كــــارهه الحجاب ودي أقــــطــه

[zarax]

يا قلبيي الماضي هذا امسحيه بمحايه والحجاب ما له دخل احمدي ربك على نعمة الاسلام ولا تغضبي ربك وهذا اول خطوات الشيطان وبعدين ليش النظرة السودة الحمدلله انك ما كملت مع زوج غير مناسب وجبتي منه اطفال وبلشتي معه اللي فيك شوية طفش وما لقيتي اللي الحجاب عذر تعتقدي لو بتشيليه بحترموك الناس لا ما اعتقد الاكيد الناس نظرتهم للمحجبة اكييد افضل ان اقول غيري طريقة لبسك ما يمنع عالموضة وخليكي فرفوشة واجتماعية وسوي جو حولك لان اذا انتي ما شفتي الدنيا حلوة بعيونك ما احد بيخليها واذا شفتيها حلوة كل شي بيتغير نفسيتك ونظرة اهلك ووساوس الشيطان تدري احنا المتزوجات اا صكت الدنيا احيانا تقول الوحدة ابي اقص شعري واغير وما ادري ايش على بالها بتتغير من الداخل وتتفاجأ ما تغير الا الشكل وتتندم وانت كذا ما فكرتي الا بالحجاب المسكيين الله يسعدك يارب ويجيك عريس وتفرحي وبنات المسلمين.

 

[ṦάЯỢηά ĚŁђĻώạ]

والله احس انا من يوم حجبوني وانا صاايرة هيلقييييييية حددددي ​

صج فررررق لما اقط حجابي اصير حيييل مرتبة حااسة فيج​

 

[Beauty is Me]

حبيبتي ليش التشاؤم
ترا الحجاب ما يقطع نصيب ولا يجكر الوحده ولا يكبرها
ممكن تكونين بدون حجاب احلا بس هالشي ما يعني انج تقطينه
تمسكي بالحجاب
الشي الوحيد الحلو من ملجتج انج تحجبتي

لا تفكرين بالماضي
ترا الله ييب النصيب للانسان

ردي لبسي لبس متحجبات حبي حجابج ونفسج

لا تقولين حرام مطلقه بملجه

قولي حمدلله الف حمد وشكر حبيبتي
مو احسن من زواج وعيال وتغربل

الظاهر امج مأثرا عليج

الطلاق مو عيب ولا حرام
عدلي لبسج
وحجابج
صفي قلبج
خل يكون عندج يقين تام

وصدقيني اول ما تعدلين هالاشياء الله راح يرزقج النصيب الزين

انا متاكدا انه الحجاب ينن عليج
ومتاكدا انج تخافين الله
لانج ما تطلعين ولا شعرا

بس يمكن الناس اثرو عليج
وحسيتي انه حجابج وطلاقج موقف نصيبج

اللي ما يبيج لانج مطلقه خل يولي


يااااا رب نفرح فيييييج عروووووووووس

اي شي تبين دزيلي خاص
والله يمسح علا قلبج حبيبتي



ورجاااء خاص

حبي روحج
طالعي روحج بالمنظره
رفعي راسج
انتي مو اقل من احد مطلقه مجرد اسم
لا عيب ولا حراااام


لا تستحين من شي مو ذنبج

 

[PO PO22]

سارونه واللي يعافيج درينا انج ماتبينه ياخي ذنبج خليه لج استغفرالله تبين تزيدين البنت وتخلينها تقطه ع كثر النصايح اللي وصلتلج همن متكبره ع حكم الله واعرفي ترى كل كلمه تكتبينها مكتووبه الى يوم الدين وبيوم القيامه بيوم العرض ايدج اللي كتبتي فيها كره لفرض الله راح تتكلم واتقول انج قلتي هالكلام الله يهديج..

حبيبتي صاحبة الموضوع لاتدخلين سالفة الحجاب باللي فيج حاليا ثانيا انا ممكن اربط اي شي موزين بحياتي باني لابسه اللبس الفلاني ولامسويه الحركه الفلانيه هذي وسوسة الشيطان صلي لله ركعتين وادعي بكل اللي بقلبج لله سبحانه وصدقيني همج بيزول وانتي ماتدرين شنو الخيره من الموضوع ..

الله يهدينا وياج ..

 

[FeShinGoOo]

اولشي حبيبتي طلاقج الاولي ماله علاقه بعدم زواجج هذا نصيب


عندي وايد بنات يصيرونلي مطلقات وعقب طلاقهم اتزوجو يمكن 4 او 5 بنات من جماعتنا وماشاء الله ياهم نصيبهم ومستانسين ..


بس انتي اشلون تبين ربج يرزقج وانتي مو مصفيه النيه ومتظايقه من الحجاب وودج تقطينه ؟؟

جنج تتمنين على ربج بالحجاب ومطلعه الف عذر مايدشون المخ .. عشان تقطين حجابج

محد قالج لبسي جينزا ولبسي هدوم ماتلوق عالمحجبات هاذي مشكلتج مو مشكلت الحجاب

وصدقيني الله يقول وعلى نياتكم ترزقون صفي نبيتج وصلي عالنبي وتعوذي من ابليس قوي ايمانج بدال لاتضعفينه وتركظين ورا الشي الي يغضب ربج .. لان طول ما انتي تفكرين بمعضيه ربج صدقيني ماراح يوفقج ولا راح تستانسين

 

[the white heart]

حبيبتي أنا رايي تشوفين مرشدة نفسية أو طبيب نفسي تراجعينه انت محتاجة مساعدة مختص مو سوالف بنات .. ترى مرات البنات الي بالمنتدى يقطون حجي ونصايح غلط

 

[اللولو الغالي]

احسبيها معاي حبيبتي
إنتي بتفكيرج انتي طلعتي من هالتجربه بخساره نفسيه
وان هالتجربه غيرت حياتج للاسواء
غلطانه
انتي طلعتي ربحانه بشي واحد
وهو يكفي عن كل شي


الحجاب
اي هذا الشي اللي استفديه
ادري بتقولين مو مقتنعه فيه
ليش؟!
اولا اهو فرض من ناخية الدين
ثانيا من الناحيه الاجتماعيه يعطيج هيبه وحشمه

انتي لانج مو مهتمه فيه تقولين مكبرني ومجكرني
بالعكس اصلا بعض البنات خلوه موضه
واللحين الملافع ماركات وكشخه
واللبس متوفر وهم راقي

انسي سالفة انه مجكرج ومكبرج هذا الشيطان يوسوس لج
عيشي حياتج والله يوفقج ويرزقج بالاخير منه
والله كل شي يصير لنا خيره بس الانسان عجول وطماع


موفقه ان شاء الله

 

[ريمي اميري]

حبيبتي الله يرزقك ياربي قريب الي يصونك ويقدرك ..
لا تزعلين من الوالده ترى من قهرهاااا عليك . ماتدري انه هذا قسمة الله ,, بس لا تياسين
الله كاتب لك الخير اكيد دامك انسااانه صالحه وتخافين الله .

مثل راي البنات الحجاااب ماله شغل ,, كل الي تمرين فيه اختـــــــــــــــــــــــــــــــــــــــــــبار من الله بيشوفك
تصبرين وتتوكلين عليه ولا تسخطين ويزينلك بليس الخطاء صحححح .

الحين طااالعي موووضة العبي هااابين فيهااااا ..ليش ماتلبسين عبايه كاااامله تحدي حاااالك وخليها لوجه الله
عباااايه من الحلوين الي رااااقيين حيييل بس ماااتلفت النضر مع شيلتهااا بتغطي لك ملاابسك ولا بتبين منك شي

ولا تفكرين فصخ الحجاااب ابد ,, لان ابليس اذا شاف منك اجابه بيصير يزززززن عليك على اكبرررر الله يخزيه .
حبوووووبه الزواج قسمه ونصيب ونصيبك ماااا حيكووون الا لكـ ،، بس استعيني بالله وعليك بالدعااء والاعمال الخير .
وباذن الله راااح تكتبين لنا قريب بناااات افزعو لي من وين بجهزززز لزواجي .. قولي يااارب

 

[رتو الكيوت]

الله يعوضج خيير

 

[تفاصيل الغرابه]

سمعي حبيبتي الرزق بيد الله بس
وامج بدل ما تدلج ع الخير تبالج جهنم تبيج تقطي الحجاب
سمعي عيوني طز فالدنيا ومافيها اهم شي اخرتج واذا سويتي شي عشان ربج
الله يضاعفلج الرزق والاجر
حرام تقطي حجابج لهالاسباب والله حرام
طليقج كل شي مب زين فيه بس لما بتشوفي نفسج ع المنظره قولي مشكور لانك خليتني اغطي شعري
وتذكري كل شعره بجمره فديتج
ربي يهديج ويعوض عليج ويرزقج الزوج الصالح
تقبلي كلامي بصدر رحب وسمحيلي فديتج

 

[راعية الطويلة]

الله يصلح أحوالج كلها
و يجعل حياتج خالصة لوجهه الكريم

اللي تحسين فيه من ضيق و كآبة
كلها لها سبب واحد



>>ضعف الوازع الإيماني عندج<<

و شوفي ليما وين بيجرج
إنج تتنازلين عن فرض رب العالمين عليج
و هو واجب و أمر شرعه الله وحده

لا خطيبج و لا غيره


الحل :

غيري نيتج و اجعليها لله
و استحملي لله

و صبري لله

و شوفي مع كثرة الذكر و الدعاء و الإستغفار

اشلون كل الأبواب تنفتح لج

مو بس باب الزواج

و تذكير بسيط
رب العالمين أخفى خاتمتنا
و الخاتمة ما لنا منها مفر و لا بد
و لا نعلم متى و كيف هي الخاتمة

و أتمنى من كل قلبي لج حياة سعيدة طيبة مباركة

و خاتمة أسعد بكثيــــــــــــــــر من ذلك

و الوسيلة لحسن الخاتمة
هي >>تقوى الله في السر و العلانية <<


الله يوفقج يا الغالية لكل خير و طاعة

 

[بنووتة السيد]

شنوو دخل الحجااب ؟؟ بالعكس الوحدة تصير حلوة بالحجااب وحراام احد غريب يشووف شعرج لانج محااسبة يوم القياامة
قولي الحمدلله الله هداااج وغطيتي شعرج عن الاجاانب يمكن هذا الشي الزين اللي استفدتي من طليقج ,,

تبين تجمعين سيئااات وذنووب !!! طيب فصخي الحجاااب بس لاتنسين العقااب وراح يسمتونج من شعرج يوم القياامة !!!!!!

لاتخلين اي احد ياثر عليج ولاتسمعين كلام احد ,,, طنش تعش

موب انتين اول وحدة تطلق ياما بناات واايد بعمرج وقولي الف الحمدلله انه مادخل عليج ... وهذا القدر اللي الله كاتبه لج ماتقدرين تسوين او تغيرين شي ... مانقدر نوقف بوجه الله ... بعد حمدي ربج انج فتكيتين منه ولابينج وبينه عيااال

والله يعطيج ويعوضج باللي احسن منه

مساامحة حبيبتي اذا كاان ردي قااسي بس صج قهرتيني هههه

 

[~ FOOSY ~]

الحجاب ماله شغل ، الحجاب فررض علينا ولازم نلبسه

والله يهديج انشالله ويشرح صدرج ويرزقج بالزوج الصالح انشالله

 

[مولاي الفرج]

الحين نفسيتج تعبانه تقومين تفصخين الحجاب ولا تكرهينه

بالعكس الحجاب فرض عليج

اذا تحسين لبسج غلط لبسي عبايه

ياحلوها اغلبنا نلبسها

والله يرزقج بولد الحلال يارب

 

[رتبه دبلوماسيه]

الله يهديج ويرزقج

 

[PuPa^^SWeeT]

حبيبتي انتي تحجبتي


وربي اراد لج الحجاب بهالصورة


ليش اتقولين الحجاب جيكرة ومادري شنو

ترا اللي بقوله مايصير لأنه الحجاب اساسه الستر بس بقولج
بالعكس روحي السوق شوفي المتحجبات والله انهم احلى و اركز و اكثر اناقة من المو متحجبة مو كرها بالمو متحجبة


بس السفور تحتاج عالاكثر قطعتين ولا ثلاث من الهدوم و تقدر اتركبهم


بس المتحجبات يعني شوفيهم شلون يضبطون هدومهم و يسنعون نفسهم و اتلاقينها اكثر من 5 قطع لابسة


وتمشي بكل اناقة و رقي



الحجاب ستر بس ربج بعد يحب النظافة و المظهر الحلوو بعيد عن التبرج واللبس العاري كاسيات عاريات


يعني انتي مثل لبسج قبل على قولتج ساتر ركبي فوقه حجاب مافيها شي


والحجاب مع الوانه حاليا و الكشخة و طريقة الشيلة و الترتيب يطلعج باحلى صورة


هذا من جهة انه اتقولين جيكرة بالحجاب






انيي للحجاب بحد ذاته

حبيبتي هل لما تلبسين ثوب الصلاة اتقولين عن نفسج جيكرة وانتي مقابلة ربج ؟؟؟؟؟؟؟


لا طبعا انزين انتي اتلفين نفسج وانتي اتصلين


ليش نفس الفكرة الحجاب بررررة


انتي مو رخيصة ( سوري ) علشان الكل بشوفج و ياكلج بعيونه صح ولا لأ




ندري فيه متحجبات لبسهم مو زين بس همن شوفي اغلب المتحجبات اللي لبسهم مرتب و محتشم حبيبتي


حلوو ستايلهم و حلوو مقعدهم و مظهرهم


هذا ابليس يعطيج اسباب و اعذار انج تتركينه


بس ترا الحجاب فرض علينا ولازم نلبسه اذا نبي رضا ربنا علينا


تعوذي من ابليس


وسالفة لبستيه مغصووبة هذا كان عمرج 20 سنة


الحين انتي 30 سنة يعني لازم اتكونين متحجبة بهالعمر لأنج قدوة للباجي من البنات انشالله


الحين فيه شغلات حلوة بالسوق اتنظم لبسج و اتساعدج على اللبس بنطاق عمرج

 

[كويتيه فرنسيه]

شوفي انا حاسه فيج عدم الزواج ياثر على نفسية البنت ويخليها تكره كل شي

بس شنو بايدج هذا الي الله اكتبه قولي الحمدلله

وترا الدنيا هذي زايله ماراح يبقى الا العمل الصالح

انا شخصيا اشوف بنات محجبات كشخه يهبلوون واحلى من السفور بوايد

لبسي ملافع ماركات وجنزات وقمصان طويله وكشخه وصنادل ذربه واكسسوارات كشخه غيري باللوك مالج

حطي ميك اب ناعم وذرب صدقيني بتصيرين تهبلين ياكثرهم اشوفهم بالافنيو محجبات وقمه بالكشخه

وبعدين الحجاب قطيه اذا انتي عند جمعة بنات وبطلي شعرج وسوي تسريحه واستمتعي بالحياه

 

[GaLaXii]

رب ضارة نافعه الضاره الملجه واللي انتفعتي منه الحجاب والحجاب ستر لاتفكرينانه يكبرج ولاتفكرين انه غصب عليج ارضي ربج وربج يقول(ومن يعرض عن ذكري فله عيشة ضنكا)

عفوا حبوبة تصحيح للاية الكريمة:يقول الله عز وجل :
الآية الكريمة في سورة طه: ((وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى * قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا * قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى))[طه:124-126]،

صاحبة الموضوع الله يهديج استغفري ربج:yaaaaaarb:

 

[بنت عطا]

الله يهديج ليش التفكير هذا

الله يعوضج خير

 

[منار البربرية]

"رب إني لما أنزلت إلي من خير فقير "

​