كتالوج آيفون>>q8yat<<

[آطخمـُ عنزيـهِ]

وآضح حبيبتي

احسها عبآله لوول

يعطيج العافيه

..............................................

انزين عندي سؤال ثاني

ابي اسجل اكاونت بالايتونز

وكله الباس يطلع غلط

وجربت حروف كبتل وسمول وارقام

بس ماصار

 

[q8_84]

اي انا صار معاي مثلج والطريقه اللي ضبطت معاي ان حطيت اول حرف من اسمي كبتل وبعدين سبع ارقام وبعدين نفس الحرف سمول وضبط

 

[بنت الكويت العسل]

يـــعطيج العافيه المد اول مره اعرفه منج وانا شابكه من الايـــفون

 

[Om eLkakawiya]

لا بنات فديتكم
لا تقلبون الموضوع استفسارات
اللي عندها استفسار بقروب الايفون تحطه

احساس انثى
بشوف وادزلج خاص

 

[(كويتيه عسل)]

مشكووووره نبي معلومات اكثر لا يوقف لا يوقف لايوقف

 

[Om eLkakawiya]

العفو حبيبتي
ان شاء الله

 

[Om eLkakawiya]

الرسايل

راح اشرح الارقام اللي بالصوره :

1. اذا بندز رساله يديده..الناس اللي بندز لهم الرساله.
2. المكان اللي بنكتب فيه الرساله.
3. هذا مثل انتر يعني بننزل سطر..وبالعربي مكتوب (رجوع).
4. عشان نحط المستلم او نزيد.
5. صورة الكاميرا تطلع بس حق اللي مسوي اعدادات الـ mms..اذا بندز صوره نطق عليها.
6. ارسال..ندز الرساله.
7. لما نطق على صورة الكاميرا راح يطلع لنا خيارين وهذا الخيار يعني اصور وادزها.
8. او نختار من ألبوم الصور عندنا.
9. نكنسل المسج اللي بندزه.

10. اذا بنختار الصوره اول شي راح يحطونها لنا و نختار اذا نبيها ولا نكنسلها.

14. نطق عليها اذا بنحذف رسايل.
15. العلامه اللي تطلع عشان نطق عليها ونحذف الرساله.
16. ديليت..حذف.
17. دن..نرد الرسايل لوضعهم العادي.

18. نسيف رقم صاحب الرساله عندنا بجهات الاتصال..نختار اذا جهة اتصال يديده او نضيفه مع جهة اتصال موجوده.
19. اتصال.
20. مكان الرساله.
21. ارسال.
22. تعديل او حذف الرسايل.
23. نطق ع الرساله اللي نبي نحذفها.
24. حذف.
25. ندزها حق جهة اتصال.
26. نحذف كل الرسايل.
27. نردهم للوضع العادي.

 

[Om eLkakawiya]

اعدادات الرسايل

اعدادات
v
v
الرسائل
v
v

عرض المعاينة
اذا خلينا المربع ع اللون الازرق راح يطلع لنا محتوى الرساله من برا اول ما توصل قبل لا ندش عليها..واذا سكرناه راح يطلع اسم اللي داز الرساله بس.
تشغيل تنبيه النغمة
اللي بالصوره الاصدار قديم..بس باليديد اسمه جذي..نختار شكثر نبي تتكرر النغمه.
مراسلة MMS
اذا نبي نشغل الـ MMS او نسكره.
إظهار حقل الموضوع
اذا فتحنا هالخاصيه راح تطلع لنا لما نكتب الرساله مكان عشان نكتب عنوان مكتوب عليه (موضوع).
عدد الاحرف
يطلع يم الرساله عدد الاحرف اللي قاعدين نكتبهم..عشان نعرف اذا دزينا رساله او اكثر.

 

[Om eLkakawiya]

قص مقطع فيديو

ندش على مقطع الفيديو من ألبوم الصور..

شرح الصوره :..
تحت من اليسار...
السهم
اذا بندز الفيديو على الايميل..او MMS..او على اليوتيوب.
السهمين يسار ويمين
هذولا عشان نغير الصوره ونشوف الصور بالالبوم.
بلاي
نشغل الفيديو
السله
حذف المقطع

فوق بالصوره مقطع الفيديو كله وفي علامه بيضا هذي نحدد فيها وين بنشوف بالمقطع نجدمه او نعيده.
***

اذا بنقص المقطع..
نروح فوق عند المقطع كامل ونضغط على الشخطتين اول او اخر المقطع ونحركه..راح يصير لونهم اصفر وتطلع كلمة قص فوق ع اليمين..نحدد اللي نبيه عشان نقصه..
بعد ما نحدد..نطق على كلمة قص..يطلع لنا اختيارين :
قص المقطع الاصلي
بجذي راح ينحذف كل المقطع بس اللي قصيناه يظل.
حفظ كمقطع جديد
راح ينحفظ بالالبوم مقطع بروحه.. ويبقى المقطع الاصلي بعد.

اذا نبي نكنسل .. نطق على كلمة الغاء فوق ع اليسار.

 

[(كويتيه عسل)]

تسلم ايديج على المعلومات اليديده لا يوقف لايوقف

 

[آطخمـُ عنزيـهِ]

q8_84

فديتج والله ضبط اخيرا

مشكوره حبيبتي
..............................................

Om eLkakawiya

السموحه منج

 

[Om eLkakawiya]

كويتيه عسل
يسلمج عسوله

 

[Om eLkakawiya]

آطخمـُ عنزيـهِ
حبيبتي انتي
حياج خيتي ^_^

 

[Om eLkakawiya]

بالمكالمه

لما نبي نتصل على احد او نرد على مكالمه يايتنا..تطلع لنا ست شغلات

سماعه
سبيكر..نخلي الصوت برا.
لوحة المفاتيح
الارقام
كتم
نسكر المايك..يعني ما يقدرون يسمعونا.
جهات الاتصال
ارقامنا بجهات الاتصال
تعليق
هولد..نخلي المتصل ع الانتظار.
اضافة مكالمه
نضيف معانا بالمكالمه جهة اتصال ثانيه.

 

[(كويتيه عسل)]

ااااااااااب

 

[Om eLkakawiya]

الإشعارات

الاعدادات
v
v
الإشعارات
v
v
راح نلقى البرامج اللي تشتغل فيها الاشعارات..و فوق مثل بالصوره اذا بنسكر الاشعارات ولا نفتحها..كل برنامج وله اشعاراته.

الاشعارات عباره عن ثلاث شغلات
مثال : اشعارات برنامج الواتس أب whatsapp
أصوات
اذا وصلني مسج او دزولي شغله يطلعلي صوت..وبعض البرامج ومنهم الواتس اب نقدر نحدد نغمه.
تنبيهات
الرسايل تطلع لنا برا مع محتوى الرساله من البرنامج.
شارات
تطلع ع البرنامج دائره حمره صغيره ع اليمين داخلها رقم الرسايل اللي وصلتلي من البرنامج.

نختار اللي نبيه مفتوح مثلا مانبي صوت ولا رساله بس نبي نعرف الرقم من برا..نسكرهم كلهم الا الشارات نخليها ع الازرق.

وسلامتكم

 

[Om eLkakawiya]

تأكيد إرسال رساله

لما ندز رساله يطلع لنا فوق خط ابيض مثل اللود .. اذا كمل كله يعني وصلت الرساله وراح يطلعلج تنبيه صوتي.

اما إذا ما وصلت الرساله..تطلع يم الرساله دائره حمره فيها علامة تعجب.

اذا نبي نعيد ارسال الرساله بعد ما شفنا علامة التعجب..نطق على العلامة وراح يطلع لنا اعادة ارسال الرساله او الغاء.

^_^

 

[Om eLkakawiya]

تحديد نغمة + نغمة رسايل لجهة اتصال

اذا نبي نحدد نغمه خاصه حق جهة اتصال عندنا..نروح على

هاتف
v
جهات الاتصال او حتى بالمفضله.
v
جهة الاتصال اللي بنحدد لها النغمه..واذا من المفضله نطق ع الدائره الزرقه
v
تحرير ( فوق ع اليمين)
v
نغمه : ندش نختار اللي احنا منزلينهم او موجودين من قبل.
نغمة رسايل : تختارين نغمة رسايل ( واللي ايفونها فور تقدر تنزل نغمات رسايل مثل ما قريت )

بعدين .. نطق على كلمة ( تم ) فوق ع اليمين.

^_^

 

[كويتية طيبه حنونه]

يعطيكم العافية بنات بعد اذا في شي يفيدنا قولوا لنا عشان كلنا نستفيد

 

[Om eLkakawiya]

يعافيج حبوبه
ان شاء الله

امبيه وين الرد اللي سويته !!!
لا يكون اهو من الردود اللي انحذفت لاااا تعبت وانا ارتبه

ما عليه ارد اسويه لعيونكم ^_^