كــــارهه الحجاب ودي أقــــطــه

[هاله الرحاله]

والله انتي مثلي انا بعد مــــــــــــــــــــــــــا احب الحجاب وددددي اقطة بس اهلي ما يرضون


على فكرة انا متحجبة بالغصب حجبوني وانا ما كنت مقتنعة فيه​

عاد انا قصتي قصه

بس قبل لا ارد على ردج

المشكله انج لما اتقولين لحد انج اتمرين بالهاله وانج موقادرة اتحبين شكلج بطريقه معينه مثلا وانتي متحجبه نادر ماتلاقين احد يفهج

يقولولج حرام وبتعاقبين
اتكونين انتي عارفه هالكلام عدددددددددددل بس موقاااااااادرة تتاقلمين مع شكلج ماتشوفين شكلج الا وحده ثانيه بشخصيه ثانيه موشخصيتج

الحمدلله لكلنا مصليين ومسميين بس مسالة حب شكلج بطريقه معينه غير اللي انتي فيها هذا شي جداااا صعب

انا عادي قصتي انه محد غصبني على الحجاب
بالعكس
زوجي كان شرطه انه يتزوج وحده مومتحجبه

وانا كنت مومتحجبه وتزوجته
وبعد جم سنه قلت بتحجب لانه رفيجتي تحجبت وقالتللي كبرنا وجذي وانا عاطفيه المهم تاثرت بكلامها وقررت اتحجب

وعقبها توهقت
ولا عرفت للحجاب ولا عرفت اكشخله
وشكلي بالصور مو انا
ماقمت اتصور مع عيالي
وحتى اكون بقمة الكشخه وبطلع واشوف نفسي بالمنظرة جني والله اطالع وحده ثانيه غيري
واهملت نفسي والله والله وقمت اسنحي من نفسي واتاثرت نفسيتي لاني عايشه بشخصيه غير شخصيتي

وانا اتعوذ من بليس
بس ماكو فايده
ليمه ضعفت
وفصخته
بس
الحين انا سعيده لما اطلع بروحي مع زوجي وعيالي وبرغم انه صارلي سنتين فاصخته
مااقدر اواجه اي احد من الاهل واصعب شي عندي لما انعزم على استقبال او يمعه
يعني بالحالتين الموضوع مررررر

ترضين نفسج وله ترضين الناس؟

بتقولين ترضين ربج

وبقولج الله اعلم بعباده لانه خالقهم

بس مجتمعاتنا اهيا اللي تحصرج باطار معين والمطلوب منج انج تنفذينه حتى لو يحدونج على النفاق

وايد كنت اعرفهم نفس حالتنا بس اهم مضطرين يمثلون انهم متحجبين وبينهم وبين نفسهم يفصخونه بالسفر والطلعات
يعني عايشين بشخصيتين
وهذا اللي مارضيته لنفسي

الله عنده دعوى زينه يدعيها لنا عشان الله يرفع عنا هالصراع النفسي:yaaaaaarb: :bbbiu:

 

[ام عفراء]

هذي وساوس من الشيطان

اذكر الدكتور خالد الجبير .. كان يقول حل للمدخنين .. وطبعا نقدر نطبقه على اشياء متنوعة

كل ما جت لج هالوساوس من الشيطان .. قومي توضي وصلي ركعتين لله

بعد فترة بتلاحظين هالوساوس تخف وتنقطع .. ويندحر الشيطان



والله يكتب لج اللي فيه الخير

 

[honey lust]

حبيبتي مو يمكن زواجج منه خيره؟؟

ان بسببه انتي الحين متحجبه!

شوفي الكأس المليان مو الفاضي

ترا الشي منج انتي مو من الحجاب يعني اللي مهمله نفسها مهمله سواء متحجبه ولا لأ

و اللي مهتمه بنفسها مهتمه سواء سفور ولا لأ

لبس المتحجبات الحين وايد حلو و اهم شي يكون ساتر

تبين تصيرين حلوة حق منو؟؟ او عشان شنو؟؟

عشان الناس و عشان يخطبونج لا غلطانه

نصيبج ربج كاتبه و انتي اببطن امج لا شعر ولا لبس ولا مكياج بيخليج تتزوجين

ارضي بنصيبج و خلي عندج ثقه برب العالمين و بنفسج

ليش قاطعه علاقاتج؟؟ هالشي اكيد بيأثر على نفسيتج

و بعدين ترا بعدج صغيره و بسن مناسب للزواج

تقربي من ربج صدقيني هاذي مشكلتج ما عندج ايمان بالقضاء و القدر و بالقسمه و النصيب

 

[سمراء كويتية]

سبحان الله و بحمده سبحان الله العظيم



حبيبتي انتي صار عندج ربط بين الحجاب و الطلاق


وبما انج كرهتي طليقج كرهتي الحجاب


انا كبرج وانا منفصله من 5 سنين كان في عندي دهن عووود كنت استخدمه الفتره الي متزوجه فيها
بعد طلاقي كهرته لأن يذكرني بزواجي المرير وطبعا قطيته





هذا مثال بسيط على الحاله الي انتي فيها ،،




بس انا كنت اقدر اقول لنفسي ان العطر ماله شغل و أفصل بين الأثنين بس وقتها كنت منهاره






الحجاب طاعه للرحمن ،، وطليقج مهما سوا فيج شر انتي كسبتي منه أجر انج تحجبتي




قلتي اننج ما تحبين تشوفين روحج بالمنظره و ما تهمين بنفسج


لأنج كرهتي نفسج ،، انا مريت بهالحاله ما كنت احب اشوف روحي بالمنظره و كرهت كل الناس


بس الحمدالله انا انسانه مؤمنه طلعت من الحاله بسرعه ،،


انتي اختاري تحبين نفسج تحبين شخصيتج وقتها راح تتغير حياتج للأحسن



انتي لي الحين أسرية طلاقج ،، والمفتاح عندج و الله يفرج همج

​

 

[احلاهم وكايداهم]

وش ذا البلا يارب تعوذى من ابليس يا اختى واجتهدى فى الدعاء

جعل ربى ينور لج طريقج ويهديج​

 

[أإلع ـشق دلع ـهـأإ]

شوفي حبيبتي ..

أنتي علآجج نفسي .. لآنه نفسيتج تعبآنه .. ومحتآجه للفضفه ولنصح ولحد يسمعج ..

أنتي متحطمه نفسيتج بسبة طليقج .. لآنه من طلقج تضآيقتي وكبرت ضيقتج أكثر وأكثر ..

مآلومج .. أعتبروج مطلقه وأنتي مآدخلتي عليه !!

تبين نصيحتي ..

أبدي عآلجي نفسج من الدآآآآآآآآآآآآخل ..

أول شي أبدي صلي .. قومي صلي ركعتين بآخر الليل وآدعي وأستغفري .

وأشكي لربج اللي يسمعج ..

وأقري قرآن .. " الا بذكر الله تطمئن القلوب "



وسآلفو الحجآب مآلهآ شغل انتي دخلتيهآ بالسالفه .

كل البلآ فيج أنتي !!

أنتي حييييييييييييييييييييييل كئيبه ..!! ليييش .؟

حبيبتي الدنيآ فآنيه عيشي أستآنسي !!

روحي قدعي جدآم المرآيه وشوفي شكلج وأبتسمي .. قولي مآشآء الله علي حلوه ..

قولي يارب لك الحمد خلقتني في احسن صوره .. قولي غيري مآيشوف . غيري مآعنده شعر .. غيري مآيسمع .. غيري مآيمشي ..

مسكي الكحل وخطي وحطي حمره .. دلعي نفسج .. روحي السوق اشتريلج ملآبس وكشخي روحج ..

بآجر الدوآمآت قعدي الصبح واقري اذكآر الصبآح وتوكلي ع الله وابدي اكشخي .. وكل شي تسوينه وانتي مبتسمه ..

وروحي الدوآم وانتي متفآآآآآئله .. ودشي وسلمي وانتي مبتسمه .. وسولفي معآهم ..

قولي انا بتغير .. بصير للآحسن !! قولي اقدر اصير احلى واجمل واذكى وحده !!

صآدقي البنآت اللي معآج بالدوآآم سولفي قولي نكت اضحكي !!

وصلآتج لآتخلينهآ كل مآاذن قومي توضي وصلي وانتي مستآنسه ..

وادعي ربج يعينج ع عبآدته ويفرج همج ..

وروحي عرووس .. ورقصي واستآنسي ..

لييش مكدره عمرج ليييييييييييييييييييييييش !! @@

عيشي يومج الدنيآ حلوه بطآعة ربنآ ..