح قالت عادل , و اخوه اللي كبرك همن ما يقول لك عمي؟
(ضحك سلمان قائلا): لا طبعا ما يدور , سلمانو , جنه اخوان يعتبر رابيين سواا.
آمنة: بنفس البيت؟؟
سلمان: ايي أخووي عايش ببيتنا , و ربانا انا و ندى مع عياله ما قصر والله ولا هو ولا زوجته , المشكله ان عدول اكبر مني ب3 سنين و اخوي يحكم عليه حكم يقول لي عمي هو و جسوم اللي كبري(و ابتسم).
آمنة: اي تقول ندى , و تقول من ورا اخوكم يقولون لها ندو..
سلمان: و انا سلمانو سلوم احيانا(ضحكا سويا).
آمنة: عجيبه السالفه الصراحه , عاد انا ودي اجرب شعور عمه او خاله.
سلمان: لي الحين مو مجربه الشعور انتي؟ انا وانا مولود كنت عم(وضحك) خال لي الحين ناطرين ندو.
آمنة: لا ما جربت , اصلا انا اخواني صغار اصغر مني.
سلمان: لااا , راح تصيرين ام قبل معناته(و ابتسم).
(أنزلت آمنة رأسها محرجة و قالت): اي والله ما يندرى , يعني اخوي اللي اصغر مني دش الكلية الحين , يتخرج و يشتغل و نزوجه.
(ابتسم سلمان عندما لاحظ خجل آمنة منه و تابع قائلا ): وييه , يمديج تتزوجين و تييبين عيال و تجحشينهم.
(ضحكت آمنة على كلامه و قالت): الله اجحشهم , والله لا تستبعد , لاني مجحشه اخواني الحين.
(رفع سلمان حاجبيه قائلا): لااا , على جذي انتي براك مال بيتكم.
(ابتسمت آمنة و قالت): تقريبا..
(ضحك سلمان قائلا): يعني انا نفسج ما صرت خال ، بس صرت عم عالاقل.
(ابتسمت آمنة و قالت): شالفايده عم و ما يقولون لك عمي.
سلمان: لا الصغار يقولون , بس الاكباريه طايح من عينهم شنسوي(و ضحك)شكلي انا اخر شي اللي بقول له عمي , تعالي عيال عيسى اخوي بعد , و لو انهم مو هني و ما يتحجون عربي , تذكرين البنيه اللي كنت شايلها بلندن؟
آمنة: ايي يحليلها , يمديها صارت مره الحين.
سلمان: ايي هذي بنت عيسى الصغيرة , اي والله يمكن فيها 13 ,14 سنه.
آمنة: عالعموم حتى شعور الخال مو بعيد عليك ان شاء الله , ما عندك خوات غير ندى؟
سلمان: لا وين؟ بيتنا رجالي , بس هي ندو , دلوعتنا(و ابتسم).
آمنة: لازم تصير دلوعتكم , وايد لذيذه و شفافه , حيل عسوله(انزلت رأسها و ابتسمت).
سلمان: و هي تقول عنج نفس الحجي , و الله يلوم من لامها الصراحه(خجلت آمنة و انزلت رأسها) امبي سوري والله , تدرين , خل اروح انا , انا مستانس حيل انج مو شايله علي ولا متضايقه مني , معناته راح تذكريني بالخير.
آمنة: لا سلمان بالعكس انت ما قصرت , دايما راح اذكرك بالخير.
(سر سلمان و قال): تسلمين بعد عمر(احمر وجه سلمان , وسكت) لا خل امشي (و ضحك محرجا) يالله مع السلامه.
(نظرت آمنة له و قالت): حياك الله سلمان و مشكور وايد..
سلمان: العفو , لا شكر على واجب(و دنا من امامها و استدار ليرحل , واصل مشى قليلا و التفت فوجدها تعطيه ظهرها , فواصل سيره و التفتت آمنة و لم تجده , فجلست على الشاطيء مبتسمة و أخذت نفس عميق).
(آمنة تحدث نفسها): أمبي انا حاسه اني رقله , مو المفروض استانس هالكثر و لا اني افكر فيه لهدرجه مهما كان.

(سلمان يقود مركبته و يتذكر تفاصيل ما حصل مع آمنة للتو , و لم يفارقه طيفها أبدا).

(أما آمنة عندما وصلت إلى المنزل , دعت الخادمة وطلبت منها ان تأخذ الباقة لغرفتها , ثم دخلت لغرفة المعيشة فوجدت والدتها تجلس و تتابع فلما في التلفاز , قبلت آمنة والدتها قائلة): يما حبيبتي شلونج؟
أم آمنة: هلا أمونة , طولتي امي , لازم ما تتأخرين على شان تلحقين تدرسين اختج.
آمنة: يما حبيبتي مدرستهم قبل لا اطلع(دق جرس جوال آمنة فأجابته دون ان ترى من المتصل وواصلت حديثها مع والدتها) لا وساءلتهم بعد , الو..
سلمان: منو هذول اللي ساءلتهم آمنه؟
(ضحكت آمنة متوترة و قالت): اكيد داق تسأل عن اجياس محلك متى تخلص..
سلمان: اي نعم انتي قاعده ترقعين , سوري , بس صدقيني ابيج ضروري..
آمنة: لا حول 3 ايام يخلصون..
سلمان: اوكي , ابيج ضروري..
امنة: اوكي , مع السلامه..(و اغلقت الخط).
أم آمنة: منو؟
آمنة: هذا واحد طالب نطبع اجياس محله عندنا , يتعامل معانا..
أم آمنة: يعطيج العافيه حبيبه..
(سكتت آمنة و نظرت لوالدتها فوجدتها تتابع التلفاز , فدمعت عينها لأنها كذبت على والدتها لأول مرة و صدقتها و تركت غرفة المعيشة متوجهة لغرفتها)..

​

يتبع...​

 

[هناء - Hana]

اب اب اب اب اب اب اب اب اب اب اب اب كككككككككككككككككككككككككككككككككككككككككككككككككككككملي....

 

[انوار الكوويت]

حراااااام
كسرت خاطري امنه

 

[قمر جنها]

هلاا حبيباتي
تابعتوا معاي الجزء التاسع
و شفتوا ان آمنة زعلت من سلمان مره ثانية ,, و هو يبي يحاجيها ضرووري
خلينا نشوف شنو راح يصير بينهم بالجزء العاشر​

(آمنة في غرفتها , تنظر للباقة و تبكي و تحاسب نفسها): انا ليش جذبت؟ ليش ما قلت لها الصج , شفيني لمن وصل لي الورد ينيت صرت ازيد من المراهقين , يمكن هذا اول شي افرح فيه من بعد وفاة ابوي(دق جرس جوالها , كانت رساله من سلمان).

(نص الرسالة :[آمنة ما كنت قاصد أحرجج , بس أبيج ضروري])..

(سلمان فيه غرفته يتمتم قائلا): الله يستر , شكلها تضايقت , والله حاله , يعني ارقع و ارجع اطينها , خرى علي خرى(دق جرس جواله , نظر للجوال فرآى آمنة تتصل , أجاب المكالمة): الو.. هلا مساء الخير.
(قالت آمنة و هي غاضبة جدا تبكي دون ان تصدر صوتا للبكاء): سلمان , الله يسامحك ..
سلمان: عليج الله آمنة لا تفهميني غلط.
آمنة: شنو ما تبيني افهم(و صارت تبكي)احس اني حقيرة , جذبت على امي و يا حرام صدقتني..
(سلمان يحاول امتصاص غضب آمنة بهدوء): ما قصدت والله , اهدي عشان اقدر اكمل كلامي , انا ابي اتصل عليج مده بسيطه و اعتبريها تعارف.
آمنة: بعد ,, تعارف بعد ,,
سلمان: شوفي يا بنت الناس , هو القرار اول و تالي راح يكون راجع لج , بس انا جد , و مو حجي فاضي , حجي الشباب المتعارف عليه , انا ودي اتزوج.
(فقاطعته قائلة): حتى لو من صجك , انا ما احب اتزوج بهالطريقة.
سلمان: آمنة(سكت و تنفس بعمق) والله ما كملت كلامي , بس فترة تتعرفين علي و اتعرف عليج عجبتج عجبتيني , ان شالله يمكن يصير لي نصيب معاج , انتي عاجبتني حيل واللي مونسني اكثر ان امي و ندو يموتون عليج , ولج مني وعد اذا ما توافقنا , او اذا ما نصلح لبعض , اخليج بالمعروف من غير أذية , و أحلف لج بأغلى ما عندي اني تغيرت , لا تخلين طلبي هذا يخليج تفكرين اني العب.
آمنة: سلمان , انا لما ساعدت اختك ما كنت خايفه من شي , ليش جذي؟ بعدين مو عشان اعتذارك و قبلت الورد يعني عادي اكلمك..
سلمان: انزين خلاص آمنة , ولا تزعلين , لا تبجين عشان اقدر اسكره(و تنفس بعمق) يمكن لج تصرفات , ردود افعال معينه مبدئيا خلتني اختارج..
آمنة: سلمان كلامك مو منطقي , شدراك اني مو قاعده امثل عليك بهالمده..
سلمان: لا , حاس ان عندج مصداقيه , وقفتج يم اختي و انتي ما تعرفينها , ردة فعلج لما يبت لج الورد , بجيتي عشان جذبتي على امج , آمنة عزيزتي انا وايد احترمج و اقدرج والله العظيم , والله ! آمنة لي الحين متضايقه؟
آمنة: المصيبه اني مصدقتك.
(سكت سلمان و دمعت عينه قائلا): والله و بالله ان مو حجي فاضي , قاعد احاجيج جد.
آمنة: انزين , نشوف , سلمان , ترى انا تيتمت بالثانويه , توفى ابوي الله يرحمه , كان شي قاسي علي , مابي تجربه قاسيه بعد , ترى من توفى و انا مو حاسه بالامان.
سلمان: لا تحاتين انا و ندى تيتمنا اطفال , فضمني اني ما راح اأ ذيج , جم كان عمرج لما توفى الوالد الله يرحمه؟
آمنة: 16 , و شقيت لما طاحت امي , و اخوي اللي اصغر مني ماله شغل بشي و عندي اخوان توأم صغار , شلت المسؤوليه كلها من وقتها , عشان جذي مالي خلق اذيه.
سلمان: مستحيل أأذيج آمنه , و قبل لا يطوفون ال3 شهور انا متقدم لج من غير ما تقولين اذا متناسبين.
آمنة: الله كريم , ممكن سؤال شاللي غيرك؟
سلمان: سؤال مهم , و جوابه اهم منه , كنت راح افتح لج هالموضوع توني.
آمنة: ترى خرعتني..
سلمان: لا تخافين بس لازم تعرفين من البدايه , انا بامريكا شفت وحده كويتيه قطت روحها جدام باص بتنتحر انتبه عليها راعي الباص , بس اغمى عليها من الخرعه , خذيتها المستشفى , ماني مطول عليج السالفه و هي قصيره , بس اللي فهمته منها انها حبت واحد تزوجها مو رسمي و خذاها و لما طلبت ان يصدق عقدهم ضحك و ضحك ربعه عليها و قامت تدعي عليه , بس وقتها انهرت مع اني مو لي درجة الشرف , بس تأزمت اني مسخرت وحده كانت تحبني جدام ربعي , رديت البيت اصلي و ابجي و استغفر , نفسيتي صارت كلش , قلت لها انا راح اتزوجج و اخذي العقد حق اهلج.
آمنة: اه يعني انت متزوج.
سلمان: لا , مطلق , هي قالت لي مشكور انك ساعدتني بس انا مو قادره استوعب اللي صار لي و مابي اعيش مع ريال , سوري بس مالي خلقكم.
آمنة: اوكي , معقوله؟
سلمان: والله حتى العقد هناك مو هني الزواج و الطلاق , هذا الشي ابيج تعرفينه و تقررين , عشان مابيج تدرين مع الوقت و تنجرحين.
آمنة: انجرح من شنو , اذا هو الموضوع منتهي , و بما ان العقد بره يعني امي ما راح تعرف انك مطلق و تعترض , فإذا الله كتب لنا نصيب , هذا راح يكون سر بيننا.
(فرح سلمان كثيرا من ردة فعل آمنه و أثارت اعجابه أكثروقال بينه وبين نفسه): عسل يا نااااس
سلمان: تعالي اشسالفة اجياس محلي اللي بتخلص ندو قالتلج ان عندي محل ؟
آمنه: صج !! لا ماقالتلي .
سلمان: عيل شلون عرفتي؟(مبتسما)
آمنة: نفس ما انت عرفت ان نقطة ضعفي الورد(و ضحكا سويا).
سلمان: لا صج .
آمنه: لا انا عندي مطبعه , ولزقتها فيها عساس انك زبون تطبع اجياس محلك عندي.
سلمان: إييه , هذا بزنس يعني ؟
آمنه: إي (وضحكت وقالت بدلع)سلمان لا تتطنز.
سلمان: أول شي لا تدلعين والله العظيم من صجي أسأل.
(أقامت آمنه علاقه بسلمان رأى أنها فعلا مسؤوله تماما عن أمها و اخوتها و قرر في نفسه أنه اذا حصل نصيبا بينهما سيعيشان مع والدتها, استطاع ايضا ان يعرف بأنها تتعمد أن تشغل نفسها دائما فهي ترى ان العمل يجعل الانسان قادرا على تحمل المسؤوليه كذلك وجد انها عصبيه بعض الشيئ و حساسه ايضا , اخذ يتأمل فيها وجد أنها مناسبة له ولن يجد أفضل منها)
(سلمان سارحا يفكر بآمنة و يحدث نفسه قائلا): طيوبه وحنونه ما الاقي احسن منها , تطلع عيني لي سمعت طاريها , بس شنو فكرتها عني مادري(و تنفس بعمق).

​

​

​

يتبع....​

 

[هناء - Hana]

اب اب اب اب اب اب اب اب اب
اب اب اب اب اب اب اب
اب اب اب اب اب
اب اب اب اب
اب اب اب
اب اب
اب ​

 

[انوار الكوويت]

توقعاتي راح يتزوجها

 

[هناء - Hana]

تاااااااااااااااااااخرتي وووايد قمؤؤؤر..​

 

[قمر جنها]

حبيبات قلبي
عندي ظروف صحيه تخليني أتأخر عليكم
ادعوا لي بالشفاء ارجوكم
محتاجه دعواتكم

 

[هناء - Hana]

يارب يشااااافيج ويقووومج بالسلامه يااارب..وعلى راااحتج..حتاتي.

 

[قمر جنها]



 

[انوار الكوويت]

الله يشافيج قموووووووور

 

[قمر جنها]



 

[قمر جنها]

هلا حبيباتي

ولهت عليكم و على آراءكم الحلوه

اذا الله أراد باجر انزل لكم الجزء الحادي عشر

تابعووني

 

[هناء - Hana]

على خخخير..ونااااطرييينج قلللللللللب..

 

[هناء - Hana]

اب اب اب اب اب اب اب
اب اب اب اب اب اب
اب اب اب اب اب
اب اب اب
اب اب
اب​

 

[قمر جنها]

شفتوا معاي بالجزء العاشر بأن آمنه و سلمان قاعد يتعارفون بالتلفوون
و من ناحية سلمان عاجبته آمنه
لكن آمنه...
تابعوا معاي
الجزء الحادي عشر..​

(بعد مضي شهر و 10 أيام , التقى سلمان و بدر بإحدى في إحدى الكافيهات)...
سلمان: مرحبا..
بدر: مرحبا بك..شلونك؟(و غمز بعينيه)و شلون الحب اللي متملك قلبك؟(و ابتسم).
سلمان: والله الحب اللي متملك قلبي تملك كللي(ضحك) وايد مرتاح لها , عجيبه على جميع الاصعده , شفاافه ما تشيل بقلبها شي , و ازيدك من الشعر بيت امي و ندو يموتون عليها , لي عزمت ابيها , ما اتعطل , خو ندو تعزمها بيتنا ف اوكي الوضع.
بدر: ايي , عايش بربيع (و ضحك).
سلمان: لا مو لي هالدرجه..
(بدر يضحك و يقاطعه قائلا): امبلا امبلا تتدعس و تناديها و هالحركات.
(سلمان يضحك): لا عاد مو لي هالدرجه , ابتسامات بس , عبالك ترضى هي!!
بدر: لا والله..
سلمان: يا معود ابتسم لها تنزل راسها , بعدين تبتسم , عسل , امي ميته عليها , قاعده تنقز لي عليها..
بدر: والله فله , عز الطلب,,
سلمان: اي والله , وانت شصار عليك؟؟
بدر: انا , سلمانو(ضحك).
(ابتسم سلمان قائلا): شفيك تضحك؟
(بدر يضحك): تذكر بنت خالتي قاعدة تدور لي على مره مع امي؟
سلمان: ايه.
بدر: قلت حق امي يما ابيها هي.
(دهش سلمان و ضحك بشده قائلا): والله العظيم؟؟!!!

(سلمان مستلقيا بغرفته و يتصل بآمنة)...

سلمان: الو...
آمنه: الو هلا , لحظه شوي , جسوم ليالي..
(سمع سلمان صوت الصغير يجيبها): نعم..
آمنه: جم مره اتكلم؟ جم مره اقول لكم المكان تنظفونه وراكم؟
جاسم: مو انا هذي ليالي..
آمنه: سمعوا انت وياها , نظفوا المكان و رتبوه عدل تسمعوون؟ ولا تعرفون شسوي انا(ثم تابعت المكالمه) الو , سوري..
(ضحك سلمان و قال): شسوي انا!! شتسوين يعني؟؟
آمنه: شدراني! عبالك ادري مادري..(ضحكت)
(سلمان يتابع الضحك): ايا النصابه , بس شعليج يخافون منج اهم شي , انا اخرب اليهال يكسرون خاطري..
آمنه: حتى انا يقطعون قلبي , بس شسوي لازم , عشان يسمعون الكلام لازم ينزفون عالخفيف , بعد شوي راح ايون لي يتباهون , احنا صرنا شطار عشان سووا اللي قلت لهم(ضحكت).
سلمان: صج خرااب انج تسكتين عنهم , زين وين بتروحين اليوم؟
آمنه: بروح المطبعه اطل طله ، بعدين بروح بيت خالتي ادرس بنتها عندها امتحان باجر..
سلمان: عيل معطلج انا..
آمنه: ايي تخيل..
سلمان: شرايج تاخذيني معاج ندرسها؟ ولهان عليج يا الظالمه .. ليش ما تخليني اشوفج انتي!!
(غضبت آمنه قائله): سلمان يا الكلكشي.. تبيني اشوفك بعد؟ مراهقين احنا!!

سلمان: اي والله , حمدو و زهره احنا؟؟(ضحك).

(ضحكت آمنه و قالت): يا الساحر.. الطنازه عندك بالمخباا.
سلمان: شرايج انت؟ بيتنا كله شباب , ما مهنتنا الا واحد يتطنز عالثاني..
آمنه: سلمان!! صديقي الرسام شلوونه؟ اياني و اياك تتطنز عليه..
سلمان: لا , عبادي احبه انا , كافي انه رسام مثلج , تعالي عزمتج ندى عالعشا ببيتنا ؟ مناديه رفيجاتها..
آمنه: كله يسوي روحه ما يدري ، يعني ما تدري انها محاجيتني.
(سلمان يضحك): امبلا , انزين يا النحيسه ليش ما تبين تيين .
آمنه: عشان اخو رفيجتي راح يكون هناك و يتبوسم لي , و انا استحي..
سلمان: اخو رفيجتج(صرخ قائلا)عسل يا ناس , يا بختي , يا بخت اخو رفيجتج..
آمنه: سلمان !! بس عاد يالله برووووح.

(بعد مضي الوقت , صار حب آمنه لسلمان و تعلقها بوجوده في حياتها يزداد يوما بعد يوم).

(جوال آمنه يدق)....
آمنه: الوووو ...
زهره: ها أمون شلوونج؟ شصار عليج؟؟
آمنه: كلمت سلمان , و خلص لي السالفه بسرعه(و صارت تبكي).
زهره: لحظه ,, انتي ببيتكم؟
آمنه: ايي.
زهره: بدارج قاعده؟
آمنه: ايي بداري.
زهره: الحين ايي.

(آمنه تجلس في غرفتها و تمسح دموعها , دخلت زهره الغرفه).
زهره: لما الولد خلص لج السالفه ليش تبجين؟؟؟!!

آمنه: زهوور انا خاايفه , قاعد اتعلق فيه , قاعده احتاج له اكثر , و كل مره اقول لنفسي مابي اطلب منه شي , الاقي روحي ماكو فايده , اتصل فيه اول ما اتضايق , و هو طبيعته اللي بس يبي يشيل عني.

(زهره مبتسمه): ويييه , يا بخت المره يا سلمان.
آمنه: مو هذي المشكله , قال لي اذا اتفقنا من غير ما تقولين لي راح اتقدم لج خلال 3 شهور , يا خوفي ما اعجبه , و يشوف له مره على قولتج.
زهره: و لو اموون انتي مو واقفه عليه ماشالله عليج , مزيوونه و محبووبه و خطاابج واايد..
آمنه: زهووووور , انا احبه حسي , منقلب حالي (سكتت قليلا) الله يستر.
(دق جرس جوال آمنه)...
آمنه: الوو.
سلمان: هلا يا الغاليه ,, شفيج؟

(آمنه تبكي دون اصدار صوت)...

سلمان: شفيج متضايقه آمنه , خلاص خلصت لج السالفه لا تحاتين..

(فقالت آمنه كلمه صادقه نابعه من قلبها): تدري , والله سلمان , انا من صرت معاك و انا ما احاتي شي , من مات ابووي عمري ما حسيت بالامان الا لما عرفتك ..

(شعر سلمان بالسعاده كأي يشعر باحتياج امرأه اليه , كان ذلك بمثابة حلم يتحقق , و صار يقوول في قلبه): اكيد ,,, لا يهمج شي انا اعطيج عيوووني ,,

سلمان: آمنه اكيد لا تشيلين هم , ولا تبجين , ترى حرقتيني , يالله حبيبتي عشان خاطري سكتي , انا الحين وصلت لبدوور احاجيج بعد شوي , و الا قيج سكتي.
آمنه: اووكي..
سلمان: اوكي حبيبتي.
(دخل سلمان المحل قائلا): مرحبااا , اخيرا ييت المحل !! المحل ولهاان عليك..(و ابتسم)..
بدر: لا والله (ضحك) يا الكلكشي يا النصاب عبالك انا آمنه..
سلمان: انزين جب..
بدر: والله الشغل ماشي على قدم و ساق على قولتك.
سلمان: ايي والله الحمدلله , بس لايعه جبدي يا اخي.
بدر: افاا , ليييش؟؟
سلمان: ما تدري ليش يعني؟؟
بدر: اووووه ,, شصاار عليها بنت الحلال هذي اللي مو راضيه تفج , لي الحين تدقدق؟؟


سلمان: اي والله بلشت روحي فيهاا , خلاص بجحتها ,, انا ما قصرت معاهاا , و كنت صريح من البدايه ان اذا ما تصلحين لي نهد بعض بالمعرووف..


(في صباح يوم السبت , كانت آمنة نائمه , دق جرس ليوقظها , ففتحت عينها لترى من المتصل ثم اغمضتها قائله): شنوو هالرقم(فلم تجب , عادت وغفت , دق جرس جوالها مره اخرى , كان ذات الذي طلبها للتو فأجابت): الووو ..

(كان المتصل فتااة): الوو السلااام...
آمنه: و عليكم السلاام..

الفتاة: منو معااي؟؟
(عقدت آمنه حاجبيها استغرابا و قاالت): عفواا اختي , انتي المتصله , منو تبين؟؟
(تلعثمت الفتااة و قاالت): ها , لا , انا قصدي لقيت رقمج بتلفوون اخووي , بشووف منو انتي؟؟

(سكتت آمنه لبرهه تفكر , ظهر على وجهها الاسى قائله): اممم ,, منو اخووج؟؟ شسمه؟؟
الفتاة: اسمه سلمان ,, تعرفينه؟؟

(صاار قلب آمنه يسرع بالخفقاان , و فاضت عيناها بالدموع , الا انها كتمت ما تشعر به و قاالت): اييي , الاخ سلماان...
(توترت الفتاة قائلة): اتعرفينه؟؟
( شعرت آمنه بالأسى لأنها تعلم ان هذه ليست صديقتها ندى , لأن ندى الأخت الوحيده لسلماان , فمن هذه الفتاة , فأجابتها): هو زبوون يطبع اجياس محله عندي , انا صاحبة المطبعه , اي شي تامرين فيه اختي طباعه تصوير بطاقات افرااح تفضلي عندي..

الفتااة: اييي.
آمنه: بس اختي منو حضرتج؟ انا بصراحه مستغربه لان صديقتي اخت سلماان الوحيده , انا اعرفها عدل , و اهي اللي طرشت لي سلماان يتعامل معااي..

(ارتبكت الفتاة و اغلقت الخط ، فنظرت آمنه لجوالها و انزلته بسرعه , اتصلت الفتاة مره اخرى)...
آمنه: هلا اختي..
الفتاااة: انا آسفه اني جذبت عليج , بس تكفين لا تقولين حق سلمان ولا حتى اخته , عفيه الله يخليج...

آمنه: ان شالله ,, ولا قلتي لي منو انتي؟؟



الفتااة: لا ,, انا و سلمان نحب بعض , و خفت لما لقيت رقمج بتلفونه دااق عليه واايد , ما توقعت انه شغل يشتغل معاج , لاني احبه فأغار عليه , فاهمتني انتي صح , الله يخليج لا تييبين له سيره راح يزفني..

(قالت آمنه مختنقة بدموعها , كانت الدموع تنهمر من عينيها دون ان تصدر صوتا للبكااء): لا حبيبتي لا تحاتين.

الفتاة: مشكوره حياتي , هو مواعدني بعد 3 شهور يتقدم لي , و اذا يبتي سيره يمكن يغير رايه..

آمنه: لا خلاص..

الفتاة: مشكوره حبيبتي ,, مشكوره واايد...

(اغلقت آمنه الخط و صارت تبكي بحرقه , كان قلبها يخفق لدرجة انها اصبحت تشعر بالغثيان و احمر وجهها كأنها مصاابه بحمه شدييده)....


(استلقت على سريرها نائمة على جنبها , وكان شعرها البني الفاتح الطويل منسدلا على يدها , كانت تحاول النوم ثانية لتهرب مما سمعت , الا انها لم تستطع , و ظلت تبكي بحرقه)....

يتبع...​

​

 

[قمر جنها]

بنااااااات أنا ناطره توقعاتكم و آراءكم اللي وحشتني.........

ارجو أني ألاقي تفاعل منكم بنات ........

تكفون شجعووني..........

 

[قمر جنها]

حبيباتي



ناطره ردود كم على احر من الجمر